Lubembu ntendekelo.
(Bufyashi bwa Nsoka.)

William Branham.

Belengeni ili buku...
Inshita ya Lukuta Lwa Efese.

Ukusokolola 2:7,
“...Uwacimfya nkamupelo kulyako ku Muti Wa Mweo, Uli mu Paradise wakwa Lesa.”

Ici e cilambu ica kuntanshi kuli bonse abakacimfya aba mu nshita shonse. Ilyo ubwite bwakulekelesha ku bulwi bukabilishiwa, ilyo icanso cesu cikabikwa panshi, lyena tukatusha mu paradise wakwa Lesa kabili iciputulwa cesu cikaba Umuti Wa Mweo, umuyayaya.

“Umuti Wa Mweo.” Bushe cilya te ciputulwa ca nsoselo isuma? Calumbulwa imiku itatu mwi Buku lya Kutendeka kabili imiku itatu mwi Buku lya Kusokolola. Mu ncende shonse mutanda cabe ci muti cimo cine kabili cimininako icintu fye cimo cine.

Lelo ingo Muti Wa Mweo ni cinshi? Cisuma, icakubalilapo tulingile ukwishiba ifyo umuti wimininako. Mumpendwa 24:6, nge fyo Balaamu alondolwele pali Israele, atile bena bali “imiti ya mikedari iya limba Yehoba.” Ifimuti mukati konse ka Malembo fisontelela ku bantu, nga mu Malumbo 1. E ico Umuti Wa Mweo ulingile ukuba Umuntu wa Mweo, kabili ulya ni Yesu.

Nomba mwi Bala lya Edeni kwali imiti ibili iya iminine mu kati ka lyena. Umo wali Umuti Wa Mweo, umbi wali Umuti uwakulengo Kwishiba Ubusuma no bubi. Umuntu ali no kwikalila ku Muti Wa Mweo; lelo talingile uku kumya umuti umbi nga nifyo ali no kufwa. Lelo umuntu aishile lya umuti umbi, kabili ilyo acitile, imfwa yaingile muli wene ku lubembu lwakwe, kabili aishile patulwa ukufuma kuli Lesa.

Nomba ulyo Umuti kunuma kulya mu Edeni, ulyo Umuti uyo wali intulo iya mweo, ali ni Yesu. Muli Yohane, icipandwa icalenga mutanda ukushinta icalenga cine konse konse, Yesu aleibika Umwine nge ntulo iya mweo wa muyayaya. Ailumbwile Umwine ukuba Umukate uwafuma ku mulu. Alandile pa lwa kuipela Umwine kabili ukutila ngo muntu alya kuli Wene takatale ukufwa. Asosele ukutila Alishibe Abrahamu, kabili kutila ilyo Abrahamu talabako, Eko ALI. Aseseme ukutila Wene Umwine ali no kubapela amenshi aya mweo aya kutila ngo muntu anwako tekuti akwate icilaka nakabili, lelo ali no kuba no mweo umuyayaya. Ali ilangishe Umwine nga NABA UMUKALAMBA. Ena e Mukate Wa Mweo, Icishima Ca Mweo, Ulya Uwa Muyayaya, UMUTI WA MWEO. Ali kunuma kulya mu Edeni mukati ke bala nga filya Akesaba mukati ka paradise wa kwa Lesa.

Bamo balikwata ilyano ukutila ifimuti fibili mwi bala fyali fye ifimuti fibili na fimbi ifyapalana na filye fyashala ifyo Lesa abikile mulya. Lelo bakasambilila aba cenjela balishibo kutila ici tefyo caba. Ilyo Yohane Kabatisha abilikishe ukutila akasembe na kabikwa ku misambo iya miti yonse, talesosa pa miti fye ya cifyalilwa, lelo ku mafunde aya bumupashi. Nomba muli 1 Yohane 5:11 isoso kuti,
“Kabili UBUNTE ni ubu, ubwa kuti Lesa atupele umweo wa muyayaya, no mweo uyu uli muli Mwane.”
Yesu atile muli Yohane 5:40,
“Kabili tamufwaya ukwisa kuli Ine, ukuti mube no mweo.”
E ico ilyashi, Icebo cakwa Lesa, cilelanda palwalala kabili bwino bwino ukutila UMWEO, UMWEO WA MUYAYAYA, uli mu Mwana. Tepa cifulo cimbi. 1 Yohane 5:12,
“Uukwete Umwana akwete UMWEO; kabili ushikwete Mwana wakwa Lesa TAKWETE Mweo.”
Nomba apo ilyashi tekuti lipilibuke, ukulifumyako atemwa ukulunda kuli lyena, kanshi ilyashi lya liminina ukutila UMWEO UULI MU MWANA... Apo ici cili ifi, UMUTI MWI BALA ULINGILE UKUBA YESU.

Cisuma. Ngo Muti Wa Mweo muntu, kanshi Umuti wa kulengo Kwishiba Ubusuma no Bubi muntu NAO. Tekuti cibe cimbi. E ico Ulyo Mulungami kabili na Ulyo Mubifi baiminine lubali no lubali mulya mukati ke Bala lya Edeni. Esekele 28:13a,
“Iwe (Satana) mu Edeni ibala lyakwa Lesa, emo waikele.”

