Ukusokolola Kwakwa Yesu Kristu.
Iikalamba iya Bene batatu.
William Branham.Belengeni ili buku...
Ukusokolola Kwakwa Yesu Kristu.Ukusokolola 1:5,
Na kuli Yesu Kristu, Inte Ya Cishinka, Ibeli Lya Babuka Ku Bafwa, kabili Kateka wa Shamfumu sha pano Nse. Ku Watutemwa, uwatukakwilile na mu membu shesu kumulopa Wakwe,Ukusokolola 1:8,
Nine Alifa kabili Omega, Intendekelo kabili Necakulekelesha, efyo asosa Shikulu Uulipo, Uwalipo, kabili Uyo Uli no Kwisa, uwa Maka yonse.Nomba yonse yi milandile, 'Uyo Uulipo,' kabili 'Wene Uwalipo,' kabili 'Uuli No Kwisa,' kabili 'Inte ya Cishinka,' kabili 'Ibeli Ukufuma ku Bafwa,' kabili 'Cilolo wa Shamfumusha pano Nse,' kabili 'Alifa na Omega,' kabili 'Uwamaka Yonse,' fyabe fyakulumbwilako ne milondolwele ya MUNTU UMO WINE KABILI UMO FYE, Uuli ni Shikulu Yesu Kristu, Uwatusambile ku membu shesu mu mulopa Wakwe wine.
Umupashi wakwa Lesa muli Yohane ulelangisha muli uyu musango pa mulandu wakufwayo kutantika Bulesa Ubwapulishamo ubwa kwa Yesu Kristu kabili no kusokolola umutwe wa Bulesa nga Lesa UMO. Ilelo kwaba ukuluba ukukalamba. Cabo kutila kwaba ba Lesa batatu mucifulo caumo. Ubu busokololo nge fyo bwapelwe kuli Yohane na Yesu, Umwine, bulelungamika cilye cilubo. Tacabo kutila kwaba baLesa batatu, lelo Lesa umo na ma ofeshi yatatu. Kwaba Lesa UMO ne fyakulumbwilako fitatu, Tata, Mwana, na Mupashi wa Mushilo. Ubu busokololo ubwapulamo ebo ulukuta lwantendekelo lwakwete, kabili bulingile ukubwekeshiwa muli buno bushiku bwa kulekelesha pamo no kubatisha ukwalungama ukwa mu menshi.
Nomba bakasambilila wa fya bulesa bashino nshiku tekuti basuminishanye na ine pantu ifi pano ifyalembelwe muli magazine ikalamba iya Bwinakristu. “Kulyo kusambilisha (pa Bene batatu) kwaba pa mutima wine kabili mukati ka Cipingo ca Kale. Caba mu nshila shonse ica palama ukuba mukati ka Cipingo Cipya. Icipingo Cipya cabafye ica pusana nge fyo Icipingo ca Kale caba kwitontonkanyo ilya kutila kwaba baLesa abengi ukucila umo. Nalyo line Icipingo Cipya no kulangisha pa mbilibili ukwapalana cisambilisha ukutila Tata ni Lesa, kabili Mwana ni Lesa, kabili na Mupashi wa Mushilo ni Lesa, kabili no kutila ifi fitatu ta FYABA ifilangisho ifya Muntu umo wine, lelo abantu batatu ukwiminina mukwampana kwine kwine ukwa kuli umo no mubiye. Apa natukwata isambilisho ilikalamba ilya Bantu Batatu lelo Lesa umo.”
Bena nakabili basoso kutila, “Lesa, ukulingana na Baibele, te muntu fye umo, lelo Ena aba bantu batatu muli Lesa umo. Iyo e nkama iikalamba iya Bene batatu.”
Mucine efyo ili. Musangonshi abantu batatu bengaba muli Lesa umo? Tacakwata fye na Baibele pali cena, lelo cilangishafye no kubulisha kwa kutontonkanya ukwa mano. Abantu abaibela batatu, nangu icintu icimoneka cimo cine, kupanga balesa batatu, nga ni fyo ululimi nalulufya ubupilibulo lwa luko umupwilapo.
