Ngitai ngulu eyiakasi lojera tokona.

William Branham.

Tosiomete alo akirot...
Ngitai ngulu eyiakasi lojera tokona.

Ka apei paki ayiei ayong kinga erikae ngitiang, ikwapei eraakar eyiakae ngolo angiarei neni kang, amina erika ngitiang. Ka ayiei ayong kinga erikae kaapei ka esapat Jim Poole, esapat ngolo minat; (atami ayong ebe ebunenene lokoku keng laalo lokelesia, Jim ngolocici, ka ngitunga ngulu ajokak ngulu ke ekal. Ayieni ayong Pooles. Aperi ayong kaapei ka Jimmy ido eboiyio kaapei ngina pei alokiditeu kosi ngina ayiakatere losukul... Ikilanyakina isua angilapio angikani kapei, alotooma ngikaru) ka abu Jimmy tobucakin alakakin amatida keng eduwuor, ido abu togum ngakejen kang daadang kirop, ediyiediyie, isitiyiae amatida. Aponi okoyai ayong lodakitar, ka anen lodakitar-aperi ayong anen eridi atwanare. (Alorwa angul amam ekitoe ngolo enyaritae penisilin kori dang amam idiobore daadang alorwa angul. Ka apotu ikec toenikis apira kwap kang, ka ayeni ayong akuwar ngin... alosete ikec akicil ayong anataparacu angina etupakini. Apotu ikec tolemut ka kitesegut ajeme, ido engaaraunit akiring kidiama, ka apotu ikec tolemut ngimakasia atuboria, ido arae ayong akilid ngakan nguna aitunganan.... Ka arae ikec akibwatar ngakan kang anacir keng, apaki ngina erikakiniata ikec. Abu ayong eoroki ka egwor, ka olidite-alopite angol, ido ikec dang totubete atutubet ngina ka akiring anakeju. Arae ayong ngikaru ngitomon angiomwon, aroko ayong arae edia ngolo cici.

Ka anakuwar angin abu ayong ekatak alosit ajotoor, ido ikec... abu ayong okyenyu, abu icebore kilapar. Ido arae ngaokot nguna atamakinit ayong ebe ayapikinito atutubet ngina angikopoi angikanikauni, nguna alomunete anakepua kec.
Ka apotu ikec temasi... aponi kipimae alokisire, ido apotu ikes temasi ebe ayapikinit agumasit nakep ngina ekori ngaokot, alowaitin a daadang, ka epedori agwarasit ngina cici akitub inges ngarwatin ngaarei, ido ogeik akii ngaikot. “Kire,” atamit ayong ebe, “erae na asalunet kang.”
Ido abu ayong ewuaak ngakan kang kwap ikwana, ido ekea ngakan kidiama, ido aleleete ngaokot kwap anakan kang, ka arae naokot kang aperio ayong. Abu ayong onyara-oramaki ekaadongot. Ido abu adakitar bu, tonanaiya inges ka asuka angina cici anierae amam ngace nguna apedorete ikec akitiyia.

Ka ataparacu ngina atupakini, anadoketa anguna ka apalagu angun, (amam pa enenenikinio ngaokot lotunga alorwa ngul, iyenete iyes) angun apotu ikec okokicila ayong. Ido apotu ikec okoinakis ayong ekitoe ngolo aliiliwan ngolo itiyiaunitae alotule. Ka ngina abunio ayong... ekitoe ngolo aliiliwan ngolo ngorot ngolo itiyiaunitae alotule-atami ayong ebe iitunito iyes, erae ekitoe ngolo ngorot ngolo emam nyipupunio apipilu kori ariebo. Ka anguna ke ekitoe angolo aliiliwan angolo itiyiaunitae alotule angol, ngina alomunia ayong kinga... alomuni ayong kinga aneni ke ekitoe angolo aliiliwan angolo itiyiaunitae alotule kelunyar ngisaae ngikanikauni. Arae ikec asabakin ayong ekitoe ngolo aliiliwan ngolo itiyiaunitae alotule ngolo alalan, atamito ikec atemar... nyakyenyuni ayong. Pa apedorete ikec akitekyenyun ayong.

