Pinasundayag nga mga anak sa Dios.
<< kaniadto
sunod >>
Pagkasinagup #2.
William Branham.Basaha ang tibuok nga asoy sa...
Pinasundayag nga mga anak sa Dios.Nagtoo ba kita? Wala ako masayud kung unsay akong mabuhat kong dili pa ako Cristohanon. Tingalig dili ako makapabilin ug dugay. Wala nay laing pang tumong sa pagpakabuhi, kondili ang pagluwas sa uban, mao kana ang labing maayo kong nahibaloan. Karon, niining gabhiona atong sugdan ang usa ka gamayng paghulagway sa nangagi tang pagtulon-an. Ug tungod niini, tinguhaon ko ang pagbasa, kong mahimo ko niining gabhiona, ang tibuok nga capitulo. Busa sa Dominggo sa buntag ug sa gabii tingalig mapilit ako, kong ikaayo lang kana, ang pagkabot niining maong han-ay nga akong gitinguha nga makita sa iglesia. Oh, kahimayaan kini nga makita ang inyong dapit! Ug walay makahimo sa bisan unsang butang hangtud nga hisayran mo sa hingpit unsay imong ginabuhat.
Unsa kaha kong mahimo kang... anaay operasyon, ug adunay usa ka batan-ong doctor nga bag-o pa lang makatapus sa tulonghaan nga iyang... wala pa sukad makaopera. Apan, batan-on siya ug ambongan, ug ang iyang buhok hapsay ang pagkasudlay, ug maayo kaayo ang iyang bisti, mahinlo, ug uban pang butang. Ug moingon siya, “Gibaid ko na ang mga kutsilyo, ug gipabukalan ko na ang tanang kagamitan ug mga butang.” Apan imong bation ang kahimoot bahin niana. Palabihon ko pa ang usa ka karaang doctor nga nakasinati na sa makadaghang operasyon kaniadto, sa dili pa ako operahan. Maoy a-akong gusto nga masinati si bisan kinsa nga dili lamang kay mao pay pagpakatapus sa tulonghaan, kondili siya na may kasinatian na. Ug ang Bugtong may kasinatian nga akong hingsayran, nga akong sangpiton ning gabhiona, mao ang Espiritu Santo. Siya mao ang bantugang Mananambal nga Dios ug ang bantugang Magtutudlo.
-----
Karon, niining gabhiona, ang atong Kasulatan maoy nagbahin sa Basahon sa mga taga Efeso, nga mao ang Basahon ni Josue sa Bag-ong Tugon. Kini maoy nagbahin ug nagpahimutang sa kahapsay sa “mga mananaug.” Karon, usa ra kini ka paghulagway sulod sa hamubong mga gutlo, aron pagkuha ug luna sa dili pa kita mobasa, magsugod sa bersiculo 3. Karon, atong nakita sa miaging Dominggo nga ang... Ang Dios sa Daang Tugon nagsaad sa Israel ug usa ka yuta nga kapahulayan, tungod kay sila nahimong nagdumuloong ug nanaglatagaw. Ug didto sila sa yuta nga dili ila, ug ang Dios nagsaad pinaagi kang Abraham nga siya magdumuloong, ang iyang kaliwat magdumuloong sulod sa kap-atan ka gatus ka tuig sa usa ka langyawng katawhan, ug pagaulipnon, apan pinaagi sa kamot nga kusgan Iyang pagadalhon sila ngadto sa usa ka maayong yuta nga nagapaagay sa gatas ug dugos.Ug, karon, sa nagkahiduol na ang panahon sa saad, ang Dios mipatindog ug usa ka tawo nga maoy modal a kanila ngadto sa yuta. Pila man ang ania dinhi sa klase niining gabhiona nga may usang... ang nahibalo kung kinsa kadto siya? Si Moises. Matikdi, nga usa ka hingpit, hingpit nga panganinaw sa Usa nga gihatag kanato aron pagdala kanato ngadto sa Yuta sa saad, nga mao si Crisro. Karon atong nabatonan ang saad, tungod kay ang atong saad mao ang Espirituhanong Kapahulayan, diin ang ila mao ang kapahulayan sa lawas. Ug busa sila nagpadulong na ngadto sa yuta nga sila makaingon, “Kini mao ang atong yuta, dili na kita mga langyaw napahimutang na kita, kini mao ang atong yuta, ug dinhi anaay atong kapahulayan. Mananum ta sa atong mais, sa atong mga paras, ug managpangaon ta gikan sa atong kaparasan. Ug unya kung mangawala na kita, atong ibilin kini sa atong mga anak.”
