Johane a Phathimosi.

William Branham.

Vhalani mulaedza...
Bono ḽa Phathimosi.

Nzumbululo 1:9,10
9 “Nṋe, Yohane ndi mutendi nga inwi; nge roṱhe ra vha vhathihi na Yesu ri kovhekana nae u tambula na muvhuso na u sa fhela mbilu. Ndo vha ndo hwalelwa nda poswa tshiṱangadzimeni tsha Phathimosi nge nda ḓivhadza ipfi ḽa Mudzimu nda ṱanziela Khristo Yesu.”
10 Ndo vha ndi Muyani nga ḓuvha ḽa Murena, nda pfa Ipfi ḽihulu nga murahu hanga, ḽine ḽa nga phalaphala.

Hei thevhekano ya mabono a Nzumbululo ya Vhu-muthu ha Yesu Khristo yo ṋewa Yohane musi o valelwaTshiṱangadzimeni tsha Phathimosi. Uku kuṱangadzime ku kha maela dza furaru ubva kha khunzikhunzi dza Asia Minor lwanzheni lwa Aegean. Sa fhethu ho ḓalesaho matombo na dziṋowa, magwavhavha na dziphame, tsho vha tshi satuvha fhethu ha mabindu u ya ngafhi, nga u ralo tsho vha tshi tshi shumiswa nga vha Muvhuso wa Roma sa fhethu ha u dzudza vhahaṱulwa vhahulu he ha vha hu tshidzula madzolokwe a magevhenga, na zwivhotshwa zwa zwa politiki na vhaṅwe.

Vha ḓo wana uri Yohane o ḓi ḓivhadza kha Vhakhriste sa muṅwe ngavho maṱunguni. Ho vha hu nga tshifhinga tshenetshi he tshivhidzo tsha mathomo tsha vha tshi tshi khou fhira nga tshengeloni khulu vhukuma. Vhurereli havho hu sa khosokou “ambwa nga mavhi” fhedzi vhathu vhone vho vha vha tshi farwa vha vhulahwa. Yohane, sa vhaṅwe vha magogo na magogo, o vha a tshi vho shengelela vhuvhotshwa hu tshiitelwa ipfi ḽa Mudzimu na vhuṱanzi ha Yesu Khristo. O ri o no farwa, vhalingedza u muvhulaha nga u muvhilisa lwa awara dza fumbiliiṋa kha fagi ḽa mapfura a ole vha kundwa. Vhaofisiri avha vhe vha vha vho sinyuwa na u shaya maanḓa vha muhaṱulela u dzula Phathimosi nge vha ri o vha e muloi. Fhedzi Mudzimu o vha e nae, nahone o ponyokiswa a ṱutshela tshiṱangadzime a humela Efeso he a dovha a isa phanḓa sa Mufunzi u siwika a tshi fa.

Vhugala ha phetha dza sumbe dza Vhuthu Hawe.

Nzumbululo 1:14-16,
14 Mavhudzi Awe a ṱhohoni o vha o tshena sa muḓali, kana mahaḓa: maṱo Awe o vha atshi penya sa khavhu ya mulilo;
15 Milenzhe itshi penya sa musinaseṱha u kulutedzwaho ṋanḓoni, ipfi ḽi tshi unga sa muungo wa maḓi manzhi.
16 Kha tshanḓa tshawe tsha uḽa o vha o fara ṋaledzi dza sumbe; mulomoni wawe ha ṱoṱomowa banga ḽa mutshea-hoṱhe; tshifhaṱuwo tshawe tshi tshi penya sa ḓuvha ḽi re na maanḓa.

U vhonala ha Yesu nga Yohane zwo muḓadza na u mufha nḓodzo vhukuma, musi e vhuthathiwani nga ṅwambo wa Ipfi, a vhona, IPFI Ḽitshilaho zwino ḽo ima phanḓa hawe. Ḽo vha bono ḽi lelusaho zwithu khae vhukuma, tshiṱaluli tsha mbuletshedzo tshiṅwe na tshiṅwe ndi tsha vhuṱhogwa. Yovha nzumbululo ya vhugala Hawe.

1.Mavhudziawe O tshena sa mahaḓa.

