Nganong Sa Mga Magbalantay Man.

William Branham.

Basaha ang tibuok nga asoy sa...
Nganong Sa Mga Magbalantay Man.

Lucas 2:8-16,
Ug niadtong dapita may mga magbalantay sa mga karnero didto sa sibsibanan, nga nanagtukaw sa kagabhion sa pagbantay sa ilang mga hayop. Ug mitungha kanila ang usa ka manolunda sa Ginoo, ug ang himaya sa Ginoo misidlak libut kanila, ug sila giabut ug dakung kalisang. Apan ang manolunda miingon kanila, "Ayaw na kamo kalisang; kay tan-awa, gidad-an ko kamog maayong balita sa dakung kalipay nga magaabut sa tanang mga tawo; kay alang kaninyo natawo karon sa lungsod ni David ang Manluluwas nga mao ang Cristo nga Ginoo. Ug ang inyong ilhanan mao kini: inyong makaplagan ang usa ka gamayng bata nga naputos sa mga bakbak ug nagahigda sa pasungan." Ug sa kalit diha uban sa manolunda ang usa ka langitnong panon nga nanagdalayeg sa Dios ug nanag-ingon, "Himaya sa Dios sa kalangitan, ug sa yuta panagdait sa mga tawo nga iyang gikahimut-an." Ug sa pagpamahawa na sa mga manolunda gikan kanila paingon sa langit, ang mga magbalantay sa mga karnero nasig-ingon ang usa sa usa, "Tana! Mangadto kita sa Betlehem ug tan-awon ta kining nahitabo nga gisugilon kanato sa Ginoo." Ug sila miadto nga nanagdali ug ilang nakaplagan si Maria ug si Jose ug ang gamayng bata nga naghigda sa pasungan.

Karon, usa kini… Ngano nga kining dakung hitabo gipadayag ngadto sa mga magbalantay sa karnero? Kana usa ka matang nga makapatingalang butang alang kanato. Aduna akoy Mga Kasulatan nga gisulat dinhi, ug pipila ka mga mubong sulat nga akong tinguhaon sa pagsaysay kaninyo kung ngano sa pinakamaayo nga akong nahibaloan. Ug tingali human niini, nga ang Ginoo sa Iyang grasya, karong gabii, magakuha sa ngano gikan kanato. Apan… Kadaghanan kanato, ako nagtoo, sa usa ka higayon kon sa lain, nahibulong ngano nga kining labing dakung hitabo gipadayag ngadto sa mga magbalantay sa karnero. Ngano nga kini gipadayag ngadto sa mga magbalantay sa karnero ug dili ngadto sa mga teyologo nianang panahona; sila mao ang gibansay sa pagpatalinghug niini? Ug ngano nga kini miabut ug gilabyan ang datu, ug miabut ngadto sa kabus? Usab, ngano nga gilabyan ang mga eskolar ug mga manggialamon, ug miabut ngadto sa mapainubsanon ug walay kahibalo? Adunay pipila ka mga pangutana kung ngano kini?

Ug ang lain pang hinungdan tingalig isulti ko, himatikdi, nga ang bata natawo sa Betlehem. Nga ang “Betlehem” sa Hebreohanon nga hubad, samtang atong gihisgotan kini dinhi sa daghang mga katuigan, ang “Betlehem” nagkahulogan nga “balay sa tinapay sa Dios.” Ug atong kapamatud-an sa mga Kasulatan, nga Siya dili mahimong moadto sa laing dapit. Ang Betlehem gitukod ni Rahab ug sa iy ─ iyang bana. Si Rahab usa ka bigaon nga gipangulitawohan sa heneral, sa ─ sa Israelinhong sundalo,human nila makuha ang Jericho... Ug pinaagi sa pagtoo siya sa mitoo sa mensahe sa Dios bisan sa iyang kahimtang, ug naluwas siya. Ug gikan niadto, sa dihang gibahinbahin na ni Josue ang yuta din ang matag usa makaangkon.