-----
Nan inyo bang hingmatikdan si Moises, kadtong nabantug nga nakahimog milagro nga midala sa Israel ngadto sa yuta, ug midala kanila ngadto sa yuta sa saad, apan wala makahatag sa ilang panulondon ngadto kanila? Wala niya ikahatag kanila ang ilang panulondon; kutob lamang sa yuta ang iyang pagpangulo kanila, apan si Josue maoy nagbahinbahin sa yuta ngadto sa mga katawhan. Husto ba kana? Ug si Cristo nagkuha sa iglesia hangtud sa dapit diin didto ang panulondon nga gibuhat alang kanila, gihatag kanila, diha sa tabok sa Jordan, apan ang Espiritu Santo maoy Bugtong ni Kinsa nagpahimutang sa iglesia sa kahusay. Ang Josue karon nagpahimutang sa iglesia sa kahusay niini, nga nagpangapod-apod sa matag usa, mga hiyas, mga dapit, kahimtang. Ug Siya mao ang Tingog sa Dios nga nagasulti pinaagi sa kinasuloran nga pagkatawo nga si Cristo nagaluwas, ang Espiritu Santo. Karon nakakuha ba kamog daghan niini? Karon anaa na kita sa Basahon sa mga taga Efeso. Karon, sa maong paagi, sa kahimtang Iyang gipahiluna ang iglesia sa ilang nahimutangan. Karon, si Josue nagpahimutang kanila sa natural nga yuta. Karon ang Espiritu Santo nagpahimutang sa iglesia, sa kahimtang, diha sa yuta, nga sila, sumala sa kahimtang diin anaa sila, sa ilang panulondon.Karon, ang unang butang nga iyang gisugdan dinhi, iyang gipahinungod ang iyang sulat, kang “Pablo.” Nga niini, atong susihon tapus sa pipila ka higayon nga tanan kining tinago gikapadayag ngadto kaniya, dili diha sa usa ka seminaryo, dili pinaagi kang bisan kinsa nga batid sa teyolohiya, kondili kadto maoy usa ka Langitnong pinadayag sa Espiritu Santo nga gitugyan sa Dios kang Pablo. Sa hingsayran nga ang tinago sa Dios, miingon siya, nga kanhi gi liIong sukad sa pagkatukod sa kalibutan, gikapadayag na diha kaniya pinaagi sa Espiritu Santo. Ug ang Espiritu Santo nga diha sa mga katawhan nagpahimutang sa matag usa diha sa kahapsay, nga nagpahimutang sa iglesia sa maong pagkabutang.
-----
Apan ang tawo nga anaa sa gawas sa Canaan walay hingsayran bahin niini, naglatagaw ra siya sa gihapon. Dili ingnon nga dili siya maayong tawo, wala ako magsulti niana. Wala ako mag-ingon nga ang tawo nga anaa sa Egipto dili maayong tawo, apan siya, hangtud nga dili niya makab-ot kining maong kabtangan, ug ang kabtangan nga... Ang saad, nga kanhi gihatag sa iglesia dili usa ka natural nga yuta, kondili usa ka yutang espirituhanon, tungod kay kita usa ka harianong sacerdote, usa ka nasud nga balaan. Ug dinhi niining harianong sacerdote, nasud nga balaan, piniling katawhan, tinawag, pinili, pinili, ginahin, sa ingon ang tanang kalibutan patay diha sa gawas. Ug gimanduan kita sa Espiritu. Mga anak nga lalake ug mga anak nga babaye sa Dios sila gimanduan sa Espiritu sa Dios; dili sa tawo, kondili sa Espiritu.-----
Dinuyogan sa mahinamon nga pagpaabot, ang tibuok nga kabuhatan nagapaabot sa pagkapinadayag. Tan-awa, sa pagkapinadayag! Unsa man ang pagkapinadayag? Gikapahibalo! Ang tibuok kalibutan. Ang mga Mohamedan sa halayong dapit, naghulat sila niini. Tanan bisan diin, sa tanang dapit, naghulat sila niini. “Hain man kining mga tawhana?” Ato nang nasinati ang... Ato nang nasinati ang usa ka huros sa makusog nga hangin, ate nang nasinati ang mga dalogdog ug kilat, ate nang nasinati ang lana ug dugo, ate nang nasinati ang tanang matang sa mga butang; apan napakyas ta sa pagpakadungog nianang mahinay nga gamayng Tingog nga maoy nakapadani sa profeta, nga nagtabon sa kupo sa tibuok niyang lawas ug migula, nga nagkanayon, “Ania ako, Ginoo.” Nakita mo?-----
