Aitaraunio odwe #4.

William Branham.

Naka oitabo...
Aitaraunio Odwe #4.

Kwana abala nges. “abu ngesi kitejen mama ijai oni nuka aiyeayea.” Aibwaikin mamakon Emoyo Lokalaunan, kosodi ageunaitolot ngun ido ijo asesen aipone loelosio. Apaaran na ajatar eong, oo, nepetai adakikan akaisaun bon nuka aisisia, bon asesen nuabeit aimoro; katicepak mam, abuni eong einer atutubet naka kangin, adakikan atomonakany kokiding naka irwan. Ido ajai eong akerit, ido abu eong aomite, “nukaiyeayea, eipone loerar nakaiyeayea!” ido apotu nuiwadikatai kinyakasi eong mama ejai aitutuket naka mojong, ido bobo mama ejai nakitetet; awenikin icebore nepepe, aanyun aiyeayea naka abunore ke, aiyeayea naka akoteke, aiyeayea naka oni aiboi nepepe. Kiitu, mam ngin epedorio aisisianakinio kotoma oseminari ece. Erai aiyeayea. Mam ijo ipedori ajenun ngin kanu asioman, kotoma aisisiat. Erai ngina iyeayea naponi kingaditete ageun eroko kepesikina akwap, kidarite aitodiaronaka odwe luka Edeke.

Kolimokinai eong, onaceka, kolimokinaieong, inacika, apak bo ani apotu odwe luka Edeke kitodiarotor kilema apakinakopekwana? Wori bo abu apak kojaar kotoma akiro nukolo sek, ejai kesi aitodiarkanuka alakun isuban kere? Isuban, isuban ikulepek ejaas idinyasi, kidaritoapak naka aitodiaro. Kanukinyo, eroko einakina ailucio, eroko kebukokina Emoyo Lokalaunan, eroko aitutuket kere nakamojong, kokau kangina, mam bere tikejaunaitodiaro. Ajai bere nges aidara kitoni apakina. Kwana iboro kere adaunayangaun, abunore, adolior mama ejai amoru nakokuju, mama ejai aitodiaro nakaodwe luka Edeke abunore mama ejaas ikiliok lu, kotoma aisitekoro, kitoniaijanakin kec araun naeputo kwape naka Kristo kiton aimorikikin nges kedeekanisa nepepe.

----
Karai isekunitai ijo sek mamaejai aijar, ebuni Edeke anyaraun ijo kotoma oipone ece, ediopone, koipone- koipone kalo karai loce. Kotoma abeit ebuni nges aswam. “Kere lukainakpapa epote mamaka.” Mam ace ekanisa loijai ijo toma, emamei gin iboreyeniswamai kotoma kangin. Konye emamei ibore idiopet da yeniswamaikin ijoedini, konye epedor nges noi aitikokin ijo alosit kede Edeke konye emamei iboreidiopet da yeniswamai. Atukonokin yes nepepe kede atukot naka eyuunak kedelumam iyuunito. Narai ejai ijo atiror ngin kanginibois kere nailosi ijo, idoajaatar kesi ngin kiton kotoma akuju. Aso, erai nakajok, konye imooto ijo edinkon. Kosesen mama ejai Yesu, nges ibusakinit asesen mamake.

----
Kwana, koany, kwana abunore naka Ejakait Yesu erai naeyapiei noi kiton Emoyo kotoma kane... bon aitodiar aitojokio,aitalaunio, aibatisao naka Emoyo Lokalaunan, ido kwana kiton toma apak naka abunore naka Amoru nako kuju. Eyangaikin ekanisa araun loisitekoro kwape ka Kristo kiton Kristo kede Ekanisa aimorikikin nepepe, Emoyo ngopengon. Ido arai ejai Emoyo loka Kristo tomakon, einakini ngesi ijo aijar aijar naka Kristo,aswam aijar naka Kristo, aswam aswamisio nuka Kristo. “Ngin yen keyuun eong,aswamisio nukeswamai eong iswamaete kesi da ngun.” Yesu abala ngun. Kiany? Kwana ilosi oni ajaun kede, kija oni kede aijanakin naebunit naeputosi kede aijaranaka Kristo. Nuinyoka ebuni aijanakin ngin aitodiar? Abunore naka Ejakait.

