Ang Pagpili sa Pangasaw-onon.
<< kaniadto
sunod >>
Ang pagpili maoy usa ka dakung butang.
William Branham.Basaha ang tibuok nga asoy sa...
Ang Pagpili sa Pangasaw-onon.Karon, sa bersiculo 9 sa capitulo 21 sa Pinadayag:
Unya mitungha ang usa sa pito ka mga manolunda nga may pito ka mga panaksan, nga napuno sa katapusang pito ka mga hampak, ug kanako misulti siya nga nagaingon, “Umari ka, ipakita ko kanimo ang Pangasawonon, ang asawa sa Cordero.”Karon, ang pagpili sa pangasaw-onon... Sa daghang pamaagi sa kinabuhi kita gihatagan ug pagpaili. Bisan ngani ang paagi sa kinabuhi usa ka pagpili. Kita may katungod sa paghimo sa kaugalingon tang paagi, magpili sa kaugalingon tang paagi sa atong pagpakabuhi. Ang edukasyon usa ka pagpili. Mahimong mopili ta kung gusto ba tang mahimong edukado, o kaha dili ta gustong mahimong edukado. Mao kana ang atong pagpili. Ang husto ug sayup usa ka pagpili. Ang matag lalake, ang matag babaye, ang batan-ong lalake, ang batan-ong babaye mopili kung gusto ba silang magpuyo nga matarung o dili matarung. Usa kini ka pagpili. Ang pagpili maoy usa ka dakung butang. Ang inyong dayon nga gipadulngan usa ka pagpili, ug tingalig niining gabhiona mohimo ni- nianang pagpili kung hain ka magpuyo sa eternidad, sa dili pa matapus kining bulohaton ning gabhiona. Dihay usa ka panahon nga... Kong imong gisalikway ang Dios sa makadaghan, adunay usa ka higayon nga isalikway mo Siya sa katapusang higayon. Adunay utlanan tali sa kalooy ug paghukom, ug usa kini ka makalilisang nga butang alang sa lalake ug sa babaye, sa batan-ong lalake ug babaye, ang paglatas nianang maong tagal. Busa ning gabhiona tingalig mao na kini ang panahon ng daghan kaninyo ang maghimo sa i- ilang hukom kung hain sila magpuyo saw ala nay katapusang eternidad.
Anaa pay laing pagpili ta sa kinabuhi. Mao kanang kauban sa kinabuhi. Ang batanong lalake o ang batan-ong babaye, nga moatubangan sa kinabuhi gi- gihatagan ug katungod sa pagpili. Ang batan-ong lalake mopili, ang batan-ong babaye may katungod sa pagdawat o pagdumili niini, apan sa gihapon usa kini ka pagpili tali sa duha; tali sa lalake ug babaye, silang duha adunay katungod sa pagpili. Ug usab kamo adunay pagpili ingon nga usa ka Cristohanon. Aduna kay pagpili sa simbahan dinhi sa America (labot pa) nga imong kaadtoan. Mao kana ang imong Americanhong kahigayonan sa pagpili sa bisan unsang simbahana nga gusto mong pasakopan. Usa kana ka pagpili. Dili ka moadto sa bisan kinsa niini kung dili ka moangay, apan kong buot kang mobalhin gikan sa pagka-Methodist ngadto sa Baptist, o sa Catoliko ngadto sa pagka-Protestante, o sa uban pa, walay makaingon kanimo nga adto ka sa usa ka simbahan. Ato kanang- ato kanang kagawasan. Mao kana ang atong democrasya nga ang matag usa makahimo sa pagpili alang sa iyang kagawasan sa relihiyon, ug usa ba kana ka maayong butang. Tabangan ta sa Dios sa pag-amping niini samtang makahimo ta.
Anaa kay pagpili usab kung... Kung magpili ka ug simbahan, makapili ka kung ikaw, niining simbahana kung mopili ka ug usa ka simbahan nga moagak kanimo sa imong walay katapusang gipadulngan. Mahimong mopili ka ug simbahan nga adunay kredo, nga tingalig isipon mo nga kanang maong kredo maoy imong gipangita; o ang laing simbahan anaay ilang kredo.Ug unya usab sa anaay Pulong sa Dios nga imong pillion. Magpili ka. Walay balod nga sinulat tali kanato sa pagpili. Nagtoo ako nga si Elias kadto usa niana ka higayon didto sa Bukid sa Carmel, human sa usa ka pasundayag sa usa ka dakung takna sa krisis, nga hapit na moabot karon. Tingalig mahitabo kani kaninyo o kanako ning gabhiona, nga atong himuon kining pagpili sama sa kasinatian didto sa Bukid sa Carmel. Sa tinud-anay, nagtoo ako nga mahitabo kini karon sa tibuok kalibutan. Apan moabot ra ang takna diin kamo maghimo ug pagpili.