Kung anaa na kita kang Cristo, atong maangkon ang espirituhanong mga panalangin. Gawas kang Cristo, atong mga kaikag ang maangkon ta. Diha kang Cristo maangkon ta ang matuod nga panalangin. Dili mga pagpakaaron ingnong mitoo, dili mga linimbong, dili mga sinul-ob. Apan samtang naninguha ka pagsulti nga anaa ka sa yuta sa saad, apan wala diay, hikaplagan ka sa imong kasal-anan. Ug, ang unang butang nga imong hisayran, imong hikaplagan ang imong kaugalingon nga naglingolingo u-ug ang tanan, ingon sa atong pagtawag niini dinhi sa kalibutan, nga nagkisdum. Imong hisayran nga wala mo maangkon ang unsay imong ginaingon. Apan kung anaa ka kang Cristo Jesus, Siya nag-saad kanimo ug Langitnong kalinaw, Langitnong mga panalangin, Langitnong Espiritu, ang tanang butang imo. Anaa ka na sa yuta sa saad ug anaa sa kahupnganan sa pagpanag-iya sa tanang butang. Amen. Unsang katahum! Oh, magtuon kita. Sumala sa iyang pagpili kanato... Karon, dinhi niini ang iglesia mapandol pag-ayo. Sumala sa iyang pagpili kanato diha kaniya... Kang Kinsa? kangCristo!-----
Karon, sa miaging gabii, o sa miaging buntag, sa ika-pito ang takna, sa dihang ang Espiritu Santo, pinaagi sa Iyang kaayo ug grasya, nga mikuha kanako gikan niining lawasa, nagtoo ako, nagtoo ako. Oo, o dili, wala ako mag-ingon, ug misulod niadtong maong yuta ug akong nakita kadtong mga katawhan, ug silang tanan mga batan-on na. Ug akong nakita ang labing maanyag nga mga katawhan nga sukad wala ko makita sa akong kinabuhi. Ug Siya miingon kanako, “Ang uban kanila kasiyaman na ang panuigon. Sila mao ang imong mga kinabig. Mao diayng misinggit sila nga, 'Akong igsoon! Akong igsoon!'” [Tan-awa: Kamatayon. Nan unsa man?]-----
Giunsa man nato pagpakadangat niini? Giunsa mo man ang pagkasayud niini? Ang Dios sa wala pa matukod ang kalibutan, nagpili kanato! Kinsa? Kanila nga anaa sa Yuta sa saad. ...kita iyang gipili nga daan aron mahimong mga anak pinaagi kang Jesu- Cristo... sumala sa tuyo sa iyang kabubot-on, Aron pagadaygon ang iyang mahimayaong... (Aron magdayeg kita Kaniya sumala sa Iyang giingon. Nga mao kana Siya kaniadto, Dios, buot nato Siyang daygon)... pagadaygon ang Iyang himaya sa iyang mahimayaong grasya, nga sa walay bayad iyang gihatag kanatong hinangponon diha sa pinalangga. [Diha kang Cristo kita mga hinangponon.] Diha kaniya kita may katubsanan pinaagi sa iyang dugo, ang kapasayloan sa mga s-a-l-a...Kinahanglan nga mobalik ako ngadto sa pagkasinagop, apan buot kong mohunong diha sa mga “sala” dinhi kadiyut. Mga “sala,” hingmatikdan ba ninyo kana? Nasayud ba kamo nga dili hukman sa Dios ang makasasala tungod sa pagpakasala? Iyang hUkman siya tungod sa pagkamakasasala. Kong ang makasasala motabako ug abano, dili Niya siya hukman tungod niini; kay siya usa man ka makasasala, bisan unsaon. Nakita mo? Nakita mo? Walay iyang bisan unsang mga sala, ang makasasala wala. Usa lamang siya ka makasasala, tan-awa, walay iyang bisan un sang kasal-anan. Apan nakasala ka, kamong mga Cristohanon. Inyo bang hingmatikdan dinhi nga naghisgot siya ngadto sa Iglesia. Nagpabilin kaniyang tarung. Nakita mo? Nakita mo? “Kapasayloan sa mga sala,” mga s-a-l-a. Kita nakasala. Apan ang makasasala usa lamang ka makasasala, dili siya pasayloon sa Dios.
