Onyankopɔn dɔ wo.

Yohane 3:16-17, 16 “Na sɛnea Onyankopɔn dɔɔ wiase ni, sɛ ɔde ne Ba a ɔwoo no koro no mae, na obiara a ogye no di no nyera na wanya nkwa a enni awiei.
17 Onyankopɔn ansoma ne Ba amma wiase sɛ ommebu wiase atɛn, na mmom ɔsomaa no se ommegye wiase nkwa.

Obiara nyɛ ɔtreneeni.

Romafo 3:10 Sɛnea Kyerɛwsɛm no ka se, “Obiara nyɛ ɔtreneeni;
Romafo 3:23 Na nnipa nyinaa ayɛ bɔne ama Onyankopɔn anuonyam abɔ wɔn,

Yesu - Onyankopɔn Guamma.

Yohane 1:29 Ade kyee a Yohane huu Yesu sɛ ɔreba ne nkyɛn no, ɔteɛɛ mu kae se, “Hwɛ, Onyankopɔn Guamma a oyi wiase bɔne kɔ no!
Yohane 1:36 Yohane hwɛɛ no kae se, “Oyi ne Onyankopɔn Guamma no!”

Wo bɔne nti na Kristo wui.

1 Yohane 2:2 Na Kristo no ankasa ne yɛn bɔne ho mpata na ɛnyɛ yɛn bɔne nko, na nnipa nyinaa bɔne.
Galatifo 1:4 Yɛn bɔne nti, Kristo yɛɛ osetie maa yɛn Agya Nyankopɔn. Ɔnam so de ne ho bɔɔ afɔre gyee yɛn fii bɔne a yɛwɔ mu nnɛ yi mu.

Onyanee fii awufo mu de kyerɛe sɛ obetumi de bɔne akyɛ.

Romafo 10:9 Sɛ wopae mu ka se, “Yesu ne Awurade,” na wugye di sɛ Onyankopɔn na onyan no fii awufo mu a, wobegye wo nkwa.
Romafo 6:9 Efisɛ yenim sɛ wɔanyan Kristo afi owu mu, na ɔrenwu bio. Owu nni ne so tumi bio.
Asomafo 4:10 ɛno de ɛsɛ sɛ mo ne Israelfo nyinaa hu sɛ saa onipa a ogyina ha yi, ɛnam Yesu Kristo a ofi Nasaret a mobɔɔ no asennua mu na Onyankopɔn nyan no fii awufo mu no tumi mu na ne ho ayɛ no den.

Ɛsɛ sɛ yegye N’afɔrebɔ no di na yegye tom.

Asomafo 16:31 Wobuae se, “Gye Awurade Yesu di na obegye wo ne wo fifo nyinaa nkwa.”
Asomafo 15:11 Nanso yegye di sɛ wɔnam Awurade Yesu Kristo adom so na agye yɛn nkwa sɛ wɔn ara.

Bɔne a wɔde bɛkyɛ no wɔ Ne Din mu.
(Nsuo mu Asubɔ)

Asomafo 2:38 Petro ka kyerɛɛ wɔn se, “Monsakra mo adwene na momma wɔmmɔ mo asu wɔ Yesu Kristo din mu sɛnea ɛbɛyɛ a wɔde mo bɔne bɛkyɛ mo na moanya Onyankopɔn akyɛde a ɛyɛ Honhom Kronkron no.

Srɛ No sɛ ɔmmra mmɛbɔ N’abrabɔ wɔ wo mu.

Romafo 8:11 Sɛ Onyankopɔn Honhom a onyan Yesu fii awufo mu no te mo mu a, ɛno de, nea onyan Kristo fii awufo mu no nso nam ne Honhom a ɛwɔ mo mu no so bɛma mo nipadua a ewu yi nso nkwa.

Fa asɛm kae fi...

Afei, Paulo kaa sɛ, bere a onipa no ba na ɔde ketewa no ba no... Sɛ ɔyɛɛ bɔne a, ɔde oguammaa ketewa yi na ɛba. Afei, ɔsɔfoɔ panin no hwɛɛ so, ɔsɔfoɔ no yɛɛ, hunuu sɛ mfomsoɔ biara nni oguammaa no ho, ɔhwɛɛ no, hwɛɛ sɛ ɛyɛ yie anaa; na sɛ ɛbaa saa a, ɛnneɛ ɔde oguammaa ketewa no too afɔrebukyia no so. Na ɔbarima no nso reba ni nea ɛyɛɛ bɔne; ɔkaa sɛ, “Afei, mayɛ korɔnbɔ. Na seesei mahu sɛ mehyɛ owu ase, efisɛ mayɛ bɔne. Onyankopɔn rempɛ sɛ miwia ade; N’ahyɛde ka sɛ ɛnsɛ sɛ yɛyɛ saa.”

“Afei, mede me nsa bɛto oguammaa ketewa yi so. Na Onyankopɔn mmaransɛm a ɛwɔ ha no kaa sɛ, ‘Nwia,’ na mewiaa. Enti meyɛ... menim sɛ mehyɛ owuo ase. Biribi wɔ sɛ ɛbua me bɔne no, ɛfiri sɛ mewiaa. Na Onyankopɔn kaa sɛ da a mɛdi bi no, ɛda no na mewu. Enti miwiaa nneɛma. Na Onyankopɔn kaa sɛ, 'Wowia ade, ɛsɛ sɛ wowu maa no.' Enti Ɔhwehwɛɛ sɛ sɛ mempɛ sɛ mewu a, ɛsɛ sɛ mede oguammaa no ba. Enti mede oguammaa no da fam ha; Mede me nsa guu saa nipa ketewa yi ti so, na ɔno nso resu kɛkɛ na ɔrekɔ so. Na meka sɛ, ‘Awurade Nyankopɔn, ɛyɛ me yaw sɛ miwiaa. Mepae mu ka na mehyɛ Wo bɔ sɛ merenwia bio sɛ Wobɛgye me atom seesei ara a. Na m’afɔrebɔ, ne me wuo nti, oguammaa ketewa yi rebɛwu wɔ m’ananmu.”

Wɔakyerɛ ase afi ... Law or Grace (1954)
William Branham.