Mweteise, mwena mubatizibwe.

<< prev

next >>

  Ekigambo ekihuriire.

Ogu nigwo muhanda, mube nigwo mwahamya.

Isaaya 55:6-7,
6. Musherure MUKAMA naakiboneka, Mumutakire akiri haihi.
7. Omubi arekye omuhanda gwe, N'otahikiriire arekye ebiteekateeko bye, Agarukye ahari MUKAMA, abone kumusaasira, Ahari Ruhanga waitu, ahakuba naija kumusaasirira kimwe.

Ahakuba boona bakashiisha,...

Abarooma 3:23,
ahakuba boona bakashiisha, kandi tibarikuhika ha kitiinisa kya Ruhanga.

Abarooma 3:10,
...Tihariho ohikiriire, tihariho n'omwe;

Mumanye ngu naimwe.

Luka 13:3
Nimbagambira nti: Tikwo kiri; mumanye ngu naimwe, ku muraabe muteeteisize, muryahwerekyerera mwena nkabo.

Ebyakozirwe Entumwa 3:19,
N'ahabw'ekyo mweteise, muhindukye, ebibi byanyu biragazibwe, ebiro eby'okugaruka obusya bibone kwija okuruga ahari Mukama;

Okushuuruurirwa 2:1,5,
1. Ebaruha ezi Yesu yaahandiikiire amakanisa mushanju Handiikira maraika w'ekanisa ey'omuri Efeso, oti:...
5. N'ahabw'ekyo oijukye ahu waihire waaza kugwa, oyeteise, ogarukye okore nk'oku waabaire nookora okubanza. Ku oraabe otakozire otyo, ndyaija ahariiwe, nyihe ekikondo ky'etabaaza yaawe omu mwanya gwakyo, ku oriba oteeteisize.

Okushuuruurirwa 3:19,
Boona abu nkunda mbateisa kandi mbahana; n'ahabw'ekyo oyezirikye, oyeteise.

Mweteise, mwena mubatizibwe omu iziina rya Yesu Kristo...

Mako 16:16,
Oriikiriza akabatizibwa, aryajunwa; kwonka otariikiriza, aryasingwa orubanja.

1 Petero 3:21,
Amaizi ago nikyo kishushani ky'ago agabakiza omu kubatizibwa, ti kwihaho nziro z'omubiri, kureka n'endagaano y'omutima ogutarikweshinja ahari Ruhanga, kandi ebajuna ahabw'okuzooka kwa Yesu Kristo,

Yohaana 3:23,
Kandi na Yohaana akaba naabatiriza Enoni haihi na Salimu, ahabw'okuba aho niho amaizi maingi gaabaire gari; abantu baingi baija, baabatizibwa.

Ebyakozirwe Entumwa 8:36-39,
36. Ku baabaire nibakigyenda, baahika aha maizi; omukonwa yaagira ati: Reeba, amaizi ngaga! Ekirikunzibira kubatizibwa niki?
37. Filipo yaamugira ati: Ku oraabe waikiriza n'omutima gwawe gwona, nikibaasika. Yaagarukamu ati: Niinyikiriza ku Yesu Kristo ari Omwana wa Ruhanga.
38. Atyo yaaragiira ku beemereza ekigaari; bombi Filipo n'omukonwa baashuuma omu maizi; yaamubatiza.
39. Ku baarugire omu maizi, Omwoyo wa Mukama yaatwara Filipo, omukonwa tiyaagaruka kumureeba; kureka yaagumizamu, yaagyenda ashemereirwe.

1 Samueli 15:22,
...Manya okworoba kukira ebitambo, n'okuhurira kukira ebishaju by'empaya z'entaama.

Luka 24:45-49,
45. Atyo yaashuuruura obwengye bwabo, ngu bashoborokyerwe Ebyahandiikirwe;
46. yaabagira ati: Oku nikwo kyahandiikirwe ngu Kristo ashemereire kubonabonesibwa, n'okuzooka omu bafu aha kiro kya kashatu;
47. kandi ngu okweteisa n'okwihwaho ebibi bishemereire kubuurirwa omu iziina rye omu mahanga goona, okutandikira Yerusaalemu.
48. Imwe muri baakareebi b'ebigambo ebyo.
49. Kandi reeba, niinyija kubooherereza eki Tata yaaraganiise; kwonka mugume omu rurembo okuhitsya obu murijwekwa amaani agarikuruga omu iguru.

