Inyobo Emoyo Lokalaunan?.
<< abongor
ekaulo >>
Erai aipucet kon.
William Branham.Naka oitabo...
Inyobo Emoyo Lokalaunan?.Kwani, engisit eong eyekalu lo... kwani mam oni ilomari toma anu ariamun naeiner iboro icie tai. Akoto eong alomar toma kanu, keda akoto eong yes, keda engisit eong yes aicweyar edio edaraca lo ejai kau kus, keda aitetenaar adio adiakar kere, naarai idolokini nu keda anu ejaasi otawon keda aijar wok kere. Ibusakint oni abunore ne keda alosikinet adiopet naka adumakin iwok imoyon akapakina kanu abongun naka Ejakait, omamei bobo alosikinet ace. Kwani kwape eneritor eong keda alimun, ebe aticepak amina eong aisisianakin arai alimun ibore yen itegelikina mot ane ejai icetunganan, epone lo iyuutotor kesi. Mam eong abunit anu ipegeta, itei ijo, Abunit... Ija isio ne aitemonokin anu abongun naka Ejakait.
-----
Kotoma aibois kana, ikoto do kwani oni alomakin awok aisisia, na aomit eong ebe erai aisisianakin naetakani lolo, na... Inyobo Emoyo Lokalaunan? Inyobo ngesi? Kwana, do kereka, ibore yen ainakit eong aseuni aisisianakin na, oupanara kanu, naarai mam ijo ipedori abunore aijaun Emoyo Lokalaunan arai mam ijo ijeni Nges. Ido mam ijo ijauni Nges, arai ijeni ijo ibore yenerai Ngesi dimikito kiyu ijo ebe ijaikinitai Nges mamakon, ido erai Ngesi kanukon. Kosodi, konyet, mamijo ipedori ajenun arai idum ijo Nges, arai mam, dimikito ijeni ijo nuitolomuni Ngesi. Aso arai ijeni ijo ibore yenerai Ngesi, ido eraibo Ngesi kanuka ngai, ido inyo aswamisioit naebuni Ngesi aitolomun arai kebu, kanen do ijenuni ijo inyo idum ijo naidumunia ijo Nges. Isinapikinete do ngun.Do kereka kwana, ejai atiaketait naepol kiding anyaraikina Ekristayot ka Ekristayot lo ileleba Emoyo Lokalaunan. Do kwani ilosi oni alemun kaNuiwadikatai, asodete abiaikin cuticut toma kaNuiwadikatai. Nasodit ejai Ekristayot loelimoro araut Ekristayot, konye arai mam Ekristayot lo ilelebikitai Emoyo Lokalaunan, eroko ejai adoketa nu araun Ekristayot. Iteijo? Ibusakinit nges aiyun ngun; kiswamai kagogong anuangun, konye mam Edeke ber einakit nges Emoyo lo loka Emoyo Loalaunan. Eringa nges edolokina adoketait ngin keda Edeke, naecamunia Edeke nges.
-----
Akepio erai aitupuset naka Emoyo Lokalaunan. Ido abu Edeke oinak Aburaam awanyunet naka akepio akaulo na ngesi acamun Edeke otoma aisumunet ke abu olot akwap naitegelikina. Iwanyu ijo? Arai aitupuset. Ka idwe ke kere, ka auri ke ekauloke, ibusakinit ajaut keda awanyunet awat kec, naarai arai aitegelikinet. Arai anu atiakun kesi otoma otunga luce. Awanyunet na naka akepio. Ngun nges itosomai Edeke lolo. Erai awanyunet nakepio naka etau, Emoyo Lokalaunan nges einakit Ekanisa loka Edeke eari Ekanisa loetiakuna ane ejaasi aisianakineta nuce kere, aiyuuneta ka iriongeta. Ejaasi toma oriongeta luegelegela, konye eraasi itunga luetiakuna.-----
Itegelikin ijo noi naebunio Emoyo Lokalaunan neijai ijo, kitoni aijen nakwap kana aila ijo, ido koreitos ijo, ido komam cut ekotosi aswam idiobore ka ijo, cut. Irai ijo euriat lo acekwap. Irai ijo kwape emoit, ido ibuni ijo araut emoit irwan atomon adepar emoit lo iraun ijo, arai kilot ijo aiboisio nuelwaka nuka amagoron nuka Africa. Itegelikin ijo naebunio Emoyo Lokalaunan, ido erai awanyunet. Erai emacar ane ejaasi itunga. Kwana, ibala ijo, “ebe, Onac Branham, ebe awanyunet na akepio oponi oinakinai Aburaam?” erai abeit. “Keda ikedwe?” eebo.-----
Kwana, Ipeson 4:30 esioma kwanata:
Ido sirikitadikis Emoyo Lokalaunan loka Edeke, lokolo kipucakini yes aipucet kitoni aparan naka alakuniokus.
