Bula Vosa isoqoni.
<< sa oti o ya
kena e tarava >>
Dua na vosa ki na lotu. O cei beka oqo Melikeseteki? Na Kau Bulabula Ki Lomalagi. Na ivurevure. Na Kaukauwa ni Kalou me Veisautaki. Na tolu na i naki vuni oqo na Kalou. Isoqoni taubale
Vakarisito.<< sa oti o ya
kena e tarava >>
Wai ni papitaiso. Na kena digitaki na yalewa sa qai vakawati.
Dua na vosa ki na lotu.
Mai na... Na kavuni ni Kalou e mai vakatakila no Karisito
William Branham.Dou dau veilomani vaka i kemudou, cecere mai na veika kece. Dou Veilomani vaka i kemudou. Kakua ni... Se veitalia se cava ena tovolea na tevoro me kaya! Oqo dou sa dua ga na i kumukumuni levu kamicakamica eke, ia dou nanuma na noqu i vakaro, raica, ko Setani ena sega ni laiva mo dou na tikoga me vaka koya.
Ena Sega, saka. Ena vanataka ko koya na ka kecega, kevaka mada ga me na kauta mai ki loma e dua me na vakayagataka me na nona takete. E na kauta mai eso na dauveivakadiloi se tawa vakabauta e loma oqo, ka na vakadaberi koya, ka vakavuna me na veitokani vata kei kemudou ena ruku ni bula vakagagalu kei na veika, ka qai vakatekivu mena vanai koya na tamata koya ena so na mataqali poisoni gaga, ka ena qai tekivu ena lomani i soqosoqo lotu ko koya ena veika koya. Mo dou na kakua ni tu vata ena yasana ni veika koya. Mo dou na kakua ni na okati se cakava e dua na ka ena vukuni veika koya se na vukuni veika kecega. Mo dou na tikoga ena dodonu ni bula kamikamica kei na dau veilomani ka caka vinaka ena kemudou maliwa vei kemudou vakayadua. Dou masulaki koya na tamata koya, me na vakabulai talega ko koya, se marama ko ya, se ko cei ga oya, dou masulaki ira ga. Ia dou veikabiti ka duabau vei kemudou vaka i kemudou.
Dou tiko raviti koya na nomudou i talatala. Raica, sai koya na i vakatawa ni sipi, ka mo dou dau solia vua na vakarokoroko. E na liutaki kemudou yani, kei na, 'baleta ni sai koya esa vakaturi ka digitaki koya na Kalou me na vakayacora me vakakina.
Oqo dou sa nanuma koya? Na meca ena lako mai. Ia ena gauna ena lako mai kina, dou kukube ka veivolekati sara vakavoleka ka duavata. Ia ko koya ena vakayagataki koya tiko na tevoro me kemudou meca ke, ena sega ga ni na lako yani ki tautuba ia ena curu mai me sana mai dua ga vata kei kemudou. Oya na veika kece.
Dou kakua ni veitotaki ena kemudou maliwa e dua... se-se mo vosa, mo vakayacori iko mo vakavuna mona totaka e dua. Eda sa dua bau ga. Au na sega ni rawa ni na kaya, “Liga i mawi, Koi au- Au sa cudruvi iko, Au sa na kauti iko tani 'baleta ni o iko ko sega ni liga i matau.” O koya na ligaqu i mawi. Au vinakati koya me tiko e kea. Okoya mada ga na dela lailai ni noqu i qaqalo, au vinakata me tikoga e kea, na veitiki lalai kece ni yagoqu me ra tiko vakadua kecega e kea. Ia na Kalou e vinakati keda, me vaka ga e dua yago ni tamata vakabauta, me da na tiko duavata sara koi keda yadua, dodonu sara vei keda vakayadua.