Kutikeni fye kuli aya mashiwi nakabili, “Nine Alifa na Omega, Intendekelo ne Mpela, efyo asosa Shikulu, Uyo Ulipo, kabili Uyo Uwalipo, kabili Uyo Uli no Kwisa, Uwamaka yonse”. Ubu ni Bulesa. Uyu te kasesema fye, umuntu. Uyu ni Lesa. Kabili te kusokolola kwa ba Lesa batatu, lelo ukwa Lesa UMO, Uwa maka yonse.
Tabacetekele muli ba Lesa batatu mu kutendeka kwa lukuta. Tekuti musange icisumino ca musango ulya pakati kabatumwa. Cali ni panuma ya nshita ya batumwa e lintu ili funde lyaishilemo kabili lyaishileba ifunde ne sambilisho lya ci cardinal ku Kabungwe ka ku Nicene. Isambilisho lya mutwe wa Bulesa lyalengele ukupatukana kubili ku Nicaea. Kabili mukupatukana kulya mwaishilefuma amafunde yabili. limo lyaile fye mu cisumino ca polytheism, ukucetekela muli baLesa batatu, kabili na bambi bakonkele mucisumino ca unitarianism. Mucine cilya cali pa kashita akanono uku laisamo, lelo calicitile, kabili tucili twali cikwata nelelo. Lelo Ubusokololo ukupitila muli Yohane ku Mupashi ku nkuta bwali, “Nine Shikulu Yesu Kristu, kabili Nine FYONSE ifya fyena. Takwabako Lesa naumbi”. Kabili Abikile icikakatikilo Cakwe pali ubu Busokololo.
Tontonkanyeni ici: Nani uwali Wishi wakwa Yesu? Mateo 1:18 itila, “Asangilwe ali no mwana uwa Mupashi wa Mushilo.” Lelo Yesu, Umwine, asosele ukuti Lesa ali ni Wishi. Lesa Tata na Lesa Mupashi wa Mushilo, nge fyo lyonse tulangisha ishi nsoselo, kulenga Tata no Mupashi UMO. Mucine efyo baba, nga nifyo Yesu akwete ba Wishi babili. Lelo moneni ukuti Yesu atile ukuti Ena na Wishi baba Umo_te babili. Ico e cipanga Lesa UMO.
Apo ici cabe cine mwi lyashi lyakale na mu Malembo, abantu balasunguka uko aba batatu bafumine. Caishileba isambilisho ilya mufula ku Kabungwe ka ku Nicene mu 325 A.D. Iyi Trinity (ishiwi ilyo ilishaba mu malembo) ya shintilile pa milungu iingi iya ku Rome. Abena Roma balikwete imilungu iingi uko balepepa. Bena nakabili balepepa kufikolwe nga bakapapatila. Cali fye ulutampulo ukupela amashina yapya ku milungu ya kale, e ico twalikwata abashila ukucipanga ukuba ica mu Baibele nganshi. E ico, mucifulo ca Jupiter, Venus, Mars, na fimbipo, twalikwata Paulo, Petro, Fatima, Christopher, na bambipo, na bambipo. Balifililwe ukulenga bukapepa bwabo ubwa busenshi ukubomba na Lesa fye umo, e ico bapatwile Wene muli fitatu, kabili bacitile abashila ukuba bakapapatila nge fyo bacitile fikolwe fyabo ukuba bakapapatila.
Ukutula fye lilya abantu balifilwa ukwishiba ukutila kwaba fye Lesa umo na ma ofeshi yatatu atemwa ifilangisho. Baliishiba kwaba Lesa umo ukulingana na Malembo, lelo besha ukucilenga ukube sambilisho lyapulamo ukuti Lesa aba ngo mwanshi wa myangashi; abantu batatu na Bulesa bumo bwine ukwakanishiwa umusango umo wine kuli bonse. Lelo cilesosa palwalala muno mu Kusokolola ukuti Yesu aba “Uyo Uwabapo,” “Uyo Uwalipo,” kabili “Uyo Uli no Kwisa.” Aba ni “Alifa na Omega,” ico icipilibula ukuti Aba ni “A ukufika ku Z” atemwa FYONSE IFYA CENA. Ena aba ifintu fyonse_Uwapulamo. Ena ni Nsalankwale ya mu Sharone, Cananika wa mu Mipokapoka, Ulutanda Lwa lucelo Ulubalikisha, Umusambo wa Bulungami, Tata, Umwana, na Mupashi wa Mushilo. Ena ni Lesa, Lesa wa maka yonse. LESA UMO.
