Kaanukiro amaikina toraakar ngikeyokok.
<< prev
William Branham.Tosiomete alo akirot...
Kaanukiro amaikina toraakar ngikeyokok.Luka 2:8-16,
Toyiakasi ngikeyokok nakwap ngin kiboete anariet, kiyokiete ekecesipan nakwaare. Totakanik ikes emalaika a Ekapolon, tocaik asir a Ekapolon ikes, tokuriaketa noi. Tema emalaika nenikec ebe, nyikuriaketa: kainunit ayong iyes eemut ngolo ajokan ngolo ka alakara a ngina apolon a ngina eyiakaun lotunga dadang. Naarai nakuwarina edoun angunakus alore a Daudi Eketeyiaran, ngolo erai Kristo Ekapolon. Erauni na aakitaanyunet anenikus; iriamunete iyes ingwe kori ikoku imukoritoi a ngiloui, iperikinitoi nataker. Atipei toyiakaunos kaapei emalaika asepic ngina ka ajore a ngina anadis iturito Akuj, ebasi ebe, Asir toyiai neni ka Akuj alokidiama noi, ka alokwap toyiai aiyorit lotunga dadang ngulu italakarito inges. Ngolopite alosito ngimalaikan anenikce nadis, temanaros ngikeyokok ebe, oloto Beteleem, oanyutu ibore en ngini atakanu, ngini ikiteyenik Ekapolon iwon. Toloto ikes ka akikirikira, toramut Mariam ka Yosepu, kaa ingwe dang iperikinitoi nataker.Nai tokona, erai... kaanukiro apukokinere atakanunet ngina apolon na neni a ngikeyokok? Epedori ngun araun ekabila ngolo a ibore ngini ka aumokin ikotere iwon. Ayiakar ayong ngadies Kigiret nguna igiritai nege, ka ngakiro ngakudo nguna abuni ayong akikatakin akitor, akisileerekin iyees kotere neni ka ayenut kang. Ka ngayeni erai nait kedaun nu, ka ido Ekapolon kaapei ka Ajokiskeng, nakuwarina, ebuni akikamar kaanukito erot ikotere iwon. Nai etiya... iwon dadang, anupit ayong, alotoma apei paki kori nginace, eumokinitoi kaanukiro alotoma apaki dadan esileerekinere nu neni ngikeyokok. Kaanukiro apukokinere ngun neni ngikeyokok ka ido meere neni ngikasomitok ngulu akolongit ngin? Arai ikes ngulu etatamitai akiirar ngun. ka kaanukiro aponiata ngun ka todepasi ngikabarak, ka potu neni ngikangican? Dang, kaanukito adepariata ngun ngikasimito ka ngikaosok, ka potu neni ngulu itiditeuna ka ngulu nyesomito? Eyiakasi ngiakingiseta ngakudo nguna kaanukiro alotooma nu.
Ka ace losikinet ngina apedori ayong alimun, tocoik, aponi kidounoi ikoku alotooma Beteleem. Beteleemu alotoma Ngaburanian ijulunitai, ikwapei ikiyiakar iwon alokaru ngiarei ngulu alunyarosi anege, apolou ngina Beteleem erai “akai ngina ka amukati ka Akuj.” Ka ikisuuda iwon alotoma Ngakigiret, emam pa apedorit Inges abunore adio kibosi. Erai Beteleem ngina abu Raab kitogogongu ka lokilekeng. Arai Raab amalaat ngina abu ekapolon kitoodia ajokis neni ngasigiaria Isirael, ekau kedaut ikes akikamar Yeriko. Ka kan nupit abu inges tonup Eemut ka Akuj, alotoma loyiakae keng, ka abu inges toiun. Ka amun anen, ngolopite atiakakinia Yosua akwap neni emaikina nginitungana toriamu...
