Bag-ong Langit ug usa ka Bag-ong Yuta.

William Branham.

Basaha ang tibuok nga asoy sa...
Ang Uma-abot Nga Puy-anan Sa Langitnong Pamanhonon Ug Sa Yutan-ong Pangasaw-onon.

2 Pedro 3:5-7,
5 Sila nagpakabuta sa tinuod nga butang nga mao kini, nga sa karaang panahon pinaagi sa Pulong sa Dios, dihay mga langit nga nanaglungtad, ug usa ka yuta nga namuol gikan sa tubig ug pinaagi sa tubig:
6 Nga pinaagi niini ang kalibutan nga naglungtad kaniadto gilunopan sa tubig ug nalaglag.
7 Apan pinaagi sa mao ra usab nga pulong nga mga langit ug ang yuta nga karon nagalungtad gikatagana alang sa kalayo, ginatipigan alang sa adlaw sa panudya ug sa kalaglagan sa mga tawong dili diosnon.

Unsa ka maayo nga saad niining mga profeta ug dagkung mga makinaadmanon, mga magtutudlo sa Biblia, gikan pa kanhi sa unang mga adlaw, sa pagpapakita niining mahimayaong Adlaw nga moabot! Ug pinaagi niining mga panultihan, tingali may usa nga maghunahuna, o madala hinoon, sa pagtuo nga ang tibuok planeta niining kalibutana, malaglag gayod, (“Ako nagahimo ug usa ka Bag-ong Langit ug usa ka Bag-ong Yuta, nakita mo ba?) nga ang mga langit manganahaw ug ang yuta manganahaw, sa hingpit mangawagtang gayod. Apang diha sa usa ka pagtuon ug maayo, ug uban sa tabang sa Balaang Espiritu, makita nato ang Kamatu-oran niini; ug mao kanay atong pagapadulngan.

Kini lamang kawanangan ug libot niini, ug ang sala nga ania dinhi sa ibabaw sa yuta, mao lamang ang mangalaglag. Nakita ba ninyo? Karon., atong nasayran nga ang mga langit nagkahulogan sa “kawanangan sa kahitas-an.” Nakita ba ninyo? Unsa bay mahimo niini?

Kini... ug kining mga sampinit, ug balatian, ug kamatayon, ug mga politika, ug tawo nga makasasala, ug babaye nga makasasala, ug ang mga dautang espiritu, ang tanan mangahanaw ug mangawagtang. Nakita ba ninyo? Kini pagahimoon nianang paagiha, tungod kay kita mopuyo-ay dinhi niini. Mapamatud-an nato kana pinaagi sa Biblia. Nga diin dinhi gayod kita magapuyo. Karon timan-i, ang mga sampinit, mga kagaw, ang tanang mga balatian, ug mga butang sa hingpit pagatangtangon. Ang tanan nga nagadular nga anaa dinhi sa yuta karon, mga sistema nga hinimog-tawo, mga politika, sala, ug ang tanang mga matang sa dautang mga espiritu nga nakapahugaw o nakapatakod sa kalibutan, ug sa tibuok kalangitan nga anaa sa ibabaw kanato dinhi, gipangtakdan sa mga dautang espiritu. Karon magpakalawom kita ug magdugay bahin niini. Nakita ba ninyo?

Kining tanan napahimutang diha sa mga langit, o sa mga kawanangan ug sa yuta nga niini karon; kining yuta-a naghupot niining mga butanga. Apan wala kini pagahimoa sa ingon nianang katuyuan. Ang sala maoy naka-ingon niini nga maingon niana. Nakita ba ninyo? Kini gibuhat pinaagi sa Dios, ang magbubuhat. Apan ang tanan... Ug ang tanan sa atong mga lawas nga atong gipuy-an karon gibutang sa yuta sa dihang gibuhat kini sa Dios, tungod kay kamo gipagawas gikan sa abog sa yuta. Kining tanan napahimutang gikan niini. Sa dihang ang Dios Mismo mibuhat niini, diha kamo sa Iyang hunahuna. Ug diha Kaniya, ang Gamhanang Walay Kinutuban, mao ang hunahuna, nga mao ang Iyang kinaiyahan. Ug karon ang sala maoy hinungdan niining tanan nga panghitabo, ug ang Dios, pinaagi niining panahona, gipanagtigum Niya ang Iyang mga galamiton.

Apan si Satanas ania gihapon dinhi. Mao kanay hinungdan nga kining tanan mga butanga nahitabo. Kay siya ania gihapon dinhi, ug ang tanan sa iyang dautang mga kagahum ania sa gihapon dinhi. Ug timan-i, mao kanay hinungdan nga ang yuta karon perting hugawa. Mao kanay hinungdan nga ang bilyako ug binu-ang nga mga butang miupadayon, tungod kay kana si Satanas mao ang magmamando niining kalibutana ug niining kawananga. Moingon mo, “Ang kawana...? Oo, senyor!

