Ikiriebi Akidoun.
<< prev
next >>
Nakuj ngina kitete. Akwap ngina kitete.
William Branham.Tosiomete alo akirot...
Ikiriebi Akidoun.Tokona, acamit ayong erwor atabong na akou ka akirot ngina abu ayong olimorite: Ikiriebi akidoun. Tokona, epuposi ngun erae nguna eroko, nait eyia tooma Lobaibul.
Anupit ayong erworo Yesu anege nguna etapito, ikwa alimunitor Inges, “Ialolongete iyes, nait akus kialolong ilocokinio torau alakara,” erworo neni angikekasiomak anege, toyeni dang atemar ayapi akidounio a ekristayone. Ka eitana ngina ngorot totwana, kotere nai idounio ngolo kitete. Ayakaunor ka idiobore ngini idoe, ebit toyakatar apipilu ka akialolong ka akidinya, alomun alokisila Alomar najokis.
Ngina engale, akidounio alotooma akwan isikwaanitae ka akidounio alotooma ekuwuam. Ngiboro daadang erae akisikwaanet angina alokuwuam. Ka ikiriamuni iwon atemar, arai ikingolik iwon ane ngalup, ka akingolikin ekitoi anakwap, epoloi, emunikinit anguna ka akiyar. elosete ngun akitoodiar ebe eyia ekitoi, iwace, ngolo emam nyetwanene, naarai igworo anguna aidio bore.
Ikiriamuni iwon ngitunga, nyemitakinitai epite ngolo imojongitor iyong, epite ngolo idiakar iyong, adoketait ani, igworosi ikec, akiyar, naarai itoodiunit atemar eyiai akiyar iwace neni ikiyaria iwon, akiyar ngikaru ka ngikaru. Toripu adolit ngin.Tokona, alotooma abaruwa a Yokana ngolo Esiaunan 5:7, anupit ayong erae, arae pakadyakarit ayong, ebala ebe, ''Eyiakasi ngisuudae ngiuni tooma Nakuj: Papa, Akirot, ka Ekuwam, ngulu uni lu erae ipei. Eyiakasi ngisuudae ngiuni tooma nakwap, erae ngakipi, Ngaokot, ka Ekuwuam, ka ecamanara nguluuni lu alotooma ipei. toanyu nu. nguluuni ngulu esiaunak erae ipei. ngulu angiarei nguluuni erae ngika akwap, ngulu ecamara alotooma ipei. Emam nyiyakaunotor iyong Papa tomamukatar Lokoku; ka emam nyiyakaunotor iyong Lokoku tomamukatar Ekuwuam ngolo Akwangan. Nait ipedori iyong ayakaunotor ngakipi tomamukatar ngaokot, ka ngaokot tomam ekuwuam.
Atami ayong alotooma ngayokonyameta daadang, itogogongito atemar erae nu nguna iyookino; ngakipi, ngaokot, ekuwuam; akitojokio, akitokwangunio, ebatisimu ngolo a Ekuwuam angolo Akwuangan. Isikwanito ngun, kori itaraunito... nguna itepegito akisikwaanet, ngina itaraunit ngina egelaana anaurio alotooma akuwan. Kingolik ngina eriebar idiobore kori aberu, anguna ka akidoun. Ibore ngini esiaunan ngini etakanuni, acilun ngina angakipi, akidoun ngina engale; ibore ngini angiarei erae ngaakot; ka buni nait akiyar. Ngakipi, ngaakot, ekuwuam; erae ngiboro ngulu ka angaleu, ngulu ka akidounio anakuwan.
Ikote nen anadoketait angina a ekuwuam dang. Erae ngaakot; akitojokio kan anupit, akinup nenei ka Akuj, akijaun Inges ikwapei ekoniketeyaran, ka akibatisaunio. Ngina kiareyet, erae akitokwangunio ngina a ekuwuam, ngina itesegunia Akuj ekuwuam aloboro ka akwap daadang, ka ekemuye ngolo angakwapin. Ido buni nait ekuwuam ka ikiinakini akidouno ngina kitete ka kilelebik iborosit ngini itokwangunitae ngin.