Ka eyiai akitatam ngina apolon acepaki atami Ayong ayaun alotoma Tucson, ngina Atatoto nguna Ngiburanian idounenete ngidwe ngul. Ngolopite eriebakinotor inges alotoma apaki ngina ka akidoun ikoku, enyarai inges ekiro a ikoku ka ngun iwuakinete inges toma nakwap ngina ka akikonget, nateker keng. Ibore ngini apolon, Akirot ka Akuj dadang itemokino kaapei iyookino. Ani erai pa kitemokino kaapei, emam nyerai Akirot ka Akuj, erai ngatameta kon nyitemokin neni ka Akirot. Itemokino ngun dadang kaapei.
Aso, nait, arai Inges Amukati ngina ka Akiyiar, ikwapei etatamitere iwon esabit ngolo bien alotoma Phoenix, kori eroko esabit ngolo abien.. ka arakau Amukati ngina ka Akiyiar, emam pa apedori Inges abunore anakibois ka adio nai “kai ka Akuj ngina ka amukat.” Ka arai ngin kaanukiro. Nai tokona, anege, edoun Yesu alotoma Beteleem, ka alotoma Beteleem ayiai nen atukot, ngikarikok ngulu apolok ngulu a ngidinio ngulu eboete alotoma Beteleem. Daudi ekabaka ngolo apolon edounio alotoma Beteleem, papakeng a Yese edounio alotoma Beteleem, papaakeng a Obed edounio alotoma Beteleem. Dang, erot dadang, abu inges bu alotoma Beteleem.
Ka anege, Yesu Lokoku a Daudi edoun alotoma Beteleem, kire jik alokau eturube ngolo ke ekanisa a ngolo apolon. Nait ani erai kitatamitai ngitunga ngul, ka ido toyia ikes idarito Messia alotoma ngikaru ngul dadang; ngikaru ngalipio ngoomwon, asir aduari abunore ngina a Messia. Ka nait ani erai kidounitoi Messia alotoma eturube ngolo ke ekanisa a ngolo apolon, kaanukiro alosito ikes kau kidiama lomoru neni ka atukot a ngina emam nyesiomit, ngikeyokok ngulu emam nyitatamitai ayaun Eemut ngolo ka aumokin, Eemut ngolo esiaunan? Ka aponi kicikakinai lokeyokok! Meere lokaosok ka ngulu itatamtai, nai lokeyokok. Erai ibore ngini egelaana, nyikote nen-aa? nai emaikina toyiakaun Kaanukito adiokiding... eyiai kaanukiro, nai tokona emaikina toyiakaun abongokinet kaanukiro! Ka emam itunganan eyeni abongokinet mati Akuj bon. Erai Inges ngolo eyeni abongokinet.
Nai tokona, totamunito, asir Messia ayiakaun toma lotaun, edoun alotoma lotaun, alotoma natakar kire jik alotoma lokanisa ngulu apolok neni ayiakasi ngisacaradoti ngulu apolok... ka ngipader ngulu apolok, ka ngikasomito, ka ngikaosok, ka ngulu etatamitai, ikes dadang ayiakasi idarito Messia. Ka nen ayiai Inges, jik toma kec! Nai kaanukiro alosito ikes dang... kinga lomukarae ngulu Yudaya neni ngulu pa asomito, neni nguu pa etatamitai, neni ngulu kudo, ngulu acanaka alotoma dadang? Totakani ebi erai itunganan ngini nyitemokino ikotere ngun, apukor Eemut ka akiyakiyar ikes kinga ayaun Eemut.
Iyenete iyes atametait kang? Emam nyepedori akiriamar neni ngun dadang, nai acamit ayong alimor atametait kang: anupit Ayng ngun naarai erai nguna ka aosou ka Akuj, ebe ayeni Inges ebe emam nyepedorete ikes akidiaun Eemut ngol alorot ngol ngolo abunio. Emam pa arai alotoma nasomit kec. Arai ngolo agelaana. Emam pa arai ibore ngini sek etatamitai ikes akinup ebe eyiakaun Inges. Arai ibore ngini pa eriamara aneni ka aosmit ka amisiunet kec. Akitatam kec dadang, asiomit kec dadang aponi todeparai, abu torau aronis. Anupit Ayong arai ngun aosou ka Akuj ngina ayeni ngun ebe emam nyepdorete ikes acamun Eemut ngol.
