Apeleikinet ka Akuj.

William Branham.

Tosiomete alo akirot...
Anu Ikiinakinere Ekuwuam Ngolo Akwuangan?.

Yoana 14:26,
Nait ekesinapakinan, ngolo erae ekuwuam ngolo akwuangan, ngolo eyakuuni Papa alokiro kang, ebuni akitatam iyes ngiboro daadang, ka eyauni ngiboro lu daadang (erae nguna ngakiro keng) nakisiitunet kus, nguna daadang akalimoki ayong iyes.

Akuwar ngina alunyar ikirworo iwon, “neni arae inges.” Kerae mono ekuwuam ngolo akwuangan inyo? Ka ikipotu iwon oriamutu ebe ikamunit ibore daadang, ngini eikinit Akuj neni yok. Ee-ee. Alotooma keng ikipotu iwon oriamutu kire jik nguna iitani ekelesia ngolo ka Akuj. Ikipotu iwon oriamutu ebe erae akipucet, ekesinapakinan, akiyengun, ka alelean, ka aiyorit, ka ayiarun. Ka daadang nguna eikinit Akuj ekelesia keng, eperete alotooma ekuwuam ngolo akwuangan.

-----
Tokona, ka taparacu... nakuwar na ikitatami iwon nguna ikamunito: Arae inyo apeleikinet ngina iyiakiunia Akuj ekuwuam ngolo akwuangan? Inyo etic keng? Erae kerae ibore ngini ti apolon, inyo bo nait eyiakiunia Akuj inges?

-----
Kona, apeleikinet, arae inyo apeleikinit Akuj eyakuuni ekuwuam ngolo akwuangan? Kona, kegirak ayong nguna, Yokana ekek ngitomon ka ngiomwon, ageikin alongaet angolo angitomon ka ngiomwon, ka asiomar ekek ngol, anguna ka apetetait. Apeleikinet ka Akuj, ikiriamu ane, alotooma ayiakuun ekuwuam ngolo akwuangan, arae apeleikinet apei, kotere Akuj elope iboi alokelesia keng ka akirucor ngakinapeta keng isitiyiae ekelesia.

Ebe, Akuj alotooma Kristo, erucorit ngakinapeta keng aneni a Kristo; aneni a Kristo, tooma ekelesia, arucor etic keng aneni ke ekelesia. Kona, ikiyieni iwon ebe erae ekuwuam ngolo akwuangan. Ikipotu iwon oanyutu, akuwar ngina a bien, ebe erae Akuj.

Kona, ngina ikitamakinia iwon nguna ka Akuj, Papa, ikwa ngina erworitor yesu ane, Papa keng; Akuj, lokoku, ikwa Yesu; Akuj, ekuwuam ngolo akwuangan, ikwa ngolo ikinyarit iwon nakolongit na, kona, emam ngerae apolou keng ebe eyiakasi ngitunga ngiuni, Ngakujio nguna egelegelea. Erae apolou keng ebe eyiei Akuj apei alotooma ngapision ngauni.

Olimutu iwon ikona. Nguna daadang arae Akuj, abu tobukoki tooma Kristo, anierae abu inges tobuko bon ka tobukoki tooma Kristo. “ka arae Kristo akilele ka akujuwuanut alotooma akuwan.” Neni arae Yehova daadang, abu tobukoki tooma Kristo. Nguna daadang arae Kristo, abu tobukoki tooma lokelesia; meere neni aipei tunganan, nait tooma akuwan daadang. Anen, neni ikibunio iwon kaapei alotooma akimorikina, ikiyiakar iwon apedor. Nguna daadnag arae Akuj, ayiakasi tooma Kristo; nguna daadang arae Kristo, eyiakasi tooma iyes. “Anierae abu Akuj tonap akuwan, kiboi alokiding yok.” Timoteo ngolo ke epei ekek ngiuni engaet ngitomon ka ngikan kapei, erae kigirete iyes, “tomam akitoronet epol akimunono ngina ka akerit Akuj: anierae aponi kitoodiunae Akuj alotooma akuwan, ka ikipotu iwon otapa inges. Akuj, Yehova, enapi akuwan, ka tolosite anakwap, ka ikipotu iwon engolikisi inges angakonyen yok.”