Ikwa aanyunet, ikwana. Tokona, ebe, akalimokinit. Nguna nyinupito iyes, kiwuak nawae, ido ya atyaket. Toripu. Tokona, ecakakina egilas kai angikokoroi. Emam nyikomaari iyong ka alemun akiwaakin lomesa ka abukokin ngakipi kokr ngakile. Mam. Alotooma alemun, erai akitojokio. Akilotar, erae akitokwangunio, naarai akirot akitokwangun angayonanin erae akirot ngina ewoikinit ngiboro ngulu alalak, akepolou ebe “akitesegun, ka akiwaakin nawae anguna ka etic.” Meere alotoma etic; anguna ka etic. Anen kidau nait iyong akilelebikin inges, iwaakinio lotic.
Kitimokinae anu, meere akiwan. Eyiai iyes nen ngikawotok ngulu akwangak, abu kipiyo ngulu anasaret alosit akidol ama tooma Pentekost. Aponi kitesegunae iyes kan akitokwangunio; nait ngina etemokinere akiwakin iyes lotic, kan ngainanakineta nguna ka akirworo ngangajepa ka ngiboro nguluce, kicakakis iyes ngun kwap, ka acakakin lobukit nabo. Toanyu? Tokona, nguna atakanut ngun. Nguna itiyiasi jwi-jwi ngun.
Tokona, meere akitoroniar iyes tokona, nait acamit ayong alemar nugu alotaukang. Ka akanomito ayong ngun ageun ngina adolunio ayong nege, asio apedori acepaki. Ca, arae Carls grace, ka Demos ka ikec, ka nguna kon daadang, ekatakini ayong aiuni ekatau aneni angun, kingolik, erae ngunakon. Ngina engale, isikwaanitae ka ngina alokuwuam.
Tokona, ikiriamuni nait iwon atemar, ka idounio ileleba. Ngina ikokinere ikoku, ngarwa daadang... tokona ngina ecilunotor(ebukunotor) ngakipi, emam nguna alalak nguna itiyiai iyong angun. Ka ngina eponiata ngaakot, emam nguna alalak nguna itiyiai iyong angun. Nait, anguna ka ariamun akiyar anikoku, iitana akithujulu inges ka ainakin inges iworouni. Erae tokona ngun, Emam asiomit, anguna itatamitere ngikakaitotoi anege etic ngun, ngakec, nait eyiai ayong alemun eyakae akisikwaanikinia. Ka iyiai iyong nen. Nguna apotu totakanut ngun. Abu toyakauni akithujulu, akitodolun nugu nenikec.
Tokona, kiyia iyong ngadikidio, adio kiteriengakinet. Acepaki, meere akithujulu inges, nait akiteriengakin inges iwadio. Atametait ngina kidounet inges, ngacerwa, itiyiai. Akopun inges, akiloilookin inges. Eroko inges nyiyengakina, kithujuulu inges iwadio, kotere ikaleuni, anangajep angina nyeyenio, anenikeng, ethudokini. Nait, keyia ngun dang, ka ecela inges. Ka atami ayong arae kidoun ikoku ka akidoun ngina etacek, tomam eruye, emam asubanakin, erai ngin ikoku ngini atwan.
Inges ationis eyiakatar ekanisa ngarwanu, ekitiyae; ikiyakar iwon ngidwe ngulu edote ililingete. Kire ngun. Iitanito ikec eemut ngolo ka akithijuulu, kingolik iyong, ka asio anguna ka akitekienyunia ikec, ayiaun ikec nenikec, kotere Akuj iyengakini ekienganu ngolo ka akiyar nenikec. Ka tokona ikiriamuni iwon atemar nguna akire ngun. Erae aosou ngina ka akwap ngina edikam, nait erae nguna iyookino, tar keyia ngun.
-----
Ikilimokinito iwon ngikaduarak ka Akuj ebe eyakaunere iwon akwap ngina kitete, Nakuj ngina kitete ka akwap ngina kitete. Arai kicamit iyong akigiret ngin erae, Apukokinio 21. Kacetu ayong anguna kon, ayakar ayong ne. Ebala Yokana:
“Abu oanyu Nakuj ngina kitete ka akwap ngina kitete: Naarai abu nakuj ngina esiaunan ka akwap ngina esiaunan toluyar.” Arith aeka.
