Panakabautisar iti Danum.
Daytoy ti dalan a pagnaanyo.
Isaias 55:6-7,
Birokenyo ti Apo, ita ta masarakan pay, umawagkayo kenkuana, ita ta asideg pay. Masapul nga isardeng dagiti managdakdakes ti wagas ti panagbiagda, ket baliwanda ti panagpampanunotda. Agsublida koma iti Apo a Diostayo, isu a manangngaasi ken madadaan a mamakawan.Gapu ta amin tayo ket managbasol.
Taga-Roma 3:23,
Nagbasol amin a tattao ket agkurangda iti kinadayag ti Dios.Taga-Roma 3:10,
Awan ti uray maysa a nalinteg a tao:Masapul nga agbabawi tayo.
San Lucas 13:3
...Ibagak kadakayo a no saankayo nga agbabawi kadagiti basbasolyo, mataykayto amin a kas kadakuada.Dagiti Aramid 3:19,
Agbabawikayo ngarud ket agsublikay iti Dios tapno pakawanenna dagiti basbasolyo. No aramidenyo daytoy,Uray dagiti simabaan ket masapul agbabawi.
Paltiing 2:1,5,
Kastoy ti isuratmo iti anghel ti iglesia idiay Efeso:...
Laglagipem ti kasasaadmo idi sakbay ti pannakatnagmo. Agbabawika ket agbiagka a kas idi nangrugika a nagkristiano. Ta no saanka nga agbabawi, umaykonto ikkaten ti pagsilawam iti nakaisaadanna.Paltiing 3:19,
Babalawek ken dusaek ti amin nga ay-ayatek. Agregtaka ngarud ket agbabawika kadagiti basbasolmo.Masapul nga mabautisaran tayo.
San Marcos 16:16,
Ti mamati ken mabautisaran, maisalakanto. Ngem ti di mamati, madusanto.1 Pedro 3:21,
Mayasping daytoy a danum iti bautisar a makaisalakan ita kadakayo. Saan a babaen iti pannakaugas ti rugit ti bagi, no di ket iti panagkari iti Dios babaen iti nadalus a konsensia. (babaen iti panagungar ni Jesu-Cristo):Babaen iti panakaitanib iti danum.
San Juan 3:23,
Agbabautisar met idi ni Juan idiay Enon, iti asideg ti Salim, ta adu ti danum sadiay. Napan kenkuana dagiti tattao ket binautisaranna ida.Dagiti Aramid 8:36-39,
36 Intuloyda ti panagdaliasatda agingga a dimtengda iti lugar nga adda danum. Kinuna ti ofisial ken ni Felipe, Adtoy ti danum. Ania ti makatiped iti panakabautisarko?
37 Kinuna ni Felipe, No mamati ka iti amin a pusom, mabalin. Ket simmungbat ket kinunana, Mamatiak ng a ni Jesu-Cristo ket isu ti anak ti Dios.
38 Pinagsardeng ngarud ti ofisial ti lugan. Napanda a dua iti danum ket binautisaran ni Felipe.
39 Idi makasang-atdan, impanaw ti Espiritu ti Apo ni Felipe ket saanen a nakita ti ofisial. Intuloy ti ofisial ti panagawidna a siraragsak.Kasla iti inkasta dagiti Apostolis.
1 Samuel 15:22,
…Nasaysayaat ti agtulnog kenkuana ngem ti agidaton iti kasayaatan a karnero.San Lucas 24:45-49,
45 Linuktanna ti isipda tapno maawatanda dagiti Sursurat ket kinunana kadakuada,
46 Daytoy ti naisurat: Masapul nga agsagaba ti Cristo ken agungar iti maikatlo nga aldaw.
47 Iti naganna, maikasabanto kadagiti amin a nasion, manipud Jerusalem, ti mensahe maipapan ti panagbabawi ken pannakapakawan dagiti basbasol.
48 Dakayo ti makasaksi kadagitoy.
49 Ita, ibaonko kadakayo ti inkari ni Amak. Dikayo ngarud pumampanaw iti siudad agingga iti maawatyo ti pannakabalin nga aggapu sadi langit.Dagiti Aramid 2:36-39,
36 “Ammoen ngarud ti amin a tattao iti Israel nga awan duadua a daytoy Jesus nga inlansayo iti krus ket pinagbalin ti Dios nga Apo ken Cristo!”