Iyienete iyes, alotooma ekek ngolo pei ngol, ngolo a Yokana ekek ngitomon ka ngiomwon, tema Pilipo, “Ekapolon, kitoodikinae isua Papa, ka ikisimwuonikini isua.”

Tema Yesu, “aya ayong aoyiau ayiei ka iyes, Pilipo, ka ngikiyieni iyong a? kikingolik iyong ayong, ingolik iyong Papa. Ka inyo ibaakar iyong neni kang, 'kitoodikinae isua Papa a'?” Abu Akuj tonap akuwan. Kona inges lo ane. Ikibala ebe, arae Papa Akuj aneni kus. Ikiyiei iwon ameun aneni ka Adam. Akuj, Papa, ayiei kidiama Musa ka ngidwe ngulu a Isirael, alotooma epir ngolo ka akim. Anen, Akuj kaapei ka iwon, alotooma Kristo; tolosenenee ka iwon, erworos ka iwon, kimuji ka iwon, tojotoe ka iwon. Akuj alokidiama yok; Akuj ka iwon; ka kona Akuj alotooma yok. Nguna daadang arae Akuj, apotu tolomut tooma Kristo; nguna daadang arae Kristo, apotu tolomut tooma ekelesia.

Inyo inges? Akuj itiyiae alotooma kon. Iwadio daadang alotooma akwap neni ecamitor inges anyarare iyong, iyiei iyong jik nen, itiyiae aneni kon akitiyiaun acamit keng. Epite ngolo ebeitor iwon akitalakar Akuj anguna! Akuj, ekuwuam ngolo akwuangan, eyakuunitae anguna ka apeleikinet angina ka akibooyio alokelesia keng, elosi alotooma ngina nyamet, itiyiaunit acamit keng ngina ekujuwuana.

-----
Ka epite ngolo abu ayong kitiyia ngolo, abu kiwuap ngikisila keng. Emam ngepedori Akuj, ainakin iyong ekisil epei akiwuap ido kiwuapiete inges ecie. Iwuapin inges ngikisila keng ke elope. Anen nait, Akuj, kotere elakuni ekelesia ngolo aolit, akwap ngina aoilit, ngisuban ngulu aoliyorito; Akuj, ngolo emam ngesaluuunui alotooma ekuwuam, alakun ngitunga ngulu aoliyorito, abu Akuj elope torau eyienet aitunganan, ekile, lokoku ngolo abu inges toyieki nakooki a Maria. Ka ani elimori inges alokingaren ngitunga daadang, kori ayienaanut; alokinga ngidorin ngulu a Yerusalem, aponi kikiarae inges alokiding nakuj ka akwap, tosodi atwanare, ka alakun ibore daadang. ka alotooma ayiare, abu inges kitesegu ekelesia kotere ebuni inges elope akibooyio, ka akimor ka akirworo, akilimakinet ngina ka akimor ngin ngina aponi totwaniyarae alomakikor ke Eden neni abunionoo Akuj angina tabong, esaa ngolo ke ekelesia.

Iripunito iyes a? Abuneene Akuj inyipun amwanis ngina ka apaaran, edoiyori akolong. Eyiei idiobore ngini ikamunit ngina eyapiyaria awariun, etamunete ngitunga ke ekelesia ka nguna ka Akuj; ngikristo. Ite iyong akolong edoiyori, iripuni iyong akolong kon edoiyori.

Ka alotooma ariripikinet ngina ka atabong abuni inges kwap ka akirworo ka inges. ka anen abu inges totwania akimor ngin, anierae emam pa acamakini inges asecit akitiyia nguna. Ka abu inges tonap akuwan ka kiboi alokiding yok, kotere inges ebonguni nabo lotunga, ka akiboi alotunga, ka akinyiakun itunganan loyiakae ngolo ka akimor ka inges nabo, ka ainakin inges apedor ngina ainakinit inges Akuj.

