Obushwere n’Okushenda.

<< prev

next >>

  Omukristaayo ogyende.

Bwa mbere na mbere tikwo kyabaire kiri.


William Branham.

Read the full account in...
Obushwere n’Okushenda.

Matayo 19:8,
8 (Kandi) yaabagarukamu ati: Ahabw'obugangaazi bw'emitima yaanyu Musa nikyo yaikiririize ku mutaana n'abakazi baanyu, kwonka bwa mbere na mbere kikaba kitari kityo.

Ekyahandiikirwe eki, ekibuuzo eki, Yesu akakibugana maisho-na-maisho omu kutandika kwonyini kw'obuheereza Bwe. Kandi Musa akakibugana maisho-na-maisho aha kutandika kwonyini kw'obuheereza bwe. N'ekirikukirayo ebibuuzo byona omu mitima y'abaikiriza. Omusiisi tarikufayo. Kwonka n'eky'abaikiriza, ahabw'okuba omwikiriza naagyezaho kukora kyona eki arikubaasa kukora kutuura kurungi omu maisho ga Ruhanga. N'ahabw'ekyo ni, ekibuuzo kyona ekibaho ekirikukwata aha diini, obwo eky'Obushwere N'Okushenda kiimuka, (ahabw'enki?) ahabw'okuba n'ekyareetsireho ekibi ekyabandize. Aho niho ekibi kyatandikiire. Kandi egyo niyo nshonga etuma kyaimuka buri kaire, ahabw'okuba niyo ntandikiro y'ekibi yonyini.

Hati tindaatungye obwire bw'okushoboorora ebintu ebi byona, kwonka niinyija kugarukamu ebaruha yaawe n'okushemererwa nari ekintu kyona eki ndikubaasa. Nari, twine ebitabo ebihandiikirwe ebirikukishoboorora, hamwe n'ebibuuzo bingi, n'obucweka bw'obupapura obushazirwe okuruga omu mahurire n'ebintu hanu, kuhamya eki, nitumanya ngu akaba ari Haawa. Ekijuma kya appo eki bateekateeka ngu Haawa akarya, obwo kitari n'omu Byahandiikirwe, hati nibagira ngu n'ekijuma kya apurikooti; kikaba kitari kimwe ahari ebyo byombi. Haawa akashambana, ekyo kyazaarukamu omwana w'okubanza, owaabaire ari Kaini, omwana wa Sitaane wenyini, ahakuba omuriwe hakaba harimu ekibi. Tikiraizire okuraba omuri Abeeli. Omwana wa Sitaane akaba ari Kaini.

Hati, ekyo ku kiraabe kiri kityo, twine ebiteekateeko bya bamwe bibiri aha ky'Obushwere N'Okushenda. Kandi ekyo ni, bamwe omuribo bagira, ngu, “Omushaija naabaasa kutaasya rimwe, shana omukazi we yaaba yaafiire.” Kandi ekyo ni kimwe aha bibuuzo, kwonka, waakikuratirira, noorengutuka. Kandi reero abandi bagira bati, “Oo, omukazi nari iba, omwe omuribo, yaaba ashambaine, omwe omuribo naabaasa kubinga mugyenzi we kandi agarukye ashwerwe nari ashwere ogundi murundi.” Nooyeshanga waarengutuka nakyo.

N'ahabw'ekyo, mwareeba, teri rwagati y'amashuuma n'oburugwa-izooba n'obu yaakuba rwagati y'oburugwaizooba n'obukiizi-bwa bumosho; nitwenda kutereera n'oburugwa-izooba. Okaaza aheeru y'Ebyahandiikirwe waatoora kunu, nooza aheeru y'Ebyahandiikirwe waatoora kuri. Nitwenda kumanya ahu Ebyahandiikirwe birikubugana Ebyahandiikirwe, kandi tumanye Amazima gaakyo. Buri bamwe nibatoora omu muhanda ogutarikushushana, reero baremwa kureeta eky'okugarukamu ekihikire, kwonka nabwo hashemereire kubaho eky'okugarukamu.

