Usa ka panan-awon sa Impiyerno.
<< kaniadto
sunod >>
Mga kala nga anaa sa bilangoan karon.
William Branham.Basaha ang tibuok nga asoy sa...
Mga kala nga anaa sa bilangoan karon.Ug unya samtang nangayam ako usa niana ka higayon, nga alang kanako ingon sa ikaduhang kinaiyahan, sa paghigugma sa pagpangayam. Ug didto ako nangayam kauban sa usa ka batang lalake, nga si Jim Poole, usa ka gwapong bata. Nagtoo ako nga ang iyang anak nga lalake nagsimba dinhi, ang batang si Jim. Usa ka maayong panimalay sa mga tawo. Nakaila ako sa mga Pooles. Nagkadulog kami ni Jimmy ug ako sa pagpangatulog, kauban sa pagpuyo sukad pa sa among pagkabatan-on sa tulonghaan... Hapit unom ka bulan ang gintang sa among panuigon. Ug nabuhian ni Jimmy ang iyang pusil ug naigo ako sa duha ka ko bitiis, haduol kaayo kanako-ang siyatgan, ug gidala ako sa hospital ug didto-naghigda ako didto nga himalatyon. Walay pinicilin o bisag unsa niadtong mga adlawa. Ug dihay ilang lastiko sa tungod nako, ug nahibalo ako niadtong gabhiona nga ila akong operahan pagkasunod buntag. Igo lang nilang kuhaon ug hinloan ang samad, ug ang dagkung mga dugmok nga unod naggawas, ug mikuha silag gunting ug gigunting kini, ug gipugngan ang mga kamot sa tawo... ug akong gipugngan ug giligwat ang akong mga kamot aron makabuhi gikan sa iyang bukton, sa dihang natapos na sila.
Misinggit ako ug mihilak, nga nagpugong, sama niana, ug ilang giputol kadtong bitiis. Napulog-upat pa ka tuig ang akong panuigon, usa pa ka batanong lalake. Ug niadtong gabhiona gusto unta akong matulog, ug sila... Mibangon ako ug dihay usa ka butang ang misantop kanako. Ug dihay dugo, hapit magtunga sa gallon, sa akong pagtoo, ug gikan sa mga kaugatan. Ug mikuha si-silag x-ray, ug matud nila nga ang pinusilan haduol kaayo sa ugat tali sa duha nga bisan gamay lang garas makaputol na niini, ug nagkadugo na ako. “Hinuon,” sa hunahuna ko, “Mao na kini ang katapusan ko.” Ug akong gipaubos ang akong mga kamot sama niini ug gipataas kini, ug ang dugo miagas sa akong mga kamot; kaugalingon kong dugo kadto nga akong gihigdaan. Akong gitawag, gibagting ang kampana. Miduol ang nars, ug iya kining gipahunoban ug towalya tungod kay wala man silay laing mabuhat.
Ug sa pagkasunod buntag, ubos niadtong maluyahong kahimtang (Dili pa sila modugang ug dugo niadtong mga adlawa, nahibalo na kamo), busa ila-ila akong gioperahan. Ila akong gianestisiahan. Ug samtang ako... Ang karaang anestisia... Nagtoo ako nga nahinumdum pa kamo; usa kini ka karaang anestisia. Ug ilalum niadtong maong anestisia, sa ako nang paggula... Mobati pa gihapon ako human sa paghilabay sa walo ka oras. Gidugangan na usab ako pag-anestisia nila; nagtoo sila nga dili na ako-dili na ako makamata. Dili ako nila mapamata.
-----Ug sa nakaamgo na ako gikan sa anestisia, dihay butang nahitabo kanako didto. Kanunay ko kining gitoohan nga usa ka panan-awon. Tungod kay maluya kaayo ako, nagtoo sila nga himalatyon na ako. Mihilak na siya. Ug sa pagbuka ko sa akong mga mata aron pagtan-aw, hindunggan ko siya nga nagsulti, ug unya mibalik ako pagkatulog ug nakamata kaduha o tulo ka higayon. Ug unya dihay akong usa ka panan-awon... Ug unya sa paghilabay sa hapit pito ka bulan may akong panaw ug giandam ang pusil ug ang grasahon nga bisti sa pagpangayam nga gikuha gikan sa akong mga tiil nga wala kuhaa sa Doctor. Ug nahilo ang akong dugo; mihubag ang duha ka mga bitiis ug giduble ang sa ilalum ko, ug gusto nilang kuhaon ang duha ko ka mga bitiis kutob sa akong bat-ang. Ug giingnan ko, “Dili, nag-anam pagsaka sa ibabaw kutob dinhi.” Dili na ako makatindog niini. Nakita mo? Si Doctor Reeder ug si Doctor Pearl, nga taga Louisville, maoy nag-opera, ug giputol kini ug gikuha kini; ug karon nakabaton ako ug maayong mga bitiis tungod sa grasya sa Dios.