Ang kalangitan ug ang kayutaan pulos nahugawan niining mga demonyo nga naga- kusa kanato sa atubangan sa Dios. Apan si Jesus atu-a didto sa pagpatunga alang kanato. Oo. Nakita ba ninyo? Samtang ang tig-akusa kanunayng nagatudlo sa iyang tudlo, “Ilang gibuhat kini, Ilang gibuhat kini, Ilang gibuhat kini,” Apan ang Dugo sa gihapon nagapangtabon. Siya mianhi sa pagtubos nianang Pinili nga Iyang nakita nang daan. Mao kanay hinungdan nganong hugaw kayo karong adlawa.

Ug dinhi, ang apostoles, sa Ikaduhang Pedro dinhi, sa ika-2 nga capitulo, ug sa ika-5 ug sa ... ug sa ika-5 ug sa ika-6 ka bersekulo. Oo, napalgan ko kini. Siya nagapanghisgot ngadto sa tulo ka mga hugna sa yuta. Tan-awa, siya -- siya nagbutang ug tulo ka mga hugna niini. Tan-awa kon giunsa niya sa pagpangdala kanila. “Ang unang kalibutan naumol gikan sa tubig,” karon, mao kana ang karaang kalibutan. Karon, kining usa, ang kalibutan karon nga atong gipuy-an, gitawag kini ug usa ka “kalibutan.” “Ang unang kalibutan nga naumol gikan sa tubig,” sa Gen. 1:1. Karon ug ang “kalibutan” nga mao karon. ug unya, usab, naghisgot siya ngadto sa laing usa, “sa kalibutan nga moabotay, ang Bag-ong kalibutan. Tulo ka mga kalibutan; tulo ka mga hugna sa kalibutan.

Ug tan-awa kon giunsa sa Dios sa pagpatin-aw alang kanato ang Iyang plano sa katubsanan. O, nakapakulba-hinam kini'g maayo sa akong kalag sa dihang nakita ko kini, Giunsa Niya pagpatin-aw kanato dinhi karon ang Iyang plano sa katubsanan. Karon itandi kon unsay nakita diha sa atong kaugalingong mga mata. Kon unsay gibuhat sa Dios sa pagtubos sa Iyang kalibutan, Iyang gihimo ang mao ra usab nga plano sa pagtubos Niya sa Iyang mga katawhan, Kay ang Dios nga walay kausaban wala magusab sa Iyang mga plano o unsa pa man. Kanay usa ka mahimayaong butang!

Giunsa nga Iya kitang gipangulohan ngadto sa Iyang Kaugalingon, sa usa ka halaran dinhi sa sulod nato, pinaagi sa tulo ka mga hugna sa gracia; sama sa Iyang pagdala sa kalibutan diha sa tulo ka mga hugna nga moabot nga kalibutan. Maingon nga ang Dios sa pag-anhi Niya sa kalibutan human kini moagi sa tulo ka nagkalainlaing mga hugna sa pagpanglimpiyo, mao usab kanay takbo sa iyang pag-anhi kanato pinaagi sa tulo ka mga hugna sa gracia. Gitudlo ko na kana sa kinasugdanan; ug wala gyod ko mag-usab sukad masukad. Kay kini maoy Pulong sa Dios.

-----
Hinumdomi, “ang unang kalibutan,” ang karaan; ug ang “kalibutan” nga mao karon; ug ang Usa nga moabot. Karon, ang unang hugna nga Iyang gidad-on kanato sa ...Tan-awa, ang Iyang plano sa katubsanan pareho ra gayod pinaagi sa bisan unsang butang. Iyang gipanggamit ang mao rang pamaagi. Wala Niya gipang-usab. kay Siya naga-ingon, sa Malaquias 3, “Kay ako ang Dios ug walay pagkabalhin.” Busa sa pamaagi nga Iyang himoon kini, tungod niana, kon Siya miluwas sa unang tawo. Iyang giluwas kini pinaagi sa pag-ula ug dugo sa usa ka inosenti, Iya usab nga pagaluwas ktong sunod nga usa; ug ang matag-usa nga Iyang giluwas adunay pareho ra nga pamaagi. Kon iyang giayo ang usa ka tawo diha sa bisan unsang panahona sa tibuok dagan sa kinabuhi; itugot kini diha sa mga adlaw ni Jesus, sa mga apostoles, sa mga profeta, sa bisan kanus-a kaniadto; nga sa mao rang kasabutan gipangtagbo, kinahanglan Iya kining pagahimoon pag-usab. mao kanay tinuod. Ili Niya paga-usbon. Ang tawo mangausab, ang panahon manga-usab, ang idad manga-usab, ang despensasyon manga-usab, apan ang Dios magapabilin sa dayon. Kay siya hingpit. Unsa gyod ka dakung paglaum nga angay igahatag ngadto sa masakitong mga tawo!