Ni nka, ebiro ebi, hariho ebibiina bikuru bibiri by'enyegyesa omu kanisa; kimwe omuribyo n'ekya Kaluvini, ekindi n'ekya Arminiani. Kimwe omuribyo n'ekirikwegamira ebiragiro, ekindi nikyegamira embabazi. Kandi nitushanga ngu abantu abarikwikiririza omu mbabazi, aba Kaluvini, bagira ngu, “Ruhanga aheebwe omugisha, tikirikungwisa kubi naareetsa. Tikirikungwisa kubi naanywa amarwa. Nimbaasa kukora ebintu ebi, nyine oburinzi Obutahwaho.” Reero nitureeba orubaju ruri, abarikwegamira ebiragiro, bati, “Oo, nkaayenzire kumukabukira, nkaayenzire kumworeka ku mwiniire ekiniga, kwonka, ndi Omukristaayo, nshemereire kuhunama.” Mwareeba, nooyeshanga aha mihanda ebiri etarikushushana, kandi hatariho na gumwe omuriyo oguhikire. Hati, ekyo kigumire eigamba, kwonka n'amazima. Nitweshanga aha mihanda ebiri etarikushushana; gumwe nigutoora orubaju rumwe, ogundi orundi. Hati ka tureebe eki Amazima gari.

----
Nabwo twine ebiteekateeko bibiri aha Bushwere n'Okushenda oku. Hati, ngu, Mukama waitu yaaherize kutubambuurira enaama y'Obumanyiso Mushanju bw'Ekigambo Kye, omu biro ebi eby'aha muheru. Hati, baingi omuriimwe, eki nikibaasa kuba Orugriika ahariimwe, kwonka ekanisa yangye neeyetegyereza. Naki? Kandi mukahurira aha kworekwa n'ebyabaireho. Kandi ekibuuzo n'ekibuuzo kya Baiburi, turaarikirwe hanu kwikiriza ku hashemereire kubaho eky'okugarukamu ekihikire aha naama yoona esherekirwe etwire esherekirwe okuruga aha musingye gw'ensi. Kandi Baiburi neeragura kandi egira ngu omu biro ebi enaama ezi niziija kumanywa. Okushuuruurwa 10, “Kandi aha kugamba kwa maraika wa mushanju, entumwa ya Laodikea, enaama za Ruhanga ziryamanywa.” Kandi obu n'obusingye bw'aha mperu, niyo Laodikea.

----
Yesu, omu ky'okwegaho kyaitu, naaturaarika kugaruka omu kutandika, kutunga eky'okugarukamu ky'Ebyahandiikirwe ekihikire. Hati, ku Yaabuuziibwe kinu, hakaba hariho ebintu bibiri ebi baabaire nibenda kumanya. Abanyamurwa Bakamugambira bati, “Omushaija naabaasa kushenda omukazi we, ataasye ondiijo, yaaba aine eki arikumutura kyona?” Kandi Yesu yaagarukamu ati, “Bwa mbere na mbere kikaba kitari kityo.” Reero baagira bati, “Musa akatwikiriza kuha ebaruha y'okushenda, n'okubinga omukazi ahabw'ekintu kyona eki barikumutura.” Yaagira ati, “Ekyo Musa ekyo akakikora ahabw'okuba,” nindeka ekyo kutaahamu ahabw'akaanya kakye, “ahabw'obugangaazi bw'emitima yaanyu; kwonka okuruga, nari bwa mbere na mbere kikaba kitari kityo.” Ekibuuzo!...

Yesu ku araabe yaagizire ngu, “Mugarukye omu kutandika,” Hakaba hariho ebibiri ebirikukoragana eby'ekintu kyona omu nsi. Hakaba hariho Adamu omwe, Haawa omwe, bakagaitwa Ruhanga wenka. Ekikazi kimwe ky'embaraasi, kimwe ky'ekishaija; enkushu emwe y'enkazi, n'emwe y'enshaija. “Bwa mbere na mbere,” nk'oku Yaatugambiire kugaruka enyima, hakaba hariho ebibiri ebirikukoragana ebya buri kintu kyona. Ekyo n'amazima? Mbwenu, nitushanga ngu “bwa mbere na mbere” bikaba nibigyendera omu buteeka obuhikire kandi omu kukwatanisa na Ruhanga, tihariho ekyabaire kitari omu buteeka. Buri kintu omu iguru kikiri omu buteeka; enyonyoozi zoona, ebibiina by'enyonyoozi, ebirikwetooroora eizooba, buri kintu kiri omu buteeka obuhikiire kimwe. Kimwe omuribyo kyarugaho, kikaateganisa entebeekanisa yoona.

