Akitaraunio Ngidwe.
<< prev
next >>
Akitaraunio #4.
William Branham.Tosiomete alo akirot...
Akitaraunio Ngidwe.Nai tokona ebaala inges ebe, “Abu Inges kisileereu neniyok akimunono.” Ariamun Ekuwuam Ngoloakuangan anenikus acepaki, ka togeikis akierit Ngun ka erai acoikin epite ngolo elosito ngun. apaaran na ayiakar ayong, okoe, ngadakikae nguna edolete ngatomoniuni akisom, erai akingolikin akimor, ngayeni kerauni, abuni ayong atemar ebe anus ngun, ngadakikae ngatomon ka ngakan alokiding apaki. Ka ariamu ayong akerit, ka atamit ayong, “Akimunono, lopite ali ngakimunoniata!” ka ekenapakinit ayong Akigiret akau toma Nakitutuket ngina Mojong, nait akau toma Nakitutuket ngina Kitete; eenikina idiobore iwapei, ingolikia akimunono ngina ka Abunore Keng, akimunono nginak akecamit, akimunono ngina ka akiboikin yok kaapei. Totamunito, emam nyepedorio akitatam alotoma edio sukul, erai akimunono. Emam nyipedori iyong ayenun ngun kan asomit, kan asosou asiologi. Erai akimunono ngina ewuaitai ameun asubio ngina ka akwap, idari apukokinio ngina ngidwe ka Akuj.
Tolimokinai ayong, lokaatokang, tolimokinai ayong, nakaatokang, ngina edolio apaki ngina irikakinor akitodiun ngidwe ka Akuj alokinga ngina ka apaki na tokona? Ngina eyiakae apaki alotoma ngieemuto, arai ikes akitoodiun apaki nginak alakun akwap dadang? Eyiakae, akwap alope erai ngina erieba, idarit apukokino ngina apaki. Kaanukiro, eroko amunorot toyiauna, eroko Ekuwuam Ngoloakuangan ebukuno, eroko dadang - Akitutuket ngina Mojong dadang alokwap anen,emam pa ayiai apukokinio kori akitoodiunio. Arai ikes akidariun paka akitodol apaki na. nai tokona ngiboro dadang adaun ayaun, abunore akiriamakin ngina ka akou amoru, apukokinio ngina abunore ngidwe ka Akuj, ka Ekuwuam ngolo ka Akun abunore toma lotunga lugu, aso edolit noi, paka akitodol engolokinere alimnokin kec ikwapei ngina Kristo paka akitdol ngin ebuni Inges arucokin ka ngun ka Ekanisa keng kaapei.
----
Ani erai ikiseunitai iyong neni ka Akiyiar ngin emam Nyedaun, abuni Akuj anyara iyong ediopite dadang, ngice - ngice kori ngice. Kire jik ebuni Inges “Dadang gulu akainaki Ayong Papa epote neni Kang.” Emam ationis ali kanisa iyiai iyong, emam ibore itiyiai ngin kaapei ka ngun. nai edini emam idiobore kitiyakini iyong, nai epedori abukin iyong nguna alalan alosit kingaren kaapei ka Akuj, nai ebuni -emam nyebuni araun ice bore. Acunanakin iyes iwapei kaapei ka atukot ngina ngikanupa ka ngulu emam nyiunito. Anerai, iwuit iyong ngun aneni dadang ilosi iyong, ka eyiakatar ikes ngun tar Nakuj. Aso, iyookino ngun dadang, nai ite iyong neni ke edin kon. Kingoliya neni Yesu, erai Inges Epei ngolo ebeit akingoliya dang.----
