Usa ka Paradoks.
<< kaniadto
sunod >>
Daw dili katoohan, apan maoy tinuod.
William Branham.Basaha ang tibuok nga asoy sa...
Usa ka Paradoks.Karon, ang butang nga hilisgotan ning kahaponon mao ang: “Usa Ka Paradoks.” Karon, ang pulong nga “paradoks,” sa akong pagpangita niini ug aron ko masiguro nga-nga husto; ang pulong nga “paradoks” nagkahulogan nga, sumala sa Webster, nga “kini usa ka butang nga daw dili katoohan, apan maoy tinuod.” Karon, abi ninyo, nakadungog kita sa karaang panultihon, nga-nga, “Ang Kamatuoran labi pang (Unsay ilang tawag niana?)-labi pang katingadan kay sa hinimo-himo lang nga sugilanon,” ang kamatuoran. Tungod kay kung ang tawo mosulti sa kamatuoran, usahay makapatingala ra kini kaayo.
-----
Dinhi ang Josue maoy usa ka Libro; sa tinud-anay kini maoy usa ka Libro sa katubsanan, sa Daang Tugon. Josue, atong isipon kini nga mao kana, ang Libro sa katubsanan. Tungod kay kini... Ang katubsanan adunay duha ka bahin. Ang katubsana bisan asa adunay duroha ka mga bahin. Mao kanang, “gikan sa” ug “paingon sa.” Nagkinahanglan kinig duha ka bahin aron mahimong katubsanan. “gikan sa,” “paingon sa.” Si Moises naglarawan sa kasugoan nga maoy nagdala kanila paggawas sa Egipto, ug samtang, si Josue naglarawan sa grasya nga midala kanila ngadto sa yuta sa saad. Ang lain pang kahimtang mao, nga a- ang kasugoan ug ang grasya maoy duha ka nagakalahing tumong sa kasugoan sa Dios. Karon, ang kasugoan maoy nagpagawas kanila, si Moises, ug si Josue maoy nagdala kanila sa sulod. Kini usab naghulagwayg usa ka butang alang sa atong adlaw. Karon, kini naghulagway, samtang didto sila sa maong panaw, gikan sa- gikan sa Egipto paingon sa yuta sa saad, maingon nga kita migula gikan sa kalibutan sa Egipto, sa kagubot, diha sa atong dalan paingon sa yuta sa saad. “Sa balay sa Akong Amahan adunay daghang puloy-anan; kong dili pa kini tinuod, moingon unta ako kaninyo,” Juan 14: migawas “gikan sa,” paingon “ngadto sa.”Ang balaod maoy nagpaila kanato nga kita nangasayop, apan ang grasya maoy nagpasaylo kanato. Ang kasugoan walay paglaum sa- sa katubsanan, tungod kay kana... Ug aron mahingpit kini... Walay grasya niini, tungod kay ang kasugoan igo lamang magtudlo kanato nga kita makasasala, apan ang grasya nagtug-an kaninyo kung unsaon sa pagpahigawas gikan niini. Ang kasugoan maoy usa ka polis nga nagbutang kaninyo sa bilangoan, apan ang katubsanan maoy Bugtong ni Kinsa mianhi aron pagbayag kanato; ug “gikan sa,” ug “paingon sa,” ngadto sa grasya. Ang Efeso... Karon, atong nakita ang mao rang butang, ang Daan Tugon... Nagtoo ako nga kining Libro sa Josue maoy haum. Ang tukmang pulong alang niini mao ang Libro sa Efeso diha sa Daang Tugon. Ang Libro sa mga taga Efeso sa Daang Tugon, maoy maayong butang aron magtitulo ning Libro sa Josue, tungod kay mao gayoy mohaum alang niini.
Karon, atong nakita si Josue nga naglarawan sa grasya, o usa ka panghimayad, nga dili mahimong magdungan pagpakita sa samang higayon nga ang kasugoan diha pa. Ni may bisag unsang mensahe, nga miagda sa mga katawohan, nga mihaum sukad sa milabayng mensahe. Dili kini makahimo niini. Mao kana ang hinungdan sa inyong mga kagubot karon. Si Jesus miingon, “Walay tawo nga mokuhag u- usa ka bag-ong bisti ug itapak kini ngadto sa daan, o magsulod sa bag-ong bino ngadto sa daang sudlanan? Sila mangabusdik. Kini sila mobusisi.” Dili sila molungtad niini. Ug si Josue dili gayud makahimo sa iyang minsiteryo hangtud nga si Moises wala pa mawala. Busa nakita ba ninyo ang nahaunang bersiculo dinhi, si Moises ang Akong ulipon patay na; karon bumangon ka ug dad-a kining mga katawohan ngadto sa yuta sa saad.” Si Moises, naghulagway sa balaod, nga mialagad sa iyang panahon. Kadto mao a- ang balaod nga napuslan sa iyang panahon.