Yohane u thoma uvhona na u bula vhutshena ha mavhudzi Awe. O vha e matshena, na u penya sa mahaḓa. Izwi ho vha hu si nga ṅwambo wa vhukale Hawe, Ooh hai. Vhutshena ha mavhudzi Awe hu nzhenzhemaho a hu sumbi vhukale fhedzi tshenzhemo, khulo na vhuṱali. Wa lini na lini ha kalahi. Tshifhinga ndi mini kha Mudzimu? Tshifhinga a tshi ambi tshithu kha Mudzimu, fhedzi vhuṱali vhuamba zwinzhi. Zwi ḓi nga zwa musi Solomoni a tshi huwelela Mudzimu uri a mu fhe vhuṱali ha u haṱula vhathu vha Isiraele.Zwino u khou ḓa, muhaṱuli wa ḽifhasi ḽoṱhe. U ḓo ambadzwa vhuṱali. Ndi zwone zwine vhutshena na mavhudzi a penyaho zwa imela.

O vha e Muhaṱuli a tshi khou vula dzibugu na u haṱula u bva kha dzo. Daniele o mu vhona a tshi ḓa o ṋamela makole. Ndi zwone kokotolo zwe zwa vhonwa nga Yohane. Vhuvhili havho vho mu vhona e tshithu tshithihi kokotolo. Vho vhona Muhaṱuli e na mugwarelo wawe wa khaṱhulo wo kapeiwa kha mahaḓa Awe, o ima o kuna na u vha mukhethwa, o ḓala vhuṱali, o fanelwa tshoṱhe nga u haṱula shango nga u luga. Haleluya.

2.Maṱo awe a tshi nga mulilo.

Edzanu elelwa. Aḽa maṱo e a vhuya a nzwinzwimala nga miṱodzi ya vhuṱungu na u pfisa vhuṱungu, aḽa maṱo e a lila nga mbilu ya khathutshelo tshaloni tsha Ḽasaro, aḽa maṱo e a si vhone vhuvhi ha mbava dze dza nembeledzwa nae tshifhambanoni fhedzi nga vhuṱungu a huwelela a ri, “Khotsi, vhahangwele.” Zwino aḽa maṱo o novha khavhu dza mulilo, maṱo a muhaṱuli ane a ḓo lifhedza vhe vha mu hana. Kha nyanyuwo dzoṱhe dza vhuthu dze a sumbedza u ṋaṋa a tshi ḓi vhonadza e kha Murwa Muthu ndi izwi, o lilesa. Hu na uri u lilani honoho na vhuṱunguni u vho ho vha hu kha ḓi vha na Mudzimu.

Maṱo heneaḽa mathihi o vhona mabono; o lavhelelesa vhudzivha hambilu dza vhathu a vhala mihumbulo yavho a ḓivha dzinḓila dzavho dzofhambanaho. U bva maṱoni a muthu ho vha na mudugodugo wa Mudzimu, we a ṱavhela mukosi avho vhe vha si ḓivhe zwe A vha e zwone. “...Arali ni sa tendi uri ndi Nṋe ene, ni ḓo fela zwivhini zwaṋu.” Yohane 8:24. “Arali ndisa iti mishumo ya Khotsi anga, litshani u ntenda, fhedzi arali ndi tshi ita (mishumo ya khotsi anga), naho ni sa ntendi tendani mishumo…” Yohane 10:37-38.

Sa Yeremia wa kale, ovha e muporofita a lilaho, ngauri vhathu a vho ngo ṱanganedza Ipfi ḽa Mudzimu vha thudzela thungo nzumbululo.

Haaḽa maṱo a Muhaṱuli a dugaho khavhu dza mulilo na zwino a khou ṅwala vhutshilo ha vhathu vhoṱhe. Utsitsa na u gonya ḽifhasini nga vhuphara, a hu na tshine a si tshi ḓivhe. U a ḓivha lutamo lwa dzimbilu na zwine vhathu nga muthihi vha ḓiimisela u zwi ita. A hu na tshe tsha dzumbama tshine tshi saḓo dzumbuluwa khae ngauri zwoṱhe zwi fhedzi phanḓa Hawe ane ra tea u shuma nae. Edzanu elelwa, u a ḓivha zwine na khou elekanya zwino.