Karon, niining taknaa, samtang may panan-awon ako ug naghunahuna nga milabang ako gikan ning kinabuhia ngadto sa kasakit. Ug sa paghilabay sa pito ka bulan, dinhi sa Clark Country Memorial Hospital, sa ikaduha gioperahan na usab ako. Ug niadtong taknaa, sa akong paggawas, nagtoo ako nga didto ako magtindog sa kasadpan. Diha na usay lain kong panan-awon, ug dihay usa ka dakung bulawanon nga krus sa kalangitan, ug ang Himaya sa Ginoo nagabukal gikan sa maong krus, ug mitindog ako nga gipagawas ang akong mga kamot nga sama niini, ug ang maong Himaya didto mangatagak sa akong dughan. Ug ako-ang panan-awon mibiya kanako. Ang akong amahan nagtindog didto nga nagtan-aw kanako, sa paghiabot sa panan-awon.
Kanunayng bation kog... Ikaw... Ug ang tanang mga tawo nga nakaila kanako sa tanan niining mga katuigan nasayud nga ako gusto kanunayng moadto sa kasadpan. Nahibalo kamo kung nganong ingon man niini. Kanunayng may butang ipasabot didto sa kasadpan. Apan tungod kay ang astronomer miingon kanako usa niana ka higayon sa samang butang, nga kinahanglan moadto ako sa kasadpan... Ang mga bituon, kung molabang na sila sa ilang alagianan ug uban pa, gipanganak ako ilalum nianang maong ilhanan, ug wala gayud ako magmalampuson sa silangan, kinahanglan nga moadto ako sa kasadpan. Ug sa miaging tuig miadto ako sa kasadpan a-aron pagtuman sa unsay dugay nang tinguha sa kinabuhi (Nakita mo?) a-aron pagbuhat niini.
-----Karon-ug dinhi ning panan-awon, ang nahauna, mao kini ang nahitabo: Human midangat kanako ang panan-awon, ug naluya ako pag-ayo, ug nawala kanako ang tanang dugo, ug miadto...Nagtoo ako nga nga naunlod ako ngadto sa walay kinutobang eternidad. Kadaghanan kaninyo ang nakadungog kanako nga naghinugilon niini kaniadto. U-ug miunlod ako ngadto sa walay kinutobang eternidad... Sa sinugdan, nahiadto ako niadtong daw mga panganud, ug unya ngadto sa kangitngitan, ug miunlod panubos, paubos, paubos. Ug ang unang butang nahibalo kamo, nahiadto ako sa dapit sa mga nangawala. Ug didto niadto misinggit a-a-ako, ug sa akong pagtan-aw, ug ang tanan didto; walay gisukaran niini. Wala akoy kahunongan sa pagkahulog-tungod kay sama kining tan-awon sa eternidad, nga akong gikahulogan; wala gayuy kahunongan bisag asa.
Ug unya, unsang kadaku rag kalainan kadto kay sa akong panan-awon dinhi dili pa lang dugay sa kong paghiadto sa himaya kauban sa mga katawhan, [Kamatayon. Nan unsa man?] ang panagkalahi. Apan dinhi niini, samtang nagpadayon ako pagkahulog, sa katapusan akong... Misinggit ako ngadto sa akong daddy. Natural, ingon nga usa ka bata, mao kanay akong gibuhat. Misinggit ako ngadto sa akong daddy; ug wala didto ang akong daddy. Misangpit ako sa inahanadto sa akong daddy. Natural, ingon nga usa ka bata, mao kanay akong gibuhat. Misinggit ako ngadto sa akong daddy; ug wala didto ang akong daddy. Misangpit ako sa akong inahan; “Dihay misalo kanako!” ug didto walay inahan. Nagpadayon ako. Ug misangpit ako sa Dios; didto wala ang Dios. Walay bisag unsa didto.