Pano epo tupokelela ubusokololo ubwa cine ubwa 'bufyashi bwa Nsoka.' Ici pano ica citike mucine cine mwi Bala lya Edene. Icebo cisoso kutila Efa alembelekwe ne nsoka. Mucine alitunkilwe ku nsoka. Yasoso kuti mu Kutendeka 3:1,
“Nombe nsoka yabe ncenjeshi iya cilamo mu fya mweo fyonse ifya mpanga ifyo Yehoba Lesa acitile.”
Ici ciswango cali capalanako nganshi ku muntunse (lelo nomba cali icinama icituntulu) icakutila kuti catontonkanya no kulanda. Cali icibumbwa ica ololoka kabili cali mu musango uwapakati ka kolwe umukalamba no muntu, lelo icapalanako ku muntu. Cali mupepi ukuba umuntunse icakutila ubufyashi bwa ciko kuti bwacita, kabili bwalisankene na bulyo bwa mwanakashi no kumulenga ukwimita. Ilyo ici cacitike, Lesa atipile nsoka. Apilibwile ifupa lyonse mu mubili wa nsoka icakutila caamfwile nge nsoka. Science kuti yaesha fyonse ifyo ilefwayo kucita, kabili tayakasange iciputulwa icalufiwa. Lesa alimwene kuli cilya. Umuntu alicenjela kabili kuti amona ukwampana kwa muntu ne cinama kabili esho kucishininkisha ukufuma mu kuisandulula. Takwaba ukuisandulula ukuli konse. Lelo muntu ne nama fyalisankene. Ilya e imo pa nkama shakwa Lesa iyo yashala iya fiswa, lelo pano ilesokololwa. Cacitike kulya kwine kunuma mukati ka Edeni ilyo Efa apilibwike ukufuma ku Mweo ku kusumine Mfwa.

Moneni ifyo Lesa asosele kuli bena mwi bala. Ukutendeka 3:15,
“Ndebika no bulwani pa kati ka iwe no mwanakashi, kabili pa kati ka bufyashi bobe no Bufyashi bwakwe, kabili Bwene bwakulakulasa ku mutwe, nobe wakula Bulasa ku citende.”
Nga kuti twapelo kutasha ku Cebo ukutila umwanakashi alikwete Ubufyashi, kanshi insoka ilingile mucine ukukwata ubufyashi nayo. Ngo Bufyashi bwa mwanakashi bwali umwana mwaume ukwabula umwaume, kanshi ubufyashi bwa nsoka bulingile ukuba mu butantiko bumo bwine, kabili cilya cakutila umwaume umbi alingile ukufyalwa ukwabulo kubomba kwa mwaume. Takwaba kasambilila uyo ushaishiba ukutila Ubufyashi bwa mwanakashi ali ni Kristu Uyo waishile ku kubomba kwa kwa Lesa, ukwabula ukukumana kwa buntu. Nakabili calishibikwa fye bwino ukutila ukulandila libela ukwa kulasa kwa mutwe wa nsoka kwali mu mucine cine ubusesemo pafyo Kristu ali no kwisa cita kuli Satana pa lupanda. Palya pa lupanda Kristu ali no kulaso mutwe wakwa Satana, ilyo Satana ali no kulasa icitende cakwa Shikulu.

Lelo ici ciputulwa ce Lembo e kusokolola ukwa ifyo ubufyashi ubutuntulu ubwa nsoka bwabyelwe mwi sonde, nge fyo twakwata ilyashi lya muli Luka 1:26-35, umo mwatantikwa ilyashi lya cine ifyo Ubufyashi bwa mwanakashi bwaishile monekela mu mubili ukwabula ukubomba kwa mwaume.
Awe mu mweshi uwalenga mutanda malaika Gabriele atuminwe ukufuma kuli Lesa aye mu mushi mu Galili, ishina lya uko ni Nasarete, ku mukashana uwa kobekelwa ku mwaume ishina lyakwe ni Yosefe, uwa mulupwa lwakwa Dabidi; ne shina lya mukashana ni Mariya.
Kabili malaika pa kwingila umo ali, atile, Mwapoleni, we wasenaminwa pa banakashi, Shikulu ali nobe: walipalwa pa banakashi bonse.
kabili ilyo amumwene, asakamikwe apakalamba pa kumfwe cebo, atontonkanya ukuti kwaba shani ukuposha uku.
Na malaika atile kuli wene, Witina, Mariya: pantu nausango kusenamina kuli Lesa.
Kabili, mona, ukemite fumo, no kufyalo mwana Umwaume, ne Shina Lyakwe ukamwinike YESU.
Wene akabo mukalamba, no kwitwo Mwana wa Wapulamo: kabili Shikulu Lesa aka Mupele cipuna ca bufumu icakwa Dabidi Wishi:
Kabili Akabe mfumu pa lupwa lwakwa Yakobo umuyayaya; na ku bufumu Bwakwe takwakabe mpela.
Awe Mariya atile kuli Malaika, Ici cikaba shani, apo nshinshibe umwaume?
Na malaika ali mwaswike ati, Umupashi wa Mushilo ukesa pali iwe, na maka yawa Pulamo yakakufimba: kabili ico icikafyalwa Ciketilwa Ica Mushilo Umwana wakwa Lesa.