Nagsugod sila, nga maminatud-on, pinaagi sa grasya sa sinugdanan. Sa wala pa silay kasugoan, anaa silay grasya. Sa didto pa sila sa Egipto, wala silay kasugoan; walay bisan usa didto, kondili mga kaparian lamang, ug uban pa, apan wala silay bisan kasugoan. Ang kasugoan wala pa ikahatag. Ang maoy naghatag kanilag usa ka profeta. Ug, usab, ang grasya maoy nagtagana kanila bayad, ang halad nga nating karnero. Maghisgot ra kita niana niining semanaha diha sa halad, ang dugo, tungod kay anaa diha ang inyong kaayohan. Busa diha... Ang bayad sa sala gikatagana na bisan sa wala pa ang kasugoan. Ang grasya nag-una sa kasugoan, sa panahon sa kasugoan, ug human sa kasugoan. Busa diha na si Josue, nga naglarawan sa grasya, diha na kauban sa kasugoan, apan dili pa ikapadapat samtang ang kasugoan diha pa sa iyang tukmang dapit.
Ug maingon man ang iglesia sa kalibutan niining katapusang adlaw. Kauban na kini, naglihok na kini sa iyang bahin, apan moabot ra ang takna diin kinahanglan nga mohunong kini. Kini kinahanglan nga magabuhat niini. Kinahanglan nga anaa gayoy usab mga taga Efeso ning maong panaw, maingon nga diha usay ila sa laing mga panaw. Gikinahanglan nga adunay moabot nga mga taga Efeso, usa ka Efeso, usa ka mga taga Efeso alang ning maong panaw. Bantayi. Diin kadtong maong kasugoan dili gayud makaluwas sa makasasala, sumala sa ako nang gitudlo. Dili gayud kini makahimo. Tungod niini ang yuta sa saad naghulagway ug usa ka adlaw sa grasya. Tan-awa, dili niya mahimo ang pagdala kanila sa sulod, ngadto sa maong panaw.
Ug kong inyong hingmatikdan, diha sa maong panaw, dihay tutulo ka mga hugna sa ilang panaw. Ang nahauna mao ang pagpangandam pinaagi sa pagtoo didto sa Egipto, ilalum sa halad nga nating karnero. Ug unya milabang sila sa Dagat nga Mapula, paingon sa- sa kamingawan sa pagkahimulag, nga nagkahulogan sa laing kahimtang sa panaw. Tungod kay sa ilalum sa pagpangandam, sa dihang naandam na silang tanan, ug sa ilang paghiabot sa- sa Dagat nga Mapula, diha na usay kapakyasan. Ang mga tawo wala motoo, human makakita sa daghang mga butang nga gibuhat sa Dios. Sa gihapon wala sila motoo. Ug gibahin sa Dios ang Dagat nga Mapula ug gikuha silang tanan, diin pinaagi niini kita gikatudloan ang tanang mga tawo gikabautismohan diha kang Moises ilalum sa Panganod ug sa dagat.
Karon, sila gikabautismohan, naghinulsol ug gibautismohan, ug migula aron magalakaw diha sa kabag-o sa kinabuhi, diha sa bag-ong yuta, diha sa bag-ong panaw, diha sa bag-ong mga tawo, ug ang kamot sa Dios diha sa ibabaw nila. Apan sa katapusan nahiabot kini sa usa ka dapit sa maong panaw nila, nga wala sila mobatig katagbaw sa ilang panaw sa grasya. Kinahanglan nga mahidangat sila sa usa ka butang nga sa kinaugalingon mahimo na nilang buhaton. Karon, diha niana ang katawohan maghunahuna karon sa Langitnong kaayohan, o sa uban pang laing buhat sa grasya sa Dios, nga adunay usa ka butang nga kinahanglan inyong pagabuhaton. Kamo, wala kamoy laing pagabuhaton gawas sa pagtoo, toohi lamang ang Dios.
Ug sila, kong nagpadayon pa unta sila sa... Ang saad wala ihatag kanila ilalum sa kasugoan. Ang saad gikahatag sa wala pa ang kasugoan, nga walay bisan unsang mga kondisyon niini, “Ako nang gihatag kaninyo kining yutaa; lakaw kamo padulong niini.” Apan sa wala pa sila makaabot sa maong saad, sila nakahukom nga adunay usa ka butang nga kinahanglan ilang buhaton sa kinaugalingon. Ug, kana, atong makita sa gihapon kana diha sa tawong mga linalang. Madali kita nga maingon nianang kahimtanga, “Adunay usa ka butang nga kinahanglan atong pagabuhaton.” Atong bation kana, nga kinahanglan magbaton kita ug usa ka butang alang niini usab.