-----
Ngina ekwarunia ayong alokitoe angolo aliiliwan angolo itiyiaunitae alotule angol, ayiei idiobore ngini abu kitiyiakin neni kang anen. Jwi jwi anupit ebe arae ayanyunet. Anierae apalag ayong noi, atamete ikec atemar eridi ayong atwanare. Egworo aberu ngin. Ngina angaaria ayong ngakonyen kang akingolikin, abu eira inges irworo, abu nait obongo ajotoor. Abu ayong okienyu ngarwatin ngaarei kori ngauni.
Ka anen abu ayong oyiakaunor ayanyunet nait... Ka ani Kelunyar ngilapio ngulu edolete ngikani kaarei, abu ayong olot akiwom nganoiyonorete nguna ka agumio ka ngilowi ngulu acalicalete nakimiet ngulu iwatere ngitiang ngulu alacario anakejen kang ngulu pa abu emuron toriamu. Angun abu ayong oyiakainor akingalakinio ngina angaokot kang, ngakejen kang daadang apotu tobuut noi ka kirwanakinos aneni kang, ido acamito ngikemukiak atubor ngakejen kang alokalokoi. Ka abu ayong otema, “Mam, potu laalo ido totubosi ane.” Pa apedori ayong akidangidangakin atuborio ngakejen. Ka angun anangetakinet, abu Emuron Reeder ka Emuron Padil ngulu alo Louisville, okoyienga ayong, ido apotu tocila ngarwatin ngauni ka tosodete alemun kinga; ka nakolongit na ayiakatar ayong ngakejen nguna eumokina anguna ka ajokis ka Akuj.

-----
Tokona, alotooma adakika na, ikwapei abunio ayong oyakaunotor ayanyunet ngin, ido otami ebe alunyar ayong anakiyar ana tooma nakisicanio. Kedaun ngilapio ngikanikaarei alunyar, ane alodakitar angolo a Clark County Memorial, abu ayong oyakaunor ayengio ngina angaarei. Ka apaki angina, ngina alomunia ayong kinga, atami ayong atemar awuoi alowae angolo aloto. Abu ayong oyakaunor ayanyunet acie, ka ayiei emusalaba ngolo apolon ngolo ke esabu tooma nadision, ka aleleunit Asir ngina ka Akuj alomusalaba angol. Ka abu ayong owuo alopite angolo ewakinitor ayong ngakan kang ikwana, ka Asir ngin aleleunit tooma lokore kang. Ka abu ayanyunet tongopiya aneni kang.
Awuoi apakang anen eketee ayong, anapaki angina abunio ayanyunet.

Jwi jwi akaesenakini ayong iyong... Ngitunga daadang ngulu akayienete ayong ngikaru lu daadang eyenete ebe jwi jwi eitanit ayong akiwuot lowae ngolo aloto. Iyienete iyes epite ngolo eyiakar. Jwi jwi arae ibore ngini alowae ngolo aloto. Nait anierae abu ekaporon lolap okolimok ayong apei paki, ibore nginipei ngin, ebe iitana ayong olot lowae ngolo aloto... Ngikacer, ngina etubioto ikec akecekiwot ka ngace daadang, ekedounitoe ayong alotooma ayanyunet ngina, ido nyarauni ayong ngolo ejok akiyiar alowae angolo Alokide, eitana ayong akiwuot lowae ngolo aloto. Ka ekaru ngolo alunyar abu ayong owuotok lowae ngolo aloto, akilelebikinia ekimuye ngolo ayakar akiyar kingolik, akitiyangin ngun.

