Mga Sinugdanan sa Pasko.

William Branham.

Basaha ang tibuok nga asoy sa...
Ang Pagkagusbat sa Kalibutan.

Karon, ang Pasko... manghinaut ako nga ang mga katawhan ma— makasabot niining kalibutana, kung unsay kahulogan sa krismas. Karon, ang unang pulong nga Krismas maoy sinultihan sa Katoliko. Kini nagkahulogan nga “Kang Cristo...” C-h-r-i-s-t-m-a-s,” (Nakita mo?) “misa ni Cristo.” Nakita mo? Nagsunod kana sa simbahang Katoliko. Ug wala matawo si Cristo sa ika-kaluhaag-lima sa Decembre. Huh. Usa kini ka hingpit nga kahugpongan sa tawhanong pagtulon-an. Mao kana ang tanan nga anaa niana. “Ang tibuok kalibutan,” Sumala sa giingon sa profeta, nga “nahisama sa mabaho nga kabahong.” Mao kana. Walay bisan gamayng butang nga mahinlo niini. Ang matag pista opisyal gipaluyohan sa... Tan-awa, si Santa Claus maoy mikuha sa dapit sa Krismas, ang pagkatawo sa pasungan. Ang rabit, ang mga manok, ug ang bag-ong mga kalo maoy mikuha sa pagkabanhaw. Ug diin man niining tanan ang Dios magpakita? Nakita mo? Ang hinungdan niini mao nga tungod kay ang tawo ug mga nigosyo...

Tan-awa, misugod na sila sa pagpamalit ug mga gasa sa Krismas sa miaging bulan, ug walay lain niini kodili usa ka batasan nga pagano. Walay bisan gamay nga pagkadiosnon niini. Oh, moingon sila, nga “Panghatag ug mga gasa, ngadto sa mga mago.” Kana maoy u—usa ka tubig sa yutang uga alang sa pasangil ni Satanas. Kung aduna kay buot ihatag, mao kanang imong kinabuhi ngadto kang Cristo. Ayawg ihatag ngadto sa uban, ihatag kini ngadto Kaniya. Kay mao kana ang Iyang gipakamatyan. Mao kanay Iyang katuyoan sa pag-anhi. Nakita mo?

Apan nahimo kining usa ka katungdanan diin nahimo ki—ki—kining usa ka tunglo ngadto sa magagmayng mga kabataan. Ang ubang kabus nga mga silingan diha sa kadalanan makadawat ug daghan, ug ang lain walay bisan unsa man, ug mitan-aw ra sila. Ug lunsay gayung sayup ang tanan. Kana lang. ug ang mga negosyanti nanagpatindog sa ilang mga negosyo niining mga dapita. Sila... Ania karon, ang asawa ko misulod niini aron mamalit alang sa kabataan, sa milabay nga tulo ka semana, ug giingnan, “Oh, nahutdan na kami sa among baligya. Kaduha namo piloa ang komprada niining tuiga, apan nahurot ra ang tanan.” Tulo ug upat ka semana sa wala pa magsugod ang panahon sa pagpamalit. Oh, unsang kadaku nga negosyo kini.

Ug luyo niining tanan, nasayud ba kamo kung giunsa pagsugod niini sa Pasko, nga mao kining atong gitawag nga Krismas, “Misa ni Cristo”? Ania ang sugilanon niini, sa akong gamayng sinulat dinhi sa usa ka panid. Nahuman ko kini sa miaging tuig, sa wala ko pa itudlo dinhi, ang pito ka mga kapanahonan sa iglesia, akong gihisgotan ang “Consilyo sa Necaea,” ug sa “Wala pa ang Consilyo sa Necaea” ug sa “Tapus sa Consilyo sa Necaea,” ug ang mga “Amahan sa Necaea,” ug ang “Duha ka mga Babilonia ni Hislop ug ang kang Foxe “Libro sa mga Sinakit,” ug ang tanan, tungod kay nakadungog ako sa mga ministro nga mikutlo niini. Apan gusto ko nga akoy makabasa niini mismo aron makita, aron masayud a—ako kung unsaon ko kini pagbasa o pagsulti sa akong mga katawhan, tungod kay paninglan ako sa Dios sa adlaw sa paghukom kung unsay akong gisulti sa katawhan. Busa dili ko gayud isulti kong unsay giingon sa uban nga nakabasa sila, kondili gusto ko nga ako mismo ang makabasa niini (Nakita mo?) ug masayud niini.