Ebyakozirwe Entumwa 2:36-39,
36. N'ahabw'ekyo ab'enju ya Israeli boona bamanye buzima ngu, Yesu ogwo, ou mwabambire, Ruhanga akamuhindura Omukama kandi Kristo.
37. Okuhinduka kw'abantu 3, 000 Abantu abo ku baakihuriire, baacumitwa omu mitima, baabuuza Petero n'ezindi ntumwa bati: B'eishe-emwe, tugire tuta?
38. Petero yaabagarukamu ati: Mweteise, mwena mubatizibwe omu iziina rya Yesu Kristo, mubone kusaasirwa ebibi byanyu; kandi nimwija kuheebwa ekiconco ky'Omwoyo Orikwera.
39. Ahakuba okuraganisibwa oku n'okwanyu n'okw'abaana baanyu, n'okwa boona abari hare, omuntu weena oryetwa Mukama Ruhanga waitu.

Ebyakozirwe Entumwa 8:14-17,
14. Kandi entumwa ezaabaire ziri Yerusaalemu, ku zaahuriire ngu aba Samaria baikiriize ekigambo kya Ruhanga, zaabatumaho Petero na Yohaana.
15. Nabo, ku baahikireyo, baabashabira ngu baheebwe Omwoyo Orikwera;
16. ahakuba Omwoyo akaba atakaizire aha muntu weena omuribo, kureka bakaba babatiziibwe omu iziina rya Mukama waitu Yesu.
17. Ahonaaho Petero na Yohaana baabataho engaro, baaheebwa Omwoyo Orikwera.

Ebyakozirwe Entumwa 19:1-6,
1. Abeegi ba Yohaana Omubatizi okwijura Omwoyo Apolo ku yaabaire akiri Korinso, Paulo yaaraba omu kyanga kya ruguru, yaahika Efeso, yaashangayo abeegi bamwe;
2. yaababuuza ati: Obu mwaikiriza, mukaheebwa Omwyoyo Orikwera? Baamugarukamu bati: Ngaaha, n'okuhurira titukahuriraga, yaaba habaho Omwoyo Orikwera.
3. Yaagira ati: Mukabatizibwa omu kubatizibwa ki? Bati: Omu kubatuza kwa Yohaana.
4. Paulo yaagira ati: Yohaana akabatiza okubatiza kw'okweteisa, naagambira abantu kwikiriza Ogwo orikwenda kwija enyima ye, niwe Yesu.
5. Ku baahuriire ekyo, baabatizibwa omu iziina rya Mukama waitu Yesu.
6. Paulo ku yaabataireho engaro, Omwoyo Orikwera yaabaijaho; baagamba endimi ezindi, baaragura.

Ebyakozirwe Entumwa 10:48,
Yaaragiira ngu babatizibwe omu iziina rya Yesu Kristo...

Yohaana 3:3,
Yesu yaamugarukamu ati: Buzimazima ninkugambira nti: Omuntu, ku aba atazairwe bwa kabiri, tabaasa kureeba bukama bwa Ruhanga.

Abagalatia 1:8,
Kwonka ku haakugira owaababuurira engiri etari nka i twababuuriire, yaaba itwe n'obu yaakuba maraika orugire omu iguru, akyeenwe.

1 Abakorinso 14:37,
Omuntu weena orikweteekateekaho ngu ni nabi, nari ow'Omwoyo, amanye ngu eki mbahandiikiire n'ekiragiro kya Mukama.

Nimwija kuheebwa ekiconco ky'Omwoyo Orikwera.

Ebyakozirwe Entumwa 1:4-5,
4. Ku yaabaire ateeraine nabo, yaabeehanangiriza kutaruga omuri Yerusaalemu, ati: Kureka mutegyereze eki Isheboona yaaraganiise, eki naabagambiire;
5. ahakuba Yohaana akabatiza n'amaizi, kwonka imwe nimwija kubatizibwa n'Omwoyo Orikwera omu biro bikye.

Ebyakozirwe Entumwa 5:32,
Itwe turi baakareebi b'ebyo hamwe n'Omwoyo Orikwera ou Ruhanga yaahaire abarikumworobera.

Yohaana 16:7-14,
7. Kwonka nimbagambira amazima; ni kirungi ahabanyu nyowe okugyenda; ahakuba nyowe ku ndiba ntagyenzire, Omuhwezi taribaizira; kwonka ku ndigyenda, ndyamubooherereza.
8. We ku ariija aryayomesereza ensi ekibi, n'okuhikiirira, n'orubanja;
9. ekibi, ahabw'okutaanyikiriza;
10. okuhikiirira, ahakuba ningyenda ahari Tata, kandi nimuba mutakindeeba;
11. n'orubanja, ahakuba omutegyeki w'ensi egi aherize kucwerwa orubanja.
12. Nkiine bingi kubagambira, kwonka timurikubaasa kubyemera hati.
13. Kureka Omwoyo ow'amazima ku ariija, aryabeebembera omu mazima goona, ahakuba taryetuma; kwonka byona ebi arihurira, nibyo arigamba, kandi aryabamanyisa ebiriija kubaho.
14. Aryampimbisa, ahakuba aryaiha aha byangye, abibamanyise.