-----
Kedau ayanyunet akitiyakin neni kang, abu opalagu noi ka abu ayong oi ngaokot daadang, atamit ayong atemar ebe ayiei ayong asipor tooma Ngikaru ka ngikaru ngulu emam asalunet-Iyes ngulu alalak iiraritotor ayong alimunit nu-ido osipo tooma ngikaru ka ngikaru ngulu emam asalunet. Ekingaren, alosi ayong ikwa ngidowon, ka anen alomar nakirwonut ido eyolior kwap, kwap, kwap. Ka ibore ngini esiaunan ngini iyienete iyes, abu ayong odol nakiboisio angulu eoliyorito, ka alotooma anen abu ayong ekiliau ka abu ayong engolik ka ibore daadang, amam apetetait keng. Pa apedori ayong ajongoere akimasar kwap-anguna angikaru ka ngikaru... asibit, alosi ayong akimasar-amam akiwuo aiwadio.

Ka anen, nyo atiaketait anayanyunet angina ayiakar ayong meere kolong anguna ka ayakau Nasir kaapei ka ngitunga, atiakatait. Nait alotooma nu, ikwapei ayiakar ayong adoiyor kwap, anangetakin-abu ayong ekiliau anguna a papa kang. Eero bo ca, ikwapei ikoku nicici, nguna apedori ayong akitiyakin ikec nguna. Abu ayong ekiliau anguna a papa kang; ka amam papa kang anen. Ka abu ayong ekiliau anguna a toto kang, “Abu icietunganan ekekamu ayong!” amam atokang anen. Alosi ayong. Ka anen abu ayong ekiliau neni ka Akuj. Amam Akuj dang anen. Amam ibore ayiei nen.

Ka kelunyar adiopaki abu ayong eira etoil ngolo ka akiturur ngolosek eiraritor ayong; ka abu ayong opup erono noi. Emam ecierot-tari akim dang ngina ikite ngina ngina erirae epedori ngina ajokar adepar lopite ngolo ayiakar na. Tokona, nyediakara ngayanyuneta nu. Ka arae apei paki ngina abunio ayong opupunio erono noi nguna apotu kitiyakin neni kang... Abu ayong eira Acela acelasi ikwa ekabila ngolo aibore angini ikisicianit. Ka ngina araunia, abu ayong engolik ebunit, ka arae ngaberu ka ayiakatar ikec ibore ngini aliban, apedori ayong akingolikin ngireetin kec, ka ayiakatar ikec ibore ngini aliban kwap ngakonyen kec ka asibito ngakonyen kec-nguna ngaberu nguna alolo lopite ngolo iwaseta ikec erangi nakonyen kec. Tojilongongioto lopite ngol ka ngakecekonyen ka ngireetin kec ka alosete ikec, “ee, ee, ee, ee!” Oitakoi! Abu ayong ekiliau, “Okoe, Akuj kisioni ayong. Kisioni ayong, okoe Akuj! Ai iyai Iyong? Erae bon kikicamak iyong ayong obongo ido oyiar, ekeikini ayong Iyong araun esapat ngolo ajokan.” Tokona, erae ngun bon apedori ayong alimun. Tokona, Akuj eyieni, ka anakolongit angina ke Etube, akatubokini Inges ayong anguna ka alimunet angin. Nguna abu ayong olimu ikec nguna, “Ekapolon Akuj, tocamakinae ayong obongo ekongi ayong ebe erauni ayong esapat ngolo ajokan.”