Ug diha niana anaay usa ka dakung pagtulon-an nga sa akong pagtoo mahimo kong dad-on ngadto sa Tucson, gikan sa mga Hebreohanong inahan nga nanganak sa mga kabataan. Sa dihang nagbati siya sa kasakit aron ihimugso ang bata, iyang pagatawgon ang ngalan sa bata ug ipahimutang diha sa yuta sa saad, sa matag banay. Ang dakung butang, mao nga ang tanang Pulong sa Dios nagakaduyog gayud sa husto. Ug kon dili man kini mohaom pag-ayo, nan dili ang Pulong sa Dios maoy dili mohaum; kondili ang inyong mga hunahuna maoy wala mohaum sa Pulong. Kining tanan nanagkaduyog gayud.

Siya mao ang Tinapay sa Kinabuhi,sumala sa atong gitudlo sa miaging semana didto sa Phoenix, o usa ka semana sa wala pa kadto. Ug sanglit kay Tinapay man sa Kinabuhi, moadto Siya dili sa bisag unsang dapit kondili sa “balay sa tinapay sa Dios.” Ug mao kadto ang pangutana. Ug karon, dinhi si Jesus natawo sa Betlehem, ug didto sa Betlehem dihay mga sinagoga; ang mga dagkung pangulo sa relihiyon didto magpuyo sa Betlehem. Si David ang bantugang hari-nga magbalantay sa carnero didto matawo sa Betlehem; ang iyang amahan nga si Isai didto matawo sa Betlehem. Ug usab, sa kinatibuk-an siya nagagikan sa Bethlehem. Ug ania karon, si Jesus nga Anak ni David natawo didto sa Bethlehem, didto sa ilalum sa landung sa dagkung mga cathedral. Nan kong kadtong mga tawhana binansay man, ug nanagpaabot sa Mesiyas sa daghang mga katuigan: upat ka libo ka mga katuigan ang Mesiyas gipanagna na nga moabot. Ug kong ang Mesiyas matawo ilalum sa landing sa cathedral, nan nganong nangadto man sila sa kabukiran ngadto sa panon sa walay alamag, sa mga magbalantay sa mga carnero walay hingbangkaagan aron pagdala sa dakung mensahe, ang nahaunang mensahe? Ug gisugo ang mga magbalantay sa carnero, ug dili ang manggialamon ug batid, kondili ang mga magbalantay man hinuon sa carnero, ug dili ang manggialamon ug batid, kondili ang mga magbalantay man hinuon sa carnero. Usa kini ka talagsaong butang, dili ba?Tanawa, anaa pa gayuy mga pangutana nga nagpaluyo. Anaay mga pangutana; ania karon kinahanglan anaa gayuy tubag sa pangutana. Ug walay tawong nasayud sa tubag gawas sa Dios lamang. Siya mao ray Bugtong nasayud sa tubag.

Karon, hinumdumi, nga ang Mesiyas didto sa siyudad, natawo sa siyudad, sa pasungan; sa luyo sa dakung cathedral diin didto sa labawng pari… ang bantugang mga pari, ug ang mga batid sa tiyolohiya, ug ang manggialamon, ug ang mga binansay, ang tanan didto na nagpaabot sa Mesiyas. Ug didto na Siya sa ilang taliwala. Apan nganong nangadto pa man sila sa─sa gawas sa mga kabungturan sa Judea ngadto sa walay alamag, walay hingbangkaagan, wala matudloi, ang labing kabus sa tanan? Ingon sa tawong dili angayan sa maong bulahaton sa pagpadayag sa mensahe ug gipadala sila aron pagdala sa mensahe. Nasayud ba kamo sa akung hunahuna? Mahimong dili kini bililhon pag ayo, apan buot kong ipadayag ang akong hunahuna: Nagtoo ako nga tungod kini sa kaalam sa Dios, nga Iyang hingsayran nga dili sila modawat sa maong mensahe sa paagi sa paghiabot Niini. Wala kini mahiuyon sa ilang hingbaw-an. Lahi ra Kini. Wala Kini sa unsay ilang gitun-an aron toohan nga mahisama Siya. Supak Kadto sa ilang tiyolohikanhong pagpanabot. Ang tanan nilang mga pagtuon ang tanan nilang pagkabinansay gilabyan, ug nahimong walay pulos. Nagtoo ako nga ang kaalam sa Dios maoy nasayud nga dili sila modawat sa maong mensahe.