Ee, asuyo O ima sa Muhaṱuli na maṱo a dugaho khavhu dza mulilo uri a ite zwa khaṱhulo. Ḓuvha ḽa khathutshelo ḽo fhira. Oo, ngavhe vhathu vha tshi rembuluwa na u ṱoḓa tshifhaṱuwo Tshawe nga u luga hu tshe na tshifhinga; uri vha ite gopwa Ḽawe musiamelo shango ḽi sa athu ṋoka ngomu muliloni.

3.Milenzhe ya tsimbi tseṱha.

“Milenzhe yawe yo vhai tshi nga sa tsimbi tseṱha, i tshi nga yo swa ṋanḓoni.” Tsimbi tseṱha i ḓivhelwa u omelela hayo. A hu na tshiṅwe tshine tsha ḓihwa tshine na nga lingedza u tshi vanganya nayo. Fhedzi tsimbi iyi ine ya buletshedza milenzhe Yawe i ḓivhelwavho uri yo sala yo ima misi i tshi lingwa nga ndingo dza ṋanḓoni, ndingo ine a hu athu vhuya ha vha na iṅwe yo no vhuya ya fhira nga khayo. Nahone iyo ndi ngoho vhukuma. Tsimbitseṱha i fanyisa Khaṱhulo Khethwa ya Mudzimu; khaṱhulo ye Mudzimu a i vhea sa mulayo a ita uri i ḓe i itee.

Numeri 21:8-9,
“Mudzimu avhudza Mushe a ri ita ṋowa u i fhahee kha thanda; hu ḓo ri, nnyi na nnyi ane a luṅwa, musi a tshi i sedza, u ḓo tshila. Mushe a ita ṋowa ya musinatseṱha, a fhahea kha thanda, ha ri nnyi na nnyi ane a luṅwa nga ṋowa, a tshi lavhelesa ṋowa ya musinatseṱha, a tshila.”
Isiraele o vha o tshinya. Tshivhi tshi tea u haṱulwa. Ngauralo Mudzimu o laedza Mushe uri afhahee ṋowa kha Thanda, nahone uyo we a lavhelesa o tshidza u bva kha mulifho wa tshivhi.

Fhedzi nga ḽinwe ḓuvha iḽa milenzhe ya musinatseṱha i ḓo ima fhano ḽifhasini. U ḓo vha muhaṱuli wa shango, a haṱula vhathu a sa ṱaluli nahone o khunyelela. Nahone a hu na ane a ḓo tinya khaṱhulo iyo. Ahuna u ḓo rembuluswa ha khaṱhulo iyo kwayo. Ahuna u ḓo thithiswa hayo. Uyo ha a songo luga u ḓo ḓi hana a songo luga; uyo ha a re na mashika u ḓo dzula e wa mashika. A sa shandukiho ha nga shanduki nga itshi tshifhinga, ha athu a vhuya a ralo nahone ha nga fi o ralo. Milenzhe iḽa ya musinatseṱha i ḓo pwasha swina. I ḓo lozwa mulwanaKhristo, Ḽivhanda na tshifanyiso tshaḽo na hoṱhe vhuvhi hune ha vhonala. U ḓo lozwa kuitele kwa zwivhidzo zwine zwa shumisa dzina ḽawe u itela u tshikafhadza vhukoni hayo a vha fhaladza khathihi na mulwanaKhristo. Vhavhi vhoṱhe, vharabeli vha midzimu isili, vhasitendi, vhaṱhomphi vha zwine vhaṅwe vha tenda, vhamusalauno, vho vhofholotshelaho zwoṱhe, vha ḓovha vhe hone vhoṱhe. Lufu, hele na tshalo zwi ḓo vha zwi hone. Ee, vha ḓo vha vhe hone. Ngauri musi a tshiḓa, dzibugu dzi ḓo vulwa. Afho ndi musi na vha tshivhidzo tshi sa fhisi kana urothola zwaho na vhasidzanatshipofu vha matsilu vhaṱanu vha ḓo vhonalavho. U ḓo fhandekanya dzinngu na mbudzi. Musi a tshi ḓa u ḓo dzhia muvhuso, ngauri ndi Wawe, nahone u ḓa na vha zwigidi zwa fumi wa zwigidi, Muselwa Wawe, ane a ḓa u mu shumela. Vhurena! Oo Hu tea u vha zwino kana uri zwa sa ralo a zwi tsha ḓo itea. Rembuluwani hutshe zwino. Vuwani u bva vhafuni ni ṱoḓe Mudzimu a ni ḓadze nga Muya Wawe zwasaralo ni ḓo kundwa Vhutshilo vhu sa Fheliho. Zwiiteni zwino hu tshe na tshifhinga.