Hati muhurikize. Nimureeba? Okuteganisa kumwe nikushiisha entebeekanisa yoona! Hati, abantu ku baabaire nibagyenda gye na Ruhanga, n'omushaija omwe n'omukazi omwe, omukazi ogu akashiisha kandi kyaiha entebeekanisa yoona y'ensi omu buteeka bw'okukwatanisa na Ruhanga. N'ahabw'ekyo, ekigambo kimwe ekyongeirwe aha Kitabo eki, nari Ekigambo kimwe Ekiihirwemu; nikinaga Omukristaayo aheeru y'okukwatanisa na Ruhanga, nikinaga ekanisa aheeru y'okukwatanisa na Ruhanga, nikinaga eka aheeru y'okukwatanisa na Ruhanga. Buri mwikiriza naabaasa kunagwa aheeru, ahabw'okutaikiriza buri Kigambo kya Ruhanga.

----
Hati, obwo nibwo omushaija yaatairweho kutegyeka omukazi, ahabw'Ekigambo kya Ruhanga. Omukazi akaba atakyaingana n'omushaija. Omu by'obuhangwa omukazi akaba naingana n'omushaija, nimumanya; kwonka, ku yaahenzire Ekigambo kya Ruhanga, Ruhanga akataho omushaija kumutegyeka. Okutandika 3:16, mwaba nimwenda kukihandiika. Omukazi akaba atakyaingana n'omushaija. Akaba orikuhenda Ekigambo kya Ruhanga. Timurikureeba, “omukazi,” omukazi, ekanisa ahaifo hanu? Orikuhenda Ekigambo kya Ruhanga, ekyo kikaihira kimwe omukazi omu kugumizamu kw'obuteeka. Kandi ekyo nikyo ekanisa ekozire, yaanaga rufu y'omwoyo aha kintu kyona. Hati nimwija kwetegyereza ahabw'enki mpamisiriza ebintu ebi nk'oku nkora. N'Amazima! Ebi n'ebya Baiburi eby'amazima.

Mwetegyereze, ahabw'enki omukazi yaakozire ekintu nk'eki; omukazi murungi, oboneire, ohikiriire nk'ogwo? Rimwe nkareeba ekishushani, niinyikiriza ni omuri Greece, eky'omuteezi w'ebishushani by'engaro owaateire ekishushani kya Haawa. Akaba naareebeka kubi munonga okukira ekintu eki orareebire. Ekyo nikyoreka eki ebiteekateeko by'omuntu bibaasa kureeba. Kwonka, Haawa tikwo yaabaire naashusha; akaba aboneire, 'habw'okuba akaba ari omukazi ohikire, weena ari omukazi.

Mwetegyereze, ahabw'enki Haawa yaakozire ekintu ekyo, kandi obwo ari omu idaara ry'ahaiguru? Akaba ari hamwe n'omushaija, bombi nibaingana. Kwonka twena nitumanya hati ngu omukazi akabuza obukuru bw'okwingana n'omushaija, ku yaashiishire, kandi Ruhanga yaagira ati, “Omushaija aryaba omutegyeki waawe okuruga hati n'okugumizamu.” Hati, ekyo n'Ekyahandiikirwe. Mwaba nimwenda, nitubaasa kukishoma. Nimbaha Ebyahandiikirwe, okutamara bwire ahabwa baingi aba abahurikiize aha masimu omu ihanga ryona, kugira ngu mubyeshomere. Mwetegyereze enshonga eyaatumire Haawa yaakikora ekyo. Sitaane akabaasa ata kumuhikaho?