Kon Siya nag-ayo sa usa ka tawo, na Iya kining pagahimoon pag-usab sa mao rang mga kasabutan nga gipangtagbo. Kon Siya kanunay moluwas sa usa ka tawo, kinahanglan Iya kining pagahimoon diha sa mao rang sukaranan sa paghimo Niya niini sa unang higayon. Ug kon Iyang gipuno ang usa ka tawo sa Balaang Espiritu, kinahanglan Iya kining pagahimoon diha sa mao rang mga sukaranan sa paghimo Niya sa unang higayon. Ug kon Siya nagabanhaw sa usa ka tawo gikan sa lubnganan, kinahanglan Iya kining pagahimoon sa ikaduhang higayon, ug matag nagkalainlaing panahon, diha sa ibabaw sa mao ra sumbanan.

Dili Niya paga-usbon. O, daw unsa ka dakung paglaum nga gikahatag kanako! Unsa man kini? Dili diha sa pipila ka teyoriya nga hinimog tawo, o usa ka bahin nga mga pundok sa tawo nga nanagtigum; apan diha sa Iyang walay kausaban nga Pulong. Moingon kamo, “Mao ba Kini ang Kamatuoran?” Siya naga-ingon, “Matag pulong sa usa ka tawo mahimong usa ka bakak, ug ang Ako maoy tinuod.” “Kay ang mga langit ug yuta mahanaw, apan ang Akong Pulong dili gayod mapakyas.”
“Ang tibuok Kasulatan gituga, ug may kapuslanan alang sa pagpanudlo.” Ug hinumdomi, nga, “Ang tanang Kasulatan mamatuman ang matag tipik niini.

-----
Diha sa Bag-ong Yuta ug Bag-ong mga Langit, dili na gyod mangitngitan pa pagusab. Sa diha nga kining Bag-ong Yuta moabot, ang demonyo pagagapuson... si Satanas, siya sa pagkakaron binuhi-an; ug tigpangsumbong siya, apan diha sa bag-ong Yuta, pagagapuson siya ug itambog ngadto sa Linaw nga Kalayo, niining Balaang Kalayo.

Ug unya niining Bag-ong Yuta... ato kining pagatan-awon una sa pipila ka mga minuto karon. dinhi niining Bag-ong Yuta, ang mga kawanangan dili na gyod mongitngit pa pag-usab. Dili kay kana gikan sa tunglo, tan-awa. Dili na mahimong maitum pagusab diha sa mapungotong mga panganod. Ang mga hangin dili na magahuros latas kaniyapag-usab ingon niana. Dili. Dili na niya kunis-kunison ang mga kahoy, ug dili na sab manga-ibot ang mga balay, ug ipangbalintong ang mga butang. Kilat ug ang kapungot dili na gyod makabuga gikan kang Satanas latas dinha ug sa pagpantay sa usa ka tawo nga magalakaw diha sa dalan, o sa pagsunog ug balay. Nakita ba ninyo? Dili, dili na. Diha wala nay mga bagyo nga mohuros, o mga unos ug alimpulos, ug molangkat sa mga balay ug mopatay sa gagmayng mga bata, ug mga butang, Huh-uh, wala na gyod. Naninguha sa paglaglag kini wala na dinha. Kay ang yawa gihinginlan na.

-----
Bisan pa kining mga butanga, si Satanas, ang mga makasasala mangahanaw alang sa Eternidad; wala na gayoy ma-anaa pa. ang tanan... si Satanas dili makagama. Kay kon siya makahama, nan Dios siya. Nakita ba ninyo? apan makatuis lamang siya sa nabuhat na. Nakita ba ninyo? Ug ang tanang kahiwi-an, ang pagpangtuis pagapapa-on, ug ang kamatayon maoy kabalit-aran sa kinabuhi; ug sa diha nga ang mga pagtuis natapos na, wala nay mahitabo pang kamatayon. Ang pagkatigulang maoy usa ka timailhan sa kamatayon ug sa diha nga ang mga pagkatigulang mangahanaw na, ang kinabuhi mosulod. Ang tanang mga timailhan sa pagkadaot ug sa bisan unsa pa manganahaw. Ang mga tunok ug mga kasampinitan usa ka timaan sa sala, “Ang yuta natinunglo uban kanila,” ug sa diha nga sila mangahanaw na... Ang balatian nga nauban niana; kini mauban usab sa pagkahanaw; ang kamatayon mangahanaw; ug ang pinatyanay mangahanaw.