4.Ipfi ḽawe ḽo vha ḽi tshi nga mubvumo wa maḓi manzhi.

Zwino maḓi a imela mini? kha vha pfe Nzumbululo 17:15,
“...Maḓi ewa vhona, …ndi dzitshakatshaka, na magogo, na dzitshaka, na dzindimi.”
Ipfi ḽawe ḽo vha ḽitshinga ḽa mubvumo wa vhathu vhanzhi vha tshi khou amba. Ndi mini? Ndi khaṱhulo. Aya ndi maipfi a magogo na magogo a dziṱhanzi, vhe nga Muya Mukhethwa mirafhoni yoṱhe vha fha vhuṱanzi nga zwa Yesu na u funza Mafhungo maḓifha Awe. Ḽi ḓo vha ipfi ḽa muthu muṅwe na muṅwe a tshi takuwa khaṱhuloni a hanedzana na muvhi we a si dzhie tsivhudzo. Maipfi a vhaḓinḓa vha sumbe a ḓo pfalesa a tshi tou ṱaha. Vhaḽa vhafunzi vhevha funza maanḓa a tshidzaho a Yesu, vhe vha funza a ndovhedzo nga maḓi nga dzina ḽa maanḓa ḽa Yesu, vhe vha funza nḓadzo na maanḓa a Muya Mukhethwa, vhe vha ima na Ipfi u fhirisa u ralo kha vhutshilo havho; vhoṱhe vho vha vhe ipfi ḽa Yesu Khristo nga Muya Mukhethwa u tsa na zwifhinga. Yohane 17:20,
“Nahone athi rabeleli avha fhedzi, huno na vhane vha ḓo ntenda nga ipfi ḽavho.”

Oo, ngavhe ni tshi zwi vhona. O vha e maḓi e a lozwa shango, fhedzi o vha e maḓi eneo mathihi e a tshidza Noaxe a dovha a tshidza ḽifhasi ḽoṱhe a tshi itela Noxe. Thetshelesani Ipfi Ḽawe, ipfi ḽa vhaḓinḓa Vhawe, afho ḽi tshi huwelela thembuluwo na vhutshilo.

5.Tshanḓani tshawe tshauḽa ho vha hu na ṋaledzi dza sumbe.

“Tshanḓani tshawe tshauḽa hovha hu na ṋaledzi dza sumbe.” Zwi a pfala uri ri vho zwi ḓivha u bva kha vese ya vhufumbili uri ṋaledzi dza sumbe dzone vhukuma ndi mini, “Tshiphiri tsha ṋaledzi dza sumbe ndi vharuṅwa (vhaḓinḓa) vhazwivhidzo zwa sumbe.” Huno a huna vhukhakhi vhune ra nga vhuita hafha naho hu nga tshiitisi-ḓe, vhunga sa izwi a tshi ri ṱalutshedza ene muṋe. Hedzi ṋaledzi dza sumbe ndi vhaḓinḓa vha zwifhinga zwa zwivhidzo thevhekani zwa sumbe,“ A zwo ngo bulwa nga madzina. Zwo sokou vhekanywa zwazwo zwi sumbe, tshithihi kha tshifhinga tshithihi. U bvakha Tshifhinga tsha Efeso u tsa u swika kha Laoddekia, muḓinḓa nga muthihi o ḓisa mulaedza wa ngoho kha vhathu, hu si na u kundelwa uvhulunga ipfi ḽa Mudzimu kha Tshifhinga tsha Tshivhidzo itsho tsho khetheaho. Nga muthihi vho farelela khawo; vho futelela u luvhani havho kha tshedza tsha mathomo. Afho Musi tshifhinga tshithihi tshi tshi sudzulutshela kule ha Mudzimu, muḓinḓa Wawe afhulufhedzeaho o humisela tshifhinga itsho murahu kha Ipfi. Maanḓa avho o vha atshi bva kha Murena arali zwi songo ralo vho vha vha sa ḓo gonya nga nṱha ha magabelo. Vho vha vho tsireledzea ndondoloni Yawe, ngauri ho vha hu si na tshine tsha nga vha kwatula tshanḓani Tshawe, nahone vho a hu na tshe tsha vha tshi tshi nga vha fhandekanya na Lufuno lwa Mudzimu, hu nga vha ho vha hu vhulwadze, khombo, tsiku, nḓala, pfumo, vhutshilo kana lufu. Vho vha vho ḓiṋekedzela tshoṱhe Khae vha vhulungwa nga ene mukona zwoṱhe. Vho vha vha sa ḓidini nga tshengedzo ye vha ṱangana nayo. Vhuṱungu na u seiwa ho vha uri nga u shengela honoho zwi fhe vhugala kha Mudzimu uri vho wanwa vho fanelwa utambulela Ene. Vho sumbedza ndivhuho yavho kha tshidzo Yawe nga u duga nga tshedza tsha Vhutshilo Hawe vha vhonisa Lufuno lwawe, vhusafhelembilu, vhuḓiṱukufhadzi, vhukonḓeleli, vhufhulufhedzei. Mudzimu o vha tikedza nga zwimangadzo, zwiga, na maḓembe. Vho sasaladzwa ha pfi ndi vhadzia vhukaluli, na vhavhumbuluwi vhakhethwa. Vho hanedzwa nga madzangano a dzikereke vha sewa, fhedzi vho hana vho fulufhedzea kha Ipfi.