Ug wala madugay akong nadungog ang hilabihan ka makasusubo nga tingog nga wala ko sukad hidunggi; ug usa kadto ka makahahadlok nga pagbati. Wala nay kapaingnan pa, bisan gani ang natural nga dilaab sa kalayo mahimong makalingaw sa talan-awon kung unsa kadto. Karon, kadtong mga panan-awona wala gayud masayup. Ug kadto maoy usa ka labing makalilisang nga pagbati nga nasinati ko sukad, ug kung unsay... Nadungog ko ang kabanha, mga tingog nga sama sa usa ka may nagmulto. Ug sa nahitabo na kadto, nakita ko nga may nagsingabot, ug kadto mga kababayen-an, ug sila may mga berdeng mga gamit, ang ila lang mga nawong ang makita mo, ug may mga derding butang nga diha sa ubos sa ilng mga mata, ug ang ilang mga mata samang tan-awon, sa mga nangapikat sama sa mga kababayen-an karon nga pinintalan ang ilang mga mata. Nangapikat sama niana ug ang ila lamang mga mata ug nawong, ug naglakaw sila, “UH, UH, UH, UH.” Oy, nako. Nakasinggit ako, “Oh, Dios, maluoy Ka kanako. Kaloy-i ako, oh, Dios. Hain Ka? Kong pabalikon Mo lang ako ug mabuhi, akong isaad Kanimo nga magmaayong bata.” Karon, mao lang kanang butanga ang akong gikasulti. Karon, ang Dios maoy nasayud, ug sa adlaw sa paghukom, Iya akong hukman tungod nianang sultiha. Mao kana ang akong gisulti, Ginoog Dios, pabalika ako ug isaad ko Kanimo nga magbinuotan na ko.”
Ug sa naindyeksyonan na ko, namakak ako; nabuhat ko na halos ang tanang butang nga kinahanglan pagabuhaton, usa lang ka butang ang gisulti ko... Mahimong akong hapsayon kini samtang ania pa ako dinhi karon. Ug sa akong mitamod ako ug sa nakita nga hapit ako mobuto sa makaduha, matud ko, “Dios, kaloy-i ako. Nasayud Ka nga wala ako manapaw.” Mao ra kanang butanga ang mahimong isulti ko sa Dios. Wala ko gayud sukad madawat ang Iyang kapasayloan ug tanan kining mga butanga. Gisulti ko lang-isulti, “Wala gayud ako manapaw.” Ug unya gipagawas nila ako didto, ug unya tungod niana, mituaw ako, “Dios, maluoy ka kanako. Magbuotan ako, kong pabalikon Mo lang ako,” tungod kay nasayud ako nga anaay Dios sa palibot. Ug busa tabangi ako, kanang maluyahon nga mga linalang bisag asa, bag-o lang ako miabot. Ug ang labing mangil-ad, makalilisang, dili diosnon nga pagbati niana... Sama sa dagkung mga mata- dagkung mga pilok sama niana, ug nangapikat sama sa iring, sama sa- nangapikat sama niini, ug ang berde nga mga gamit ug sama kini sa nuka o ingon niana, ug sila-sila nagalakaw, “UH, UH, UH.” Oh, unsang pagbatia.
Ug sa kalit lamang, nahibalik ako sa natural nga kinabuhi na usab. Kadtong butanga nakasamok gayud kanako. Akong gipamalandong, “Oh, unta nga dili ako makaadto sa dapit nga sama niana, wala nay laing tawhonong linalang nga mangadoy sa pag-adto sa usa ka dapit nga sama niana.” Sa paghilabay sa pito ka bulan, may akong panan-awon nga nagtindog didto sa kasadpan ug nakita ko nga kadtong bulawanon nga krus gitunton paingon kanako. Ug nahibalo a-ako nga anaa didto ang dapit sa mga hinukman.
Karon, wala ko himatikdi nga sobra ra kaayo kadto hangtud nga milabay ang upat ka adlaw. Ang asawa... Wala gayud ako magdahum niining kahimtanga... Hapit upat ka semana ang milabay, ang asawa ko ug ako miadto sa Tucson aron mamalit, ug samtang nanglingkud kami... Ang asawa, nangadto kami sa silong, ug dihay nagpanon nga mga bayot-sama sa mga lalake nga ang ilang mga buhok gisalapid (nasayud kamo, sama sa gibuhat sa mga kababayen-an), u-ug ang bangs gisudlay paubos diha sa agtang, ug nagsul-ob ug hataas kaayong pantaloon, morag sama-sa nagtoo ako nga usa ka betnik o unsay inyong gingalan niini. Ug didto sila niadto, ug ang tanan nagtan-aw kanila, ug ang ilang mga ulo daku sama sa mga kababayen-an nga naggamit niinin inalotan nga ilang uso, nahibalo kamo; ug anaa sila didto.