Murakimanyire ngu obwire bumwe Sitaane akaba naingana na Ruhanga? Buzima akaba naingana nawe, omuri byona oihireho kuba omuhangi; akaba ari byona, akaba ayemerera aha mukono gwa buryo gwa Ruhanga, omu Iguru, Kerubi orikwebembera omukuru. Mwetegyereze enshonga eyaatumire Haawa yaakora eki, akaba atari omu kuhanga okwabandize. Haawa tari omu kuhanga kwa Ruhanga okwabandize; ni ekiihirwe omu kindi. N'ahabw'ekyo, “bwa mbere na mbere,” nk'oku Yesu yaakigambireho, Haawa akaba atari kihangirwe ekyabaire omu kuhanga kwa Ruhanga okwabandize. N'ekiihirwe omu mushaija, obu Yesu yaagamba “bwa mbere na mbere.”

-----
Hati ahaky'Obushwere N'Okushenda, mwareeba, kishemereire kushuuruurwa. Kyaba kitashuurwirwe, torikukimanya. Kwonka Akaragaanisa omu biro ebi eby'aha muheru, omu busingye obu, ngu buri mubonano ogusherekirwe omuri Baiburi niguza kushuuruurwa. Ni bangahi abarikukimanya? Okushuuruurwa, eshuura ya 10! Yesu akakiragaanisa, ngu ezi naama zoona ezisherekirwe aha-aha Bushwere N'Okushenda, enaama ezi zoona ezindi ezitwireho, niziza kushuuruurwa omu bwire bw'aha muheru. Hati nimwijuka, Eiraka rikagira riti, “Gyenda Tucson.” Mwijukye Omushana ogutarikwetegyerezibwa omu kaabunga; Maraika wa mushanju ayemereireyo; kugaruka, kandi n'okubambuura Obumanyiso Mushanju? Mureebe ekyabaireho. Ekyo n'amazima.

-----
Eki n'ekintu ekigumire munonga, mbaire ntarikumanya oku nshemereire kukireeta. Ninza kukora ki, kandi obwo nyine abashaija n'abakazi abashutami omu bashomi bangye, bamwe omuribo bakashwera nari bakashwerwa kabiri nari kashatu? Abashaija barungi n'abakazi barungi, boona n'orujwangye! N'enki ekyakireetsire? Okwegyesibwa kwebishuba, buzima, okutategyereza Mukama.

“Eki Ruhanga ateeraine hamwe, omuntu atarikitaanisa.” Atari eki omuntu ateeraine; eki “Ruhanga” yaateeraine hamwe! Waaba otungire okushuuruurirwa kurugira kimwe ahari Ruhanga, ogwo n'omukazi waawe, kandi ekintu nikyo kimwe, ogwo n'owaawe, ebiro by'amagara gaawe goona. Mwareeba? Kwonka eki omuntu ateerana hamwe, omuntu weena naabaasa kukitaanisa. Kwonka eki Ruhanga ateeraine hamwe, hatagira omuntu owaayehanga kukikwataho. “Ekintu kyona eki Ruhanga ateerana hamwe,” nikwo Yaagambire, “omuntu atarikitaanisa.” Atari eki omuramuzi osinzire orushamushamu nari ekindi kintu kiteeraine hamwe, nari eki omubuurizi owaagwire oine enyegyesa omu kitabo, orikubaasa kubaikiriza kukora ekintu kyona omu nsi, kandi obwo Ekigambo kya Ruhanga kiri aho. Mwareeba? Ningamba aha ki Ruhanga yaateeraine hamwe.

-----
Ekiro kiriya, ndikumanya ngu ku ndabagambire ekintu kyona, nikiteekwa kwija kiri OKU NIKWO MUKAMA ARIKUGIRA, reero nkaba nyine Ebyahandiikirwe nk'oku Abinshuuruurira. Kwonka, “Mukama Ruhanga, ngambire ki abateeraine abo? Niinyija kureetera abantu kutaana. Abashaija nibaija kuba bashutami omu mwanya gw'ahaiguru omu kishengye n'omu kibuga aheeru, n'ahandi hoona, 'Omukazi mutsigyeho?' Abakazi, 'Ibanye mutsigyeho?' 'Niinyija kukora ki?'” Naagira nti, “Mukama, nkore ki?”