Alosi eong aiketakin mot anuka kanu, kaiperikin. Kwana, yes inacan iricakisila ililingikisi ber mot. Iwanyutu? Opotu omisikisi awojau na aipucet kangin? Mere toni aisikwaruno naetupakini, kitoni acepak naemunaror ice bore. “Toni apak nakalakunio kon,” ngin nges awojau naka aipucet kon. “Toni apak nakalakunio kon,” Naelakunere ijo kuju ajaut nepepe ka Edeke. Ngin nges awojau naipucakini ijo Emoyo Lokalaunan. Mere aisikwaruno kitoni aisikwaruno! Konye anyoun Ikaru kere toni Ikaru kere, ipucakit ijo Emoyo Lokalaunan.Ngun nges erai Emoyo Lokalaunan, erai Ngol aipucet naka Edeke, ebe adumu nges ijo...idum ijo asianut akonyeneKe, do emina Ngesi ijo, ido iyuunit Ngesi ijo, ebikaki akeipucet kujukon. Inyobo aipucet? Idiotunganan... Anukinyo, aipucet itodiari ijo kwape “aswam na edauna.” Amen. Etajar ijo Edeke, elonga ijo, etalau ijo, asianiki ijo kosodi aipucakin ijo. Adau ngesi. Iraun ijo iKebore kiton apak nalakuniokon. Yenipucakinitai erai ibore yenedauna.
Inyobo Emoyo lokalaunan? Erai awanyunet. Ilosi atiror ngun ekaulo, kotoma Aisiiraret ace, awanyunet nabu Paul kinerite. Angajepa arai awanyunet nejaas luiyunito ka lumam iyunito da.Kwana koany, konye, kotoma anu, erai Emoyo Lokalaunan awanyunet. Abala eong... ebe Emoyo Lokalaunan erai aipucet. Erai awanyunet nabu Edeke koinak ikedwe luseuna. Ainger Nges, eraun alemario kotoma otunga ngul; aijaun nges, eraun alemar kakwap keda iboro kere luka akwap, ka araun ibore yen adau Edeke abikakin aipucet naitigogong.
Eswamaenenei sek eong aluere keda Harry Waterberry, atapit isio alosenen ajesa ainap iboro amotokan. Onaceka, Doc, ngol ebwoi kokau, engarenikin ainap iboro amotokan. Naenapere iboro amotoka, ajai bobo kes airereor amotoka ngin, awanyanaran, do edumun idiobore yen ejarakina, nepedoria aibiror ido abwang, arai idiobore amunar; mam ecamuni aipucakin amotoka ngin kitoni ne inapakinere iboro ngun ejok amotoka, kitoni ne inapakinere nginibore toma aboisitike, komam bobo aijangijanga na emotoka epedori amunamun iboro korot.Ngin nges ationis einakit oni mam idumuni aipucakinio noi; ijalijalar oni iboro. Nairimoria Ekemanimanan, awanyanar akonijar, anu awanyun ebe mam iboro ijalijalare, aijalijalar ailip, aijalijalar anyunyura, ajaijalijalar angajep, aisiom Luce, mam cut ipucakini amotoka. Anaikineta nuarokok, aswam iboro taitai, aidac einer, mam cut ipucakini amotoka ngin.