Tokona, arae kikiyakaunor iwon akwap ngina kitete,ka ngina ngorot ka ngina kitete ngeyakaunosi iwapei anapaki apei. Kori, ngakwapin nguna kitet ka ngakwapin nguna ngorok ngeyakaunosi iwapei anapaki apei. Emam ngeyakaunosi ngakinapeta ngaarei nguna ka akwap alotooma apei paki. Tokona, anguna ka ariamun akwap ngina kitete, iitana totwana ngina ngorot. Tokona, arai kebeit ngina ngorot atwwanare, anen erieba anguna ka akidoun ngina kitete tokona.Anen arae toyai edokito alosit akisiem ikadiekan ngini erieba akidoun tokona, ipei aloboro angulu itiyiai edokito. Ngulu, erworo ayong alokingaren ngiarei kori ngiuni, angulu ayeni ayong, ngidokitoi ngulu ajuwak anege, ngidokitoi ngulu erae ngikanupak. Ka ekengit ayong iyes nu. Ipei bore ngini ingareni ngini itiyiai edokito, kedau akitere ikadiekan, erae akimarar ngisai ngulu ka ariebo, ariebo ngina ka akidoun. Imarari inges ngisaai ngulu ka ariebo, epite ngolo idunyatar, ka epite ngolo iloconokinotor ngisaa ngul. Etiono ayiakaunor epei akilo ngoloce. Ngolo etupakini, eringa etiono, ayapikin iwapei. Erai ngolo erot ngolo inuwakia inges ationis, kan ariebo ngina ka akidoun.
Ejok, arae keinakini akwap erot neni ka akidounio ka akwap ngina kitete, iripikisi ceni iwon ariebo ngina ka akidore nguna ikiyakar iwon anakwap, ka ikianyuni iwon apaaran ani ka awoyau ngina adau inges erieba.Ejie ngolo ka akwap ngolo esiaunan edodiunit ariebo ngina ka akidoun. Etodiunit ariebo ngina ka akidoun ngina ka akelomar napotior. Anguna ka apaki angin angunakeng, ikilemu iwon ngibomwo, ka ikiyakar iwon ngamasinio nguna angatomian, ka ngakup nguna erai epoison. Ka itamunito iyes. Acepaki nyepedorito ngulu alalak anenikus. Arae ayong idya ngini angikaru ngikanikauni, nai apupi ayong ikec irworosi nguna a ekaradeli ka apuru ngina enyaritai klorin, ka ngace dang. Ka atakani esibit acamito ageun ka, “Abasi,” kenyamuwa akwap daadang. Kear ngitunga daadang. Ejok, epedori torai abilio angun, kekutut ngikuwamin nakwap daadang. Ka epite ngolo abulitor ngitunga daadang akitodol natwanare anguna ka apuru angina erae epoison! Abu akwap kitor, torukau ariebo ngina esiaunan ngina ka akidoun.
Ka ikiriamuni iwon tokona, ayakaunere iwon ejie ngolo kiyareyet, ejie ngolo angakwapin, ka apol akeriebo nooi. Erai ngina ikitukuriani angolo saa, ariebo ngina ka akidoun ka kwap. Aapikinit inges ainakin erot, anapiki angina ka atomic bom, naarai kemunya ere daadang. Apol ariebo adepar ngina a ejie ngolo esiaunan ngolo angakwapin, ngolo ka amunyario neni ka akwap.Tokona, eyeni inges atemar adolu apaki ngina ka akelakuno. Inges apolou elenyunor, ialolongio inges, ikwapei eyakar inges, arai naarai eyiai ebom ngolo a ekuwuam, ngitikilingio ngulu ka ekuwuam ngulu epedorete amunyar ngakwapin daadang. Ekuriana ebuku ngoloce ngoloce, tar kedit. Eyiakatar ikec ngibomwo ngulu epedorete ca... epei anenikec. Epedorete ikec akiten ikec isitiyaete ngikanyer ka acakakin ikec adio kibois ngina ecamito ikec anakwap.
Rassia, ikwanginapei eiraritor ayong aloemuto, goon, irworo inges atemar epedori inges amunyar ebuku lo, ka- ka akiuriar ngitikilingio nyewana ekebu. Emam nyikiyeni iwon nguna kitiya angun. Angini tunganan itherai nu, ka erae kire.
Aloma sayans angitunga kai ka Akuj ngina kinyalet ngikito, akitodol ngina emunyarotor ikec make. Ecamakini Akuj, jwijwi ecamakini aosou amunyar inges. Nyemunyari Akuj idio bore. Emunyanar itunganan kan akeosou, ikwanginapei etiyaa inges anageunet, eyai aosou a Satan akilo Akirot ka Akuj.-----
Aso eyeni inges elosete ikec, elosete akitiyakin.
Angun, abala Akuj arae. “Nakuj ka akwap daadang icunyario ka akim.” Ebuni araun akisiteteunio angiboro daadang, kotere akwap ngina kitete idounio. Eduarit Akuj ngun.