Ug busa ania karon dinhi ang Mesiyas, ug anaa gayuy tawo nga makaila Niini. Ug nakaila Siya kanila nga wala maanad sa maong mga butang nga sama kaniadto. Makahimo Siya sa pagpahimutang sa Iyang mensahe ngadto sa walay alamag nga pundok, kay sa Iyang ihatag sa nagakalibog nga pundok nga maoy mopahimutang sa Ilang kaugalingong paagi nga walay makapliso kanila, bisan gani ang Pulong sa Dios. Ug karon, Cristohanong mga higala, mangutana ako niining pangutanaha., uban sa tumang kamatinud-anon ug gugma. Ambot lang kaha kung buhaton pa ba Niya ang samang buhat niining gabhiona, ug ipadala kanato dinhi niining kaliwatana ang gisaad nga Pulong nga gisaad anang niining kaliwatana, ambot lang kaha kung ang atong mga batid sa tiyolohiya, ug ang mga magtutudlo, ug ang manggialamon, dili ba isalikway ang mensahe sama sa ilang ginabuhat kaniadto? Ang tawo dili gayud mausab, ni ang Pulong sa Dios mausab. Siya mao ang dili mausab nga Dios, Siya dili mausab.

Himatikdi, nga ang mga Manolunda nanagpangabot... Ang mga Manolunda nanangpangabot ug mohatag sa ilang mensahe ngadto sa mga lalake nga ubos ug kahimtang, samtang dihay mga kalalaken-am nga labi pang (sa kalibutananong panghunahuna) takus kay niining mga kabus, nga magbalanatay sa carnero nga walay alamag. Ang mga magbabalantay sa carnero maoy labing walay alamag sa tanan; wala siyay laing gitinguha gawas sa pagkasayud sa iyang carnero. Wala siya makinahanglan nga masayud ug matimatika. Wala niya kinahanglana nga masayud kung unsaon sa-sa Mao ray iyang gusting mahibaw-an ang iyang carnero; mao lang kana ang gikinahanglan niyang mahibaw-an. Ug ang Dios, ang dakung maalamon, ug ang toburan ug gigikanan sa kaalam nagapili sa ingon nianang tawhana (mga tawo, diay, nga sama niana), ug labyan ang tanang binanasay nga tinun-an nga gisanay sa pagpakaila niana. Kini nagpadayag ug usa ka butang, nga sila binansay sa sayup nga pamaagi. Gipanglabyan ang tanang mahinungdanon sa yuta, dihay mga tawong angayan, bantungang mga magtutudlo, sa Caipas ang labawng pari, ug daghan pang ubang tawong bantugan, ang tanang gamhanang tawo sa Israel, ang tanang mga denominasyon, ug ang tanang mga andakan ng mga batid sa tiyolohiya, gilabyan sa Dios ang matag usa kanila. Karon, mao kana ang kaalam sa Dios.