Erae ngina apeleikinet ngina ke ekuwuam angolo akwuangan. Erae Papa, nabo, Akuj Papa iboi alotooma kus, itiyiae ngakinapeta keng, akirikakin akitemokinet ngina ka alakunio; itiyiae aneni kus, ikitaraunit eketiyian kaapei ka inges; ikiinakinit iyong akibois, ikiinakinit iyong atiaket ngina alokaato kon angolo imasara, lokaato ka nakaato ngina eolit; ikiinakinit iyong ekuwuam keng ka amina keng, alosit akirika ngulu eolito, ikwa ngina etiyia inges alomanikor ke Eden. “Adam, Adam, ai iyiei iyong?” nguna ikec itiyiae ekuwuam ngolo akwuangan neni ke ekile kori aberu. Ngina elomunia tooma lotau keng ka tosodi akiboikin, eyiei akure ka akoro anguna angitai angulu eoliyorito.

Ngina inges ationis alotooma ngamoreta nakolongit na. Emam atapio ngina ke ekuwuam ngina itemokino alotooma keng, alosit anguna angitai angulu eolito ka ngulu iridate. Erae nguna noi ayieun ekiro, kori ekelesia, kori aduketait, kori edin, akilo akinapetait ngina ka ariamun ngitai. Ipte ngolo eraakar ibore ngini ikisioni! Kikipedo iwon akiboi anen noi.

-----
Kona alotooma anyamet ngina ikiyiaria iwon na tokona, anyamet na, edeparit Pentekoste. Eboikin Pentekoste tooma nariongeta, ka ageu akisudunun nguna alalak nguna ikamunito ngariongeta, “ikirae isua nu ka ikirae isua kwa.” Erae ca ngolo epiteene. Emam ngepedori iyong akingarakin nguna. Erae epiteene. Itiyiakinete nguna. Erae ayeunet kec akitiyiakin nguna. Nait arubaki ekelesia elosi ngaren. Aloma tooma neni apolon neni ka apedor noi. Erae akinyiakakinio angainanakineta.

Ka emam ngenupito ngulu a Pentekoste ngulu alalak nakitangale ngina ekujuwuana, akijianakin angimalaikan, ka ngapedorosio ka Akuj. Enyarito ngulu a Pentekoste ngulu alalak nganynunyunueta nguna ete ayong nu ebe, “satan.” Emamkaunotor tar ngariongeta nguna alalak idiobore akitiyia nganyunyunueta ngun, alotooma Pentekoste. Ite iyong a, ikidepa iwon nguna. Ikwa ngina pei anyaritotor ngulu a Methodiste ngulu a Pentekoste, “ngulu ekoporito ngikerep,” anguna ka akirworo angangajepa. Ikwa ngina pei anyaritotor ngulu a Luther ngulu a Methodiste, “ngulu ekoporito ngikerep,” anguna ka acala. Ite iyong a?

Nait erae daadang abunet ngina ke ekuwuam angolo akwuangan, akitodol ngina ilelebunor ekelesia ngolo apolon, ka kilelebun ejok, aleluyia, anguna angapedorosio anguna apolok anguna ka Akuj angolo ka agogongu adaadang. Akitodol, ngina edolio nakibois akitodol ngina itoodiyarotor ngitisicio ngulu pei etiyiat Yesu alotooma ekelesia tokona. Ikirae iwon ngikonei, ngulu ikiyapikina.

Kimiekinae owuo ane, adio paki, alemun nguna ewuakinitor Akuj ekuwuam ngolo akwaungan lokelesia, ainakin iyes akisikwuanet acie kotere iyes eyienunete. Alokaku alotooma akitutuket ngina ngorot, ngina... ikoku.

Adukokini ekile ere keng. Toriamu ateran keng, ibore ngini esiaunan ngini. Torauni nait ekile ngolo apolon, ikwa arionget. Ajokak nguna.

Ibore ngini atupakini akitiyiaun, buni akidounio tooma lore ngol. Erae nen ngina ekuwuam ngolo akwuangan, kitee iyong, ngina abunio ekuwuam ecie tooma, ngolo arae lokoku. Lokoku ngol, emam pa apoloknit inges ka akileleba, kerae dang emam pa arae inges ekeruman ka akileleba akitodol ngina edolio inges ngikaru ngicie. Ka abeit akipim inges, mono. Ee.

