El Shaddai.
<< ibanjirije
rukurikira >>
Yehova-Yireh 2.
William Branham.Soma konti yuzuye muri...
Yehova-Yireh 2.Noneho twavuze ku mugaragu Wawe wizerwa, Aburahamu, dukomezanya nawe muri uyu mugoroba mu rugendo rwe. Turasenga ngo Uduhe umugisha mu gihe tumanuka umuhanda wo mumyaka amagana ashize, hamwe n'umugaragu Wawe wizerwa wizeye Ijambo Ryawe. Reka atubere urugero, nkuko Pawulo yabivuze mu Baheburayo, kubyo Aburahamu yari, urugero. Kandi turasenga ngo we, kwizera yari afite, kuduhishurira uyu mugoroba; kwizera Ijambo ry'Imana, kandi ntagurishidikanya, n'Ijambo rimwe, ariko wizere Ryose, kandi wizere ibyo Yavuze byose. Reka dushobore kubahiriza amasezerano Yadusezeranije, kandi tube abana ba Aburahamu turi muri Kristo. Tubisabye mu Izina rya Yesu. Amina.
----
Aburahamu yari afite imyaka mirongo cyenda n'icyenda, kandi icyo gihe cyose ntabwo yigeze azunguza ikiganza , ahubwo yizeraga Ijambo ry'Imana; akita ibintu bitariho nkaho biriho, 'kuberako Imana yabivuze, yizera ko umwana azaza, ahagaze ku masezerano. Mbega umugabo! Mbega mwenedata! “Aburahamu, nubwo nta byiringiro...” Inda y'urubyaro ya Sara yari yarapfuye. Yari ingumba. Umubiri we upfuye. Bibiliya ivuga ko aribyo, ko umubiri we wari umeze nk'uwapfuye. Inda ya Sara yari yarapfuye. Kandi ubu yari hafi y'imyaka mirongo ine ishize acuze, kandi Aburahamu yakomeje kubyizera, ko azabyara umwana kuko Imana yabivuze. Murahari. Guhagarara ku Ijambo 'kuko Imana yabivuze! Uko biri kose, amahame yararitwikiriye, kandi, iryo Jambo ryagume aho! Ryagombaga kuza. Kandi iryo Jambo ryashyizwe mu mutima wa Aburahamu!Ni bangahe bavuga bati: “Iminsi y'ibi yarashize, na hariya.” Igihe cyose iryo Jambo ririmo hariya, rizarema, kuko ni Ijambo rimera. Kuberako, Imana ni Jambo, kandi Ubuzima bw'Imana buri mu Ijambo. Mwitegereze noneho iyo iryo Jambo riguye mu buzima bw'Imana, ikintu kiraba, kirasohora. Mwitegereze noneho.
Hanyuma Yamubonekeye mu Izina ryImana ishobora byose. Rero, Imana ifite amazina arindwi yo gucungura. Kandi hano Yamubonekeye mu buryo bw'Imana Ishobora byose, bisobanura ngo “El Shaddai.” Muri... “Shaddai,” mu giheburayo. El bisobanura “gukomera.” Shad bisobanura “ibere,” nk'ibere ry'umugore. Noneho aho kuba “shad,” mu buke; “Shaddai,” mu bwinshi. Mu by'ukuri, mbega ihumure ryiza ku musaza w'imyaka ijana, wafashe Ijambo ryImana mu mutima we, kandi hano Ijwi ryImana riza kuri we rivuga riti: “Ndi El Shaddai. Ndi Imana yonsa.”
