Aanneming 3.

William Branham.

Lees die volledige rekening in...
Aanneming 3.

En nou is die doel van hierdie lesse om diegene te anker wat alreeds oor die Land gekom het. Die doel hiervan, bestudering van hierdie Boek van Efésiërs, is om die kerk posisioneel te plaas waar dit absoluut in Christus staan. Dit is 'n tipe van die Ou Testament en die Boek van Josua, waar Josua toegesê het. Verlede Sondag het ons dit gehad, waar Josua die land aan elke man toegeken het. En hy het dit gedoen deur inspirasie.

-----
Nou, jy mag dinge verkeerd doen, en elke keer as jy enigiets verkeerd doen gaan jy daarvoor betaal. Ja, meneer, jy sal maai wat jy saai! Maar dit het nie een ding te doen met jou verlossing nie. Wanneer jy gebore word uit die Gees van God, het jy die Ewige Lewe en kan jy nie meer sterf as wat God kan sterf nie. Jy's 'n deel van God, jy's 'n seun van God. Ek is 'n Branham gebore. Jy mag vir my 'n ander naam maak, een of ander naam, maar sal my nie een minder maak nie, ek is steeds Branham. Ek is gebore Branham, sal altyd Branham wees. Ek sal... Ek mag dalk so misvorm wees eendag, getrek met artritis, 'n ongeluk hê en heeltemal opgeskeur totdat ek soos 'n dier lyk, maar ek sal steeds Branham wees! Hoekom? Branham bloed is binne.

Dis wat jy is. En solank as wat God jou gemaak het... Onthou nou, ek praat nie met diegene buite Christus nie. Ek praat met hulle wat in Christus is. Hoe kom jy in Christus? “Deur een Gees!” Hoofletter G-e-e-... wat beteken: “Deur een Heilige Gees word ons almal gedoop tot in een Liggaam.” Hoe is ons ... Hoe kom ons in? Deur waterdoop? Hoe teenstrydig is ek met julle Baptiste en julle Kerk van Christus. Nie deur waterdoop nie, op geen manier nie! Een Korinthiërs 12, het gesê: “Deur een Gees, Heilige Gees, is ons in daardie Liggaam ingebring.” En is net so veilig as wat daardie Liggaam veilig is. God is... het dit belowe.

Hoe kon God Hom weer oordeel, toe Hy na Gólgota gegaan het? Toe Hy na Golgota opgegaan het, was Hy geslaan, gekneus, Hy kon nie genees nie, Hy kon nie eens 'n woord spreek nie, kwalik. Want waarom? Hy het die sondes van die wêreld op Hom gehad. Nie omdat Hy 'n sondaar was nie, maar “Hy is sonde gemaak” vir my en vir jou. Al die sondes van die wêreld vanaf Adam tot Sy koms, rus op Sy skouer. En God het nie Sy Seun gestraf nie. Hy het sonde gestraf. Sien hoe verskriklik dit was? Hy het 'n versoening gemaak. Hy het 'n ontsnappingsweg gemaak vir almal wat God, deur Sy voorkennis, geweet het sou kom.

Nou, dan, wanneer jy “deur een Gees word ons gedoop in daardie Liggaam, een Liggaam, wat Christus is,” en ons is veilig vir ewig. Nou, daar is waar dit blykbaar vreemd tref, veral die Armeense gelowiges, dat hulle... iets moet doen wat hulleself verdien, of een of ander verdienstelike iets. Hoe kan dit wees deur twee dinge terselfdertyd? Dis óf deur genade óf deur werke, een. Dit kan nie deur dieselfde ding wees nie, dis deur twee verskillende dinge; dit moet deur die een wees.