Nai tokona, tocoik, nait Abunore ngina ke Ekapolon Yesu erai ngina eyapi anakan paka akitodol Ekuwuam aneni elwana paka kwap toma nege... erai ca akitojokio, akitokuangunio, ebatisimu ngolo a Ekuwuam Ngoloakunagan, ka nai tokona kire alotoma apaki ngina ebunit ngina ka Akou Amoru. Emaikina Ekanisa torai ngolo edolit ikwapei Kristo paka akitdol Kristo ka Ekanisa epedori akimorikin kaapei, Ekuwuam ngolopei ngol. Ka ani kerai Ekuwuam ngolo a Kristo eyiai toma Kon, ikinakini iyong iyiari akiyiar ngina Kristo, itiyiai akiyiar ngina Kristo, itiyiai ngiticisio ngulu a Kristo. “Inges ngolo keyiuni Ayong, ngiticisio ngulu etiyiai Ayong itiyiai inges dang.” Abu Yesu tolimu ngun. ingolikia? Nai tokona ikilosi iwon ayiakaunor, ikiriamu iwon alimonokin ngina ebunit ngin kire jik ikwaan ka akiyiar ngina a Kristo. nyo bo itoodiunit alimonokin ngin? Abunore ngina ke Ekapolon.Kingolik ngun alotoma nakwap nakuwarina, ka tocoik ibore ngini abu Khrushcv tolimu, ngiboro ngulu apolok lugu dadang, ka atiakatiak ngina ka akwap dadang kire jik eyiai nakan, alotoma edio saa dadang, ipedori iyong alosit adaun ikwa epowuada alotoma adio sekon. Iyookino ngun. ka ani kerai ikes ngun, ikiyeni iwon ebe erai angolikinet nen. Idiotunganan dadang ngini etami epedori akisom ngun alotoma nakaritas kori kiira anaredio, ka toyenu ebe era ngun nguna angolokin. Ejok, totamunito, abunore Kristo nguna ke Ekanisakeng eroko nguna nyitiyakina. Aso epite ngolo eyapia Abunore ngina ke Ekapolon Yesu? Ngayeni kerai ero akimor na nyegetakina nakuwarina. Ikiyia iwon toma napaki ngina ka asalunet. Kire jik iyookino.
Tocoik ekanisa ikwapei ebunio Inges, ikwapei elosio. Eya ngun kire jik toma natametait kon, iyes ngulu esomete ngakiro ngieemuto. Kingolik alotoma ekanisa ngolo Lutheran alotoma akitojokio, eponito kire jik ekitetek alotoma Katolikanut, kingolik ngun elosete. Ido nait kingolik alotoma abunore ngina Wesley eyapiunit, toma nakitokuangunio, elomito toma Ngakigiret. Kingolik kire jik alotoma kiding, Wesley. Ido nait ibore ngini etuapakini alotom arai anyamet ngina Pentekoste. Ka anyamet ngina Pentekoste kaapei ka akinyakario ngina ngainanakineta, ngainanakinet nguna ke ekuwuam. Nai tokona, kingolik alotoma nyamet ngina ebunit tokona kire jik paka neni ka Akou Amoru. Ingolik ibore ngini alosikinit ayong? Abunore ngina ke Ekapolon, abu kisileereu. Akuj ka ngisubuna dadang idarito ekanisa kitemokin ariamun akibois keng.
----
Kedau Ekanisa akikamar akibois keng, ikinyaritai iwon akitaraunio ngidwe, kan Ekuwuam Ngoloakuangan. Ka ngina eyayai nginitunganan dadang akibois keng, ibore ngini adau Akuj anyarakin inges akitiya, ka akiwua aneni ka asalunet ke erot, alosit atupar ngulu ecakara.Ekingaren, abu Paulo tolema akirianu dadang alotoma ngun, aso nai tokona, “ani erai ikinyaritai iyong, ani erai pa kitiyat iyong alotoma natametait kon kan edio kabila ngolo kasomit asiologi ani erai kidouno iyong kire Ekuwuam, nait ikiseunit iyong Akuj eroko nyitiyauna ngakwapin, abu kiwuak ekiro kon Lokitaabo Imesek ngolo ka Akiyiar, ka nai tokona ikiponit iwon iwapei akiboi alotoma nakiboisio nguna Anakuj alotoma Kristo Yesu. Ngitunga ngulu akuangak, ebukui ngolo akuangan, ngitunga ngulu egelaaka, ekiro ngolo ka apaderanut, ainanakinet amuronot ngina ekuwuam neni ka Akuj erai ikes ngun ngaraito nguna ngiyok polo erai ainakin akiturio neni ke Ekirokeng.”