Yoo, mbega ihumure dufite! Noneho, ntabwo, mwibuke, ntabwo ari “amabere” gusa, ahubwo ni “mugituza”! “Yabakomeretse kubera ibicumuro byacu; ni kubw'ibikomere Bye dukira indwara.”None, umubyeyi ni iki, hamwe n'umwana we muto, iyo arwaye kandi akagira inkeke? Afata uwo mwana we muto. Amufatira mu gituza cye kandi... yonka imbaraga za nyina mu mubiri we binyuze mu ibere. Kandi ntabwo anyuzwe gusa cyangwa... Aratuje. Arimo avuza induru arabangamiwe; ariko iyo nyina amufashe akamushyira... amushyira ku ibere, agatangira kumuririrmbira, akamuzunguza imbere n'inyuma, yumva nyina, umutwe we uri mu gituza cye, atangira konka no gukurura imbaraga za nyina, mu mubiri we. Arimo kwiyubaka, yubaka imbaraga; kandi nanone aranyurwa, mugihe umunsi ku munsi agenda arushaho gukomera.
----
El Shaddai! Yaravuze ati: “Ndi El Shaddai. Aburahamu, Ndi Umunyembaraga. Uri umusaza. Ufite imyaka ijana ubungubu, imbaraga zawe zose zashize; ariko ndi Imbaraga zawe! Ibyiringiro byawe byagiye; ariko ndi ibyiringiro byawe!”
Yoo, mwebwe muri kubabara uyu mugoroba, mufite kanseri n'ibindi, ntimushobora kubona aho Imbaraga zanyu ziva? Ntabwo zivuye ku cyuma cy'umuganga ubaga, ahubwo ziva mu Ijambo ry'Imana! “Ndi umugabane wawe! Ndi Imbaraga zawe! Uvoma imbaraga zawe muri Njye!”Ntabwo ari ukwirengagiza umuganga ubaga ubungubu; akora uruhare rwe ku bimureba. Ariko Imana niyo ikiza. Nta ubaga, nta muganga, nta muti wigeze ukiza. Oya, mugabo, nta muti numwe bafite ukuza. Mu by'ukuri, umuganga wese azabikubwira. Bafite ubufasha, ariko Imana niyo Ikiza. Bashobora guca indasago mu kigaza, ariko Imana igomba kuyikiza. Ntacyo bafite cyo kubaka uturemangingo; niba babishoboye, bashobora kubaka umuntu. Urabona rero, Imana niyo Mukiza. Murashobora kunga igufa, ariko Imana igomba kurikiza. Imana ni Umukiza, “Ndi Umwami ukiza indwara zawe zose.” Kandi ntushobora gutuma Ijambo ry'Imana ribeshya; ibyo bizagaruka ku kuri buri gihe, ako kanya. Ntushobora gutuma ribeshya.
----
Noneho, igihe Aburahamu yabonaga iri jambo, ngo “Ndi El Shaddai. Ndi Uguha-imbaraga Umugore wawe, urura rwe rwarumye, afite imyaka mirongo ine yo gucura, umubiri wawe ni nkuwapfuye; ariko ndi El Shaddai.” Amaze kuzana Ishimayeli, murabizi; ariko yagize ati: “Ntabwo ari we. Oya, azaba ari umuntu ukomeye. Agiye kubyara ibikomangoma byinshi. Ariko uwo nasezeranije, ari hagati yawe na Sara.” Nibyo! Amina. Aburahamu yumvaga ameze neza.Yaravuze ati: “Noneho ndashaka kukubwira ikintu, Aburahamu. Ngiye guhindura izina ryawe.” Yavuraze ati: “Ntuzongera kwitwa Aburamu, ahubwo ni Aburahamu.” Aburamu bisobanura “hejuru—hejuru data.” Ariko Aburahamu bisobanura “se w'amahanga.” Kandi S-a-r-a-i ntakiriwe; ni S-a-r-a-h, Sarah, “umwamikazi.” Amazina yabo yarahinduwe! Mbega izina-izina ryahinduwe! Ikintu cyarabaye kuko ari... Murebe, hagomba kubaho impinduka mbere yuko ibintu biba. Ntiyashoboraga kubaha umwana mugihe amazina yabo yagumyeho.