Konye edumu nges nginibore kotoma aiboisitike, Ekemanimanan, ipucakini do Ngol ngin. Otamak idiotunganan apukor aipucet ngin eroko amotoka ngin edolo kiton nepucakitai nges adolore! Nes nen. “Sirikitiro inyonyoikina Kang; siriswamak Ikanabin adiotionis. Atemari ijo atiar, adolit do awenikin akukuse omorosingikon, do aitulumor ijo kwap nakangolol, itia aituguikin arai aijangakin idiope kalu okwap kaluipucakinitai.” Owany akepolou?Ngun nges erai Emoyo Lokalaunan. Erai aitigogonget kon. Erai ayuara kon. Erai ajenan kon. Erai aipucet kon. Erai awanyunet kon, ebe, “aloton Akuj. Mam ipodo nuebala satana! Arai eong aloton kuju. Anuinyo? Abu Ngol epucak eong. Abu inak eong Ngol. Abu epucak eong toma Akabakanut ke. Arai eong loalosi-Aibuses! Inyekik ikwamin okutata, inyekik satana da iswama nuekot. Adau Edeke aipucakin eong kitoni aparan nakalakuniokang.” Amen! Ngun nges erai Emoyo Lokalaunan. Oh ibusakinit ijo aipudakin Ngesi. Mam eong apedori alosit komamei Ngesi. Iyatakina ti nuipedori alimun anen, konye acamuut eong ebe imisikitos yesi nuenera eong.
Kwana, bobo, apukosi ber oni Yokana 14, otoma odakiika ediope. Amina eong Akirot! Erai ngesi Abeit. Kwana, Emoyo lo Edeke, Emoyo Lokalaunan, Inyobo Emoyo Lokalaunan? Erai Emoyo loka Kristo kotomakon. Kwana, eringa oni esiomuna, akoto ber eong alimun akiro adis ane. Inyobo Emoyo Lokalaunan? Erai Aipucet. Inyobo Emoyo Lokalaunan? Erai Aitutuket. Inyobo Emoyo Lokalaunan? Erai Awanyunet. Inyobo Emoyo Lokalaunan? Erai...Emoyo lo Yesu Kristo kotomakon. Iwanyu ijo? “Apak naedit,”abala Yesu, “mam bobo akwapin kaanyunete eong; konye yes iwanyunete eong, narai ajaun nepepe ka yes, toma kus da, paka awasia naka Akwap.”
The SEmoyo loka Edeke kotoma OkanisaKe! Anubo inyo? Anubo inyo iswamator Ngesi ngun? Erasi nu adis kotoma aisisia kana moi kware. Konye anubo inyo iswamator Ngesi ngun? Inyobo eswama nges, inyobo eswama Emoyo Lokalaunan...inyobo, inyobo abunitor Ngesi? Kanubo inyo ebunitor Ngesi neijai ijo, kanubinyo ebunitor Ngesi neajai eong? Erai anu ainyikokin aswamisio nuka Edeke.
“Eswamai duc eong ngun nuisialamikinete Papa. Mam eong abunit aswam akoteKa, konye naka PapaKa loejukuni eong. Do kwani Papa lo ejukuni Eong ejai Kaeong; kwape kejukunia eong Papaka, Eong da ejukari yesi.” Oh, ikang!
Abu Papa kijuk nges, olosi kotomaKe. Papa loabu ijuk Yesu abukobu otomaKe, iswamai kotomaKe. Yesu loijukari yesi, iuparos keda yes kotomakus. Ido arai erai Emoyo ngon, ajari otoma Yesu Kristo, abu oinak ngesi aswam iboro kwa obu iswama, imisikini do ijo eipone loebunio Ngesi aswam nejaar tomakon, naarai mam aijar ngin ijula. Elosi Ngesi akuan adiope kitoni akuan adiopet, konye mam ijulakini eKepone, naarai erai Ngesi Edeke.-----
Ilosi do kwana aijulakin anuedakika. Dokwana ikoto do ber aingit... Isumunitai oni apakio nuawasia! Ekapuron lo, aipucet, aisumunet, nginibore kere yen kiner oni kanuke lolo isumunitai, adepar irwan ilukumin itomon, aponi Ngol kitaraunai aisumunet neijai oni kaparasia nuawasia. Amameatar kesi kaNgol kapaaran kangin. Ajatar kesi kaipucet akuan bon, kwape ejenunet ka awanyunet, kiyunitos ebe ebuni, olosenenete otoribe loka ekisil. Loaponi kokepere kesi kotoma akuan. Lolo mam bobo ilosi otoribe loka ekisil. Ilosi kotoma apedor naka ajarun. Ilosi keda apedor naka Emoyo, loerai aipucet wok nakabeit, Ekapuron wok lokabeit, Ekayuunan lokabeit, awanyunet wok nakabeit naurunere oni koKuju; itegelikina, itunga luitegelikina, iswamaete iboro kopone loekwenare, oyangaritos Edeke kotoma AkirotoKe, onyaritos nginibore kere mam edolit. Akirot naka Edeke edolit. Ngun... Oh, ika! Ngun nges erai Emoyo Lokalaunan.-----