-----
Busa ang mga “sala,” mga s-a-l-a, kita may kapasayloan sa atong mga sala pinaagi sa Iyang (unsa?) Dugo, bililhong Dugo. ...sumala sa kadagaya sa iyang... Unsaon ta sa paghikalimot niini? Tungod kay takus kita, usa ka butang ang atong gibuhat aron mapasaylo ang atong mga sala? Sa Iyang unsa? ...grasya; Ay, naku! Sa akong mga bukton wala akoy dala, Ginoo. Walay akong mahimo, walay usa ka butang nga akong mahimo. Paminaw! Gigahin Niya ako, gitawag Niya ako, gipili Niya ako. Wala ko gayud Siya pilia. Siya maoy nagpili kanako, Siya nagpili kaninyo, Siya nagpili kanatong tanan. Wala kita magpili Kaniya. Si Jesus miingon, “kamo wala magpili Kanako, Ako maoy nagpili kaninyo.” Siya miingon, “Walay tawo nga makaari Kanako gawas kong pagadanihon siya sa Akong Amahan, ug ang tan an nga gihatag Kanako sa Amahan moari Kanako. Ug walay usa kanila nga mawala, gawas nianang anak sa kapildihan, aron pagtuman sa-sa Kasulatan.” Nakita ninyo? Ginaingon diha, “Ang tanan nga gihatag Kanako sa Amahan moari Kanako.”-----
Nagpili nang daan kanato ngadto... Unsay ipasabot sa pulong nga “ngadto,” ang pulong nga “ngadto”? Kini nagpasabot nga umaabot ta, ngadto. “Moadto ako ngadto sa tuboran. Moadto ako ngadto sa lingkuranan.”Humes, hingsabtan mo kana? “Moadto ako ngadto sa lamesa.” Siya nagpili nga daan kanato ngadlo sa pagkasinagop nga mga anak pinaagi kang Jesu-Cristo alang sa Iyang kaugalingon. sllmala sa Iyang Kaugalingong katuyoan sa Iyang kabubot-on. Unsa man nga katuyoan? Kang kinsang katuyoan kadto, kang kinsa mang kaayohan? Sa lyang Kaugalingon. Sa Iyang Kaugalingong katuyoan sa Iyang Kaugalingong Kagustohan!Karon, unsa man ang “pagkasinagop”? Karon tugoti ako sa paghisgot niini karon, wala ako masayud kon... wala na akoy panahon sa paghisgot pa niini, apan ig-on ko kini. Ug unya kong anaa may mga pangutana, makahimo kamo pagpangutana kanako ug gamay unya sa dili madugay diha sa usa ka mensahe, sa usa ka butang. Paminaw. Ang imong pagkasinagop dili mao ang imong pagkahimugso. Ang imong pagkasinagop mao ang imong pagkapinahimutang. Kung kamo natawo na pag-usab, sa Juan 1:17, sa akong pagtoo, kung kita natawo na sa Espiritu sa Dios, kita mga anak na sa Dios. Apan kita mga gipili nang daan. Karon ania dinhi ang unsay akong gitinguha nga inyong masabot, alang niining mga anak sa katapusang adlaw, tan-awa ninyo aron ipakita. Kita gipili nang daan ngadto (ngadto) sa pagkasinagop. Karon, ania na kita karon. Karon, mao kini ang makapasakit ug diyutay sa Pentecostal. Sila moingon, “Natawo na ako pag-usab! Dalaygon ang Ginoo, nakadawat na sa Espiritu Santo!” Maayo. Anak ka na sa Dios. Husto kana. Apan bisan pa niana dili kana mao ang akong gihisgotan. Tanawa, kamo gipili nang daan ngadto sa pagkasinagop. Pagkasinagop, mao kini ang pagpahimutang sa usa ka anak.