Epote ngitunga toma ka temasi ebe, “ngitunga ngul erai ngulu ibangibangit.” Kire jik erai ikes; aosou ka Akuj erai abangaao a neni ngitunga, ka aosou a ngitunga erai abangaao aneni ka Akuj. Erai ikes ngulu emam nyiriamar, ipei ka nginice.
Nai ekanisa ngolo akire ngolo ileleba Ekuwuam, ngolo ileleba aapedori ka Akuj, iboi kaapei alotoma nakiboiso nguna Anakuj, inanakinete ngamuronise nguna ke ekuwuam akiturit Akuj, eyiaiEkuwuam Ngoloakuangan elosi anenikec, engice asecit ka nyarite kinga ngiboro ngulu eyiakasi nenikce ngulu aronok, akisiyookino ka akitemokn ikes ka kiriyanikin. Naarai kaanukiro? Jwijwi alotoma Nayiakau ka Akuj erai ngaokot erai Amuronot.
Nai tokona totamunito, ikitorit iwon toma ngun ataparacu na. emam pa iyiuna iyong kan Ngaokot, ikingadaritai iyong ka akiyiun kan Ngaokot. Nai ikiyiunio iyong ka ajokis, alotoma akiyiun, anupit Ngun. abu Akuj kikongikongok etau kon naarai abu Inges itoseunite iyong. Ibu iyong kireo kidiama ka tonup ngun, tocamu ngun. nai tokona apotu Ngaokot tosubut amuronot nguna ngasescisia kon. Totamunite, alimunit Ayong ebe, “emam nyetubokini Akuj ekasecan nguna esecasecia.” Erai sek inges ekasecan anakisyakinet. Etubokini Inges Ekristoit nguna ka akisec. Ka nait naarai adau inges atubokin inges, abu Kristo ya etube yok. Aso emam nabo etube anenikec ngulu eyiakas toma Kristo Yesu, ngulu emam nyelosete etupito akuwan, nai ewapito Ekuwuam. Ka ani erai kitiyai iyong idiobore ngini erono, emam nyerai a nguna ka akiredakin. Emam nyiseci iyong nguna ka akiredakin. Etunganan ngolo iredakini akisec, elosi kinga akiredakin aseicse, eroko nyebuno toma Nakuwa. Nai itunganan ngini ayiakaun toma nen, erai inges ngolo etwanit, ka akiyiar keng iwuaitai alotoma Akuj, alotoma Kristo, ipucetai kan Ekuwuam Ngoloakuangan, ka satan emam nyepedori tar ariamun inges, erai inges ngolo elwana alokau alotoma kama. Ebuni inges alomun kinga alotoma anen eroko satan nyepedor ariamun inges. “naarai itwanit iyong!”
----
Ka totamunito ebe, ikidepa iwon ngun. ngiepesoi, ekek 1, lucicik 10.
Nguna a ngapakio a nguna edolito....