Kosesen ber ijo ngin kotoma akwap lolo, ido asesen naabu Khrushev’s kobala, nuce nu kere iboro luepolok, kede ijiisio lukapolok luka akwap nuenatarito akwap kere lueyapiei adolun, kotoma apak adio,epote ajaun kotoma atikatikat adio. Erai ngin nakabeit, ido arai ngun, kijenoni ebe eraas ngun nueyapiete. Idio tunganan kere yen ejaasi kede aijen epedori aisiom kotoma apapulai nuka aiyemuto arai apupokin kotoma oredio, kosodiajenun ebe eraasi ngun nueyapiete. Ejok, kiitutu, ebuni Kristo kanuka ekanisa keeroko ngun kedoluno. Kwana eyepiei bodo biai abunore naka Ejakait Yesu Kriato? Katicepak akaulo naka airiamun kana eroko engetakina akuare na. Kijai oni toma apak nakawasia. Nepetai erai ngin Abeit.

Koany ekanisa kwape ebunio, kwape elosio. Bon koyanga ngin koipone kon lokaijen, yes ikajenak luka akiro nukasek luisisiatoakiro nukolosek. Kosesen ber ijo lukokanisa loko Lutheran kotoma Aitojokio, kelomonete jokan noi kotoma koitulikane, kosesen ijo nges elosi. Ido kosesen ijo Wesley ebuni eyapikinit, toma aitalaunio, kitorit toma kanuiwadikatai. Asesen kotoma akidingot, Wesley. Ido ibore yenatupakin alomun toma nges atur naka pentekosit. Ido atur naka pentekosit kede ainyakakinio naka ainakineta, ainakineta nuka Emoyo. Kwana, koany atur naebunit kwana adolior toma amoru nakokuju. Kiany nuapelekinit eong? Abunore naka Ejakait, ido isuban kere kidarito ekanisa asipokinio toma aiboisitike.

----
Akaulo nayangara Ekanisa ekewai, kinyarakinitai oni toma aitaraunio odwe, kotoma Emoyo Lokalaunan. Ido neyangaria idiotungan kere ekewai, nuanyarakinit Edeke nges aswam, kosodi aibwo kiton awasia nakaeroto, alosit kanuka kalu eolioroto.

Nasodit Paul elemarit aitukiriano kere awai, aso kwana, “Arai kinyaraunitai ijo, arai mam ijo iswamaunit nu kotoma aomisio kon kotoma aomisio ace nuka acoa, karai kotoma abeit kiuritai ijo kede Emoyo, kanen Edeke do kisipokinit ijo eroko epesikina apetetait naka akwap, kibwaik ekonikiror oitabo loka imerekek, ido kwana ibuni nepepe aiboi kotoma aiboisio nuka akuj kotoma Yesu Kristo. Itunga lukalaunak, akwap nakalaunan, itunga luitegelikina, esaseredotene loka ekabakane, einakinete ainakineta nuka Emoyo mama ejai Edeke, erai na, araito nuka aituke wok ainakin aibuses mama ejai ekekiror.” Elomunete itunga kede atemar atiar, “Itungangul emunara akwes.” Abeit acoa naka Edeke erai Banganut mama ejai etunganan,ido acoa naka etunganan erai abanganut mama ejai Edeke. Eraas kesi nuekolokina, adiopet mama ejai nace.

Konye ekanisa loilelebas kede Emoyo, kilelebasi kede apedor naka Edeke, kiboyete nepepe kotoma aibisio nuka akuju, einanakinete asubanin nuka Emoyo, aiturio naka Edeke, Emoyo Lokalaunan elosikokiding kece, emisikin aronis ido konyaraunenei iboro luejaas kiding kec lueroko, aitogogong kede aitiriana. Naarai kanukinyo? Duc akonyen nuka Edeke kotoma asubanit kangin naka aokot.

Kwana kiitu, apotu oni ketoroto toma kanginatupuruc na, mam aponi kitajar ijo kanuka aokot, kidaritai ijo kitajaruna kede aokot. Konye kitajaritai ijo kanuka asianut, kotoma aiyuun, aiyuun ngin. Abu Edeke kikungukung ekonitau naarai abu nges kosek ijo sek. Abu ijo kosesen kosodi aiyuun ngin, acamun ngin. Kwana aokot einakinete alucio naka adiakanareta kon. Kiitu, abu eong kalim, “Mam Edeke etubokin ekadiakanaran kanuka adiakanar.” Naarai erai ngesi adiakanaran kageunet. Etubokini Ngesi Ekristayot kanuka adiakanar. Ido naarai etoron nges kanuka adiakar, abu Kristo koyanga aitubokiniowok. Aso emamei bobo atubokinio kama kangun kalu ejaas toma Kristo Yesu, lumamelosete kwap ejaar akuan, konye kotoma Emoyo.