Kinahanglan magbaton kag butang alang niini; mao kanang pagpanugyan sa inyong kaugalingong pagbuot, sa inyong kinaugalingong pangagpas diha sa kabubut-on ug hunahuna sa Dios nga Makagagahum sa tanan, ug natapos na kini. Mao ra kanang tanan. Dawata lamang ang Iyang saad, ayaw na paghunahunag lain pa. Lakaw pinaagi niini, ug ang Dios mao nay motapos niini. Ug unya nagkinahanglan silag usa ka balaod. Ug ang Dios kanunayang mohatag sa gitinguha sa inyong kasingkasing; nagsaad Siya niini. Apan atong nasuta, sa dihang mitipas silag usa ka lakang gikan sa kilid kung unsay orihinal nga gisaad sa Dios kanila, kadto maoy nahimong tunok sa unod hangtud nga ang kasugoan gikuha, hangtud nga miabot si Jesu-Cristo ug gilansang aron pagwagtang sa kasugoan. Kadto maoy usa ka tunok diha sa unod.
Ug bisan unsang butang nga inyong ginabuhat sa kinaugalingon, kini kanunayng magabuhat alang sa inyong kaulawan. Kini magabuhat alang sa inyong kadaotan. Sa sayon nga paagi toohi lamang ang Dios, ug mamahimo na kini. Unsay gisaad sa Dios, “Ako ang Ginoo nga Imong Dios Kinsa nagaayo sa tanan ninyong mga balatian. (Nakita mo?) kong anaa may nagmasakiton diha kaninyo, ipatawag ang mga anciano sa iglesia.” Iyang gisaad ang mga buhat nga Iyang ginabuhat, kay mahitabo usab diha sa Iyang iglesia.
Nganong modawat pa man kita ug organisasyon, ug uban pa, nga maoy mopapas sa Basahon? Tan-awa, ki- kini maoy mahimong tunok sa unod. Ug dinhi ning katapusang panahon, hingsugatan na usab nato ang maong butang, sa nawong ug nawong; anaa kini sa mga Methodist, Baptist, Presbyterian, ug sa uban pa. Nakita mo? Di- dili ka makapadayon; kinahanglan gayud nga mobalik ka diha sa kinatibuk-ang Maayong Balita. Kini gibuhat alang sa tibuok nga pagkatawo sa usa ka hingpit nga Dios Kinsa nahimong unod ug mipuyo uban kanato. Ug kita nahibalo nga kadtong mga butanga tinuod.
Karon, kong ato man hingmatikdan, nga sa ilang panaw didto sa kamingawan didto nila makuha ang ilang dakung kapakyasan nga ang Israel wala makakab-ot hangtud sa Kalbaryo, mao ang (diha sa Exodus 19) ilang pagdawat sa kasugoan ilis sa grasya. Diha na kanila ang grasya. Anaa silay profeta. Dihay i- ilang halad nga nating karnero. Dihay ilang katubsanan. Sila gipahigawas gikan sa Dagat nga Mapula. Sila nangaayo sa ilang mga balatian. Dihay ilang tubig gikan sa gihampak nga bato. Di- dihay ilang manna gikan sa langit. Ang tanan nilang gikinahanglan gihatag ug sa gihapon nangandoy pa silag laing butang.
Karon, kana maoy hingpit nga tipo sa atong mga taga Efeso karon, tukma kaayo. Kita nanggula gikan kang Luther; atong giagian ang pagkabalaan ilalum sa Methodist; ug nahidangat diha sa pagkapinasig-uli ubos sa Pentecostes, sama gayud kanhi, ang panaw sa kamingawan. Sa dihang gipagawas kita, atong gibuhat ang labing mayo. Apan unsa may atong gibuhat? Gusto na usab nga mahisama sa uban kanila. Karon, arong nakita nga ang grasya mao ray bugtong butang nga makadala kanato, dili ang kasugoan.
Dinhi si Josue maoy tipo sa katapusang adlaw nga pagpamuhat. Nakita mo? Karon, hinumdumi kadtong tulo ka mga hugna sa panaw. Kadtong tanan mihunong, ang nahauna mao ang kasugoan ug ang tanan mihunong, aron si Josue... Ug si Josue mao ra nga pulong sa Jesus, “Jehova-Manluluwas,” nga mikuha kanila gikan sa ilang kamingawan ngadto sa yuta sa saad. Karon, nasayud ako nga daghan ang nagbaton... Ug dili ako mosupak sa mga manggialamon, apan daghan ang nagpabilin nga ang yuta sa saad naglarawan sa langit. Dili kini mahimo nga maghulagwayg langit. Dili gayud, tungod kay diha pay ilang mga gubat, ug mga kasamok, ug mga kapakyasan, ug tanan didto sa yuta sa saad. Wala kini maglarawan sa yuta sa saad.