Ekintu kyangambira kiti, “Inamuka aha rushozi, Niinyija kugamba naiwe.” Kandi obu mbaire ndi eruguru aha rushozi, ntarikumanya ngu eifo omuri Tucson babaire Nibakireeba. Nangwa n'abashomesa beetsire abaana okuruga... muhara wangye muto n'abo, okuruga omu kishengye ky'eishomero, reero bati, “Mureebe seeri aha rushozi! Hariyo Ekicu nk'eky'omuriro ekirikushusha nk'omuringa ogweziibwe nikitemba ahaiguru omu mwanya kandi nikigaruka nikishuuma ahansi, nikitemba ahaiguru omu mwanya kandi nikigaruka nikishuuma ahansi.”

Muky. Evans, ori hanu? Ronnie, ori hanu? Nkashuuma naagaruka aha kitensheni, omutsigazi ogu aha kitensheni ky'amajuta, aha kitensheni ky'amajuta ky'aba Evans okwo. Kandi ntakamanyire eki ogwo mutsigazi yaabaire naaza kugamba, akantangaaza, yaagira ati, “Ow'eishe-emwe Branham, obaire ori seeri eruguru aha rushozi, tikwo?” Naagira nti, “Noomanyisa ki, Roonie? Ngaaha,” mwareeba, kugira ngu ndeebe eki abaire naaza kukora. Emirundi mingi ebintu bibaho, timbingambira, tobigambira abantu. Kika... Oku kiri, nooreeba bingi nibibaho, biba eby'obutoosha. Mwareeba? Tingambira abantu. Naagira nti, “Ronnie, obaire no...”

Yaagira ati, “Nimbaasa kukworeka ahi obaire ori honyini.” Ati, “Naayetsire maawe, kandi twayemerera hanu reero twahanga amaisho ekyo Kicu nikireereeta ahaiguru seeri, nikitemba nikishuuma. Naagira nti, 'Naateekwa kuba ari Ow'eishe-emwe Branham oshutami eruguru okwo. Ogwo ni Ruhanga orikugamba nawe.'” Kandi orurembo rwona, abantu, Bakakireeba. Nyomushana hatariho bicu byona na kakye, n'eki Kicu kihango ekirikushusha omuringa ogweziibwe nikireereeterayo; nikishuuma ahansi nk'omutaho, kandi kigarukayo reero kyejanjamura.

-----
Hati turi omu ruzambiira oru ahabw'okushoboorora kubi kw'enyegyesa z'amadiini. Ekyo kihikire? Egyo niyo nshonga imwe bakazi 'mwe mwashweirwe omurundi gwa kabiri, naimwe bashaija 'mwe, ahabw'okushoboorora kubi kw'enyegyesa z'amadiini. Hati niinyenda kubooreka ekintu eki Yangambiire. Kandi Ruhanga, omuhangi waitu, ku araabe yaabuuziibwe ekyo kibuuzo obu yaabaire ari hanu omu nsi, Yesu Kristo; kandi nabi We orikucungura ku yaizire, Musa, eifo omuri Misri, kwiha abaana omuri-omuri Misri, kubata omu nsi eyaaragaanisiibwe; kandi Yesu akagamba hanu ngu Musa akareeba abantu bari omu mbeera egi, reero yaabaikiriza kuhandiika ebaruha y'okushenda, ahabw'okuba embeera ekaba eri nk'oku yaabaire eri. Musa akabugana nk'ekyo, nka, “Amurekye...” Ruhanga akaikiriza Musa, ogwo nabi otumirwe aha bantu, kubaikiriza kuhandiika ebaruha y'okushenda.

Kandi omu kitabo ky'Abakorinso ky'Okubanza, eshuura ya-ya 7, omushororongo gwa 12 n'ogwa 15, omuri nabi w'Endagaano Ensya, Paulo, owaabugaine ekintu nikyo kimwe omu kanisa, kandi akagamba kinu, “Ogu niinye, tari Mukama.” Ekyo kihikire? Ahabw'embeera y'okushenda. “Bwa mbere na mbere tikwo kyabaire kiri.” Kwonka Musa akaheebwa orusa, kandi Ruhanga yaagumya okuhikiirira kwakyo. Kandi Paulo nawe akaba aine obugabe, ku yaashangire ekanisa ye eri omu mbeera egyo.