Aso ayiai Messia nege, ka amaikina toyiai idiotunganan ngini emisiuni Ngun. ka ayeni Inges ngul ngulu emam pa enyalakina tooma loboro ngul. Apedorit Inges ariamun Eemutkeng neni a igirup ngini emam nyesomit, akilo Inges apedor akinyalakin egirup ngolo etemokino alotoma ngirotin kec ngini pa apedorito aktiya idiobore nenikec, meere tar dang Akirot ka Akuj.
Ka nai tokona, ngikonei ngulu Kristoit, kimiek ayong engit akingiset na, kaapei ka akiyookino dadang ka amina. Aumokinit ayong ani erai kepedo Inges akitiyaun ibore nginipei ngin nakuwari na, ka ikiyaki iwon alotoma anyamet na Akirot ngina ka akiikinet ngina ikiinitai ikotere anyamet na, aumokinit ayong erai pa kimasakinete ngikasomitok ka ngikasomak ka ngikaosok Eemut kwap kire jik ikwanginapei kwangin etiyiate ikes kolong? Emam nyiloconokin itunganan, keraidang emam nyiloconokin Akirot ka Akuj. Erai Inges Akuj ngina nyiloconokin, emam nyiloconokin Inges!
Tocoik, Ngimalaikan epote ka... Ngimalaikan epote ka ayaun Eemut kec neni a itunganan a ngini eyiai kwap jik, toyiakas bo nen ngitunga ngulu alalak (atamakinit akwap nooi) adolito akilo ngulu a ngican ngul, ngikeyokok ngulu pa asiomito. Erai ekeyokon itunganan ngini emam nyepedorit akigir ka akisiom dang akilo idiotunganan, emam idiobore iitanit inges ayenun nai erai nguna ikamunit ngameesekin keng bon. Emam nyitanit inges ayeni akimar. Emam nyiitanit inges ayenuni epite ngolo etiakatiakar ngiboro. Emam nyiitanit adio osou. Eyeni inges bon ayenuni ngamesekin keng, erai dadang ibore ngini iitanit inge ayenun ngin bon. Ka Akuj, ngolo epol Aosou, ka ngolo ke Eitanit ka ebari ngolo ka aosou dadang, epedori aseun itunganan ngini ikoni ngin ikwapei ngun (ngitunga, akilo, ikwapei ngun), ka abu todepa ngulu etatamitai ejok ngulu etatamiatai ayenun ngun. Apotu ngun kirowor ipei bore, ebe arai ikes ngulu etatamitai alotoma nakibosi ngina aronon. Adepar ajokis ngina ka akwap dadang; ayiakasi nen ngitunga ngulu ajokak, ngiketatamak ngulu apolok, Kayapa esacaradoti ngolo apolon, ngikalalak arai ngitunga ngulu apolok, Isirael dadng asomit, ngidinio dadang, ka ngikasmitk ngulu aruko, abu Akuj todepa nginitunganan kec dadang! Nai tokona, erai ngina aosou ka Akuj.
Tocoik, nadis ngina alokidiama nooi iburuburakini akitopoloor ngulu alokwap ngulu etiditeuna ka ngulu pa asiomito. Ngolo Apolon ngolo Anakuj ebuni kwap akiteyenun Akuwanekgn neni ngulu cici alokwa, todepari dadang abunre akiteyeun Akuwanakeng neni ngitunga ngulu eyokok; abunore ainakin ngikiliok ngulu eyokok lugu Eemut ngolo aumokinan ngolo ngapakio dadang. Ayiakauna ngikiyakitono ngulu aumokina. Ikipedori iwon atamun alotoma ngirua ngulu a Nuwa, ka ngikaduarak, ka -ka ngipader ngulu apolok, ka ngace dang, ayiakasi ikes alorua ngulu alunyarosi. Itunganan ngini asomit noi, ngikabaka, ngikepukak, ka ngikaruok, nai anege abu Inges bu kaapei ka Ngieemut dadang ngulu apolok. Nyo bo arai Eemut? “Eyiai Messia nege tokona!” ingolikia? Ka akiteyeun, abu Inges todepa dadang ngulu etatamitai, abu kitoyenun neni ngikeyokok ngulu etiditeuna.