Ek, goeiste, ek kan net niks anders sien as die genade van God nie. Dis my samestelling. Ek het altyd in genade geglo. Ek is net genade oraloor, dis al. Dit is nie ek... selfs in my lewe, toe ek 'n seun was, kon ek niks sien nie, net genade, genade. Hulle sê: “Ek sal... Jy krap my rug en ek sal joune krap.” Wel, dis 'n aaklige uitdrukking. Maar ek gee nie om of jy myne krap of nie, as joune nodig het om gekrap te word, sal ek jou in elk geval krap. Sien, genade. Ja, meneer. Sien, genade werk deur liefde. As jy dit nodig het! Ongeag of jy nooit iets vir my gedoen het nie, ek het nie een ding met jou te doen nie, as jy dit nodig het, sal ek dit in elk geval doen. Genade! Omdat jy dit nodig het!

Ek het verlossing nodig gehad. Daar was niks wat my kon red nie. Daar was niks wat ek aan myself kon doen nie, ek kon myself nie meer as niks red nie. Maar ek het redding nodig gehad, omdat ek in 'n God geglo het. En God het Sy Seun gestuur, gemaak in die gelykenis van sondige vlees, om in my plek te ly, en ek is gered, deur genade alleen is ek gered. Nie een ding kon ek doen, of jy doen, om jouself te red nie. En hulle wat Hy vooraf geken het voor die grondlegging van die wêreld...

-----
Toe was binnekant Hom 'n eienskap van Verlosser. Hoe kon een van daardie Skepsels, wanneer daar geen sonde of geen gedagtes van sonde was nie, hoe kon een van Hulle verlore gaan? Dit kon nie wees nie. So daar moes iets gemaak word wat verlore kon gaan, sodat Hy 'n Verlosser kon wees. Binne-in Hom was 'n Geneser. Glo julle Hy's 'n Verlosser? Glo julle Hy's 'n Geneser? Maar wat as daar niks was om te red of te genees nie? Sien, daar moes iets so gemaak word. So nou, Hy het dit nooit so gemaak nie, maar Hy het die mens op 'n vrye morele agentskap geplaas: “As jy dit neem sal jy lewe, as jy dit neem sal jy sterf.” En elke mens wat in die wêreld kom, is steeds geset met dieselfde ding. God, deur Sy voorkennis, het geweet wie sou en wie nie.

-----
Daarom nou, sit God. Hy het Homself alreeds gemanifesteer, Hy's God. Hy het Homself alreeds gemanifesteer as 'n Verlosser, die mens was verlore en Hy het hulle gered. Hy het Homself alreeds gemanifesteer as 'n Geneser. Dit maak nie enige verskil wat mense sê Hy is nie; en Hy is, in elk geval, net dieselfde. Hy's 'n Geneser, Hy's 'n Verlosser, Hy's God, Hy's Ewig. En Hy het 'n doel. En Sy doel was, in die begin, om skepsels te maak wat Hom sou liefhê en Hom sou aanbid.

En Hy het skepsels gemaak, en skepsels het geval. En toe het God, deur Sy oneindigheid, afgekyk deur die stroom van die tyd en elke mens gesien wat gered sou word. Elke mens, Hy het dit geken deur voor-... deur voorkennis. Daarom as Hy, deur voorkennis, geweet het wie gered sou word en wie nie gered sou word nie, kon Hy voorbestem. So, die woord is tog nie so 'n slegte woord nie, is dit? Hy kon voorbestem, want Hy het geweet wie sou en wie sou nie. Daarom, ten einde diegene te vang wat sou, moes Hy 'n versoening vir hulle sondes maak. O, as ons kan, wil ons daarby kom, net 'n paar verse hieronder. Hy het ons voorbestem tot die Ewige Lewe, in die wete dat diegene wat alles opsy sou sit, en maak nie saak hoe onverskillig dit sou lyk teenoor die kinders van die wêreld nie, dit sou nie een ding vir hulle beteken nie, want hulle was kinders van God. En Hy het hulle geroep.

