Umampi Bautisasiña.
Aca chekaw thaquejja, sarasipcaquim.
Isaías 55:6-7,
6 “Tatitur thaktapjjam jicjjatañjamäquipana, jac'ancquipan jawsapjjam.
7 Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.Kunattix taqiniw juchararätanxa.
Romanos 3:23,
ucatsti takeni jucha lurapjjatap laycusti Diosampejj janiw catokatäpquiti.Romanos 3:10,
...¡Janiw mä asqui jakes utjquiti, ni mayniquisa!Taqeniw arrepentisiñasa.
Lucas 13:3
Janiwa, ucampis jumanacatejj jan arrepientisipcätajja, take jumanacajj quicparaquiw jiwarapjjaraquïta.Hechos 3:19,
Uqhamasti jan wali lurañanacjja apanucupjjam, ucatsti arrepientisipjjam juchanacamajj perdonatäñapataqui. Ucatwa Diosajj jumanacar cusiscañ urunac churapjjätam,Iglesianakasa arrepentisipjjañaparakiwa.
Apocalipsis 2:1,5,
Éfeso iglesiancquis uca angelar kellkasin apayam:...
Jichhajj amuyt'asim cawqhattï liwisctas uca, ucatsti arrepientisim, cunjämtï kalltanjja sarnakcäyätas uqhamarac sarnakam. Janitejj arrepientisïtajj nayajj juma contraw sayt'ä, ucatsti candelabromjja apakaraquïmawa.Apocalipsis 3:19,
Qhitinacarutejj nayajj muncta, ucanacarojj tokenoktwa, chekacharactwa. Ucatpï jumajj take chuymäñamajja, arrepientisiñamaraquejja.Jiwasajj bautisasiñasawa.
Marcos 16:16,
Qhititejj iyawscani, bautisascaraquinejja, ucajj khespiyatäniwa, jan iyawsiristi, juchañchatäniwa.1 Pedro 3:21,
Uca umasti bautismo umaruw uñtasejja, uca tokeraquiw jichhajj khespitätanjja. Uca bautismosti janiw janchi k'omachañataqui asquïquiti, jan ucasti Diosat mä k'oma chuyma mayiñanquiwa; Jesucriston jactäwip tokeraquiw khespitätanjja,Umaru ch’allt’añampi.
Juan 3:23,
Uca pachparaquiwa Bautisiri Juanajj Enón sat chekan bautisascäna, Salim sat jac'ana, ucawjan walja uma utjatap laycu, jakenacasti puriniritcamaw bautisatäna.Hechos 8:36-39,
36 Cawqhantï umajj utjcäna ucawja cheka pascasinsti, uca jilïri take yänacjjar utt'ayat jakejj sänwa: -Acajjay umajja. ¿Janit nayajj bautisatäquiristjja?-sasa.
37 [Felipejj juparojj saraquïnwa: -Take chuymamp iyawsasma ucajja, bautisatäsmawa. Uca jilïr jakesti ucjjar arsusinjja siwa: -Nayajj iyawstwa Jesucristojj Diosan Yokapätapa.]
38 Ucspachaw carro sayt'ayi. Ucatsti panpach umar mantasinwa Felipejj uca jaker bautisi.
39 Umat mistjjapjjäna uca khepatsti, Tatitun Ajayupaw Feliperojj aptawayjjäna. Jilïri take yänacjjar utt'ayat jakesti janiw mayamps Feliperojj uñjcjjeti, ucampis jupajj c'uchiquiw sarawayjjäna.Patrón Apostólico ukarjama.
1 Samuel 15:22,
Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.Lucas 24:45-49,
45 Ucapachaw Kellkatanacatjj jupanacarojj amuyt'ayäna.
45 Ucapachaw Kellkatanacatjj jupanacarojj amuyt'ayäna.
46 Ucatsti saraquïnwa: -Aqham kellkatawa: Cristojj jiwaniwa, ucatsti quimsürut jiwatanac taypitjj jacatatani;
47 sutipanaracwa take marcanacarojj parlasini, Jerusalenat kalltasina, aqham sasa: “Jan wali jacäwinacamatjja arrepientisipjjam juchanacamajj perdonatäñapataqui” sasa.
48 Jumanacaw take acanacatjj testigonacäpjjtajja.
49 Yatipjjaraquim nayajj qhitanïwa cuntejj Awquejjajj “Churämaw” sisquitu uca; jumanacasti aca Jerusalén marcan kheparapjjam, alajjpachat ch'amajj jutcani uc catokañcama -sasa.Hechos 2:36-39,
36 “Take Israel marcpachaw yatipjjañamajja, jumanacas ch'accatapctasa uca Jesusar Diosajj Cristo Tatitu tucuyatapjja.”