Totamak a nguna ngun: ngiketiyiak dadang, ngitunga ngulu ke ekanisa dadang, ngiketatamak dadang, ngikasomitok dadang ngulu etatamitai, ngisilinga dadang asir daun kakisitiyar, ngikanisa dadang, ka ngakitatamisa, ka ngidinio, aponi dadang todeparai! Akisoma dadang ngini asir ikes asitiyata alotoma ngisukulo dadang, ka ngakitatamisae dadang, ka ngimembae dadang, ka nginibore dadang ngini atamete ikes akitiyia akeraria Akuj, ido torai bo elacet ke Eemut dadang anguna augun arai adepar ikes. Egelaana! Kaanukiro? Ingolikia?
Ka tocoik, meere nguna abon, nai akibosi ngina pa acamanar ikotere ngun. ngikeyokok, nai tokona, arai ipei ngolo abu kidiau Eemut. Ka nai tokona tocoik neni ayiai Eemut: alotoma nakibosi ngina pa acamakinitai neni pa atamit idiotunganan ngun poniata. Ka aumokinit ayong, nakuwarina, erai ikisaki iwon Eemut ngolo akire ngolo a Ekapolon Yesu, aumokinit Ayong erai ekepedor ngun alotoma logirup ngolo emam nyecamitai, akibosi ngina arai... kwap ngin apolon nakwap ngin ka ekanisa nakuwarina epedori akitam arai atukot ngin -ngina , okoe, atametait ngina ka anupit? Aumokinit ayong erai ngun pa kepedor araun neni ikiriamunia iwon Inges? nakibosi ngina emam nyacamakinitai, ka neni ngikerworok ngulu emam nyepedorito. Emam nyeyenete ngikeyokok idiobore ngini ikamunit akirworonu, bon erai anyarit ngamesekin; ejok, ngayeni erai kerai ngun keponiata ngun.
Nai arai Akirot ngina eikikinitae. Tocoik, epedori akitiya ngun nabo. Apotu ngun todepasi ngulu akeraritae anakwap daadang. Apotu todepasi ngulu kerara alotoma nakwap dadang, ka aponi topukokiniai neni aitunganan ngini caarioit. Ngikapolok daadang ngulu esibusiatai kaapei -kaapei ka apolou ngina a ngidokitoi a ngulu ka akujuwanut ka -ka ngulu esiomito ngatameta a ngitunga, ka -ka ngulu asiomito noi, ka ngikanisai ngulu apolok kaa ngiboro, aponi todeparai dadang ka topukokinia neni a ngitunga ngulu cario. Aosou, aosou ngina ka Akuj ngina Etiron ka alalau ngina etiyia ngun, akiteyenun nenikec Eemut ngolo eumokina ngolo ayiai “Eyiai Messia nakwap tokona.” Nyo bo aosou! Epedori bon abunore alotoma Akuj ngolo ayeni aosou! Aosou dadang ka asiomit dadang, ka nginibore dadang, aponi kiwuakinai tokona neni ka akibalibal adepar alotoma aosou ngina ka Akuj ngina apolon. Arubakini ayong abongonokin ngun naarai acamit ayong ngun tolto toma ka acukulul. Dadang aponi kiperikinoi arai ikongin, arai nguna amam ajokis. Abu todepa ngun dadang tocamak aosou ka Akuj ayiakunor erot ngolo akire, ebe emam idiobore eyiai Akuj akitiyaunia idiobore.
Tosiomete alo akirot...
Kaanukiro amaikina toraakar ngikeyokok.