Hatinimwikirizaku Agagariamazima, kandi nimwikirizaku Garugireahari Ruhanga! Kandi ahabw'okuhamibwa Ekicu Kye n'Obutumwa Bwe obundeetsire bukampitsya aha, Ruhanga aha rushozi abaire atashemereire kumpa orusa rw'okukora ekintu nikyo kimwe, kubaikiriza ngu mugumizemu nk'oku muri, kandi mutarikikora bundi! Mugyende n'abakazi baanyu kandi mutuure n'obusingye, ahakuba obwire buhweireyo. Okwija kwa Mukama kuri haihi. Titwine obwire bw'okushoboorora ebintu ebi. Mutaryehanga kugyezaho kukikora ogundi murundi! Ningambira ekanisa yangye yonka. Kwonka ku oraabe oshweire nari oshweirwe... Kandi ahari ekyo Ruhanga abaire kareebi wangye, aha rushozi, okuhitsya obu ndikubaasa kugamba Eki, okushuuruurirwa okurengire eby'obuhangwa, ahabw'okubamburwa kw'Obumanyiso Mushanju, kandi eki n'ekibuuzo ekiri omu Kigambo kya Ruhanga. “Ka bagumizemu nk'oku bari, batarigaruka kushiisha ogundi murundi!”

“Bwa mbere na mbere tikwo kyabaire kiri.” Ekyo kihikire, tikwo kyabaire kiri, kandi tikwo kiriba aha muheru. Kwonka omu mbeera z'eriigyenda, nk'omuheereza wa Ruhanga... tindikwija kweyeta nabi We; kwonka niinyikiriza obundi, ku ndaabe ntatumirwe ahabw'ekyo, nimuteeraho omusingye ku araije. N'ahabw'ekyo omu mbeera z'eriigyenda, ninkuragiira kutaaha omu ka yaawe, n'omukazi waawe hati. Omukazi waawe ku araabe naakushemeza, tuura nawe, okuze abaana baawe omu kutiina Ruhanga. Kwonka Ruhanga akugirire embabazi ku orikikora ogundi murundi! Mwegyese abaana baanyu okutarikora ekintu nk'ekyo, oboororere omu kutiina Ruhanga. Kandi hati obu muri nk'oku muri, hati ka tugyende, omu bwire obuhweireyo bw'omwabazyo obu tutwiremu, reero “twezirikye okuhika aharikuhakanirwa omu kwetwa kwa Kristo,” ahu ebintu byona birikubaasika.

Read the full account in...
Obushwere n’Okushenda.


Melekizedeki Ogu N’oha?

English Newsletter Site.

Rushozi Sinai. Meriba.
- Archaeology.

Okutwarwa.

Engiri ya Yesu Kristo.
Kristo akafa
ahabw'ebibi byaitu.

Mweteise,
mwena mubatizibwe...

 

Kicu.

Nyomyo y'omuriro.

Ekyo kiro ahari
Gologosa.

Ekigambo ekihuriire.

 

Bwire bw'emperu.
Obushwere n’Okushenda.
Kibanja kya Edeni.
Bikaba bitari
bijuma bya apo.

Archaeology.
Sodoma na Gomora.

Obumanyiso Mushanju.

Akamanyiso.

Runyakitara Obutumwa.

  Baiburi neegira ngu...

Yaagira ati: Omushaija nikyo atsigiraho ishe na nyina, akaguma n'omukazi we; nabo bombi bakahinduka omuntu omwe.

N'ahabw'ekyo baba batakiri babiri kureka omwe. N'ahabw'ekyo eki Ruhanga yaateeraine hamwe, omuntu atarikitaanisa.

Matayo 19:5-6


Click on an image to download PDFs or fullsize picture.


Acts of the Prophet

(PDF English)
 

Aka niko kamanyiso
k’emperu, sebo?

(PDF)- Mt. Sunset.
Kicu- karyareebeka.

Chapter 14
- Sabino Canyon

(PDF English)

Chapter 11
- The Cloud

(PDF English)

Ebyafaayo
By’Amagara Gangye.

(PDF)

Oku Maraika Yaizire
Ahariinye,...
(PDF)


Message Hub...Choose your Language and download Free Messages from Brother Branham