Ebyakozirwe Entumwa 1:8,
Kwonka muryaheebwa amaani, Omwoyo Orikwera ku ariheza kubaijaho, kandi muryaba baakareebi bangye omuri Yerusaalemu, n'omuri Buyudaaya yoona, n'omuri Samaria, n'okuhitsya aha muheru gw'ensi.

Abarooma 8:9-11,
9. Kwonka imwe timuri mu buryo bw'omubiri, kureka omu Mwoyo, Omwoyo wa Ruhanga ku araabe atuura omuriimwe buzima. Mumanye ngu omuntu weena otaine Mwoyo wa Kristo, ti muntu we na kakye.
10. Kandi Kristo ku araabe ari omuriimwe, biri omubiri gufiire ahabw'ekibi, kwonka omwoyo guhuriire ahabw'okuhikiirira.
11. Ku muraabe mutuurwamu Omwoyo w'Ogwo owaazoire Yesu omu bafu, Ogwo owaazoire Kristo Yesu omu bafu aryahindura n'emibiri yaanyu ey'okufa okuba ehuriire ahabw'Omwoyo we otuura omuriimwe.

Ebyakozirwe Entumwa 10:44-48,
44. Abanyamahanga okuheebwa Omwoyo Orikwera Petero ku yaabaire naakigamba ebigambo ebyo, Omwoyo Orikwera yaashuuma ahari boona abaabaire nibahurira ekigambo.
45. Abaikiriize ab'omu bashazirwe, abaizire na Petero boona, baatangaara ahabw'Abanyamahanga nabo kushukwaho ekiconco ky'Omwoyo Orikwera.
46. Ahakuba bakabahurira nibagamba " omu ndimi" , nibahimbisa Ruhanga. Petero nikwo kubuuza ati:
47. Abantu aba abaaheebwa Omwoyo Orikwera nkaitwe, hariho orikubaasa kubaima amaizi ngu batabatizibwa?
48. Yaaragiira ngu babatizibwe omu iziina rya Yesu Kristo...

Kwonka ku tugyendera omu mushana,
nka We oku ari omu mushana.

1 Yohaana 1:5-7,
5. Obu nibwo butumwa obu yaatugambiire, kandi obu turikubagambira, ngu Ruhanga n'omushana, kandi omuriwe tiharimu mwirima na kakye.
6. Ku turaabe nitugira ngu nitukwatanisa nawe, haza kunu nitugyendera omu mwirima, biri nitubeiha kandi titurikukora by'amazima;
7. kwonka ku tugyendera omu mushana, nka We oku ari omu mushana, tukwatanisa hamwe, kandi eshagama ya Yesu Kristo Omwana we eguma neetwozyaho ebibi byona.

Ruhanga waawe,... ahabw'okuba niinyija kukugira ntyo. Amosi 4:12

From the tract...
Ogu nigwo muhanda, mube nigwo mwahamya.
by S.E. Johnson.


Melekizedeki Ogu N’oha?

English Newsletter Site.

Ekitabo
ky'Okushuuruurwa.

Rushozi Sinai. Meriba.
- Archaeology.

Okutwarwa.

Engiri ya Yesu Kristo.
Kristo akafa
ahabw'ebibi byaitu.

Mweteise,
mwena mubatizibwe...

 

Kicu.

Nyomyo y'omuriro.

Ekyo kiro ahari
Gologosa.

Ekigambo ekihuriire.

 

Bwire bw'emperu.
Obushwere n’Okushenda.
Kibanja kya Edeni.
Bikaba bitari
bijuma bya apo.

Obwaruhanga obwa
Yesu Kristo.

Acts of the Prophet.

(English)

Archaeology.
Sodoma na Gomora.

Obumanyiso Mushanju.

Emibonano ya
Babulooni.

Akamanyiso.

Runyakitara Obutumwa.

  Baiburi neegira ngu...

Kandi tihariho ondiijo ou twakuboneramu okujunwa, ahakuba tihariho rindi iziina ahansi y'eiguru eryahairwe abantu, erishemereire kutujuna.

Ebyakozirwe Entumwa 4:12


Click on an image to download PDFs or fullsize picture.


Acts of the Prophet

(PDF English)

Chapter 8
Angel Appears

(PDF English)

Before...

After...

Ebyafaayo
By’Amagara Gangye.

(PDF)

Oku Maraika Yaizire
Ahariinye,...
(PDF)


Message Hub...Choose your Language and download Free Messages from Brother Branham