Karon, sa tinud-anay, ang Krismas, nga si Cristo, nagtoo ako ug hapit kapamatud-an... sama sa pagkabanhaw mahimong kapamatud-an pinaagi sa pagtan-aw sa Magbubuhat, kung giunsa Niya pagbuhat niining tanang kinabuhi sa mga tanom, ug kung giunsa sa tanan ang pagkamapuslanon alang sa Iyang katuyoan nga mamatay, ug kong mamatay na kini, mabuhi kini pagusab tungod kay anaay kinabuhi niini kanunay. Apan ang bugtong paagi niini nga mabuhi kini pag-usab, mao ang pagturok sa liso. Nakita mo? Karon, diha nianang maong kabuhatan gipadayag sa Dios ang Iyang kaugalingon, ug nagpakita kini nga kining tanang mga dios nga pagano ug uban pang mga butang nga naangkon ta dili husto. Tan-awa, silang tanan mga filosipiya lamang ug mga pagpanghanduraw sa hunahuna. Apan a—ang Usa ni Kinsa maoy nagbuhat sa langit ug yuta nagpadayag sa Iyang kaugalingon diha sa Iyang kabuhatan, kung unsa Siya diha sa Iyang laraw. Ug unya kong... Napamalandong mo na ba, sa pagkatawo ni Cristo, nga ang Anak sa Dios, kung nganong didto Siya matawo sa pasungan sa usa ka kamalig, ug gipahigda sa pasungan? Tungod kay Siya usa ka Cordero. Dili mahimong adto siya matawo sa kabalayan, ang mga carnero dili ianak sa kabalayan. Ug unya inyo bang hingmatikdan, sa dihang ila Siyang gidala ngadto sa Kalbaryo, ug kung nganong dili Siya makadalagan. Tungod kay anaay Iyang Krus nga Iyang gipas-an. Gibunalan Siya hangtud nga ang Iyang likud nagkadugo. Ug—apan ilang gidala Siya; ilang gidala ang Cordero ngadto sa ihawan. Nakita mo? Siya mao ang Cordero. Hinuon, ug kong kining tanang mga panghimatuod sa kinaiyahan, kung kinsa Siya... Ipanganak ba ang mga nating carnero sa Decembre o sa Abril? Oo. Tan-awa, binuang kini (Nakita mo? Ang pagtoo sa ingon.

Gibuhat na kini sa simbahang Romano Katoliko sa wala pa kini mahimong simbahang Katoliko sa Roma, diha nianang 86, 106, diha gayud niana, o 306, diay. Atong makita nga mga paganong Romanhon nanagsimba kang Jupiter, nga mao ang dios nga adlaw; ug nagsimba sila kang Astarot, nga mao ang dios nga bulan, o sa laing bahin mao ang inahan sa—sa inahan sa langit. Ania karon, aron pagpahayag niini, sila miingon nga si Astarot, o ang inahan sa dios sa langit walay lain, ug mipadayag sa iyang kaugalingon kang Maria. Busa nagpabilin kini sa gihapon nga pagsimbag dios-dios, nga naghiusa sa Cristohanon ngadto sa pagsimbag dios-dios.

Ug usab, ilang gitugotan, o gisimba ug gitahud ang adlawng natawhan sa ilang dios nga adlaw, nga mao si Jupiter. Kana kung ang adlaw gikan sa pitsa uno sa Decembre, dili kini mobalhin, kanunay kining moagi sa kaprikorn. Ug sa laing bahin, aduna akoy kinutlo gikan sa pamantalaan nga basahon ko unya, makapahikurat kini kaninyo. Naghisgot kamo bahin sa unsay nahitabo didto sa suba niadtong adlawa; ipakita ko kaninyo ang nakita sa Jerusalem aron paglig-on niana, sa milabayng mga semana diha sa pamantalaan. Mga butang nga ilang hingkaplagan sa Jerusalem pipila ka semana ang milabay sa hingpit magpamatuod nga ang Manolunda mipakita dinhi sa mao gayong takna ug mipadala ning maong pagpangalagad. Oo. Nakita mo? Dinhi niini, wala gayud ako masayud niini hangtud sa pipila ka mga semana nga milabay, ug karon ania na kini sa pamantalaan.

Karon, himatikdi samtang milabang kini niana, anaa ka—kana diha. . . Tan-awa. Karon, iniglabay na sa kaluhaag-usa sa Decembre, ang mga adlaw mosugod ug anam ka sayo ang matag usa, o madugay-dugay sa matag adlaw, hangtud sa paghidangat niini sa Julyo. Ug unya mosugod na usab pagsayo kadulom hangtud nga mingitngit na... Ug mao kana ang panahon sa pagpahulay. Ug ang mga Romanhong pagano moingon nga mao kana ang adlawng natawhan sa dios nga adlaw. Gikan sa pitsa uno sa Decembre o sa kaluhaag-usa sa decembre hangtud sa kaluhaag-lima sa Decembre, anaay ilang u—usa ka Romahong sirkus, palumba sa mga karwahi ug uban pa anaa niana, nianang panahona.

Nan, sa dihang ang mga Cristohanon o ang Romanhong mga Cristohanon, midugang sa ilang mga pagtulon-an aron lig-onon kining duruha, tali sa pagano ug sa Cristohanon, sila miingon, nan “Kon kini mao man ang adlawng natawhan sa dios nga adlaw, nan atong hiusahon kining tanan nga adlawng natawhan sa Anak sa Dios.” Mao kana ang inyong kaluhaag-lima sa Decembre alang sa inyong misa. Oh, unsang kamakalilisang nga butang. Nakita mo?