Nge fyo Ubufyashi ubwa mwanakashi cali mu butuntulu Lesa ukuifyala Umwine mu mubili wa buntu, e ico ubufyashi bwa nsoka e nshile ituntulu iyo Satana asangile ali no kuiswila umwinshi umwine mu luko lwa bantu. Cali icishinga citwa kuli Satana (pantu ena aba fye icibumbwa ca mupashi ICALENGWA) ku kuifyala umwine mu musango uo Lesa aifyele Umwine, e ico ilyashi lya mu Kutendeka lilatweba ifyo afyele ubufyashi bwakwe kabili aishileilanga atemwa aishile ifyantika umwine mu luko lwa bantu. Nakabili ibukisheni Satana etwa 'insoka'. Cabo bufyashi bwakwe atemwa ukuifyantika mu luko lwa bantu ico tulesosapo.

Ilyo Adamu talapalamana na Efa, insoka yalikwete kulyo kwishiba ku ntanshi yakwe. Kabili ulya umo uwa fyelwe kuli yena ali ni Kaini. Kaini ali uwa (afyelwe kuli, uwafyalwa kuli) “Ulyo Mubifi.” 1 Yohane 3:12. Umupashi wa Mushilo muli Yohane teti mu cifulo cimo wite Adamu “Ulyo mubifi” (pantu filya efyo engaba nga cakutila ali fyele Kaini) kabili mucifulo cimbi wite Adamu “Umwana wakwa Lesa” ifi efyo ali ku kulengwa. Luka 3:38. Kaini aishileba mu mibele nga wishi, kaleta wa mfwa, icipondo. Bucintala bwakwe kuli Lesa ilyo ba mukumenye ku Wapulamo mu Kutendeka 4:5,9,13,14, kulamulangisha ukuba mucine cine mu mibele ishili iya buntu, cilemoneka ukuba icacila ilyashi ilili lyonse ilyo twakwata mu Malembo palwa kulanshanya kwa kwa Satana na Lesa.

4 Lelo Kaini ne ca bupe cakwe Talolekesheko. Awe Kaini afulilwe cibi, ne mpumi yakwe yawa.
5 Elyo Yehoba ati kuli Kaini, Alikwi Abele mu nonko? Nao ati, katwishi: Bushe uwa kulinda munyinane ni ne?
9 Nao Kaini ati kuli Yehoba, Kwakulo kukandwa kwandi kwang'ansha ukushipikisha.
13 Moneni, Mwantamfya buno bushiku pano pa mushili; nakulafiswa ukufuma pa cinso Cenu; no kuba uwapungaila kabili uwaluba pano isonde; ukuti kabili cikafikilishiwa, onse uwansanga akanjipaya.

Moneni inshila ine ilyashi lya kwa Lesa lya tantika pe lyashi lya kufyalwa kwa kwa Kaini, Abele na Sete. Ukutendeka 4:1,
“Kabili Adamu aishibe Efa umukashi wakwe; nao aimita, afyala na Kaini, no kutila, ni mpokelela umwana kuli Yehoba. Elyo abwekeshepo ukufyala munyina Abele.”
Ukutendeka 4:25,
“Kabili Adamu abwekeshepo ukwishibo mukashi wakwe; nao afyele umwana umwaume, amwinika ne shina Sete...”

Kuli abana baume BATATU abafyelwe ukufuma ku micitile IBILI iya kupalamana kuli Adamu. Apo Baibele yaba cishinka cine kabili Icebo cakwa Lesa icapwililika, ici te cilubo lelo ilyashi lya kutwishibishako. Apo abana baume BATATU balifyelwe ku micitile IBILI kuli Adamu, mwalishiba MUKUSHININKISHA ukutila UMO uwa balya batatu TALI umwana wakwa Adamu. Lesa alilemba ici muli uyu wine umusango ukutulangisha icintu cimo. Icishinka ica mulandu cakutila Efa alikwete munda yakwe abana BABILI (ba mpundu) ukufuma mu kwimita UKWAPUSANA. Alikwete ba mpundu, no kwimita ifumo lya kwa Kaini ilyo kulyo kwakwa Abele takulaba.

Belengeni ili buku...
Inshita ya Lukuta Lwa Efese.

Kuli ici eko twishibila abana bakwa Lesa na bana bakwa Ciwa. Pantu uyo onse uushitwalilila ukucita ifyo Lesa afwaya, kabili tatemwa na munyina, ninshi tali mwana wakwa Lesa.

Pantu aya e mashiwi mwaumfwile ukufuma ku citendekelofye, ayakutila tuli nokulatemwana.

Twiba nga filya fyali Kaini uwali umuntu wakwa Ciwa. Aipeye munyina. Mulandu nshi amwipaile? Nico munyina alecita ifyo Lesa alefwaya, lelo wena imicitile yakwe yali iyabipa.

1 Yoani 3:10-12