Tuyo sa paghatag sa Espiritu Santo?
<< kaniadto
sunod >>
Ang Dios anaa sa Iyang Iglesia.
William Branham.Basaha ang tibuok nga asoy sa...
Tuyo sa paghatag sa Espiritu Santo?.John 14:26,
Apan ang Manlalaban, ang Espiritu Santo, nga sa akong ngalan igapadala sa Amahan, siya mao ang magatudlo kaninyo sa tanang butang, ug magapahinumdom kaninyo sa tanan nga akong gikasulti kaninyo.Kagabii atong gihisgotan, ang “unsa Kadto.” Unsa Ang Espiritu Santo? Ug nakita ta kini nga hapit ang tanan, nga gisaad sa Dios kanato. Uh-huh. Dinhi niini atong nakita kung unsay gikinahanglan sa Iglesias a Dios. Nakita ta Kini nga usa ka timri, Manlalaban, ang pahulay, ug ang kalipay, ug ang kalinaw, ug ang pagkabanhaw. Ug ang tanang gisaad sa Dios alang sa Iyang Iglesia, natingub diha sa Espiritu Santo.
-----
Karon, ning gabhiona atong hisgotan ang: Unsay Tuyo Sa Dios Sa Pagpadala Sa Espiritu Santo? Alang sa unsa man Kini? Kon Kini usa man ka dakung butang, nan nganong gipadala man Kini sa Dios?-----
Karon, ang tuyo, un- unsay tuyo sa Dios sa pagpadala sa Espiritu Santo? Karon, timan-an ko kana, sa Juan 14, sugod sa bersiculo 14, ug basahon ang tibuok capitulo, alang sa patukoranan. Ang tuyo sa Dios, atong makita dinhi, ang pagpadala sa Espiritu Santo, usa ra ang katuyoan, nga ang Dios Mismo makapuyo sa Iyang Iglesia ug ipadayon ang Iyang mga laraw pinaagi sa Iglesia. Nga ang Dios anaa kang Cristo, nagpadayon sa Iyang mga laraw pinaagi kang Cristo; gawas kang Cristo, ngadto sa Iglesia, nagpadayon sa Iyang buhat pinaagi sa Iglesia.Karon, ato nang nasuta kung unsa ang Espiritu Santo. Atong nakita, sa miaging gabii, nga mao Kini ang Dios. Karon, kung maghunahuna kita ug Dios, ang Amahan, sumala sa gisulti ni Jesus, ang Iyang Amahan; Dios, ang Anak, nga si Jesus; Dios, ang Espiritu Santo, sumala sa atong pagtawag Niini karon. Karon, wala kana magkahulogan nga adunay tutulo ka nanagtinagsaay, nanagkalahi nga mga Dios. Kini nagkahulogan nga anaay usa ka Dios sa tutulo ka mga buhatan.
Hinaut nga isulti ta kini sama niini. Nag tanan nga iya sa Dios, Iyang gibubo kang Cristo, tungod kay gihaw-asan Niya ang Iyang kaugalingon ug gibubo Kini kang Cristo. “Ug si Cristo mao ang bug-os kinatibukan sa pagka-Dios diha sa lawas.” Ang tanan nga iya ni Jehova, Iyang gibubo kang Cristo. Ug ang tanan nga iya ni Cristo, Iyang gibubo ngadto sa Iglesia; dili kay sa usa ka nanagkalin, kondili ngadto sa tibuok Lawas. Diha niana, diin kita nanagkahiusa sa tingub, nakabaton kitag Gahum. Ang tanan nga iya sa Dios, anaa kang Cristo; ug ang tanan nga iya ni Cristo, anaa kaninyo. “Tungod kay ang Dios nahimong unod, ug mipuyo uban kanato.” Unang Timoteo 3:16, kon inyo kining gisulat, “Dili gayud malalis nga daku ang tinago sa pagkadiosnon: ang Dios nadayag diha sa unod, ang unod, ug hingkuptan ta Siya: Ang Dios, si Jehova, nahimong unod, ug naglakawlakaw dinhi sa kalibutan, ug nakita namo Siya sa among mga mata.”