Ka ngina akagumere ayong, aris ayong kerwor aliokonu, aberakin ayong akitiyia nguna ajokak diyiete ngiboro daadang ngulu abeit kitiyae, ipei bore bon alimuni ayong... Apedori tari ayong aninaayar ikwapei eringa ayong ayiei ne tokona. Ido ngina engolikinia ayong kwap ka engolik akakutario otiaka ngarwatin ngaarei... abu ayong otema, “Akuj, kisioni ayong. Iyieni iyong ebe emam nyalomitor ayong.”
Nguna bon apedori ayong alimokin Akuj ikec ngun. Mam pa acamunit ayong akekision keng, ka ngiboro lu daadang. Abala ayong jik ebe, “Mam jik nyalomitor ayong.” Ka anen apotu ikec anen okayaasi ayong kinga ka anen alotooma nen, abu ayong egwor, “Akuj, kisioni ayong. Arauni ayong esapat ngolo ajokan, erae kikicamak Iyong ayong obongo ane,” anierae ayeni ayong ebe eyiei Akuj iwacie. Ka angun kingarakinae ayong, ngisubuna ngul daadang ngulu eupit anen-arae ayong erokobuno. Ka akipu ngina asilon, ngina aronon noi, ngina emam nyekeritere Akuj ngina ayiakatar ayong alotooma nen... atakani ikwa ngakonyen nguna apolok toburwok, ngabubuk nguna aburwok ikwa ngun, ka tokerete ikwa ikapa. Ikwakaku ikwana, ka ibore ngini aliban, ka ikwa kerieba kori iciebore ka alosete ikec. “ee, ee, ee!”
Okoe, utukui epupe! Tokona ngina ayong...

Anen alotooma aurianut ngina ka apaki, ngina ayarunia ayong nabo alokatwak. Abu ibore ibore ngin ekecan ayong. Atamit ayong atemar, “Okoe, kerae ca ayong nyalot jik nakibois ngina ikoni ngin. Emam icietunganan ngini elosi nakibois ngini ikoni nen.” Kelunyar ngilapio ngikanikaarei, abu ayong oriamu ayanyunet ngina awoar ayong alowae angolo aloto, ido etee emusalaba ngolo ke esabu edoiunit neni kang. Ka ayieni ayong ebe ayiakasi ngibukui ngulu etubokinitae iwacie.

Tokona, nyeripuna ayong akitodol ngina alunyarotor ngisabito ngiomwon. Aberu... Mam jik nyetama anguna keng alotooma ngakiro nu. Alunyar ngisabito ngiomwon, abu aberu ka ayong oloto Tucson anguna ka akigiel ngiboro ka ani eringa isua iboiyio... Aberu, aponi isua todokarae kwap, ka aponi toriamunae atukot angisapa angulu ekwaan ka ngaberu ka amilimilete ngitim kec noi, (iyienete iyes, lopite ngolo itiyiaata ngaberu), ka ekieraritae kwap alokingaren, ka ngitorosyo ngulu aoyiak, ekabila ngolo, atami ayong ebe erae ngidwe ngulu itiangaara kori lopite ngolo inyaritotor iyes ikec.

-----
Angun, abu ayong odoka kidiama, ido abu ayong eboikin kwap ka ani erikakini ayong akitiyia ngunabuni akadakaran, (arae alotooma J.C. edula ngolo a Penni) ido akadakanaran ayaununui ngitunga kidiama. Kire abu ayong oriebakin akooki ete ngaberu ngun eponito kidiama anen; nguna cicik, nguna mojiong, ka nguna nyegelegela, nguna erinyonokinito, nguna cicik, ka ngolorot daadang, anapito ngitorosio ngulu epitakina ngulu edolito nakungin; ngawat kec nguna asiiliakak, ka ngaberu ngun nguna anapito lopite ngolo angamalai, kaapei ka ngakes nguna aburwok ikwa ngin, ido apotu ikec potu ka abu apei todoku anakadakanaran, bu idiriauna ikwa ngin, neni eboiyio ayong alokaku ekicolong-eboi ayong esijuurite akou kang kwap,