Kwana, ilosi awanyun, kedaun aileleb ngul, ipucakinitai bo kesi aojau naetia ai? Idi luejaasi ne idumutos Emoyo Lokalaunan? Awanyutu akus akanin. Ipu luejaasi keda Emoyo Lokalaunan adepar luemameatar. Ikoto isio ijo araun idiope kasio, onac, inac. Naimisikinia ijo inyobo Ngesi, erai...Erai Emoyo loka Edeke iboei kotoma kon, isomai aswamisinei nuka Edeke. Naijukakina Edeke Ekemoyo nejai idiobulesitiKe, iKenaabin, iKekesisianakinak, iKeyakia, mam duc acamunitai kakwap. Eteo kesi bala emunara akwes, adiotur kere nakejai. Araida nabwoya Paulo kama Agirippa, abu kotema, “Ne ebakare ebe aitolutoluna...” Inyobo aitolutoluna? “Asubit bala ebang”. “Epone loenyaritere abangaanut, itunga luemunara akwes, ngol nges eipone loejanakina eong Edeke kaluapapakosi.” Epol eong alakara ebe apedori eong alimun arai eong idiope akesi. Eebo, ipa. Erai abeit, epol eong alakara apedori alimun arai eong idiope akesi.Kwana, kedau Emoyo Lokalaunan lo adoikin kes, abu Ngol koinak kesi araut luaminanara kitoni acamun aimor kere. Ngin erai abeit? Ikatuan, ikatuan, aimor bongin! Iwoenenei ekosio ngon aceparan, “Oh, edicane loetianen! Oh, aiyalama naka Edeke!” Nges ngin. Mam apodosi, mam apodosi arai ecauni akolong arai mam. Mam engisitos aijar naepatana.
“Kwana, ejauni eong Emoyo Lokalaunan,” ebalas eong icetunga, “Ejkt. Branham, arai kitigogong ijo ebe araun eong abaran, arai kitigogong ijo ebe adumuni eong atanin nuakinyet, keda arai ebe adumuni eong nebokere esaabu, keda eong...” Teijo, nuisisianakinete itunga ngun, kwabo isisianakinete aisab. Mam Edeke isumunitor iboro ngun.Ediotunganan loedumutor Emoyo Lokalaunan mam epodo arai ilipilipitoi ngesi emugati, arai mam. Mam eyangauni adiotiaketait ane ejai ngesi. Erai ngesi isubat yenaloton-Kuju. Mam epodo... emamete ngesi keda arucokina ne, cut. Ngin nges abeit. Mam nges epodo. Owosik koputu, owosik koloto, nuekotosi. Owosik kes oinyanakisi, okwenatar. Kopal akoningosibib, inyobo ipodo ijo? Ijai ijo orotokon alosit Abuses! Hallelujah! Akonakonye ejaasi ne ejai Kristo, keda ija ijo orotokon. Mam ijo ipodo nuebalasi akwapin.
Ngun Nges erai Emoyo Lokalaunan. Erai Ngesi Apedor, erai Ngesi aipucet, erai Ngesi Ekayuunan, erai Ngesi Ekapuron, erai Ngesi awanyunet. Oh, ikatuan! Erai aitigogonget ebe acamu ijo Edeke.Adau eong apak naetiai? Esalitos eong idakikan ikanyikauni. Mam ace. Ocamak eong...eriko eong Ikokoron ipu kane. Mam eong aomit bala apedori eong ayaun kes toma, konye mam ace kitami-kitami nukipedori kere. Kwana, akaulo nailelebikinor etunganan Emoyo Lokalaunan, epedori kereka areo ka iceboro ainakin nges abongun ka... Kwana, mam nges etwaniari, eringo erai okoku loka Edeke, esali erai, naarai ipucakinitai ijo kitoni wori? [Kobongokini ebina lokitunga, “Kitoni apak nakalakunio.”-Ekewa.] Abeit ngin. Nges ebala Ebaibuli.
Naka oitabo... Inyobo Emoyo Lokalaunan?.
Edukone ka Elakit.