Nasayud kamo, diha sa mao rang capitulo, sa Juan 14, si Felipe miingon, “Ginoo, ipakita kanamo ang Amahan, ug igo na kana kanamo.” Si Jesus mitubag, “Kadugay Ko nang pakig-uban kaninyo, Felipe, ug wala ka pa ba diay makaila Kanako? Kung nakakita kamo Kanako, nakakita kamo sa Amahan. Ug nganong miingon man ikaw Kanako, 'Ipakita kanamo ang Amahan'?” Ang Dios nahimong unod.
Ania kini karon. Ang Amahan mao ang Dios sa ibabaw ninyo, moingon kita. Sukad pa kang Adan mao na kita. Ang Dios, ang Amahan, diha sa ibabaw ni Moises ug sa mga anak, sa Israel, diha sa Haligi nga Kalayo. Ug unya, ang Dios nagauban kanato, diha kang Cristo; nagapakiglakaw uban kanato, mikaon uban kanato, natulog uban kanato. Ang Dios sa ibabaw nato; ang Dios uban kanato; ug karon ang Dios ania sa sulod nato. Ang tanan nga iya sa Dios, moduol kang Cristo; ang tanan nga iya ni Cristo, moduol sa Iglesia. Unsa kini? Ang Dios nagalihok diha kaninyo. Bisan diin ning kalibutana nga buot Niya kamong tawgon, dihadiha anaa kamo, nagalihok sa sulod ninyo aron pagbuhat sa Iyang kabubot-on. Angayan unta kita magpasalamat sa Dios tungod niana! Ang Dios, ang Espiritu Santo, gipadala na tuyo nga ang Dios mopuyo sa Iyang Iglesia, nga nagalihok sa matag panahon, nga magabuhat sa Iyang Langitnong pagbuot.
-----
Ug mao usab kana angh gibuhat sa Dios, misunod sa Kaugalingon Niyang balaod. Ang Dios dili mosunod, nga mohatag kanimog usa ka balaod nga sundon ug Siya mosunod sa lain. Sundon gayud Niya ang Kaugalingon Niyang mga balaod. Ug unya, ang Dios, aron nga pagtubson ang nawala nga iglesia, ang nawala nga kalibutan, ang nawala nga kabuhatan; ang Dios, Kinsa walay kinutuban sa Espiritu, aron pagtubos sa nawalang kaliwatan sa tawo, ang Dios Mismo nahimong kadugo, usa ka Tawo, usa ka Anak nga Iyang gibuhat sa tagoangkan ni Maria. Ug unya naghimo Siyag usa ka ilhanan, o usa ka papanghimatuod; didto sa gawas sa ganghaan sa Jerusalem, giisa Siya sa tungatunga sa mga langit ug sa yuta, ug namatay, ug mitubos sa tanang mga butang. Ug diha sa pagdugo, gibalaan Niya ang usa ka Iglesia aron Siya sa Iyang kaugalingon makapuyo niini, makipag-ambitay ug makasalo niini, kadtong nawalang dapit sa pakighiusa sukad pa sa tanaman sa Eden diin ang Dios manaog sa matag gabii, panahon kana sa iglesia. Hingmatikdan ba ninyo, nga ang Dios nanaug sa kabugnaw sa adlaw, sa pagsalop sa adlaw. Adunay butang mahitabo kung magsagud na ang kagabhion, ang katawhan maghunahuna sa iglesia ug sa Dios; mga Cristohanon. Nakita ba ninyo nga sumasalop na ng adlaw, inyo bang nasabot nga sumasalop na ang inyong adlaw.Ug sa kabugnaw sa kagbhion manaug Siya ug makigsalo uban kanila. Ug didto nawala Kaniya ang maong panaghiusa, tungod kay ang sala dili motugot Kaniya nga buhaton kini. Ug niana nahimo Siyang unod ug mipuyo ipon, kanato, aron mahibalik Siya pag-usab sa tawo, ug mopuyo diha sa tawo, ug ibalik ang tawo diha sa kahimtang sa pakigsalo uban Kaniya pag-usab, ug ihatag kaniya pagbalik ang katungod nga gihatag sa Dios kaniya. Mao kana ang Iyang gibuhat.
