Gutnius.
God i gat wanpela Pikinini tasol i stap.
Jon 3:16 God i gat wanpela Pikinini tasol i stap. Tasol God i laikim tumas olgeta manmeri bilong graun, olsem na em i givim dispela wanpela Pikinini long ol. Em i mekim olsem bilong olgeta manmeri i bilip long em ol i no ken lus. Nogat. Bai ol i kisim laip i stap gut oltaim oltaim.
Yumi olgeta man yumi bin mekim sin...
Rom 3:10 I no gat wanpela man i save mekim stretpela pasin. Nogat tru.
Rom 3:23 Yumi olgeta man yumi bin mekim sin, na yumi no inap i stap wantaim God long heven.
Jisas - Sipsip Bilong God.
Jon 1:29 Long de bihain, Jon i lukim Jisas i wokabaut i kam long em. Na Jon i tok, “Lukim. Em i Pikinini Sipsip Bilong God. Em i kam bilong rausim sin bilong olgeta manmeri bilong graun.
Jon 1:36 Na em i lukim Jisas i wokabaut i go. Na Jon i tok, “Lukim. Em i Pikinini Sipsip Bilong God.”
Krais i bin i dai bilong rausim olgeta sin bilong yumi.
1 Jon 2:2 Em yet i bin mekim wok bilong rausim wok bilong helpim yumi tasol. Nogat. Em i mekim bilong helpim olgeta manmeri i stap long graun.
Galesia 1:4 Krais i bihainim laik bilong God Papa bilong yumi, na em i lusim laip bilong em yet bilong lusim sin bilong yumi. Em i mekim olsem bilong em i ken kisim bek yumi long dispela pasin nogut nau i stap long graun.
Krais i kirap bek pinis long matmat.
Rom 10:9 Sapos yu tokaut klia long Jisas em i Bikpela, na sapos long bel bilong yu yu bilip long God i bin kirapim bek em long matmat, orait bai God i kisim bek yu.
Rom 6:9 Yumi save, Krais i kirap bek pinis long matmat, olsem na bai em i no ken i dai moa. Dai i no gat strong moa bilong daunim em.
Aposel 4:10 Sapos olsem, orait yupela olgeta i mas save, na olgeta lain Israel tu ol i mas save, long nem bilong Jisas Krais bilong Nasaret, dispela man lek nogut i bin kamap orait na nau em i sanap long ai bilong yupela. Yupela i bin nilim Jisas long diwai kros, tasol God i kirapim em bek long matmat.
Yu mas bilip long Bikpela Jisas.
Aposel 16:31 Na tupela i tok olsem, “Yu mas bilip long Bikpela Jisas, na bai God i kisim bek yu wantaim ol lain bilong yu, na bai yupela i bilong em.”
Aposel 15:11 Tasol yumi bilip olsem, long marimari bilong Bikpela Jisas, God bai i kisim bek yumi, olsem em i kisim bek ol dispela man tu.
Yupela olgeta wan wan i mas tanim bel na kisim baptais
(Baptaisim long wara.)
Aposel 2:38 Na Pita i tokim ol olsem, “Yupela olgeta wan wan i mas tanim bel na kisim baptais long nem bilong Jisas Krais, na God bai i lusim ol sin bilong yupela. Yupela i mekim olsem, na bai God i givim Holi Spirit long yupela.
Rom 8:11 God i bin kirapim bek Jisas Krais long matmat. Na sapos Spirit bilong God i stap insait long yupela, orait long wok bilong Spirit God bai i givim laip long bodi bilong yupela tu, em dispela bodi bilong i dai.
“Olsem na yupela olgeta lain Israel, yupela i mas save gut olsem, dispela Jisas yupela i nilim em long diwai kros, God i makim em i stap Bikpela, na man bilong kisim bek ol manmeri bilong en.”
Ol manmeri i harim tok bilong Pita, na dispela tok i sutim tru bel bilong ol. Na ol i askim Pita wantaim ol arapela aposel olsem, “Ol brata, bai mipela i mekim wanem nau?”
Na Pita i tokim ol olsem, “Yupela olgeta wan wan i mas tanim bel na kisim baptais long nem bilong Jisas Krais, na God bai i lusim ol sin bilong yupela. Yupela i mekim olsem, na bai God i givim Holi Spirit long yupela.
Bipo God i promis long givim Holi Spirit long yupela, na long ol pikinini bilong yupela, na long olgeta manmeri i stap longwe. God, Bikpela bilong yumi, em i bin promis long givim Holi Spirit long olgeta manmeri em i singautim.”
Aposel 2:36-39
Click on an image to download PDFs or fullsize picture.
William Branham Life Story. (PDF English) |
How the Angel came to me. (PDF English) |
Chapter 13 - God is Light. (PDF English) |
Chapter 9 - The Third Pull (PDF English) |
As the Eagle Stireth her nest. (PDF English) |
Chapter 14 - Sabino Canyon (PDF English) |
Sirs, is this the time? (PDF English) - Mt Sunset. Where cloud appeared. |
Chapter 11 The Cloud (PDF English) |
Message Hub...Choose your Language and download Free Messages from Brother Branham