Timoti 3:16 itila,
Kabili ukwabulo kutalikana cikulu ica nkama ca bukapepa: Lesa ali moneke mu mubili, alungamikilwe ku Mupashi, amwene kuli ba malaika, abililwe mu Bena fyalo, atetekelweko pano isonde, apokelelwe mu Bukata.
Ifi efyo Baibele isosa. Taisosapo nangu kamo pamuntu wantanshi atemwa uwa cibili atemwa uwa citatu apa. Ilesosa ukutila Lesa ailangishe mu mubili. Lesa Umo. Ulya LESA UMO amonekele mu mubili. Ico cilingile ukucipwishishisha. Lesa aishile mu musango wa buntu. Ico taca Mucitile ukuba LESA UMBI. ALI NI LESA, LESA UMO WINE. Cali busokololo lilya, kabili caba busokololo na ino ine nshita. Lesa Umo.Lekeni tubwekele mu Baibele no kumona ifyo Ali mukutendeka ukulingana no busokololo Aipele Umwine. Yehoba umukalamba amonekele kuli Israele mu ntumba ya mulilo. Nga Malaika wa cipangano Aikele mulya mu ntumba ya mulilo no kutungulula Israele cila bushiku. Kwi tempile Abilishe ukwisa Kwakwe ne kumbi ilikalamba. Elyo ubushiku bumo Aishile monekela mu mubili uwa fyalwa muli na cisungu uyo uwateyanishiwe kuli Wene. Ulya Lesa uwaikele pa mulu wa mahema yakwa Israele nomba aishile senda Umwine ihema lya mubili no kwikalamo ngo muntu pakati ka bantu. Lelo Ali ni LESA UMO WINE.
Baibele isambilisha ukutila LESA ALI MULI KRISTU. UMUBILI wali ni Yesu. Muli Wene mwaikele umwisulo onse uwa mutwe wa Bulesa, MU MUBILI. Takuli nangu cimo icingaba palwalala ukucila ifi. Inkama, ee. Lelo icine icituntulu_teti cibe palwalala. E ico nga Wene tali abantu batatu lilya, tekuti Abe batatu nomba. LESA UMO: Kabili uyu Lesa umo wine alengelwe ubuntunse.Yesu atile, “Nafuma kuli Lesa kabili ndeya (ukubwelela) kuli Lesa.” Yohane 16:27-28. Cilya e cacitike filya fine. Afumine pano nse mu nshila ya mfwa Yakwe, ukushikwa, ukubuka, nokunina. Elyo Paulo Amukumenye pa musebo wa ku Damaseke kabili Alandile kuli Paulo no kutila, “Sauli, Sauli, cinshi ico ulencushisha Ine?” Paulo atile, “Nimwe Ani, Shikulu?” Atile, “Nine Yesu.” Ali ni ntumba ya mulilo, ulubuuto ulupofwisha. Ali bwekelemo, filya fine nge fyo Asosele Ali no kucita.
Ukubwelela mu musango umo wine fintu Ali ilyo Talasenda ihema lya buntunse. Filya fine fye efyo Yohane acimwene. Yohane 1:18 “Umuntu nangu umo tatala amona Lesa; Umwana uwafyalwa eka, Uuli pa cifuba cakwa Wishi, Wene e wa Musokolwele”. Moneni apo Yohane alesosa ukuti Yesu ABA. Wene ali MU cifuba cakwa Wishi.
Luka 2:11 itila,
“Pantu mu mushi wa kwa Dabidi mufyalilwe imwe lelo Umupusushi, Uyo ni Kristu Shikulu”.
Afyelwe nga Kristu, kabili panuma ya nshiku cine konse konse ilyo Asembulwilwe Aishile inikwa Yesu, nangula ni malaika efyo abebele. Na fyelwe nga Branham. Lintu nafyelwe banjinike ishina lya William. Ali ni KRISTU lelo Apelwe ishina pesamba pano pakati ka bantu. Lilye hema lya kunse abantu balemona lyaleitwa Yesu. Ali ni Shikulu wa Bukata, Uwamaka yonse ukumonekela mu mubili. Aba ni Lesa Tata, Mwana, na Mupashi wa Mushilo. Wene ni fyonse filya.Belengeni ili buku...
Ukusokolola Kwakwa Yesu Kristu.