Walay bisan unsa nga makahilabot sa put-ong sa yuta apan ang pagkabalaan, ang Tinubos. O, my! sa pagkatinuod. O, gibati ko lang gayod ang kanindot. Ang Dios ug ang Iyang minugna ug ang Iyang mga binuhat niining kabuhatan gitubos pinaagi sa Iyang Kaugalingong Dugo, Gilimpiyohan pinaagi sa Iyang Kaugalingong pamaagi sa Iyang pagpatay sa kagaw, ug paagi sa pagpatay sa sala. Sama nga sa bisan unsang gilimpiyohan ug kaga. Ang pinakamaayo sa paglimpiyo ug kagaw nga atong nabatonan mao ang kalayo. Makakuha sa bisan unsa ug hugasan nimo kini uban sa sinabunang tubig ug sa tanang niining mga kemikal nga ilang gipanghisgotan, apan kini sa gihapon dili libre, apan sunoga kini ninyo sa maka-usa.

Ug sa diha nga ang balaang Kalayo sa Dios magapanglimpiyo sa kagaw sa yuta... kon ang mga kemikal... Siya mopataas na sa Iyang Pangasaw-onon, nga makahimo pag-abot paingon sa Langit uban Kaniya, samtang kini magapadayon, ug mobalik pagusab sa yuta-diha sa Bag-ong mga Langit ug usa ka bag-ong Yuta. Ang katugnaw sa tigtugnaw dili na makapasakit niini; ug ang mga kainit sa tiniginit dili na makapasakit niini; ang mga deserto magapamuswak maingon sa usa ka rosas. Ug ang sala ug ang makasasala mangahanaw. Ang Dios, ug ang Iyang mga binuhat ug kabuhatan, mag-uban sa pagpuyo diha sa hingpit nga panag-uyon. Maingon sa langit ug yuta mao ang bana ug asawa, mao man sab si Cristo ug ang Iglesia, ug silang tanan magatagbo diha sa usa ka dakung mahimayaong plano sa katubsanan ug kini ginadala paingon ngadto sa mga sabakan sa Dios pag-usab. Nakita ba ninyo kini?

Ug, diha sa Bag-ong Yuta, adunay usa ka siyudad. (O, my! Karon paminawag maayo. Ug ayaw kalimti kini.) Nga si Jesus miingon diha sa Juan 14, nga Siya moadto sa pag-andam. “Dili magkaguol ang inyong kasingkasing.” (Sa dihang mopahawa Siya,) “Adunay hinungdan sa Akong paglakaw. Sumalig kamo sa Dios,” miingon Siya, “ug sumalig usab kamo Kanako.” Wala sila makakita nga Siya mao ang Dios. “Kay miingon, Misalig kamo sa Dios, ug karon salig kamo Kanako. Ug moadto Ako aron sa pag-andam ug luna alang kaninyo. Kay sa balay sa Akong Amahan adunay daghang mga palasyo.” Si Cristo atua didto, sa pagkutob niining bag-ong Jerusalem karon. Karon, paminaw kamog maayo; ayawg irug; ayawg - ayawg sipyata kini. Si Cristo anaa diha sa Langit, karon sa pag-andam sa Bag-ong Jerusalem.

Maingon nga ang Dios mibuhat sa yuta sa unom ka mga adlaw gibuhat ang yuta sa unom ka mga adlaw, O diay unom ka libo ka mga tuig. Sila miingon, “Ayaw kamo pagpaka-ignorante.” Ato kanang mabasa diha sa Kasulatan, “nga ang usa ka libo ka mga tuig maoy usa ka adlaw.” Ug si Cristo mi-una sa pg-andam sa usa ka Luna, nga gipadayon pa kana sa pagtarbaho sa daghang, daghang libo-an ka mga tuig, sa pagandam sa usa ka Luna. “Ug ko Ako makaadto na sa pag-andam ug usa ka Luna, mobalik Ako pag-usab, ug pagadawaton Ko kamo; aron kon hain gani Ako, atua usab kamo didto. Sud-unga, ang Manunubos ug ang gipangtubos!

Basaha ang tibuok nga asoy sa...
Ang Uma-abot Nga Puy-anan Sa Langitnong Pamanhonon Ug Sa Yutan-ong Pangasaw-onon.

Ug unya nakita ko ang usa ka bag-onglangit ug ang usa ka bag-ong yuta; kay ang unang langit ug ang unang yutanangahanaw na man, ug ang dagat wala na.

Ug nakita ko ang balaang siyudad, angbag-ong Jerusalem, nga nanaug gikan sa langit gikan sa Dios, gitagana maingonsa usa ka pangasaw-onon nga gidayandayanan alang sa iyang pamanhonon.

Pinadayag 21:1-2