Tshila Ipfi thevhekano

Mulayo wa mabebo.

Mulayo wa mabebo.

Vhalani mulaedza...
  Tshifhinga tsha Tshivhidzo tsha Peregamo.

William Branham.

Zwine nda khou lingedza u zwi swikisa kha vhoinwi asizwi. Mulayo wa mabebo uri mbeu ifhio na ifhio itea u ḓibeba, uya nga Genesi 1:11, ”Mudzimu a ri, Shago nga ḽi medze hatsi na zwimela zwine zwa ntsha mbeu, na miri ya mitsheloiI tshi aṋwa mitshelo nga u tou ralo., ine mbeu dzayo dzi nga ngomu hayo, fhano shangoni: zwa mbo ralo.“ Vhutshilo na vhufhio he ha vha hu kha mbeu ho ḓa kha muri na kha mutshelo. Mulayo wonoyo u shuma na kha tshivhidzo ṋamusi. No vha hu mbeuḓe yo thomaho tshivhidzo i ḓo bvelela ya nga mbeu ye ya vha i hone u thomani aguri ndi mbeu nthihi. Maḓuvhani aya a vhufhelo tshivhidzo vhukuma tsha muselwa ( Mbeu ya Khristo) I ḓo swika tshiuludzani, nahone tshi ḓo vha tshivhidzo tsha maṱhakheni, lushaka lwa maṱhakheni, afho a tshi hana a tshi sendela tsini nae. Vha re kha muselwa vha ḓo vha vha tshi fana nae kokotolo lune vha ḓo vha hu ḓifanyisa hawe. Izwi zwi itelwa u vha vhathihi nae. Vha ḓo vha vhathihi. Vha ḓo tou vha yone mbonadzo vhukuma ya Ipfi ḽa Mudzimu Mudzimu a tshilaho. Madzana a dzikereke a nga si kone u bveledza izwi (mbeu mmbi). Vha ḓo bveledza zwidayopfunzo zwavho na pfunzo dzisili, vho zwi vanganya na ipfi ḽa Mudzimu. Maitele aya a bveledza tshibveledzwa tsho vanganywaho.

Adamu wa u thoma o vha e Ipfi- mbeu ḽo ambwaho ḽa Mudzimu. O ṋewa muselwa uri a ḓibveledze. Ndi wone muhumbulo wa u ṋewa hawe muselwa, uri a ḓibveledze; uri a bveledze muṅwe murwa wa Mudzimu. Fhedzi o ḓo wa. O wiswa nga muvanganyo wa dzimbeu. O mu ita uri a fe.

Murwa wa vhuvhili (Yesu), na enevho sa Ipfi ḽi ambiwa ḽa Mudzimu o ṋewavho muselwa sa zwe Adamu a itwavho. Fhedzi phanḓa ha misi a sa athu muvhinga, na enevho o vha o no wa. Ene, sa mufumakadzi wa Adamu, o dzheniswa mulingoni uri hu vhonale arali a tshi nga tenda Ipfi ḽa Mudzimu a tshila, kana u ḽi thimathima a konou fa. O timatima. O ṱutshela Ipfi. O fa.

U bva kha tshigwadanyana tsha mbeu vhukuma ya Ipfi ḽa Mudzimu, Mudzimu u ḓo ṋetshedza Khristo muselwa a funeaho. Ndi musidzanatshipofu wa Ipfi ḽawe. Ndi musidzanatshipofu ngauri ha ḓivhi zwidayopfunzo zwa vhathu na pfunzo dzisili. Nga kha miraḓo ya muselwa hu ḓo ḓadziswa zwoṱhe zwe zwa fulufhedziswa nga Mudzimu uri zwi vhonadzwe kha musidzanatshipofu.

Ipfi ḽa mbavhalelo ḽo ḓa kha musidzanatshipofu Maria. Fhedzi ḽiḽa Ipfi ḽa mbavhalelo ho vha hu ene nga tshavhukoma, uri a vhonadzwe. Ene, nga Dzawe o dzhia vhukando nga tshenetshiḽa tshifhinga a ḓadzisa Ipfi ḽawe ḽa mbavhalelo ngomu ha musidzanatshipofu. Ho vha hu muruṅwa we a mu ḓisela mulaedza. Fhedzi mulaedza wa muruṅwa ho vha hu Ipfi ḽa Mudzimu, Yesaya 9:6. Nga tshiḽa tshifhinga o ḓadzisa zwoṱhe zwe zwa vha zwo ṅwalwa nga hawe ngauri o ṱanganedza Ipfi Ḽawe khae.