Phumudzo hei a si ya muḓinḓa wa tshivhidzo tsha tshifhinga tsha vhusumbe fhedzi. Mutendi ufhio na ufhio u tshanḓani tsha Mudzimu nahone a nga kelela u bva kha ulu Lufuno na maanḓa, na u ṱanganedza mbuelo yo khunyelelaho ya zwoṱhe zwine Mudzimu a vha zwone kha Mutendi. Zwine Mudzimu a ṋea murumelwa, na uri u fhaṱutshedzisa hani na u shumisa murumelwa, ndi tsumbo kha vhatendi vhothe ya vhudi Hawe na vhulondoti kha mirado yothe ya muvhili Wawe. Amen.

6.Banga ḽa mutshea nga hoṱhe.

“Mulomoni wawe ho bva banga ḽa mutshea nga hoṱhe.” Kha Vhahevheru 4:12, “Ngauri Ipfi ḽa Mudzimu ndi tshithu tshi tshilho, tshi shumaho; U tshea ḽi fhira banga na uṱuṱulwa hani thungo dzoṱhe. Ḽi phulekanya ḽa swika hune ḽa fhandekanya mbilu na muya, na Mikala na ṅongo. Ndi muṱalukanyi wa zwine mbilu ya fhima ya elekanya zwone.” Mulomoni Wawe ho bva banga ḽa mutshea nga hoṱhe ḽine ndi IPFI ḼA MUDZIMU.

Zwino Paulo uri Ipfi ḽo ḓa nga maanḓa na nga u amba. Ipfi ḽo funzwaho, ḽo ḓi sumbedza ḽone ḽiṋe. Sa banga ḽi tsheaho ḽingaho khavhu, ḽi ṋuvhela mvaloni dza vhathu, sa lufhanga lwa muari ḽi tshea malwadze na u vhofholola zwivhotshwa. Hoṱhe he vhatendi avha vhaya hone, “vho tshila vha tshi huwelela Mafhungo maḓifha (Ipfi) nahone Mudzimu akhwaṱhisedza nga maḓembe e a tevhela.” Vhalwadze vho fhola, madimoni apandelwa, nahone vha amaba nga ndimi dzisili. Iḽo ho vha hu Ipfi ḽi re kha nyito. Ipfi iḽo a ḽi athu vhuya ḽa kundwa milomoni ya Vhakhriste vha tendaho. Na kha tshino tshifhinga tshavhufhelo ḽi fhano ḽo ṋaṋa u khwaṱha na u vha ḽihulu zwine zwa sa athu no ngovha hone kha muselwa wa Ipfi. Oo! Sambi ḽiṱuku, inwi vha re vhuṱukuni, farelelani kha ipfi, ḓadzani milomo na mbilu dzaṋu ngaḽo, nahone nga ḽiṅwe ḓuvha Mudzimu u ḓo nifha Muvhuso.

7.Tshifhaṱuwo tshawe tshi nga ḓuvha.