Ido karai iswama ijo idiobore kere yenerono, komam ijo ipelekinit. Mam ijo idiakarit apelekin. Etunganan loepelekin adiakar, alosi kinga ido apelekin adiakar, eroko edoluno toma akuanngin ber. Konye etunganan loabu kojai nen, erai loatwana, ido aijar keingadakinitai mama ejai Edeke kotoma Kristo, kipucakinitete kede Emoyo Lokalaunan, ido mam bobo ajokit epedori adumun nges, erai nges loelwana noi kangina. Eyangaikin nges bere alomun kanen eroko ber ajokit edumuna nges. “Naarai itwanit ijo!”

----
Ido kiitutu ngun, kidau oni atubor kotoma. Ipeson, esula losodit, 10 ekokoro.
Kanuka aijokokinio nakokar naedolioto....
Kwana, apotu oni kesisiato ebe aijokokinionaka apak ejai idarit inyo? Aitodolikinio naka apak, apak naemameunor aronis,apak namameunor atwanare, apak naemameunor adeka, apak naemameunor aronis, apak na aitapanareta kere (Iboro ngun luitapanaritai, luelocok Ajokit) epote adaun,nebunio apak da alopet amameun. Koany.

Kanuka aijokokinio nakokar naedolioto, aisimorikikin iboro kere mama ejai Kristo, luejaas toma akuj, ka luejaas tomaakwapin da; kere tomake:

“Atukokin iboro kere toma Kristo.” Kwape alimunitor eong atupuruc na, iboro ngun kere luepolok nuidumunenei oni, iborolu luedisiak kopolok, ipedori ijo aiputar kesi kotoma Ageun, ipedori ijo aiputar kesi kotoma Anyoun, ido ijo aiputar kesi kotoma Ilebin, kosodi ayangaun kesikiton mama ejai Apukokinio engetakinet kere koraas Yesu. Koyanga ber ijo Yosep, koyanga ber ijo Aburaam, koyanga ber ijo Isaak, koyanga bere Yakobo,koyanga ber ijo Daudi, koyanga ber edio kere kotoma kangun luka etiai loepol, ikiliok ngun luka Edeke, kosodi aanyun arai mam ijo kianyuni Yesu kitodiara kotoma kanginidiopet kotoma kakesi. “Terere etukokin iboro kere toma ediopet, Kristo Yesu.”

Kwana, kingaren mot kwana, kwana ekokoro 11.
Kotomakeng kiseunitai sek araut ikerumak....
Oo, “Airumet.” Icetunganan ajalakina ijokede icebore, kanuka airumun ngin. Erai kereka ngin Abeit? Airumet! Nanyoen bo airumet nakijaar oni? Nanyoen bo airumet naabu eong ajar? Amameotor eong kedeadio da. Konye abu Edeke kojalakina eong kede airumet neda abu ngesi kibwaikina ekakiror toma oitabo loka aijar loka imerekek eroko apetetait naka akwap.

Oo, ibala ijo, “kwana, kopala mot, onac, abu Yesu kiswama ngun neabu nges kotwania kanukon.” Mam, mam nges abu kiswama. Abu Yesu kobu agwelun airumet ngin kanuka. Kosiomo ber ijo ekokoro loetupakinit-... ekokoro loetupakinit.
Kotomakeng kiseunitai sek araut ikerumakkwape ejaar alosikinit naka ngol loiswamai kere kwape inerunia akoteke:

Edeke, eroko epesikina akwap, kwapekidaunia oni aitoro kotoma aisisia, yes itunga, eipone loapotu oni kaanyunataEdeke lo ajai bon, eipone lo ebe kotomake ajai amina. Kotomake ajai araut Edeke; amamei da ibore yen amai Nges. Kotoma Ke ajai araut Papa; abu kojai... ajai Ngesi bon. Kotoma arai nges ekalakinan; amamei da ibore yen aoliorit kamake. Kotomake arai loitangale. Ngun kesi iponesio nukerai Ngesi. Amamei ibore yen kejai. Aso akekuan elopet, ainerun ke alopet nges abu kitolom iboro lu kere, tetere ngesi kotoma etunganan lo ediopet, Kristo Yesu, etukokin iboro kere nepepe bobo. Oo! “Mam akonye eanyunitor, mam akit epupunitor...” mam ace karaida eraasi iboro luka aiyeayea!