Himatikdi, nga kinahitas-an sa kalangitan nagdali sa pagpasidugngog sa labing kabus ug walay alamag. Ang kinahatas-an sa kalangitan nanaug aron ipahibalo ang Iyang kaugalingon ngadto sa kinaubsan sa yuta, nga milabay sa tanang kinataliwad-an aron sa pagpahibalo sa Iyang kaugalingon ngadto sa common nga mga magbalantay sa mga carnero; nanaug aron paghatag ngadto niining common nga mga magbalantay sa carnero ang labing dakung mensahe sa tanang kapanahonan. Diha nay bantugang mga mensahero. Atong mahinumduman sa adlaw ni Noe, ug sa mga profeta, u-ug ang mga bantugang mga pari, ug uban pa, diha sa mga nanaglabayng mga adlaw, ang bantugang mga tawong manggialamon, mga hari, nga inila, mga harianon, apan mianhi Siya uban sa labing dakung mensahe sa tanan. Unsa man ang mensahe? “Ang Mesiyas ania na karon.” Nakita mo? Ug aron kana mahibaw-an, Iyang gisayloan ang tanang mga hanas aron ipahibalo kini ngadto sa kabus nga mga magbalantay sa mga carnero. Hunahunaa lamang kini: ang tanang mga kaparian, ang tanang mga kadagkuan sa simbahan, ang tanang mga magtutudlo, ang tanang ma-mga tiyolohikanong pagkabinansay, ang tanang salapi nangagasto na, ang tanang mga kasimbahan, ug ang mga doctrina, ug ang mga denominasyon gipanglabyan ang tanan. Ang tanang mga pagtuon nga ilang gigastohan ang tanang-ang tanang mga misyonaryo, ug ang tanang pagpangabig, ang tanang mga pagpamembro, ug ang kutob sa unsay ilang gihunahuna nga mahimo sa pagpasidungog sa Dios, apan ang yawi nga mensahe niining tanan milabay ra kanila. Kahibulongan, ngano man? Nakita Mo?

Ug himatikdi, nga dili kay kana ra, kondili nga ang usa ka talagsaon dapit sa maong panghitabo. Ang mga magbalantay sa mga carnero karon, maoy nakadawat sa mensahe. Ug karon, himatikdi diin moadto ang mensahe: didto sa labing dili talagsaong dapit nga ang matag usa nagpaabot niini nga moabot. Ug ambot lang, niining gabhiona, kung nagpaabot ba kita sa usa ka tinuod nga Mensahe sa Ginoong Jesus, ambot lang kung anaa ba kini sa usa ka pundok nga dili kasarangan, sa usa ka dapit, nga ang bantugang, binansay pag-ayo nga kalibutan ug sa simbahan karon dili ba maghunahuna na usa ka panon sa ─ sa, oh, mga matootoohon? Ambot lang kung dili ba kana diin atong Makita Siya? Sa usa ka dili kasagarang dapit, ug sa dili madawat nga mamumulong. Ang mga magbalantay sa carnero walay laing hingbaloan sa pagpanulti, gawas sa pagtawag lamang sa mga carnero; tan-awa, tingalig maoy hinugdan didto kini moabot.

Apan dihay usa ka gikasaad nga Pulong. Himatikdi, nga mahitabo kana pag-usab. Kini molabay ra sa tanang mga talahuron nga gipangdayandayanan sa ─ sa pagkadoctor sa divinidad, ug ─ ug sa saykolohiya, ug ─ ug sa hatag-as nga mga edukasyon, ug dagkong mga cathedral ug uban pa, kadtong tanan gipanaglabyan ra ug didto gipadayag sa mga walay alamag. Ang kaalam, ang walay kinutubang kaalam sa Dios labing Gamhanan maoy nagpahigayon niini aron ipahibalo ngadto kanila ang dakung mensahe nga wala pa mahitabo sukad, “Ang Mesiyas ania na sa kalibutan.” Unsang kaalama, nga nagagikan lamang sa Dios ni Kinsa maoy nasayud sa kaalam. Ang tanang mga kaalam ug ang tanang mga pagtoon, ug ang tanan karon gihimo nang basura ug gilabyan sa dakong kaalam sa Dios. Akong gibalikbalik kana tungod kay buot kong matidlum kini sa kinahiladman. Ang tanan gihimong wala nay pulos, dili na kadto maayo. Gipanglabyan niini ang tanan aron ang kaalam sa Dios makabaton ug kahigayonan, nga ang Dios mikuha sa walay pulos aron himuon nga mapuslanon.

Basaha ang tibuok nga asoy sa...
Nganong Sa Mga Magbalantay Man.

Ug ang mga magbalantay sa mga karnero namauli nga nanaghimaya ug nanagdalayeg sa Dios tungod sa tanan nga ilang nadungog ug nakita sumala sa gisugilon kanila.

Lucas 2:20