Kha Nzumbululo 21:23,
“Muḓi uyo a u vhuyi wa ṱoḓa ḓuvha, nahone a u ṱoḓi na ṅwedzi, uri u vhonetshelwe ngomu hawo;, ngauri lupenyo lwa Mudzimu ndi lwone tshedza tshaho vhugala ha Mudzimu ndi tshone tshedza tsha hone, na ngwana ndi tshedza tsha hone.”
Uyu ndi muḓi wa yerusalema Ḽiswa. Ngwana i ḓo vha i muḓini uyo, nga ṅwambo wa vhuhone ha ngwana, a hu nga nyagei tshedza. A hu na ḓuvha ḽine ḽa ḓa bva ḽa vhonetshela hone, ngauri ene nngwana ndi Ḓuvha na Tshedza tsha hone, ene Muṋe. Tshaka dzine dza ḓo dzhena khawo dzi ḓo tshimbila tshedzani Tshawe. A ni takaleli uri iḽo ḓuvha ḽo swika naa? Yohane iḽo ḓuvha o ḽi vhona ḽi tshi ḓa. Iina, Murena Yesu, iḓa nga u ṱavhanya!

Maḽakia 4:1-3,
“Vhonani huḓa ḓuvha ḽi fhisaho sa ṋanḓo. Nga ḽeneḽo vhaḓihudzaho, vhaswili, na vhoṱhe vhe vha ita zwivhi. vha ḓo swa vhunga mavhivhi, vha ḓo ita mavhivhi. Ḓuvha iḽo ḽiḓaho ḽi ḓo vha fhisa, nahone ḓuvha ḽine ḽa khau ḓa ḽi ḓo vha fhisa, u ralo Yehova wa Mavhuthu, hu si sale mudzi wavho kana lutavhi lwavho.
Hone vhoinwi ni ofhaho dzina ḽanga ni ṱavhelwa nga masana a ḓuvha ḽa zwivhuya ḽa dzilafho dziphaphani dzaḽo; na ḓo bva, na pembela sa ṋamana dzo khwaṱhaho.
Vhavhi niḓo vha kandekanya ngauri vha ḓo vha vhe buse fhasi ha dziṋayo dzaṋu, nga ḽeneḽo ḓuvha ḽe nṋe nda ḽi vhea. Yehova wa Mavhuthu u ralo.”

Khezwo hafhu. ḒUVHA ḽi tshi khou penya nga maanḓa aḽo oṱhe. Oo! Maanḓa a Murwa wa Mudzimu a tshi penya vhukati ha zwivheamavhone zwa sumbe. Khoyo O ima, ene Muhaṱuli, uyo we a shengela a ri fela. O ḓiovhela mbiti dza Khaṱhulo Khethwa. Okanda mafhonḓelo a vhuṱungu ha mbiti dza Mudzimu e eṱhe. Vhunga sa izwi ro noḓi zwi amba, kha muvhi ipfi Ḽawe ḽi nga muungo wa guvhukuvhu kana mualavhi a tshi dielela kha magabelo a lufu khunzikhunzini dzo ḓalaho matombo. Fhedzi kha mukhethwa, ipfi Ḽawe ḽinga sa mubvumo wa kudambwana ku imbelelaho zwavhuḓi wo ḓi awetshela, no fusheani kha Khristo. A tshi ri penyela nga masana Awe a dudelaho U ri, “Ni songo tshenuwa, Ndi nṋe We nda vha ndi Hone, A re hone, Ane A ḓo ḓa. Nga nnḓa hanga ahu tshena muṅwe. Ndi nṋe Alfa na Omega, are kha zwoṱhe” Ndi Ene Volenga ḽa Govhani, Ṋaledzi Phenyi Nyamasase. Kha vha fumi wa zwigidi ndi ene o lugesaho muyani wanga. Ee, Iḽo ḓuvha ḽihulu ḽi tsini na u bva nahone Ḓuvha ḽa u luga ḽi ḓo takuwa na dzilafho phaphani Dzaḽo.

Vhalani mulaedza...
Bono ḽa Phathimosi.

Huno ndi tshi mu vhona nda wela milenzheni yawe sa mufu. Ene a vhea tshanḓa tshwe tshihulu kha nṋe a ri, “U songo ofha! Ndi nṋe mathomo na magumo.

Ndi nṋe a tshilaho. Ndo vha ndo fa, zwino ndi vho tshila lini na lini. Ndo fara khii dza lufu na vhudzulavhafu.”

Nzumbululo 1:17-18.