Kandi ntushobora kuvuka ubwa kabiri mugihe izina ryawe riitari mu gitabo cy'ijuru. Urashobora kurishyira kuri buri torero, Metodiste, Batisita, Peresibiteriyeni, ukarivana hamwe ukarijyana ahandi; ukayitaho yose ariko rigomba gushyirwa mu Gbitabo cy'ijuru mbere yuko hagira ikiba kandi ikiremwa gishya kikabona kuza. Mbere yuko ubuzima bushya buza, amazina yabo yagombaga guhinduka. Mwagombye guhindura iryanyu, ryo muri bya bitabo byakozwe n'abantu, mu Bitabo by'Ijuru.
“Icyo gihe, izina ryawe ntirikiri Aburamu, 'sogokuru'; ahubwo ni Aburahamu, 'se w'amahanga.' Ntakiri (Sara), Sarayi, ahubwo ni Sara, 'umwamikazi.'”----
Umunsi umwe, izuba ryaramutse ricanye mu gitondo, Aburahamu yari yicaye mu gicucu cy'ihema rye iruhande rw'igiti. Yarebye hasi, bigomba kuba byari hafi nka saa tanu, abona abagabo batatu baje, bagenda, umukungugu ku myenda yabo. Aburahamu ariruka. Hari ikintu mu mutima we cyatumaga yumva ameze neza, ariruka yikubita hasi ku birenge byabo. Kandi murebe, ati: “Mwami wanjye!” Ese ntibitangaje? Batatu muri bo; ariko “Mwami wanjye”!Murebe Loti. Igihe babiri muri bo bajyaga yo, babiri gusa muri bo, aravuga ati: “Databuja.” Loti yabise “batware.” Aburahamu... Loti yise, babiri, “abatware.”
Aburahamu yise umwe muri bo, “Mwami! Mwami wanjye!” Amina! Yoo, igihe kiregereje! Mwitegereze, yagize ati: “Mwami wanjye, niba nagiriye ubuntu imbere Yawe, ngwino, wicare munsi y'igiti. Reka nzane amazi make, mboze ibirenge, kandi mufate ku mukate. Erega iyi ni yo mpamvu yonyine yatumye uza kundeba.” BaragendaArasohoka, anyura inyuma y'ihema, maze aravuga ati: “Sara, kora vuba imigati uyotse mu ifuru. Yarasohotse afata inyana nto, arayica, arayitekesha, atunganya imbavu, azana amavuta n'amata, hanyuma— abishyira imbere y'umugabo, bararya.
Kandi umwe muri bo yari Imana Ubwayo! Nibyo Bibiliya ivuga. Noneho niba mushaka kubijyaho impaka, jya imbere. Yamwise “Elohim, Mana.” Yagombaga kumumenya; yavuganaga na We. Mwitegereze, “Mwami Mana!” Mu by'ukuri, umwe muri bo yari Imana. Aramwitegereza. Aburahamu yaramumenye. Noneho reba hariya.----
Noneho tubona ko, aba bagabo baricaye kandi bararya. Babiri muri bo barahagurutse bajya i Sodomu. Umwe yagumanye na Aburahamu. Reka turebe ikiganiro cyabo. Bakomeje kureba i Sodomu. Kandi Aburahamu yari azi ko hari ikintu kidasanzwe kuri ibyo. Hanyuma Avuga, amaze kwitegura kugenda, aravuga ati: “Utekereza ko ngomba kwirinda Aburahamu; kubera ko azaba se w'amahanga, nzi uko azarera abana be, n'ibindi; ikintu ngiye gukora?” Yavuze ati: “Ibyaha bya Sodomu birabije kugeza bigeze mu matwi Ye.” Yaje gukora iperereza.Noneho mwibuke, nkuko nabivuze mu undi mugoroba, babiri muri izo ntumwa bamanutse i Sodomu, babwiriza abo Banyasodomu; nuko babahuma amaso muri iryo joro, ku Ijambo. Ariko, mwibuke, hariho Umwe; bo, bari bafite ikimenyetso cyabo, Umunyamahanga muri bo.