Pila man kaninyo ang nahibalo sa balaod sa pagpanagop diha sa Daang Tugon? Dayag na lang, nga inyong nakita. Usa ka batang lalaki natawo. Sa akong pagtoo gihisgotan ko na kini diha sa ubang mga wali. Unsa man kana. Gene, nahinumdum ka? Anaa kini diha sa teyp. Oh, unsa kadto? A― a― a― ako nang gihisgotan kini. Oh, oo, nahinumdum na ko niini, Patalinghugi Ninyo Siya. Patalinghugi Ninyo Siya, ang pagkasinagop sa mga anak.
Karon, diha sa Daang Tugon, kung ang usa-kung usa ka bata matawo sa usa ka panimalay, siya usa ka bata kung matawo na siya, tungod kay siya natawo man niining maong mga ginikanan, siya mao ang anak sa maong banay ug manununod sa tanang mga butang. Karon, apan kining bataa atimanon pinaagi sa mga magtutudlo. Mga taga Galacia capitulo 5, bersiculo 17 hangtud sa 25. Maayo. Atimanon siya pinaagi sa mga magtutudlo, magaatiman, mga magtutudlo.
-----
Magasulod ngadto niining Yuta sa saad. Unsaon nato sa pag-adto niini? Kita mga pinili nang daan alang niini, ang iglesia, pinaagi sa pagkasayud nang daan sa Dios Naggahin nang daan ngadto sa unsa? Alang sa Iyang kadungganan, pinaagi sa Iyang grasya, alang sa himaya, ug pagsimba ug paghimaya sa Dios. Si Papa didto naglingkud kaniadto sa sinugdanan, naglungtad sa kinaugalingon, walay Iyang kauban, nangandoy nga anaay mosimba, busa Iyang giila nang daan ug gipili nang daan ang usa ka iglesia, ug sa wala pa matukod ang kalibutan, ug gisulat ang ilang mga ngalan sa Basahon sa Kinabuhi sa Cordero, sa dihang gipatay siya sa wala pa matukod ang kalibutan, aron magpakita sila alang sa Iyang himaya ug alang sa Iyang mga pagdayeg sa katapusan sa panahon, kung hiusahon na ang tanang mga blltang diha nianang usa ka Tawo, nga si Cristo Jesus. Whew! Himaya! Mao kini. Kana nag... Ug anaa kini diha,.igsoon ko, sister. Ayaw gayud pagbiya gikan Niana.Ang Dios, pinaagi sa Iyang grasya sa pagpili, nagtawag kanimo. Ang Dios, pinaagi sa Iyang grasya sa pagpili, nagbalaan kanimo. Ang Dios, pinaagi sa Iyang grasya sa pagpili ug sa Iyang gahum, nagbautismo kanimo ug mipahimutang kanimo dinhi niining yuta sa Kapahulayan. Sila nga nakasulod na niining maong Kapahulayan mtkahunong na gikan sa ilang pagkahisalaag. Sila nakahunong na gikan sa ilang mga buhat sarna sa gibuhat sa Dios sa Iya. Sila nakabaton ug kalipay nga dili ikaasoy, ug puno sa himaya! Ang Kahoy sa Kinabuhi milambo diha sa sulod nila. Sila anaay pagkamainantuson, kaaghop, pagkamaayo, pailob nga nagbunga ug pagtoo, pagtoo, kalomo, kaaghop, ug uban pa. Ang Kahoy sa Kinabuhi milambo diha sa sulod nila tun god kay ang ilang paglaum nagasukad man diha kang Cristo Jesus, ang panghimatuod sa Espiritu Santo nagpamatuod dinuyogan sa niga ilhanan ug mga katingalahan nga naganunot sa mga magtotoo. “Kining mga ilhanan maganunot kanila nga nagatoo.” Samtang magapadayon sila, Hang ayohon ang masakiton, ilang hinginlan ang mga yawa, magasulti sila ug mga dila, sila makakita ug mga panan-awon. Ilang... Ug sila nakig-uban sa Dios, Ilakigsultihanay sa Dios. Walay yawa nga makatay-og kanila, sa ilang kaligon, nga nagalantaw sa Kinabuhing Dayon. Sa hingkalimtan kadtong mga butang nga nangagi na, sila mipadayon ngadto sa unahan sa hataas nga pagtawag diha kang Cristo Jesus. Anaa ka ra. Anaa ka ra. Mao kana ang Iglesia.
Basaha ang tibuok nga asoy sa...
Pinasundayag nga mga anak sa Dios.
Kaminyoon ug