37 Kasta unay ti pannakariribuk dagiti tattao idi mangngegda daytoy. Kinunada ken ni Pedro ken kadagiti apostoles, Ania ngarud ti aramidenmi, kakabsat?
38 Kinuna kadakuada ni Pedro, Agbabawikayo kadagiti basbasolyo. Mabautisarankayo iti nagan ni Jesu-Cristo tapno mapakawan dagiti basbasolyo ket awatenyonto ti sagut ti Espiritu Santo.
39 Agpaay daytoy a kari kadakayo ken kadagiti annakyo, kasta met kadagiti amin nga adda iti adayo. Wen, maipaay iti tunggal maysa nga ayabanto ti Apo a Diostayo iti sidongna.Dagiti saan a nabautisaran iti usto nga Nagan,
maibilin nga mabautisaran manen.Dagiti Aramid 8:14-17,
14 Nadamag dagiti apostoles idiay Jerusalem nga inawat dagiti taga-Samaria ti sao ti Dios ket imbaonda sadiay da Pedro ken Juan.
15 Idi simmangpetda, inkararaganda dagiti Samaritano tapno awatenda met ti Espiritu Santo.
16 Saan pay ngamin a bimmaba kadakuada ti Espiritu Santo. Nabautisaranda laeng iti nagan ni Apo Jesus.
17 Ket impatay da Pedro ken Juan ti imada kadakuada ket inawatda ti Espiritu Santo.Dagiti Aramid 19:1-6,
1 Bayat ti kaadda ni Apolos idiay Corinto, dinaliasat met ni Pablo dagiti naseksek a lugar ti probinsia. Idi dumteng idiay Efeso, nasarakanna ti sumagmamano nga adalan.
2 “Inawatyo kadin ti Espiritu Santo idi nagbalinkayo a mamati?” sinaludsodna kadakuada. “Saan,” insungbatda. “Dimi pay nangnangngeg nga adda Espiritu Santo.”
3 Kinuna ni Pablo, “Ania ngarud a kita ti bautisar ti inawatyo?” “Ti panagbautisar ni Juan,” insungbatda.
4 Kinuna ni Pablo, “Ti panagabautisar ni Juan maipaay kadagiti agbabawi kadagiti basolda. Imbaga ni Juan kadagiti tattao a masapul a patienda ti sumaruno kenkuana nga isu ni Jesus.”
5 Idi nangngegda daytoy, nabautisaranda iti nagan ni Apo Jesus.
6 Impatay ni Pablo ti imana kadakuada, ket bimmaba ti Espiritu Santo kadakuada. Nagsaoda iti nadumaduma a pagsasao ket impakaammoda met ti sao ti Dios.Dagiti Aramid 10:48,
Iti kasta, imbilinna a mabautisaranda iti nagan ni Jesu-Cristo.Anya nga denominación ti mainayunak?
Agbirok ka iti simabaan nga magikasaba iti amin nga evanhelio ket agserbi ka ken Jesu-Cristo.San Juan 3:3,
Ibagak kenka ti pudno, kinuna ni Jesus. Awan ti makakita iti Pagarian ti Dios malaksid no mayanak manen.Taga-Galacia 1:8,
Ngem uray no dakami wenno maysa nga anghel nga aggapu sadi langit ti mangikasaba kadakayo iti ebanghelio a maisupadi iti inkasabamin kadakayo, mailunod koma.Uray ti propheta ket masapul nga maisurot wenno maiyannatop iti naisurat iti Biblia.
1 Taga-Corinto 14:37,
No adda mangipagarup nga isu ket profeta ti Dios wenno addaan iti naespirituan a sagut, masapul a bigbigenna a ti bilin ti Apo ti isursuratko kadakayo.Masapul nga acceptaren tayo ti Santo nga Spiritu.
Dagiti Aramid 1:4-5,
4 Idi naguurnongda, imbilin ni Jesus kadakuada: Dikayo pumampanaw ditoy Jerusalem, ta urayenyo ti inkari ti Ama kas imbagak kadakayo.