Nai tokona, ikisomu iwon anapaki ngina ka adolit ngina idairitai inyona? Nguna a ngapakio a nguna edolito, apaki ngina edaunor asecit, apaki ngina edaunor atwanare, apakio nguna edaunore asecit, ngapakio nguna edaunor akilocorio dadang ( ngiboro ngulu itowolioritoi ngulu adau emit akitowolior) edauno, ngapakio nguna edaunor alope. Tocoik.Nguna a ngapakio a nguna edolito, acunakin ngiboro dadang toma Kristo, ngiboro ngulu anadis, ka ngiboro ngulu alokwap; tari toma keng:
“Acunakin ngiboro dadang toma Kristo.” ikwapei alimunitor sek ayong ataparacu na, ngiboro dadang ngulu ikiriamu iwon, ngiboro ngulu apolok lugu, ipedori iyong akisileereun ikes alotoma Akisyakinet, ipedori iyong akisileereun ikes alotoma Awosit, ipedori iyong akisileereun ngun alotoma Ngilepi, ka iyaut ngun toma, ka alotoma Apukokinio epote ikes agetakin ka Yesu. Kingolik Iyong Yosepu, kingolik iyong Aburaam, kingolik iyong Isako, kingolik iyong alotoma Yakobo, kingolik iyong Daudi, kingolikis iyes ngiboro ngul, ngikiliok ngulu ka Akuj ngul, ka kingolik ani erai pa kingolik iyong Yesu Kristo kitoodiun alotom nginitunganan kec dadang. “ido ikotere Inges epedori acunakin ngiboro dadang toma Ipei, Kristo Yesu.”
Nai tokona, iwadio cici nai tokona, tokona lucicik.
Tomakeng ikiriamu iwon akirum,...
“Okoe, akirum.” Ebeit idiotunganan itosikinia iyong idiobore, akirum inges. erai ngun nguna iyookino? Akirum! Nyo bo itiyiai akirum ka iwon? Nyo bo itiyiai akirum ka ayong? Amamukar ayong adio. Nai Akuj abu atoesikinia ayong ka akirum ngina ewuakinia Inges ekiro kang Lokitaabo Imesek ngolo ka Akiyiar eroko apetatait ngina ka akwap.Okoe, ibasi iyes ebe, “Nai tokona, kidarak adakika, lokaato ,abu Yesu kitiya ngun ngina atwania Inges nguna kon.” Mam, emam jik Inges, abu Yesu bu akigelun akirum ngin nguna kang. Tosomak ngolopei etuapakinit... elain ngolopei ngol.
Tomakeng ikiriamu iwon amisiun... ikiriamu akirum, kiseun sek ikwapei eyiakar akelosikinet a ngolo itiyiai ngiboro dadang alotoma acamitikeng:Akuj, eroko nyitiyiauna ngikawapin, ikwapei ikingolikinitor iwon ngun alotoma akimor, iyes ngitunga, epite ngolo ikingolikinia iwon Akuj erai ngolo eyiai, epite ngolo erai toma Keng arai amina. Toma Keng arai araun Akuj; amame idiobore nini abeit kijanaki Inges. toma Keng ayiai araun Papa; ayiai nen... arai Inges akwanakeng Aelope. Toma Keng ayiai araun Ekalakunan; emam idiobore ecakar. Tomakeng ayiai araun Eketangalen. Erai ngul ngipitecisio Keng. Amame idiobore anen. Aso Inges Aelope, Inges Aelope anajokis keng abu kitolomu ngiboro lugu, ido ikotere epedori Inges alotoma Etunganan lo, Kristo Yesu, acunakin ngun dadang iwapei nabo. Okoe! “nguna nyingolikina akongu, nguna nyiirarar akit...” emam aumokin erai ibore ngini ka akimunono!
Kingolik, “Adau aseun iwon toma akirum na.” ani erai kiyookino ayong anakirum nguna idiobore, ani erai kikongikongit Akuj alotoma lotaukang ka tobala ebe, “William Buranam, akanyaraunit Ayong iyong kolong sek apaki ngina alunyar, erko tari ngakwapin nyesuba, alimnokin Eemut ngolo ajokan,” ayiakar Ayong akirum, akirum ngina ka Akiyiar ngina emam Nyedaun. Nai tokona, abu Akuj kiyakiu Yesu akisileereun akirum ngin kire jik anenikang, naarai amamu idiobore ngini apedori ayong akitiya. Aneni ka akirum a ngin. Arai ngican, arai nguna amunara, amame idiobore ngini apedori Ayong akitiya. Nai a nguna ngapakio nguna ka adolit abu Akuj kiyakiu, alotoma apakio Keng Aelop ngina ajokan, Yesu Imesek, ngina amerakinoi akiaar ameun anyitiyaun ngakwapin. Ngaokot Keng aponi tobukoroi ikotere Ayong apedori alosit neni ka akirum kang. Araun nyo? Akirum ani? Ngina alokoku, araun lokoku ka Akuj.