Ug kamong mga kalalake-an dinhi sa inyong mga kasimbahan nga denominasyon, toohi lamang kini, nga ang takna anaa na kaninyo kung maghimo kamo ug pagpili. Mahimong mopadulong kamo ngadto sa Concillong Kalibutanon o magpabilin na lang kamog denominasyon. Mabuhat ninyo kana, ug kanang pagpilia nagsingabot na. Ug usa kana ka butang makalilisang ang pagpaabot hangtud nianang katapusang takna usab, tungod kay tingalig makadawat ka ug butang nga dili ka na makalihok pa niini. Nahibalo kamo, nga anaay panahon nga pasidan-an ka, ug kung molabang ka nianang linyaha sa pasidaan, diha-diha markado ka na sa ilang bahin, markado na.
Hinumdomi, nga kung moabot na ang tuig sa tinghugyaw, ug a- ang sacerdote mosakay uban sa iyang trumpeta nga pagahuypon, aron ang matag ulipon buhian; apan kung modumili man sila pagdawat sa ilang kagawasan, nan pagadad-on siya ngadto sa templo sa usa ka haligi, ug hulihoran ang iyang dalunggan, ug sa ingon mag-alagad na siya sa iyang agalon sa kanunay. Ug anha kini ibutang sa iyang dalonggan ingon nga usa ka tipo sa pagpaminaw. Ang pagtoo magaabot pinaagi sa pagpatalinghug. Iyang nadungog kadtong trumpeta, apan dili siya buot mamati niini. Ug sa makadaghan ang mga kalalaken-an ug mga kababayen-an nakadungog sa kamatuoran sa Dios ug nakakita nga gipamatud-an kini ug gipaluyohan nga tinuod, apan bisan pa niana dili sila gustong mamati niini. Tungod kay anaay laing hinungdan. Anaay ubang pagpili nga ilang giangkon kay sa pag-atubang sa kamatuoran ug mga kaligonan. Busa, ang ilang mga igdulongog nahimo nang tinakpan sa Maayong Balita. Dili na sila makadungog pa niini pag-usab. Ang akong tambag kaninyo, kung ang Dios makigsulti sa inyong kasingkasing, diha-diha molihok ka. Si Elias mihatag kanilag pagpili kung kinsay ilang pillion, “Magpili kamo niining adlawa kung kinsay inyong alagaron. Kong ang Dios mao ang Dios, nan algara Siya; apan kong si Baal mao ang Dios, alagara siya.”
Karon, maingon sa atong makita nga ang tanang mga butang kinaiyanhon tipo sa mga butang espirituhanon, nga atong gihisgotan sa atong leksyon kaganihang butang, sama sa adlaw ug sa kinaiyahan niini... Mao kadto ang una kong Biblia. Sa wala pa ako makabasa ug pahina sa Biblia, nakaila na ako sa Dios. Tungod kay ang Biblia nahisulat man sa bisan diin diha sa kinaiyahan, ug mihaum kini sa Pulong sa Dios: kung unsa ang kamatayon, lubong, ug pagkabanhaw sa kinaiyahan, ug ang adlaw mosubang, molatas, mosalop, maghimatayon, mosubang pag-usab, daghang kaayong mga butang nga mahimo tang ipanag-ingon ang Dios diha sa kinaiyahan nga atong hiagihan kining mensahea.
Karon, kong ang espirituhanon-o ang kinaiyahon mao may tipo sa espirituhanon, nan ang pagpili sa pangasaw-onon sa natural maoy tipo sa pagpili sa Pangasaw-onon, ang Pangasaw-onon diha sa espirituhanon. Karon, usa ka talandogong butang kung magpili ta ug usa ka asawa. Ang lalake... Tungod kay ang panumpa dinhi kamatayon ra man ang magabulag kanato. Mao kana nga kinahanglan ampingan ta kini. Ug dad-on mo kanang panumpaa sa atubangan sa Dios nga ang kamatayon lamang maoy makaulang kanimo. Ug nagtoo ako nga kitang tanan... Ang tawo nga maayog panghunahuna nga naglaraw sa kaugmaon, kinahanglan pilion niya pag-ayo ang asawa; pagbantay sa imong ginabuhat. Ug ang babaye nga magpilig bana, o modawat sa pagpili sa ug usa ka pamanhonon, kinahanglan nga magmaampingon kung unsay iyang pagabuhaton ilabina niining mga adlawa. Ang lalake kinahanglan nga maghunahuna ug mag-ampo sa dili pa siya magpili ug asawa.