Koany, “Abu kiner oni sek araun ikerumak.” Arai arai eong loebusakinit airumun idiobore, arai ejai Edeke aikungukun kotoma otauka ido atemar atiar, “William Branham, anyaraunit eong ijo apak naelwana noi kau, eroko kepesikina akwap, kanuka alimonokin akiro nukajokak,” ajaatar eong kede airumet naka aijar namam edaun. Kwana, abu Edeke kiyaku Yesu kanuka aitaraun airumet ngin nakabeit mamaka, naarai amamei ibore yen apedori eong aswam- kanuka airumun ngin. Arai namam atakan, arai nakejai, konye amameete nuapedori eong aswam. Konye kotoma aitodolikinio naka apak abu Edeke kiyaku,kotoma apake elopet nakajokan, Yesu lokerai Imerekek, yen aaritai eroko kepesikina apetetait naka akwap. Aponi kobukoroi akeokot tetere eong apedori adumun airumeteka. Araut inyo? Nanyoen airumet? Araut okoku, araun okoku loka Edeke.

Ido kwana epedor na aicum ijo kiton atwanare. Konye ijenunit kereka ijo ebe ikiliok ngun luaraas odwe luka Edeke apotu koraas idekesio? Imwasai ejenete ngun? Imwasai ejenet ebe kinerit Yesukwangin? Ebaibuli, abala Yesu ebe, “Mam kereka ekisili kusi abala ebe, nges elopet, ebe iraas yes ‘idekesio’? ido arai inyarito yes kesi idekesio...” luda,abala Edeke kotoma ageun 2 ebe araas kesi idekesio, narai araas kesi, ajaaskede airumet naileleba kotoma airumet naka akwap. Abu Edeke koinak kesi airumun iboro kere. Ido abu nges elopet kotwania edekeone ke, abu nges elopet kotwania araut okoku, abu nges kotwania airumitike, kosodi Satan aikamar.

Konye, Onac,idarit oni aitodiaro naka odwe luka Edeke luda epote abunore kosodete boboaikamar ngin bobo. Aidarit aitodolikinio naka apak, nedolokinio atunuru kiton kuju, neitodiarotor odwe luileleba luka Edeke, nelomunia apedor naka Edeke kinga bobo (hallelujah ido epote kesi ayangar adiopedor kere naejaatar Satan kamake. Eebo, ipa, erai nake.

Erai nges ibore yen abu konyo kama ejai Edeke, erai ngin abeit, arai nges okoku loka Edeke. Kosodi nges aiswamaun etunganan erai ideke yenidid. Kosodi nges atemar atiar, “karai enyarito kesingun luabunenei Akirot naka Edeke mamakec, inabin, arai enyarito kesi ngun’idekesio’ luabunenei akirot naka Edeke mamakec...” kosodi Edeke atemar kwangin,nges elopet, ebe araas kesi idekesio. Abu ngesi kolimok Musa, “ketarau eong ijoedeke, ido aron enabi kon.” Amen. Koumok! Apedori aticepak eong araun loka edin, konye mam eong arai. Oo, karai epukoros akonyen kon kosodi aanyun iboro ngun. Erai najok. Abu ngesi kitarau etunganan edeke, ido Edeke kotoma airumeteke. Ido airumeteke ageunit kotoma angolol kiton angolol, kotoma ariri kiton ariri;ajaatar nges kede ayait kotoma kangin.

Ido nekebunio Yesu, araut Edeke ediopet loamamei aronis, abu nges kitogogong ngin. Neapotu ikwamin kokutunata, ebala ngesi ebe, “Kojaun, ainapakin!” Amen. Ido edolok okitoi, abu nges kotema atiar,”emamei bobo etunganan loebuni ainyam kamakon.”

“Abeit, katemar yes atiar, yes luiraasi idekesio ludidik, arai kilimokinete emoru lo, “konyou,’ ido komam ibuonokinos kotoma kotaouno kus, konye kiyuunito ebe ngun luilimunito itodolikinos, kidumunete ngun nuilipito.”

Naka oitabo... Aitaraunio Odwe #4.

Naarai mam idumunito emoyo loka ebulesene aboŋor bobo akurian, dimarai idumunito emoyo loka araun odwe. Kanuka ŋol kimonya ebe, “Abba! Papa!”

Emoyo elopet itejenikini imoyonowok ebe kirai idwe luka Edeke,

arai kirai idwe, kirai da ikerumak, ikerumak luka Edeke, luirumete nepepe ka Kristo, arai ca kiiticani nepepe kaŋes, tetere kitubusikinio da kaŋes.

Iromayon 8:15-17