Karon, aron sa pagdugtong... Nganong moingon man kamo, “Dili man ingon niana ang ubang adlaw?” oo, apan gihuusa si Cristo sa pagano... Ang maong butang nga Iyang gianhi aron papason, ila Siyang gibalik pag-usab pahiusa uban niini. Nakita mo? Mao kanang butanga ang sayop. Ug si Santa Claus, pipila sa mga tawong tigulang sa Germany, nga ginganlag si Kriss Kringle, molibot ug manghatag ug mga gasa sa mga kabataan sa adlaw sa misa ni Cristo; usa siya ka Katoliko, ug ilang gihimo siya nga usa ka Santos; ug karon mao na si San Nicholas. Nakita mo? Oh, maayo pang... Ilang... Kanang... Bisan pag unsaon nasayud na kamo niana. Tan-awa, gihisgotan ta sila diha sa mga kapanahonan sa iglesia.

Apan niining kabuntagon, mao kini ang buot kong isulti, nga ning umalabot nga adlaw sa krismas wala nay maayo pang kahimtang sa kalibutan kay sa napulog-siyam o kawhaan ka mga katuigan ang nanglabay sa pag-anhi ni Cristo. Walay kalainan niini. Mao ra gayud nga kahimtang kay sa kaniadto, mao ra usab kini karon. Ilang... Kong himuon ko ang panapos gikan sa unsay, o usa ka teksto gikan sa unsay akong isulti, nga: “Ang Pagkagusbat sa Kalibutan.”

Sa pag-anhi ni Cristo sa panahon sa Pasko sa milabayng napulogsiyam ka tuig, ang kalibutan nagusbat na; mahugaw na ang tanan. Ang relihiyosong kalibutan mahugaw na. ang Romanhong kalibutan, subay sa maayong pamatasan, nagakahugno na. oh, ang pagkamakihilawason sa kalibutan... Ang mga Judio mitalikud sa ilang Dios ug gikuha ang ilang balaang mga fiesta ug gihimo kining usa ka sinubli-subli nga kalagdaan. Ang Dios mingbiya na kanila. Ug nasayud nga dihay mga butang nahitabo; sama sa ginabuhat sa tibuok kalibutan; aron sa pagpadayon niini kanunay... Nagakagusbat na kini. Ug adunay butang nga naghiusa niini, ang matag nasud sa ilang kinaugalingong pamaagi nagpaaabot sa mga butang o sa usa ka tawo nga moabot aron dumalahon sila.

Kon kana dili man mao ang hulagway karon, nan wala ako masayud sa kalibutan. Kini nagapangitag usa ka butang nga mopugong niining tanan. Sama ra kini kaniadto sa milabayng duha ka libo ka tuig. Ang kalibutan sa milabayng duha ka libo ka tuig nagapangita ug usa ka Mesiyas aron kuptan pagdungan ang maong butang. Apan sa milabay nga duha ka libo ka tuig, gihatagan sa Dios ang kalibutan ug Mesiyas. Tungod kay kon aduna kitay gipaabot ug gipangita, ang Dios mopadala niini kanato. Ug karon, ang kalibutan sa paghilabay sa duha ka libo katuig, mibalik sa samang kahimtang sa unsa kini kanhi sa milabay nga duha ka libo ka tuig. Nagakahugno siya, ang kanasuran... Walay—walay patukoranan bisan usa. Ang Comunismo, Katolisismo, Protestantesmo, mga politiko, ang kadungganan, ang tanan nagakagusbat na.

Ug nanag-ampo sila alang sa usa ka Mesiyas. Apan ania karon ang unsay buot kong isulti: Kon ugaling man Siya, dawaton ba nato Siya, o ato bang buhaton ang unsay ilang ginabuhat? Ato ba Siyang balibaran? Nsayud ba kita kung unsa gayud ang atong gikinahanglan? Usahay gusto kita—magampo kita sa atong gusto, ug usahay ang atong gusto dili mao ang atong gikinahanglan. Kinahanglan nga dawaton ta nga wala ta makasabot sa atong gikinahanglan; ug nagtoo kita nga nakasabot ta. Apan ang Dios nagsaad sa paghatag sa atong mga gikinahanglan, ug mao kanay Iyang pagabuhaton.

Basaha ang tibuok nga asoy sa...
Ang Pagkagusbat sa Kalibutan.

Apan sa nagpalandong siya sa pagbuhat niini, tan-awa, usa ka manolunda sa Ginoo mitungha kaniya pinaagi sa damgo ug miingon, "Jose, anak ni David, ayaw pagpanuko sa pagpangasawa kang Maria, kay kanang iyang gisamkon gikan sa Espiritu Santo.

Ug igaanak niya ang usa ka bata nga lalaki, ug siya imong paganganlan si Jesus, kay siya mao man ang magaluwas sa iyang katawhan gikan sa ilang mga sala."

Kining tanan nahitabo tuman sa gisulti sa Ginoo pinaagi sa profeta, nga nag-ingon:

"Tan-awa, usa ka birhin magasamkon ug magaanak sa usa ka bata nga lalaki, ug ang iyang ngalan pagatawgon Emanuel" (nga ang kahulogan mao kini: Ang Dios uban kanato).

Mateo 1:20-23