Nagtoo ako nga karon mao kanay hinungdan nga midaghan ang kaso sa panagbulag karon, nga kita maoy nag-una sa kalibutan dinhi sa America, sa kaso sa panagbulag; kita maoy nag-una kay sa uban dinhi sa kalibutan. Anaay daghang nanagbulag dinhi kay sa bisan diin (niining nasura), ug gitoohan nga, ug giisip nga, usa ka nasud nga Cristohanon. Unsang kadaotan nga dungog: ang atong mga korte sa panagbulag. Sa akong pagtoo ang hinungdan niini mao nga ang mga kalalaken-an mipahilayo na sa Dios, ug ang mga kababayen-an mipahilayo na sa Dios. Ug atong makita nga kung ang lalake mag-ampo ug ang babaye mag-ampo ning maong kahimtang, dili lamang kay mao ray tan-awon ang matahum nga mga mata, o ang daku ug kusgan nga mga abaga, o sama, niana, o sa uban pang kalibutanong pagbati, kondili motan-aw una sa Dios ug moingon, “Dios, Imo ba kining plano?”
-----
Ug kun atong tun-an kung unsay atong buhaton kung magminyo kita, kung magpili ta sa atong asawa o bana, kong ato kining tun-an... Ang tawo kinahanglan nga magAng ampo pag-ayo, kay tingalig unya madaot ang tibuok niyang kinabuhi. Hinumdumi nga ang panumpa “Kamatayon ray makapabulag kanato.” Ug mahimong daoton niya ang iyang kinabuhi pinaagi sa sayup nga pagpili. Apan kong nahibalo siya nga sayup ang iyang gihimong pagpili ug nagminyo sa babaye nga dili angayan nga iyang maasawa, ug gibuhat niya kini sa gihapon, nan iya kining sayup. Kong ang babaye modawat ug bana ug masayud nga dili siya angayan nga nahimo niyang bana, nan mao kanay kaugalingon mong sayup human ka masayud kung unsay maayo ug daotan. Busa dili mo gayud kini pagbuhaton hangtud nga iampo mo una kini pag-ayo.Sama ra kini kung magpili ka ug simbahan. Karon, kinahanglan nga mag-ampo ka kung unsa nga simbahan ang imong pakighiusahan. Hunahunaa, nga ang mga kasimbahanan anaay mga espiritu. Karon, dili kay pagdaot ko kini, apan nasabot ko kini ingon nga tawong hamtong, ug mobiya ra ako dinhi usa niadtong adlawa. Manubag ako sa adlaw sa paghukom sa unsay akong gisulti niining gabhiona o sa bisan unsang higayona, ug tungod niini-ako, kinahanglan nga mounong ako ug makabig sa hingpit. Apan mangadto kamo sa simbahan, ug kong inyong hipanid-an ang kinaiya sa maong simbahan, kinahanglan nga bantayan mo usahay ang pastor, ug imong makita nga usahay ang batasan sa iglesia sama sa pastor. Usahay matingala ako nga usahay ang espiritu sa tawo maoy atong maangkon inay nga ang Espiritu Santo. Kung makaadto ka sa usa ka dapit diin ang pastor maisog kaayo nga midumala, nan makita mo ang congregasyon nga mao usab. Dad-on ko kamo ngadto sa usa ka simbahan diin nakita ko ng pastor nga motindog, nga magyangoyango sa iyang ulo. Tan-awa ang congregasyon; kay mao usab ang ilang gibuhat. Pangitag pastor nga molad-uk ug bisan unsang butang, usahay ang simbahan mao usab ang buhaton. Busa kong magpili ako ug simbahan, maoy akong pilion ang tinuod, masukaron, nga iglesia nga tugob sa Maayong Balita sa Biblia, kong magpili man ako sa kabutangan sa akong pamilya. Pagpili...