Ka nai tokona epedorete Nugu akisibual iyes paka natwanare. Nai kiyenete mono iyes ebe ngitunga erai ngidwe ka Akuj ka erai ngakujuo nguna cici -a? ngiaai eyennunito ngun? ngiaai eyenete ebe erworo Yesu ngun? Ebaibul, ebala Yesu ebe, “Emam mono nyirworosi ngikisila kus ngun, ngunakec, ebe irai iyes 'ngakujuo'? ka ani erai kinyarito iyes ikes ngakujuo...” nguna, ebala Akuj alotoma Akisyakinet 2 ebe erai ikes ngakujuo, naarai erai ikes, eyiakatatar akipukao toma akipukao nakwap. Abu Inges inak inges akipuka ngiboro dadang. Ka abu inges tocaka akujuanut keng, abu tocaka arakau keng lokoku, abu inges tocaka akipukao keng, ka abu Satan kikam ngun. Nai, lokaato, ikidarit iwon apukokinio ngina ngidwe ka Akuj ngulu epote nabo ka kikamasi ngun nabo. Idarito akitdolikinio ngina kapaki, ngina edolito aduketait kidiama nakou, ngina itodolikinor apukokinio ngina ngidwe ka Akuj, ngina erotokinio apedori ngina ka Akuj (aleluya) ka ebuni akikamar ngina pedori Satan dadang adamun anenikeng. Ee, kire jik, eyiai nenikeng.
Erai Inges Logos ngolo abu torotok aneni ka Akuj, iyookino ngun, arai ngol Lokoku ka Akuj. Nait abu Inges tosbu itunganan akuj ngina doci. Ka tema Inges ebe, “Ani erai kenyarito ikes ngulu ebuni Akirot ka Akuj nenikec ngikaduarak, ani kenyarito ikes ikes 'ngakujuo' ngulu ebuni Akirot ka Akuj...” ka abu Akuj tolimu ngun, Aelope, ka arai ikes ngakujuo. Abu Inges tolimok Moses, 'Eketarau Ayong iyong akuj, ka etarau Aaron ekaduaran kon.“ Amen. Ui! Apaeodri Ayong akitiya ikwapei ekapolon ngolo ke edin, nai emam nyerai Ayong. Okoe, ngina epedorotor ngakonyen kon ngar ka kingolik ngiboro lugu. Iyookino ngun dadang. Abu Inges kitarau itungnana akuj, akuj alotoma nakipukao keng. Ka akipukao keng elosi ananam tari nanam, diyete anam tari diyete anam; eyiakar inges akipukai ngun.
Ka ngina abunio Yesu, ikwapei arakai Akuj Apei ngina amamu asecit, abu Inges kisyookin ngun. Ngina akutian ekuwuam, abu Inges tema ebe, “toyiakaun aiyorit!” Amen. Ka ngina alokitoi, abu Inges tema ebe, “Mam itunganan enyami aneni kon.”
“Kire kalimokini Ayong iyes iyes ngakujuo nucici, ani erai ketemasi iyes emoru lo ebe, 'Toukor,' ido nyikiilit alotoma lotau kon, nai tonupite ibore ngini ilimu iyong ebuni akitdolikin, ipedori iyong ayiakaunor ibore ngini ilimu iyong.”Tosiomete alo akirot...
Akitaraunio Ngidwe.