-----
Inupit iyong “neni.” Erwor ekuwuam ngolo akwuangan neni kon, ka ilimo iyong inges alokingaren ngitunga. Ayiakatar Satan dang nguna pei. “Anupit ayong ebe erae inges lokoku ka Akuj.” Nguna itiyiae Satan dang nguna. Nait iyiei iyong losit neni keng.

Ngina anyaraunere, Petero ka kitojokae anguna ka akinup neni a Yesu Kristo. ka alotooma Yokana ekek ngitomon ka ngikan kaarei engaet ngolo angitomon ka ngikan kaarei, abu Yesu kitokwuangu ikec kan akirot, anierae arae akirot akiyookino. Ka arae inges akirot. Ebala Yokona ekek ipei, “Anakisiakinet ayiei akirot, toyiei akirot ka Akuj, torae akirot Aku. Ido abu akirot tonap akuwan, ka kiboikin kiding yok.” Arae inges akirot, angun abu inges kitokwuangu ikec. Abu ingest ema, “Papa,” isirwori ekuwuam ngolo ayiei tooma keng, “etokwuanguni ayong ka akirot,” inges elope kan akidokokin ngakan neni kec. “erae akirot kon akiyookino.” Abu ca inges kirwor ido toyiakaun inges, alotooma akooki ngina ka aberu; okoe, etioni jik inges ayiakaun lopite ecie adepar akirot akirot na ngina ka Akuj akisileereun inges. “etokwuanguni ayong ikec.”

-----
Kona, “ngitisicio ngulu etiyiae ayong.” Eyiei Akuj tooma lokelesia keng, arucor ngitisicio keng. Nguna ikec eyakuunitor inges ekuwuam ngolo akwuangan. Kona, ayieni inges nguna. Inges, ayieni inges ebe emam pa apedor, emam pa apedor akitiyiakin akolongit ngina, angun ke erot ke ecie, angun ayiei inges akiyakuun. Abu Papa kiyaku lokoku, kiwuaaki daadang nguna eyiakasi tooma...lokoku tooma kus. Ka ngitisicio ngulu pei abu inges kitiyia, ngitisicio ngulu pei kona abu Yesu kitiyiate, ipote iyes dang akitiyia, ekanisa.

Emam ngicamito iyes akitiyia ngitisicio ngulu ka Akuj a? Tema Yesu, “erae kicamito iyes akitiyia ngitisicio ngulu ka Akuj, tonupae ayong.” Lopite ali inupia iyong inges? Emam epite itiyiakinia iyong akitodol ngina iriamunia iyong ekuwuam ngolo akwuangan.

Anierae, emam itunganan etemari erae inges lokoku ka Akuj, irworo iyong nguna alimunit itunganan icie. “ebala ebaibul ebe erae inges lokoku ka Akuj; anupit ayong ebaibul.” Iyookino daadang. “ebala ebaibul erae inges lokoku ka Akuj; anupit ayong ebaibul. Ebala ekeyokon erae inges lokoku ka Akuj; anupit ayong ekeyokon. Ebala toto erae inges lokoku ka Akuj; anupit ayong toto. Ebala lokone kang erae inges lokoku ka Akuj; anupit ayong lokone kang.”

Nait erot bon ngolo apedoria ayong atemar erae inges lokoku ka Akuj, inges ngina ebunio ekuwuam ngolo akwuangan tooma kang tosodi kitoodiyar elope, anen oyienuni nait ayong ebe erae inges lokoku ka Akuj. “Emam itunganan enyarae Yesu, 'Kristo,' mati bon anguna ke ekuwuam angolo akwuangan.” Anen! Emam itunganan ngini irworo anguna ke ekuwuam ka Akuj enyarit Yesu ebe ngolo ilamitae, kori tema arae inges icie akolongit ya ka iciebore nakolongit na. itopalagete nguna ka einakinete inges erae ngolo emam ibore epedori akitiyiakin. Emam jik. Erae inges ngolo pei ngol bien, nakolongit na, ka ngikaru ka ngikaru. Edio kuwuam daadang ngolo iyookino isuudae nguna. Iyookino daadang.