-----
Ug usab, ang matang sa babaye nga pagapilion sa lalake mao kini ang makita sa iyang tinguha ug sa iyang kinaiya. Kon ang lalake makapili ug dili maayong babaye, makita kini sa iyang batasan. Ug kung unsay iyang gikauban sa iyang kaugalingon makita kini kung unsay anaa kaniya. Ang babaye maoy magpakita kung unsa ang anaa sa lalake kung pilion niya siya nga asawa. Mao kini ang magpakita kung unsay anaa sa sulod niya. Bisan pa kung unsay iyang isulti sa gawas, bantayi kung kinsay iyang maasawa. Miadto ako sa opisina sa usa ka tawo ug miingon siya nga Cristohanon siya, daghan ang gipamitay sa iyang bongbong, ug ang karaang tugtog nga bogi-wogi nagpadayon, bisan kung unsa pay iyang isulti dili ako motoo; dili ako motoo sa isang testimony; tungod kay ang iyang espiritu nagakaon sa maong mga butang sa kalibutan. Unsay inyong ikasulti kung makaminyo siya ug usa ka babayeng mag-aawit, o unsa kaha kong makaminyo siyag babayeng ulagon, o kaha usa ka gwapang Buangbuangon? Makita kini; makita kini kung unsay anaa sa iyang hunahuna kung unsa unyay mahitabo sa iyang pagpuyo, tungod kay iya siyang gilantaw nga mag-aatiman sa mga bata, ug bisan kung unsa man siya, mao kanay paagi sa iyang pagtagad sa mga kabataan. Busa makita kini kung unsay anaa sa lalake. Ang lalake nga mokuhag usa ka babaye nga sama niana magpakita kung unsay iyang gihunahuna sa umalabot. Maisip mo ba nga usa ka Cristohanon ang magbuhat ug butang nga sama niana? Dili, sir, dili ko gayud. Ang usa ka tinuod nga Cristohanon dili mangita ug rayna sa kaanyag, ug mga babayeng lagan ug babayeng lagan, ug babayeng ulagon. Maoy iyang pangitaon ang nagbatasan ug Cristohanon.Karon, kung mobalhin ta karon kadali ngadto sa espirituhanong bahin, ug makakita kamo ug usa ka simbahan dinhi sa kalibutan, nga naglihok sama sa kalibutan, nagpaabot dinhi sa kalibutan, miambit sa kalibutan, nga nanag-isip sa sugo sa Dios ingon nga wala Niya sulata sila, unya makapamalandong ka-ka ba nga si Cristo dili man mokuha ug usa ka Pangasaw-onon nga sama niana. Maisip mo ba nga mokuha ug modernong simbahan karon aron mahimong Pangasaw-onon? Dili Ginoo ko. Dili ako- maglisud ako sa pagpakakita niana. Dili. Hinumdomi karon, nga ang lalake ug ang iyang asawa usa ra. Iunong mo ba ang imong kaugalingon sa tawo nga sama niana? Kong buhaton mo man, mao kini ang makapawala sa akong pagsalig kanimo.
Ug unsa na man ang Dios kung makighiusa sa Iyang kaugalingon sa maong butang nga sama niana, usa ka kasarangang makidenominasyong makihilawason? Dili gayud Siya mobuhat niini. Kay makuha niya ang Iyang batasan diha kaniya. ang tinuod nga natawo pag-usab nga iglesia magbaton sa- sa batasan nga anaa kang Cristo, tungod kay ang bana ug ang asawa usa ra. Ug akong mao ray gibuhat ni Jesus ang unsay makapahimuot sa Dios, nagbanatay sa Iyang Pulong ug nagpadayag sa Iyang Pulong, ang Iyang Pangasaw-onon magabaton usab sa samang kinaiya. Sa bisan unsang paagiha dili siya mahimong usa ka denominasyon, tungod kay bisan pag moingon ka nga “Dili,” siya ginapalihok ubos sa usa ka hunta nga magmandu kaniya kung unsay pagabuhaton ug dili niya buhaton, ug sa makadaghang higayon usa ka milyon ka milyas nga nawala sa matuod nga Pulong.
Mangil-ad kaayo nga mopahilayo kita gikan sa matuod nga Magmamandu nga gibilin sa Dios kanato aron pagmandu sa iglesia. Wala gayud Siya magpadala ug mga presbeter. Wala gayud siya magpadala ug Obispo, mga cardinal, mga pari, mga papa. Ang Espiritu Santo maoy Iyang gipadala alang sa pagmandu sa iglesia. “Kung Siya, ang Espiritu Santo moabot na, manduan kamo Niya nagdto sa tanan Kamatuoran, magpadayag niining mga butanga kaninyo nga gisulti Ko kaninyo, ug ipahinumdum kaninyo, ug magpakita kaninyog mga butang nga magakahitabo.” Ang Espiritu Santo maoy mobuhat niana. Karon, masuko niana ang modernong simbahan. Dili sila moangay niini. Busa unsaon man niya sa pagkahimong Pangasaw-onon ni Cristo? Ang mga katawhan karon, nagpili ug modernong denominasyon, unsay nahimo niini, igo lamang magpadayag sa ilang kabus nga pagpanabot sa Pulong. Wala ko kamo pasakiti, apan akong gitinguha ang pagpatidlum niini hangtud nga makakita kamo niini.
Basaha ang tibuok nga asoy sa...
Ang Pagpili sa Pangasaw-onon.
Kaminyoon ug