Mao kana ng katuyoan sa Espiritu Santo. Ang Amahan, na usab, ang Dios nga Amahan nga nakig-uban kaninyo, nagbuhat sa Iyang mga laraw, aron pagtapos sa Iyang laraw sa pagtubos; nga nagapamuhat pinaagi kaninyo, naghimo kaninyo nga kauban sa buhat uban Kaniya; nagahatag kaninyog luna, naghatag kaninyog bahin alang sa inyong nahulog, nawala nga igsoong lalake ug babaye; naghatag kaninyo sa Iyang Espiritu ug sa Iyang gugma, sa paglakaw aron pangitaon ang nawala, sama sa iyang gibuhat didto sa tanaman sa Eden. “Adan, Adan, hain kamo?” Mao kana ang gibuhat sa Espiritu Santo ngadto sa lalake ug babaye. Kung mosantop na Kini sa ilang mga kasingkasing ug makapahiluna na Kini, diha niana moabot ang kauhaw ug kagutom alang sa mga kalag nga nawala.
-----
Karon dinhi niining panahona diin ania na kita magpuyo, niining panahona, unahan na kini sa Pentecostal. Ang Pentecostal nagpahimutang sa kaugalingon niini diha sa mga organisasyon, ug misugod sa pagtumotumo sa tanan bahin sa mga organisasyon, “Kami ingon niini ug kami ingon niana.” Kinaiya kana. Wala kay mahimo niini. Kinaiya na kana. Buhaton nila kana. Mao na kana ang laraw, alang kanila sa pagbuhat niana. Apan ang Iglesia mipadayon. Misuwag Kini ngadto sa labi pang kadaku, sa dugang kagamhanan. Mao kana ang pagpabalik sa mga hiyas.Ug daghang mga katawhang Pentecostal ang dili motoo sa Langitnong kaayohan, pagpamuhat sa mga Manolunda, ug mga gahum sa Dios. Daghang mga Pentecostal ang naghingalan niining mga panan-awon nga akong nakita nga, “sa yawa.” Daghan mga Pentecostal ang naghingalan niining mga panan-awon nga akong nakita nga, “sa yawa.” Daghang sa mga organisasyon ang dili manginlabot Niini, diha sa Pentecostal. Tan-awa, miuswang na kita sa unahan pa niana. Sama sa Methodista nga nagngalan sa Pentecostal nga, “buang.” tungod sa pagsultig mga diha. Sama sa Lutheran naghingalan sa mga Methodista nga, “buang,” tungod sa pagsinggit. Nakita mo? Apan kining tanan mao ang pagtungha sa Espiritu Santo, hangtud nga ang dakung Iglesia napuno, ug napuno sa kabanha, halleluia, tungod sa dakung gahum sa Dios nga Makagagahum. Hangtud, nga miabot kini sa usa ka dapit hangtud nga ang mga buhat nga gibuhat ni Jesus nakita kini diha gayud sa Iglesia karon. haduol ra kita, mga higala.
Mohunong ako dinhi, kadali lang, aron paghisgot kung unsay tuyo sa Dios pagbutang sa Espiritu Santo sa Iglesia, naghatag kinig laing tipo aron kamo mahibalo. Balik sa Daang Tugon, kung ang u- usa ka bata... Usa ka tawo ang nagbuhat ug balay sa iyang kaugalingon. Mikuha siya sa iyang pangasaw-onon, mao kana ang unang butang. Unya nahimo siyang usa ka bantugang tawo, sama sa usa ka organisasyon. Maayo kadto. Ang sunod nga nahitabo, dihay natawo sa maong balay. Mao kana kung ang Espiritu Santo, magtan-aw, sa laing espiritu nga miabot, nga mao ang anak. Kadtong bataa, wala pa siya sa hingpit nga katungod, ni makapanunod siya hangtud nga makadangat siya sa hustong edad. Ug kinahanglan panghimatud-an una, siya. Oo. Ug unya anaay ilang balaod sa pagpanagop. Kaninyong mga ministro, “ang pagpahimutang sa usa ka anak,” mao kana ang akong gihisgotan karon, pagtan-aw, sa ingon kung modangat na siya sa dapit diin siya gisagop.