En Hy het Jesus gestuur, dat Sy Bloed 'n versoening kon wees, Bloedversoening, om 'n versoening te maak, of 'n aanvaarding, of 'n reiniging. 'n Reinigingsproses om voortdurend... Nie net een keer by een herlewing nie, maar “altyd lewe, bemiddeling doen,” sodie Christen skoon gehou word dag en nag. Daar is die Bloed van Jesus Christus wat 'n aanvaarding daar aan die kruis maak, by... in die Teenwoordigheid van God, wat ons voortdurend reinig, dag en nag, van alle sonde. En ons is veilig toegedek. Toegedek hoe? Deur die Heilige Gees, in die Liggaam van die Here Jesus, en veilig. “Hy wat My Woorde hoor en glo in Hom wat My gestuur het, het ewige Lewe en sal nooit in die oordeel kom nie, maar het oorgegaan uit die dood in die Lewe.” Geen oordeel meer nie! Die Christen gaan nooit na die oordeel nie. Christus het vir hom gegaan. My Prokureur het in my plek gestaan. Hy het my saak bepleit, dat ek onkundig was. Hy het vir die Vader gesê dat ek nie waardig was nie, dat ek onkundig was. Maar Hy het my liefgehad en Hy het my plek ingeneem, en my saak bepleit, en vandag is ek vry! Ja, meneer. En Hy het Sy Bloed gestort, om daar vir ons sondes te offer.

-----
Dan aanneming, plasing. Nou, God doen dit op die werk. En nou as ek dit by julle kan kry, dan sal ons net nou die 5de vers begin, ek wil Dit lees.
Nadat Hy ons voorbestem het tot die aanneming van kinders deur Jesus Christus vir Homself, na Sy welbehae na sy wil,
Dis God se welbehae om Sy wil te doen, aanneem, plaas. Nou wat doen Hy? Plaas Sy Kerk. Eerstens het Hy Sy kerk geroep, Metodis, Presbiteriaan, Lutheraan, Baptis, hulle geroep. Wat het Hy toe gedoen? Het die Heilige Gees uitgestuur en hulle die doop van die Heilige Gees gegee.

Ek wil hê julle Pinkstermense moet dit uit julle harte kry. Pinkster is nie 'n denominasie nie; pinkster is 'n ondervinding. Dis die Heilige Gees. Dis nie 'n organisasie nie. Jy kon nie die Heilige Gees organiseer nie. Hy sal nie daarvoor staan nie. Nou julle het 'n organisasie wat julle dit noem, maar die Heilige Gees beweeg reguit uit en laat julle sit net waar julle is, en hou net aan. Sien? Pinkster is nie 'n organisasie nie; pinkster is 'n ondervinding.

-----
Nou plasing van die seun. Eerste ding nadat die seun in was, het hy 'n seun geword, maar dan vind ons uit sy gedrag is dit wat hom geskik maak vir aanneming, of hy reg opgetree het of nie. En dis die pinkster... Nou laat ek julle net wys dat Pinkster nie 'n denominasie is nie. Hoeveel Baptiste hierbinne wat Baptis was, wat die Heilige Gees ontvang het, laat ons julle hande sien. Sien? Hoeveel Metodiste wat hierbinne is wat die Heilige Gees ontvang het, steek julle hande op. Hoeveel Nasaréners hierbinne het die Heilige Gees ontvang, steek julle hande op. Presbiteriaan, die Heilige Gees ontvang? Sien? Lutheraan? Ander denominasies, wat glad nie in die Pinkster behoort het nie, net aan een of ander denominasie behoort het, het die Heilige Gees ontvang, laat ons jou hand sien. Sien? So dan is Pinkster nie 'n denominasie nie, dis 'n ondervinding.

Nou, God het jou in die Liggaam van Christus ingeneem. Nou wat doen Hy? Nadat jy jouself bewys het, jouself geheilig het met jou goeie gedrag, gehoorsaam aan die Heilige Gees, maak nie saak wat die wêreld gesê het nie.