----Ug busa misaka ako sa itaas, ug milingkud ako ug sa nabuhat ko na, dihay usa ka eskilitor (Didto kadto sa tindahan ni J.C. Penny), ug ang eskilitor maoy modala sa mga tawo ngadto sa ibabaw. Oh, nahimong sakit sa akong tiyan samtang nagtan-aw niining mga kababayen-an nga misaka didto; batan-on, tigulang, ug sa walay pagtagad, sa mga nangunot na, batan-on, ug sa matag kahimtang, nga nanagsul-ob ug mga purol, ang ilang mahugaw nga lawas, ug kadtong mga kababayen-an nga nagsul-ob hamugbo nga sinina uban sa dagkung mga ulo nga sama niana, ug ania karon nanagpangabot sila, ug ang usa mikawas sa eskilitor daw sa mopaduol diin ako maglingkud didto sa silya, samtang naglingkud didto nga nagduko, ug milingi ako ug mitan-aw.
Ang usa kanila misaka sa hagdanan nga nagaingon (Kinatsila ang sinultihan) ngadto sa laing babaye; usa siya ka maputi nga babaye nakigsulti ngadto sa babayeng Katsila. Ug sa akong pagtan-aw, sa kalit nausab ako. Didto nakita ko na kana kaniadto. Ang iyang mga mata... Nahibalo ba kamo kung unsay ginabuhat sa mga kababayen-an karon, gipamintalan ang ilang mga mata, sama sa usa ka iring, nasayud kamo gipataas nga sama niini, ug magsul-ob ug antiyohos nga morag iring ug uban pa, nahibalo ba kamo, nga pinataas ang mga mata nga sama niini, ug kadtong berdeng kolor diha sa ubos sa ilang mga mata. Mao kana ang mga butang nga nakita ko niadtong bata pa ako. Mao gayud kadtong babayhana. Ug wala ako makatingog nianang tanan, ug misugod ako pagtanaw sa palibot ug didto kadtong mga katawhan nga nagayamyam, nahibalo kamo, nagyamyam bahin sa mga presyo ug uban pang butang nga didto sa bambalay.
Mitutok nga sama niana nga mausab ako sa kalit. Ug mitan-aw ako; ug namalandong, “Mao kana ang nakita ko didto sa infierno.” Mao kana sila, kanang nuka sa baba. Maoy akong pagtoo nga tungod kay nangainfierno sila mao kanay nakaingon kanila, ang daw berdeg asol sa ubos sa ilang mga mata. Ug ania karon kining mga kababayen-an nga pinintalan ug berde na may pagka-asol sama gayud sa giingon sa panan-awon sa hapit kapatan na ka tuig ang milabay. Nakita mo? (Ug hapit kap-atan na ka tuig ang milabay, mao ra kini sa gihapon. Kalim-ag upat na ko, ug napulog-upat pa lamang ako kaniadto.) Busa mga kap-atan na ka tuig ang milabay, akong... Ug mao kana a-ang mao kana ang numero nga dili malalis sa paghukom.
----Ug dayon namalandong ako samtang akong hingmatikdan sila nga daw gipangnuka nga mga mata kadtong mga kababayen-an... Didtoy Katsila, ug taga Francia, ug Indian, ug puti, ug ang tanan nanag-abot, apan kadtong dakung ulo, nahibalo kamo, mibagnot, uban niadtong mga sudlay, sa pinabalik nga sinudlayan, dakung alagianan, ug unya migawas, nahibalo kamo... Nahibalo na kamo kung giunsa nila kini pagbuhat, gihapsay kini sama sa ilang pagbuhat niini. Ug unya, silang mga nukahon tan-awon nga mga mata ug ang mga mata nga mga pinintalan nga nagpikat sama sa mata sa iring; ug sila nga nagakabanha, ug didto na usab ako, nagtindog didto sa tindahan ni J. C. Penny, didto na usab sa infierno. Hilabihan ang akong kalisang; namalandong ako, “Ginoo, sa pagkatinuod wala gayud ako mamatay ug Imo akong gitugotan sa pagpakaanhi niining dapita tapos niining tanan.” Ug didto nagbuhat silag... haduol lang sama niana... didto niadtong panan-awona sama ra sa inyong madungog kini sa inyong mga igdulongog, nahibalo kamo, ang mga pagbagulbol ug pagkabanha sa mga katawhan, ug silang mga kababayen-an nanagpangabot diha sa eskilitor ug naglakaw didto ug diha “Uh, uh,” ug atua didto kadtong mga berde, katawanan tan-awon nga mga mata, nga masulob-on.
Basaha ang tibuok nga asoy sa...
Mga kala nga anaa sa bilangoan karon.
Kaminyoon ug