Ebosit inges, alotooma ekekitiyae dadang, ka ebeit inges kitiyia ngun, abosiyaria nariyet.
Inges eraakar inges, abala ayong, ethaalik inges ka erengak ngakonyen, ka ialolongi. Ka emarani akwap, anakiboisio daadang, ka kidiama ka kwap alokikoru. Ka ngikaguragurai ka anam alotooma Alaska, ka akiloiloo kidiama ka kwap alokikoru, amaran ka akwap ka ngiboro ngice. Ka igirete ngitunga, “Iwon ikiyesikini aa? Iwon ikiyesikini aa?” Toanyu? Emam nyeyenete ikec nguna kitiya. Emam angopis tar apei, mati Kristo Lokoku ka Akuj angolo eyiari. Ka eyiai ipei bore bon ngini erae akibois ngina ka ayiuno, ka erae Inges. Daadang ngulu alokinga nen atwakete, ca lopite ngolo elimunitor Akuj.Tokona engolikisi ceni ekitabo a edokito, arai keyiai inges nadoketait na, ka engolikisi arai kebeit nugu atakanun ngina idounere akwap ngina kitete. Matayo 24, alokitaabo a Edokito, ngolo erai Ebaibul, ka engolikisi nguna eduaritai, ka epite ngolo eyakatar angike macarin. Tokona, arai keyeni edokito ngimacarin ngulu ka akidounio aikoku... kaca esaa ngolo ebunio ikoku, itemokini inges ngiboro daadang, naarai, edodiut ngimacarin daadang; aleleut ngakipi, ngaakot. Ka tokona... adolu apaki. Ecakunio ikoku, ka adol esaa ngolo idouner ikoku. Angun itemokini inges ngiboro daadang.
Tokona, ikilimokinit Yesu iwon nguna etakanunete anapaki ana. Abu Inges ikilimok iwon, alotooma Matayo 24, ebe Ekanisa, Ekanisa ngolo akire, ka ngoloce kanisa, erauni ngolo ka akuwan, Ekanisa ngolo ke ekuwuam, “Idunyakinosi iwapei, ngikarokunok, akitodol ngina emodikinia ngulu seuna, arai kepedor.” Epite ngolo ayiakatar alorwa a Noah, epite ngolo emujata, tomasete, kiitanaros, kipotonoros lokiitanu, ka adoteu ngina ka akwap ngina ikite iwon nakuwarina. Ebaibul, Ekitaabo, ekitaabo a Edokito irworit atemar etakanunete ngun. Aso, ani ikianyuni nu etakanunete, eyenete atemar adolu akidounio nakanin. Ebeit kikokis nen. Ee, malim. Tokona, ikite iwon ngun, ikwa ebuku; pa erai ebuku, nai ngakwapin.
-----
Itorit ekanisa logo nariebo ngina ka akidoun. Emam ngiseuni iyong tokona alokingaren Keng aa? Eketoodik ayong iyes Akirot, nguna abala Inges ebuni Inges etic.
Tokeerek ceni iyong aduketait na, kingit idio tunganan ngini eramitere, kori ngini isirworitae, kori idio daadang, toanyu erae ka aanyunitor ayong ikec, ayenut ikec, kori idio bore ngini etapit ikec. Itami iyong atemar epedori itunganan etic ngun aa? Egogong ngun akitiyakin.
Ejok, anu ikec? Lokoku aitunganan. “Ekwana Akirot ka Akuj iloit atum ngina ekwaka ngiwaitin daadang, eripuni nguna alokuwuam, akimunono ngina angitain.” Ikwa ca kolong ayiakar ngina etanapere akuwan anege anakwap, alotooma Lokoku ka Akuj, tokona epukunitoi kan Lokoku ka Akuj ikwangina ebunitor Inges anyaraun Ateran king angina angariongeta. “Tolomutu alotooma keng. Ebala Ekapolon, totyakunos. Nyitap idio bore ngini engoriana, ka ekejauni Ayong iyes.”
Ikapakina iyong ajalakin akonikiyar daadang neni ka Akuj aa? Arae kikapakina, towuo angakoni kejen, tema, “Acamu ayong, kan ajokis ka Akuj, tocamu ngun tokonapei, angunaaidio bore adaadang angina eyiai tooma kang.”Tosiomete alo akirot... Ikiriebi Akidoun.