Ka abu ayong ebelekin engolik. Ka apei aneni kec ngina abunit anadoketa ebala (irworo alotooma anangajep angitunga a Spain) neni ka aberu anginacie-arae amusugut esirwori aberu ngina erae anakwap a Spain. Ka ani engoliyari ayong, daadang apeirwait aponi ekelocokin ayong. Anen engolikinitor sek ayong nguna.
Ngakonyen keng (iyenete iyes epite ngolo itiyiata ngaberu tokona, iwosete ngirang-gi nakonyen kec, ngapakio nguna pei nu) ikwa ikapa, iyienete iyes enapete ikec lopite lo, ka enapito ngakiyooi nguna aikapa ka ngiboro daadang, iyienete iyes, ibeleorito ngakonyen kidiama lopite lo. Ka ibore ngini aliban ngin ngini eyiei kwap ngakonyen kec. Ayiei ibore ngin ngini engolikinit ayong ngina araakar ayong ikoku. Ayiei kire jik nen aberu ngina ekoni neni. Ka abu akuwan kang daadang kirum esimerededek, ido abu ogeik angolengole, ka ayakasi ngitunga ngulu engunungunosi, iyienete iyes, etapito ikamunit ngibeyio ka ngiboro alotooma aduketait.

Atakani esibit aringa sek ayong elocokini adiourien. Ka abu ayong engolik, ido otamak, “Nguna abu ayong oyanyu anakwap angikatwak ikec ngun.” Ayakasi ikec ama, etoku ngol. Atami ayong anerae ayakasi ikec nakwap angikatwak inges abu kitarau ikec lopite ngol, erang-gi ngolo aliban-topusiyana ayai kwap nakonyen kec. Ka ayakasi ngaberu nu nguna ewasakinito erang-gi ngolo aliban-topusiyana, lopite ngolo alimunitor ayanyunet ngin alokaru angatomoniomwon angulu alunyar. Kingolik, ngikaru ngatomoniomwon alunyar, inges etiyakin. Erae ngikaru kang ngatomonikan angiomwon; arae ngikaru kang ngitomon angiomwon. Angun alunyar ngikaru ngulu edolito ngatomoniomwon, ayong... ka erae ngun... Erae ngol ekimar, aediopite, ngolo ke etube, ingolikis iyes-a.

-----
Atamit ayong anen, ikwapei abunio ayong oripikinia ngakonyen nguna ariebasi nguna angaberu angun. Arae ikec nguna a Spain, nguna a France, nguna a India, ka ngakakwang, ka ikec daadang kaapei, nait ngakes kec nguna apolok aburiok ngun, iyienete iyes, apotu topolout, ka ngakikeret ngun, epite ngolo ikiereta ikec ngitim kaku, epite ngolo apolooto, ka anen potu kinga. Iyienete iyes, epite ngolo itiyiata ikec, kikiara iyes dang lopite ngolo ikiareta ikec. Ka anen, ka nakonyen nguna enyamit areibo ngun ka ngakonyen nguna ewasakinitae erang-gi, irimete ikwa ngakonyen nguna a ikapa ka irworosi ikec, ka ayai nabo ayong ama, awuoi anen alotooma edula ngolo J. C. Penney, abongor nakwap angikatwak nabo.
Abu okobul ayong, atami ayong atemar, “Ekapolon, kire jik nyetwana ayong ido ikicamaki iyong ayong abunore nakibois na kedaun daadang.” Ka ayiakasi ikec nen itiyaete... ayiakasi ca lopite ngol... alotooma ayanyunet angin esibit emam pa ipedori iyong akiirar angakoniki, iyienete iyes. Erae ca akingununguno ka alosit angitunga, ka angaberu ngun eponito anadoket angina ido tolosete aneni pei anen, ka ebe, “ee, ee,” ayiakasi ikec nguna alibak, ngakonyen nguna esiaak ingolikini, ka nguna itururuyete.

Tosiomete alo akirot...
Ngitai ngulu eyiakasi lojera tokona.

Etwani ituŋanan daadaŋ atwanet apei, ido ekaku totubok Akuj iŋes.

Ngiburanian 9:27