Miraḓo ya muselwa musidzanatshipofu u ḓo mu funa, nahone vha ḓo vha na mazhuluzhulu awe, ngauri ndi ene ṱhoho yavho, nahone maanḓa oṱhe ndi awe. Vha luvha ene sa miraḓo ya mivhili yashu i tshi thetshelesa ṱhoho dzashu.

Edzanu vhona vhuthihi ha Khotsi na Murwa uri ndi vhunzani. Yesu ho ngo ita tshithu nga nnḓa ha u thoma a sumbedzwa nga Khotsi, Yohane ya 5:19. Uvhu vhuthihi zwino hu tea u ṱaha vhukati ha Muhwe na Muselwa. U mu sumbedza Ipfi ḽa vhutshilo. Ene u a ḽi ṱanganedza. Ha ḽi timatimi na luthihi. Ngauralo, a hu na tshine tsha nga mutshinya, na lwone lufu zwalo. Ngauri arali mbeu yo zwalwa, maḓi a ḓo i melisa hafhu. Tshiphiri tsha izwi a si tshi. Ipfi ḽi kha Muselwa ( sa zwe ḽa vha ḽi kha Maria). Muselwa u na muhumbulo wa Yesu vhunga a tshi ḓivha uri hu tea u itwa mini nga Ipfi. U ita ndaela dza Ipfi dzinani ḽawe ngauri u na “Yehova u ralo.” Huno Ipfi ḽi hanyiswa nga Muya ḽo konou phetha zwe ḽa amba. Sa mbeu ye ya zwalwa ya sheledzwa, ḽi swika kha khaṋo yo ḓalaho, ḽi tshi phetha ndivho yaḽo.

Avho vha re kha muselwa vha ita Lufuno lwawe fhedzi; haho ane a nga vha ita uri vha ite zwiṅwe. Vha na “Yehova u ralo” kana zwa sa ralo vha a ḓifhumulela. Vha a zwi ḓivha uri hu tea u vha Mudzimu ane a shuma mishumo e kha vho, a tshi khou ḓadzisa Ipfi ḽawe. Ho ngo fhedza mushumo wawe woṱhe musi a tshe kha vhushumeli Hawe ha fhano shangoni nanguralo zwino u shuma na nga kha muselwa. Izwo u a zwi ḓivha, ngauri tshifhinga tsho vha tshi sa athu u swika tsha uri a ite zwiṅwe zwithu zwine a tea u zwi ita zwino. Fhedzi zwino u ḓo zwi phetha nga kha muselwa uḽa mushumo we a u siela tshino tshifhinga tsho khetheaho.

Zwino kha ri ime sa Yoshuwa na Khaḽebe. Shango ḽashu ḽa mbavhalelo ḽi khou ḓa ḽi vho vhonala sa ḽavhovho ḽo vhonala. Zwino Yoshuwa zwi amba uri “Yehova Mutshidzi,” nahone u imela murangaphanḓa wa tshifhinga tsha vhufhelo ane a ḓo ḓa kha tshivhidzo sa zwe Paulo a ḓi sa zwone e murangaphanḓa wa u thoma. Khaḽebe u imela avho vhane vha ima vho fhulufhedzea kha Yoshuwa...

Vhalani mulaedza...   Tshifhinga tsha Tshivhidzo tsha Peregamo.

Jerusalema, vuwa u penye, tshedza tshau tsho ḓa! Vhugala ha Muṋe washu vhu khou u vhonetshela unga ḓuvha ḽi tshi bvisa mulomo.

Ḽifhasi ḽi vhona hu tshee vhusiku, tshakha dzo tibwa nga swiswi, hone iwe u ḓo vhonetshelwa nga Muṋe washu, zwa nga ḽi tshi tsha, vhugala hawe ha vhonala kha iwe.

Yesaya 60:1-2