Apan inyong hingmatikdan, sa wala pa sila mosulod sa yuta sa saad, ang tanan sa- sa mga panagkabangi nga- nga mitumaw diha kanila. Ilang... Ang usa sa labing dakung butang mao si Kore. Dili siya moangay sa pagdumala sa usa ra ka tawo. Si Dathan, ug giunsa nila pagsukol sa atubangan ni Moises ug misulay pag-ingon kaniya “kinahanglan nga a- ang mensahe ingnon niini,” ug mibutang ug lahi nga hubad niini, sa ilang kinaugalingong pangagpas kung unsa kadto. Ug sila ang matag usa kanila nangalaglag, ang matag usa. Si Jesus miingon, “Didto walay usa kanila nga wala mangalaglag.” Sila mitubag, “Ang among mga ginikanan nanagpangaon ug manna didto sa kamingawan sulod sa kap-atan ka mga katuigan,” San Juan 6. Si Jesus miingon, “Ug nangamatay ang matag usa kanila.” “Patay” nagpasabot nga “nahimulag sa dayon.” Silang tanan nangamatay, gani nangalipay sila nga nakadungog sa mensahe, gani nakapahimulos sila sa manna nga nangatagak. Dili kay laing manna, ang tinuod nga manna.
-----
Karon, kita gikatudloan diha sa Pinadayag capitulo 6, nagtoo ako, oo sa capitulo 6, sa Pito ka mga Timri. Mao unta kana... Ang Basahon nga pagatimrihan sa pito ka mga tinago, o ang Pito ka mga Timri, sa Pinadayag 6. Ug sa katapusang adlaw, sa Pinadayag 10, sa Pinadayag 10, atong makita nga sa Laodicea, ang katapusang mensahero sa katapusang panahon, diha sa- sa panahon sa iyang pagpanagna, ang Pito ka mga Timri mabuksan, ang pito ka mga tinago, ang pito ka pilo nga mga tinago nga kanhi gipanglaktawan. Diha sa matag panahon anaay pipila ka mga nanghibilin. Ang mga reformador wala nay panahon sa pagtagad niini. Sa mga adlaw ni Luther, igo lamang siya magwali sa pagkamatarung pinaagi sa pagtoo. Nawala na siya, ug nagtukod silag usa ka simbahan. Ug human niadto miabot si Wesley, nagwali siya ug pagkabalaan. Mao ra kadto. Ug misunod ang mga Pentecostal.Apan gisaaran kita, sumala sa Pinadayag 10, ug sumala sa Malaquias 4, ug sa San Lucas 22:17, ug uban pa, nga adunay moabot nga u- usa ka mga taga Efeso, nga kining pito kapilo nga mga tinago sa Pulong sa Dios maablihan gayud. Ug anaa kini sa panahon sa Laodicea nga kini mahitabl. Ako nagatoo nga anaa na ki- kita niana. Ako nagatoo nga anaa na kita sa mga landing sa pag-abot sa Anak sa Dios. Ug maingon nga si Josue, sa wala pa moabot ang mga taga Efeso, mao man si Juan Bautista mitungha saw ala pa ang sunod nga mga taga Efeso. Ug kita gisaaran na usab ug lain, laing mga taga Efeso. Gipanagna kini dinhi sa Kasulatan; busa, nagtoo ako nga ania na usab kita mabuhi sa mga taga Efeso. Mibalik pag-usab sa... Kita gisaaran nga kung unsay gibiyaan, niadtong panahon sa pito ka mga kapanahonan...
Karon, dili mo mahimong dugangan ug bisan unsa ang Basahon ni mokuha kag bisan unsa gikan Niini. Sa Pinadayag 22:18 nag-ingon, “Ang magdugang ug usa ka Pulong, o magkuha ug usa ka Pulong, ang iyang bahin kuhaan gikan sa Basahon sa Kinabuhi.” Karon, dili nato mahimong dugangan o kuhaan. Tungod niini, kita nahibalo nga si Luther wala makadangat niini; si Wesley, ug uban pa, ang mga reformador, si Knox, Finney, Calvin, ug paubos, ug uban pa, wala nila kini tanan hisabti, apan unsa ray anaa kanila mao ang kamatuoran sa Maayong Balita. Apan karon ning katapusang mga adlaw, kita gihatagan sa pagpanabot pinaagi sa Pulong, nga makasabot kita niini, tungod kay kini magaabot sa usa ka panahon sa Efeso alang niini. Ug ania na kita karon. Karon, usa ka paradox... Akong ibilin kana, tungod kay anaa na lang akoy napulo ka gutlo ug unya moadto na kita sa pagpangampo. Paradoks.
Basaha ang tibuok nga asoy sa...
Usa ka Paradoks.
Kaminyoon ug