37 Take acanac ist'asinsti, chuymanacapan wali llact'ataw uñjasipjjäna. Ucatsti Pedrompiru mayni apostolonacampirojj jisct'asipjjänwa: -Jilatanaca, ؟cuns lurapjjäjja? -sasa.
38 Ucjjarusti Pedrojj jupanacarojj sänwa: -Sapa mayni jumanacajja cutiquipstapjjam, uqhamarac bautisasipjjam Jesucriston sutiparu, juchanacamata perdonatäpjjañamataqui. Ucatwa Diosajj Kollan Ajayu churapjjätam.
39 Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui -sasa.Chiqpach Sutin jan bautisatäpki ukanaka,
mayamp bautisasipxañapatakiw kamachipxäna.Hechos 8:14-17,
14 Jerusalenanquir apostolonacasti, Samaria marcan Diosan arunacap catokapjjatap yatisinjja, Pedrompir Juanampiruw qhitapjjäna.
15 Jupanacasti Samaria marcar purisinjja, Diosar iyawsir jakenacan Kollan Ajayu catokapjjañapataquiw oración lurapjjäna.
16 Kollan Ajayusti janïraw jupanacjjar jutcataynati. Ucatsipana jupanacajj Tatit Jesusan sutipar bautisataquïpjjänwa.
17 Pedrompi Juanampisti amparanacapwa jupanacjjar uchapjjäna. Ucatwa jupanacajj Kollan Ajayu catokapjjäna.Hechos 19:1-6,
1 Apolosan Corinto marcancañapcamasti, Pablojj kollu tokenac pasasinwa Éfeso marcar puri. Ucansti mä kawkha iyawsirinacaruw jicjjataraquïna.
2 Ucatsti jupanacarojj jisct'änwa: -Tatitur iyawsapcta ucqhajja ¿jumanacajj Kollan Ajayjja catokapjjtati? -sasa. Jupanacasti sapjjänwa: -Janiw ist'apjjerïcti Kollan Ajayun utjatapsa -sasa.
3 Pablosti ucjjarojj jupanacarojj jisct'araquïnwa: -¿Cuna cast bautismrac uqhamasti catokapjjtasti? -sasa. Jupanacasti sapjjaraquïnwa: -Juanan bautismopacwa catokapjjta -sasa.
4 Pablosti sänwa: -Juanajj jakenacarojj bautisänwa juchanacapat arrepientisipjjatapata. Jupanacarusti saraquïnwa: “Nayan khepajj mayniw jutani, ucaruw iyawsapjjäta.” Ucasti Cristo Jesusawa -sasa.
5 Uc ist'asinsti, Tatit Jesusan sutiparuw bautisasjjapjjäna.
6 Cunapachatejj Pablojj amparapamp jupanacjjar lokjjati ucqhaw Kollan Ajayojj jupanacjjar jutäna. Ucatsti jupanacajj jan uñt'at arunacwa parlapjjäna, Diosan arunacapsa yatiyapjjaraquïna.Hechos 10:48,
Pedrosti -Jesusan sutipar bautisasipjjam -sasaw jupanacarojj säna...¿Kawkïr iglesiarus mantañax wakisispa?
Janiwkhitisa. - Jesucristor luqtapxañani.Juan 3:3,
Ucjjarusti Jesusajj juparojj sänwa: -Khanacwa sisma, qhititejj jan wasitat nascani ucajja, janiw Diosan reinopjja uñjcaspati -sasa.Gálatas 1:8,
Ucampis cuntejj nanacajj parlapcsma ucat yakha casta khespiyasiñ arunac parlapjjätam uca jakejj maldicitäpan, qhitïscpasa, naya pachpäyäsa jan ucajj alajjpachat jutir angeläscpasa.Mä profetasa janiw qellqatanakamp jan walt’ayasiñapäkiti.
1 Corintios 14:37,
Maynitejj amuyaschi ch'amanïtapa Diosan arunacapa parlañatakejja, jan ucajj amuyaschi Kollan Ajayojj chuymaparu parljjayatapjja, yatiñaparaquiwa cuntejj kellkanipcsma ucajj Diosan camachipätapa.Qullan Ajayu katuqañasawa.
Hechos 1:4-5,
4 Cunapachatejj Jesusajj apostolonacapampïscäna ucqhajja, jupanacarojj ewjjt'awayänwa: -Jerusalenat jan cawquirus sarapjjamti, jan ucasti suyt'apjjam Awquejjan arsutapa phokhasiñapcama, cunjämtejj nayajj jumanacarojj sapcäyäsma uqhamarjama.