-----
Dili ka gayud mabag-o hangtud nga makadawat ka sa Espiritu Santo. Husto kana. 32 Ikaw nagatoo “ngadto.” Ang Espiritu Santo nakigsulti kanimo, ug sa dayag gisangyaw mo Siya. Ang yawa mao man usab ang yawa. Apan nagalakaw ka padulong Kaniya. Samtang, gitawag si Pedro ug gimatarung, pinaagi sa pagtoo kang Jesu-Cristo; ug diha sa Juan 17:17, silang tanan gihinloan ni Jesus pinaagi sa Pulong, ka yang Pulong mao man ang Kamatuoran. Ug Siya mao man ang Pulong. Si I-Juan, nagaingon, “Sa sinugdan mao na ang Pulong, ug ang Pulong kauban sa Dios, ug ang Pulong mao ang Dios. Ug ang Pulong nahimong unod, ug mipuyo ipon kanato.” Siya mao ang Pulong, busa gibalaan Niya sila. Siya miingon, “Amahan,” naghisgot ngadto sa Espiritu nga diha sa sulod Niya, “Gibalaan Ko na sila pinaagi sa Pulong,” Siya Mismo, pinaagi sa pagpandong sa Iyang mga kamot diha kanila. “Ang Imong Pulong Kamatuoran.” Sa yano misulti ngadto Kaniya sa katumanan, sa sulod sa tagoangkan sa usa ka babaye; oh, sa hingpit dili gayud mahimo alang Kaniya sa laing paagi kay sa Pulong sa Dios nga magapadayag Kaniya. “Gibalaan Ko sila.”-----
Karon, “Sa mga buhat nga Akong ginabuhat.” Ang Dios anaa sa Iyang Iglesia, aron ipadayon ang Iyang mga buhat. Mao kanay hinungdan nga Iyang gipadala ang Espiritu Santo. Karon, nasayud Siya niana. Iya, Iyang nasayran nga dili ingon niini, dili mahimo nianang paagiha, maingon man sa laing paagi, busa kinahanglan nga ipadala gayud Niya. Gipadala sa Amahan ang Anak, gibutang ang tanan nga anaa sa... Ang Anak anaa sa sulod ninyo. Ug mao rang mga buhata nga Iyang ginabuhat, mao rang mga buhata karon ang ginabuhat ni Jesus, nga pagabuhaton usab ninyo, sa Iglesia. Gusto ba kamong mobuhat sa bulohaton sa Dios?Si Jesus miingon, “Kong buot kamong mobuhat sa bulohaton sa Dios toohi ninyo Ako.” Giunsa ninyo pagtoo Kaniya? Dili mo kini mahimo hangtud nga madawat mo ang Espiritu Santo. Tungod kay, walay si bisan kinsa nga makaingon nga Siya Anak sa Dios; misulti ka kung unsay giingon sa uban. “Ang Biblia nag-ingon nga Siya mao ang Anak sa Dios; mitoo ako sa Biblia.” Maayo kana. “Ang Biblia nag-ingon nga Siya mao ang Anak sa Dios; mitoo ako sa Biblia. Ang pastor nag-ingon nga Siya mao ang Anak sa Dios; mitoo ako sa pastor. Si mama nagingon nga Siya mao ang Anak sa Dios; mitoo ako kang mama. Ang akong mga higala nag-ingon nga Siya mao ang Anak sa Dios; mitoo ako sa akong higala.” Apan ang bugtong paagi nga makaingon ako nga Siya mao ang Anak sa Dios, kung mosulod na kanako ang Espiritu Santo ug magasaksi sa Iyang kaugalingon, ug unya mahibaloan ko nga Siya mao ang Anak sa Dios.