5 Nagbautisar nga agpayso ni Juan iti danum, ngem kalpasan ti sumagmamano pay nga aldaw, mabautisarankayto iti Espiritu Santo.Dagiti Aramid 5:32,
Dakami ti makapaneknek kadagitoy, kasta met ti Espiritu Santo nga isu a sagut ti Dios kadagiti agtulnog kenkuana.San Juan 16:7-14,
7 Ngem ibagak ti pudno kadakayo: Pagimbaganyo met laeng no pumanawak, ta no diak pumanaw, dinto umay kadakayo ti Mammagbaga. Ngem no pumanawak, ibaonkonto kadakayo.
8 Ket inton umay, paneknekannanto kadagiti tattao ti lubong nga agbiddutda maipapan iti basol, maipapan iti kinapudno, ken maipapan iti panangukom ti Dios iti lubong.
9 Nagbiddutda maipapan iti basol, agsipud ta saanda a mamati kaniak.
10 Nagbiddutda maipapan iti kinapudno, agsipud ta mapanak ken ni Ama ket didakto makitan.
11 Nagbiddutda maipapan iti panangukom, agsipud ta naukomen ti agturay daytoy a lubong.
12 Adu pay ti ibagak kadakayo, ngem diyo pay kabaelan nga awaten ita.
13 Ngem inton umay ti Espiritu ti kinapudno, idalannakayto iti naan-anay a kinapudno. Dinto agsao iti bukodna a pannakabalin no di ket ibagananto dagiti mangngegna, ket ipakaammonanto kadakayo dagiti mapasamak.
14 Itan-oknakto, ta idanonnanto ti kayatko nga ibaga kadakayo.Dagiti Aramid 1:8,
Ngem inton umay kadakayo ti Espiritu Santo, maikkankayto iti pannakabalin. Dakayto ti mangpaneknek iti maipapan kaniak idiay Jerusalem, iti entero a Judea ken Samaria, agingga iti amin a suli ti daga.Taga-Roma 8:9-11,
9 Ngem saankayo nga agbibiag kas mayannurot iti lasag. Agbibiagkayo ketdi kas mayannurot iti Espiritu-no pudno nga agtaeng kadakayo ti Espiritu ti Dios. No awan kenka ti Espiritu ni Cristo, saannaka a tao ni Cristo.
10 Ngem no agtaeng ni Cristo kadakayo, uray no natayen ti bagiyo gapu iti basol, sibibiag ti espirituyo agsipud ta nagbalinkayo a nalinteg iti imatang ti Dios.
11 No agtaeng kadakayo ti Espiritu ti Dios a namagungar ken ni Jesus, itedto met daytoy a namagungar ken ni Cristo ti biag kadagiti agrupsa a bagiyo babaen iti kaadda ti Espirituna kadakayo.Dagiti Aramid 10:44-48,
44 Agsasao pay laeng ni Pedro idi bimmaba ti Espiritu Santo kadagiti amin nga agdengdengngeg iti mensahe. 45 Nasdaaw dagiti mamati a Judio a kinakuyog ni Pedro a naggapu idiay Joppe gapu ta inted met ti Dios ti Espiritu Santo kadagiti Hentil. 46 Nangngegda nga agsasaoda kadagiti sabali a pagsasao ken itantan-okda ti Dios. Kinuna ni Pedro, 47 “Inawat dagitoy a tattao ti Espiritu Santo a kas met iti panangawattayo idi. Adda aya makaiparit iti pannakabautisar iti danum?” 48 Iti kasta, imbilinna a mabautisaranda iti nagan ni Jesu-Cristo...Kasapulan tayo a magna iti lawag ti Sao iti Apo.
1 Juan 1:5-7,
5 Daytoy ti mensahe a nangngegmi iti Anakna ken ipakaammomi kadakayo: Ti Dios ket silaw; awan a pulos ti sipnget kenkuana.
6 No kunatayo a makikadkaduatayo kenkuana, ngem agbibiagtayo met iti sipnget, ulbodtayo iti sao ken aramid.
7 Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.From the tract... Daytoy ti dalan a pagnaanyo.
babaen... S.E. Johnson.