5 Chekpachansa Juanajj umampiw bautisänjja, ucatsipana jumanacajj mä kawkha urutjja Kollan Ajayumpiw bautisatäpjjäta -sasa.Hechos 5:32,
Take acanacjja nanacaw yatipjjta, uñjapjjaracta. Kollan Ajayusti uqhamaraquiw khanañcharaqui. Uca Kollan Ajaysti Diosaraquiw churi, take qhitinacatï jupar ist'apqui ucanacaru -sasa.Juan 16:7-14,
7 Ucampis cunatejj chekäqui ucwa sapjjsma: jumanacataquejj asquiwa nayan sarjjañajjajja. Nayatejj jan sarquiristjja, janiw jumanacar Chuymachirejj jutcaspati, ucampis nayatejj saräjja, juparojj qhitanïwa.
8 Cunapachatejj Kollan Ajayojj jutcani ucqhajja, acapachanquiri jakenacarojj juchanacapatwa khanañchani, uqhamaraqui cheka thaqui utjatapatsa, Diosan juchañchäwipatsa amuyt'ayaraquiniwa.
9 Juchanïpjjewa nayar jan iyawsapjjatap laycu.
10 Amuytatasipjjaniwa cawquïritejj cheka thaquïqui ucatjja, nayasti Awquejjan ucaruw sarascta, jumanacasti janiw juc'amp uñjcjjapjjetätati;
11 Diosan juchañchäwipatsti amuyasipjjaraquiniwa, acapacha apnakerejj niya juchañchatäjjatap laycu.
12 “Juc'ampiw jumanacar arsuñanacajjajj utjasquitu, ucampis jichhajj janiw amuyt'apcasmati.
13 Cunapachatejj Kollan Ajayojj jutcani ucqhajja, jupaw take cunatejj chekäqui uca yatichapjjätam. Janiraquiw jupa pachpat parlcaniti, jan ucasti cuntejj ist'qui ucwa sani, yatiyapjjaraquïtamwa cunanacatejj pascani ucanacsa.
14 Jupaw nayar jach'añchitani, cunatejj nayancquis uca catokatap laycu, ucsti jumanacaruw yatiyapjjaraquïtam.Hechos 1:8,
Ucampis Kollan Ajayuw jumanacjjar jutani, ucatjja ch'am catokapjjäta. Jumanacasti nayat khanañchapjjetäta Jerusalén marcana, Judeana, Samariana, take aca orakpachana.Romanos 8:9-11,
9 Ucampis jumanacajj janiw janchin munañanacapar sirviñataqui jacapctati, jan ucasti Ajayun sirviñataquiw jacapjjta, Diosan Ajayupatejj jumanacjjan jacchi ucqhajja. Qhitinacatejj jan Criston Ajayupanïqui ucanacajj janiw Cristoncquiti.
10 Ucampis Cristotejj jumanacan jacchejja, janchejj juchampi jiwayatäcchi ucasa, ajayojj jacasquiwa, Diosajj jupar catokjjatap laycu.
11 Ucampis Cristo Jesusar jactayqui jiwatanac taypita uca Ajayutejj jumanacancchejja, uca quipca Diosaw jiwat janchinacamarojj jactayanejja, Diosan Ajayupajj jumanacan jacqui uca toke.Hechos 10:44-48,
44 Pedrojj uqham parlquïpanwa, jupan arunacap isch'uquirinacarojj Kollan Ajayojj jutäna. 45 Pedrompi chic jutir judío iyawsirinacasti muspharataw uñjasipjjäna, jan judiöpquis uca jakenacjjar Kollan Ajayojj jutatapatjja. 46 Jupanacarusti yakha arunacat parlirwa ist'apjjäna, uqhamarac Diosar yupaychirsa. 47 Pedrojj ucjjarojj sänwa: -¿Qhitis jarc'aspa aca jakenacan bautisatäñapjja, jiwasanacjamaraqui Kollan Ajayu catokapjjaracchi ucapachajja? 48 Pedrosti -Jesusan sutipar bautisasipjjam -sasaw jupanacarojj säna....Aru qhanan sarnaqañasawa.
1 Juan 1:5-7,
5 Aca arunacwa Tatit Jesucristojj nanacarojj yatichapjjetäna, ucracwa jumanacarojj yatichapjjsma: “Diosajj khanawa, janiw cuna ch'amacas jupanjj utjquiti” sasa.
6 Jiwasatejj sañäni: “Jupampejj mayaquïtanwa” sasajja, ucatsti uqham arscasinjja ch'amacan jacascaracstanjja, c'arïtanwa arsüwisansa, uqhamarac luräwisansa.
7 Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.Waquicht'asim Diosamampi jiquisiñataqui... Amós 4:12
Ukhata... Aca chekaw thaquejja, sarasipcaquim.
by S.E. Johnson.