-----
Julle sal voortdurend daardie naam “Vader, Seun en Heilige Gees” gebruik om te doop, wanneer daar nie een greintjie Skrif daarvoor in die Bybel is nie. Ek wil hê 'n aartsbiskop of iemand anders moet my wys waar enigiemand in die Bybel ooit gedoop is in die naam van “Vader, Seun, Heilige Gees.” Ek wil hê iemand moet my enigiemand wys wat ooit gedoop is, behalwe in die Naam van Jesus. Maar Johannes was nie... gedoop, hulle was gedoop in die geloof dat Hy sou kom, maar hulle het nie geweet wie Hy was nie. Maar sodra hulle dit besef het, moes hulle kom om weer gedoop te word in die Naam van Jesus Christus. Ek wil hê iemand moet... Ek het die Gemeentes van God gevra, die ander predikers, die Baptiste, Presbiteriane, en alles. Hulle wil nie, hulle wil nie daaroor praat nie. Ek wil die Skrif sien. En dan is ek 'n “fanatikus,” huh, dan is ek “mal,” van my verstand af, ek's 'n “mal man,” net omdat ek julle die Waarheid probeer vertel? Nou, dis eerlik, broers. As 'n man uitverkoop is vir God, is jy geheel en al uitverkoop. Jy's eenkant, jy's 'n ander skepsel.

Baie word geroep, min is gekies. Ja, baie mense word geroep, jy kry 'n roeping in jou hart: “Ja, ek glo God het my lief. Ek glo Hy doen dit.” Maar, broer, dit, jy gaan net so ver verlore wees soos die res van hulle, want hulle sal daardie dag daar kom, selfs sê: “Here, ek het duiwels uitgedryf in U Naam. Ek het alles anders in U Naam gedoen. Ek het genesingsdienste gehad. Ek het die Evangelie verkondig. Ek het duiwels uitgedryf.” En Jesus sê: “Gaan weg van hier af, ek ken jou nie eens nie, huigelaar. Dis hy wat die wil van My Vader doen!” Hoekom kan mense dit nie sien nie? Nou, ek weet dit vryf. En ek bedoel nie- ek bedoel nie om seer te maak nie, ek bedoel nie dat dit so moet wees nie.

Lyk vir my asof ons by die endtyd is, en God is besig met aanneming, posisioneel te plaas in die Kerk, in die Liggaam van Christus, Syne. Nou, daar gaan nie teveel wees wat Hy daarin sit nie, ek gaan julle dit vertel om mee te begin. Julle sê: “O, wel, daar gaan so 'n groot getal wees!” Maar Hy het sesduisend jaar gehad om hulle ook uit te trek. Onthou, die opstanding kom en ons word weggeraap met hulle. Net 'n paar van hulle, sien. Jy soek jou verlossing, vinnig. Kyk jouself deur en kyk wat verkeerd gegaan het. Sien? Sien net wat die probleem is. Ek weet dis moeilik, maar, broer, dis die Waarheid. Dis God se Waarheid. Aanneming!

-----
Aanneming, posisionele plasing! Waar is hulle? Wys my waar hulle is. God roep Sy kinders opsy deur manifestasie. Hulle hoef nie een woord daaroor te sê nie, jy sien iets het gebeur. Plaas Sy seun posisioneel, kry hom in orde net presies met dieselfde dinge. Hy het net soveel gesag, sy woord is net so goed soos 'n Aartsengel s'n, beter. Die seun is aangeneem, op 'n hoë plek gesit, daar gesit, sy klere verander, sy kleure verander. Die vader het 'n seremonie gehad, gesê: “Dit is my seun, van nou af is hy goewerneur. Hy's die heerser. Hy's oor my hele erfenis. Alles wat ek het, behoort aan hom.” Dis reg.

Lees die volledige rekening in...
Aanneming 3.

Maar ek sê: So lank as die erfgenaam ‘n kind is, verskil hy niks van ‘n dienskneg nie, al is hy heer van alles;

maar hy staan onder voogde en bestuurders tot op die tyd tevore deur die vader bepaal.

So was ons ook, toe ons kinders was, in diensbaarheid onder die eerste beginsels van die wêreld.

Galasiërs 4:1-3