“Walay si bisan kinsa nga makaingon kang Jesus nga 'Cristo,' kondili pinaagi sa Espiritu Santo.” Huh! Walay si bisan kinsa nga nagasulti pinaagi sa Espiritu sa Dios nga magatawag kang Jesus nga tinunglo, o makaingon nga lahi Siya niadtong adlawa ug lahi karong adlawa. Kana makapahimo Kaniyang mahuyang ug maduhaduhaon. Dili, sir. Siya mao sa gihapon kagahapon, karon, ug hangtud sa kahangturan. Ang matag matuod nga espiritu mosaksi gayud niana. Husto kana.
-----
Ang Espiritu Santo mianhi aron paghatag kaninyog Gahum. Dili a- ako... Makita mo kini; halayo na ako kaayo, ning gabhiona. Aron paghatag kaninyog Gahum, Gahum sa pag-ampo!Pagkuhag usa ka tawo nga nagpuyog maayong kinabuhi, apan kanunay silang dagon. “Oh, sultihan ko kamo...” Maayong tawo, “Oh, tinuod gayud, nahigugma ako sa Ginoo, Igsoong Branham.” Sa kanunay gayud pilde, wala gayud sila makadawat sa tubag sa pag-ampo. Imong gipuno sa Espiritu Santo kanang usa ka babaye usa niana ka higayon, bantayi kung unsay nahitabo. Sa dihang misunod siya sa Dios, wala siya mapilde. Sa makusganon miduol siya sa Trono sa Dios, nga nagatoo. May pagsalig siya tungod kay anak man siya sa Dios, pinaagi sa Pagkatawo. Kuhaa kanang usa ka lalake, nga talawan kaayo, nga agalon mipapahawa kaniya gikan sa maong dapit. Miingon, “Kadali lang dinhi karon.” May kausaban, tan-awa, nakadawat siya sa Espiritu Santo. Kini mohatag kaninyog Gahum. Mapuno sa Gahum ang imong kinabuhi.
-----
Naghisgot ako sa Gahum sa pag-ampo, Gahum sa pagsulti, Gahum alang sa balaang kinabuhi. Amen. Mao kanay pagabuhaton sa Espiritu Santo. Ang uban kaninyong mga katawhan nga naglakawlakaw, moingon, “Hinuon, dili gayud ako mobiya sa pag-inum. Dili ako makabiya niini.” Ang Espiritu Santo mianhi aron mopuyo sa sulod ninyo, aron pag-abog gikan kaninyo niining tanang mga ”pagkadili.“ Husto kana. Aron pahunongon ang kababayen-an sa pagpaputol sa ilang mga buhok, aron paundangon sila pagsul-ob ug mga purol ug mga pantaloon. Wala nay ikapangulipas. Aron pagpahunong kanila sa pagpanabi. Oh, oo, alang Kini niana, aron paghimo kaninyog balaang kinabuhi. Mosunod gayud kini sa lagda sa Biblia sa matag panahon.Usa ka babaye ang miingon, “mainit kaayo; ipadayon ko lang kini. Mosakit ang akong ulo kong patas-on ko ang akong buhok.” Apan wala nay ikapangulipas sa Espiritu Santo. Anaa na Kini diha aron mahimo kini. Mosunod kini sa Pulong sa husto gayud. Mao kanay pagabuhaton sa Espiritu Santo. Mao kini ang mopalingiw kaninyong mga kalalaken-an gikan sa hapit na maghubo nga kababayen-an, ug mohunong pagpangibog kanila, ug mga sakop sa simbahan. Mao kanay pagbuhaton Niini.
Basaha ang tibuok nga asoy sa...
Tuyo sa paghatag sa Espiritu Santo?.
Kaminyoon ug