Murebe Loti. Loti yari yicaye ku irembo, ati: “Databuja.” Kandi kubaho muri ubwo buryo! Ati: “Injira mu nzu yanjye.” Yaravuze ati: “Tuzaryama mu muhanda.” Mbega urugo!
Ariko Aburahamu akimara kubakira; baravuze bati: “Iyi niyo ntego yatuzanye. Twicaye hano iruhande rwawe.”Niko bimeze. Baho ku buryo, niba Imana ishaka kugukoresha, Izamenya neza aho izaza kugushaka. Uri mu mwanya runaka, ubaho ubuzima butanduye imbere y'Imana, amagambo yawe ni ukuri , ubuzima bwawe ni inyangamugayo. Aho niho hantu Abamarayika baza. Murebe— kuri Elisabeth na Zakariya, murabona, umukiranutsi w'inyangamugayo, ugendera mu mategeko yose y'Umwami. Nibwo buryo dushaka kubaho, rero, iyo Imana yiteguye kudukoresha, Iravuga iti: “Ubu ni ubwoko bwanjye. Nshobora gukoresha iri torero icyo nshaka. Baranyizera. Bahagaze ku Ijambo Ryanjye.” Reba, nibwo buryo ushaka gukora, ubeho ubuzima.
Noneho tumenye ko uyu Mumarayika, yagize ati: “Ntabwo ngiye gusiga Aburahamu. Ariko Nzasura mu gihe cy'ubuzima.” Kandi, mwitegereze, ntabwo yamwise Aburamu, Yamwitaga “Aburahamu.” Nigute Yamenye ko iryo zina ryahinduwe? Niwe Wabihinduye. Nibyo. Menyako, atigeze ahamagara Sarayi, urabizi, S-a-r-a-i. S-a-r-a-h, “Umugore wawe, Sarah ari he?” Nigute yamenye ko yubatse? Nigute yamenye ko afite umugore, kandi yitwa Sara?
Aburahamu na we ati: “Ari mu ihema inyuma Yawe.” Mbega umudamu nyawe!----
Menya ko, hari aho. Sara yari mu ihema, aguma mo kandi yitwara neza. Aburahamu yarimo aganiriza abo Bamarayika. Noneho, ati: “Ngiye kuzagusura.”
Kandi Sara yarumvaga. Asekera mu matamatama, ati: “Njyewe, umukecuru, nkanjye, kandi databuja na we arashaje, akavuga ko tuzongera kwishima nk'umugabo n'umugore?” Maze araseka.
Marayika, ateye umugongo ihema, ati: “Kuki Sara asetse?”
Mwibuke, icyo cyari ikimenyetso cya nyuma cyerekana ko Urubyaro... cyangwa Aburahamu ubwe, ari urugero rw'Itorero, cyari ikimenyetso cya nyuma yakiriye. Mu bindi bimenyetso byose yabonye, nicyo cyanyuma mbere yuko Sodomu irimbuka. Nibyo? Ikimenyetso cya nyuma!----
Byari iki? Imana itegura Sara na Aburahamu kwitegura kwakira umuhungu wasezeranijwe. Kwerekana ko igikurikira nyuma yo kwigaragaza kwuyu mumarayika w'IIana, Umwuka Wera yerekana ikimenyetso cyayo cya nyuma, igikurikira, uyu muntu yambara ukudapfa hanyuma tukazamurwa mu kirere guhura n'umwana wasezeranijwe, Urubyaro rwa cyami rwa Aburahamu. Icyubahiro kibe icy'Imana! Haleluya! “Kuberako tuzahindurwa mukanya, mu kanya nk'ako guhumbya, kandi tuzazamurwa hamwe kumusanganira mu kirere. Bityo tuzahora na We iteka ryose, Umwana wasezeranijwe.” Haleluya!Soma konti yuzuye muri...
Yehova-Yireh 2.
Ugushyingirwa no Gutana.