-----
Nguna ikec eyakuunitor Akuj ekuwuam ngolo akwuangan. Ebunit ekuwuam ngolo akwuangan ainakin iyong apedor. Ayiakatar ayong ngakigiret ngacie ne, apei dakika bon. Ebunit ekuwuam ngolo akwuangan ainakin iyong apedor. Emam ngacamit ayong... ipedori iyong ariamun nu; alwuana ayong noi, nakuwar na. Ainakin iyong apedor, apedor alotooma akilip!

Ilmuni iyong itunganan ngini eyiarit akiyiar ngina ajokan, nait iloununiyo inges jwijwi. “okoe, akalimokini ayong iyong...” itunganan ngini ajokan, “okoe, kire, amina ayong Ekapolon, Lokaato Branham.” Iloununiyo jwijwi, emam ngeriamununuyiete akilip ngina ebongokinio. Kilelebik iyong aberu ngin ekuwuam ngolo akwuangan apei paki, kingolik nguna ipote akitiyiaun. Ngina elosio inges ngaren Akuj, emam ngilounio inges. Ebuni inges lokicolong ka Akuj ka atitinyu, tonupite. Eyiakatar inges apedor anierae erae inges nakoku ka Akuj, anguna ka auriyo.

Tolemu iyong ekile ngol, ngolo ebulono ngol, epetonori inges ekapolon keng ngiwaitin daadang anakibois. Tema, “kidarak adakika apei ane tokona.” Abu idiobore kilocokin, kitee iyong, eyiakatar inges ekuwuam ngolo akwuangan. Ikiinakinit iyong apedor. Ilelebatar akiyiar kon apedor. Ikiinakini iyong apedor alotooma erwori.

-----
Erworo ayong anguna ikamunito apedor ngina ka akilip, apedor ngina ke erwor, apedor ngina ka akiyiar angina akwuangan. Amen. Nguna ebeit ekuwuam akitiyia nguna. Iyes ngitunga ngicie ngulu elosete anen, ibasi, “ejok, emam jik ngapedori ayong aesikin akimat ngagwe. Emam jik ngapedori ayong aesikin nu.”

Ebuni ekuwuam ngolo akwuangan akiboi alotooma kon, ka ainakin nguna emam ngipedori iyong akitoyiakin ngun anyoun aneni kon. Erae nguna kire. Ainakin ngaberu tojongoto akinger ngitim kec, ainakin ikec tojongoto anapit ngipajamwa ka ngitorosio. Emam akision. Ainakin ikec tojongoto esiomit. Okoe, ee, nguna eyaunitere inges nguna, ainakin iyong araun akiyiar ngina akwuangan. Ebuni akiwuapit ngakiciketa nguna ke ebaibul angolo saa.

Tema aberu, “emwana noi; ebeit ayong onapito ngilowi lu. Kimieki ayong ngitim kang topolout epote akiteger ayong akou.”
Nait emam akision aneni ke ekuwuam angolo akwuangan. Erae nen inges ebeitor akitiyiakinia nguna. Ebuni akiwuapakin akirot ikongina pei jik. Nguna ebeit ekuwuam ngolo akwuangan akitiyiakin nguna. Erae ainakin iyong apopirikin akou alotooma aberu ngina enapit ngilowi ngulu tuber, ka aesikin akingobel ikec, ka ngulu imarakina lokelesia. Nguna ebeit inges akitiyia nguna.

Tosiomete alo akirot...
Anu Ikiinakinere Ekuwuam Ngolo Akwuangan?.

Toboŋok Yesu iŋes tema, “Ŋinituŋanan akamina ayoŋ, iricakini ŋakiro kaŋ. Eminakini Papa kaŋ iŋes ka ikiponi isua neni keŋ, eboiyoto ka iŋes.

Ituŋanan daadaŋ ŋini nyakamina ayoŋ, nyiricakini ŋakiro kaŋ. Ŋakiro daadaŋ ŋuna ipupete iyes, meere ŋuna kaŋ, nai erae ŋuna a Papa a ŋolo ekeyakuunit ayoŋ.

Yoana 14:23-24