Ia oqo sa tu vei kemuni na vei i vunau katoni me baleta na veika koya. Sa tu vei kemuni na vei i vunau katoni ena veika eda vakabauta. Sa tu vei kemuni na vei i vunau katoni ena bula vaka i vakarau ena loma ni Vale ni Lotu, kei na i valavala ni noda vaka i tovo taki keda ena loma ni Vale ni Lotu ni Kalou, na i valavala ni noda lako vata mai eke ka dabe vata ena veiyasana Vakalomalagi. Kakua ni tiko voli ga mai vale. Baleta kevaka e sa tiko ena utomu na Kalou, o na sega ni na rawa ni na qai waraka na vei katuba koya me ra na tadola mai kea, mo na yaco mai eke ka vei tokani kei ira na tacimu. Kevaka ko sega-sega ni vakila ni dodonu mo na vakakina, ia au tukuna vei iko, ni sa kena gauna mo sana dau masu.
E vuna, eda sa tiko ena i otioti ni veisiga, ena dua na tikina ena i Volatabu e laveta... se vakauqeti keda sara vakabibi me da na-na, “Vakavuqa sara ni da sa raica na siga koya ni sa roro voleka sara mai,” me da na veilomani vaka i keda ena Veilomani Vakarisito kei na Veilomani Vakalou, “me da na vakasoqoni keda vata ena Veiyasana Vakalomalagi kei-kei na-kei Karisito o Jisu,” kei na vei lomani vaka i keda. “Oqo na tamata kecega era na kila ni dou sa noqu tisaipeli, ni dou sa tiko na veilomani vaka i kemudou vakayadua.” O ya e sa dodonu. Dou tiko veivolekati ena duavata.
Kevaka e dua na Baraca, ko nanuma ni cala vakalailai ko koya, se na Sisita, kaya, “Turaga, kakua vakadua ni vakatarai au me kakua vakadua ni na kadre cake mai na wakatu ni yaloca, baleta ni-baleta ni na tarai koya, ka na kauti Karisito laivi mai kina noqu bula.” Na poisoni waica gaga ni veicati, kei na vuvu, kei na lomaca, koya ena kauta tani vakadua na Yalo Tabu mai vei iko. Ena vakacicivi koya tani mai na vale ni noda soqoni eke. E na vakamatea na Yalo ni Kalou, se ena vakasavi koya tani mai eke, ena vakamavoataka na yaloi nomu i talatala. Ena na cakava na veika kece. Raica? Kakua ni ko ni cakava oya.
Mo ni veiqasoqaso vakaveivolekati sara ka duavata. Toro cake vata na... Taura na noda i tavi ena yalo dina, me vaka ena nona tukuni yalo na tacida, na i talatala eke ena bogi ni siga koya, me baleta na noda yalodina taka ka colata na noda dui i tavi, ka a raica ena dua na raivotu. Ni, oya na noda qarava ka colata na noda i tavi ena yalo dina, ena i yaragi kecega ni Kalou. Na noda vakadreti koya tikoga, vakadreta cake vakaukauwa, toso vaka dodonu cake ka veivolekati sara vei keda vakayadua. Dou veilomani vakai kemudou, se veitalia ga na cava ena yaco. Vosataka na veika vinaka vei kemudou vakayadua, tukuna eso na veika vinaka me baleti kemudou yadua, ka ni na qai vakalougatataki kemudou na Kalou.
Lawa ni Kalou ni vakatubu kawa.
Mai na... Na yabaki ni Lotu Pergamean.
William Branham.Oqo na ka au tovolea tiko me'u tukuna vei iko. Na lawa ni vakatubu kawa sai koya ni veika lalai yadua e vakatubura mai na kena mataqali, me vaka na Nai Vakatekivu 1:11, “A sa kaya na Kalou, Me vakatubura na co e vuravura, kei na co sa vakasorena, kei na kau sa vuataka na vuana ena kena mataqali, a sa tu ga na sorena e vuravura: a sa vakakina.” Se cava ga na bula ena sorenikau sa tubu mai ki na dua na kau ka sa vua mai kea. Na lawa vata ga oqo e vakayagataki ki na lotu nikua. Na sorenikau cava ga a tekivuna na lotu ena lako mai ka na vaka na sorenikau taumada baleta ni sa sorenikau vata ga. Ena iotioti ni veisiga oqo ena lako mai na Lotu dina ni Yalewa Vakawati (kawa i Karisito) ki na Vatu ni iBulubulu, ka na lotu cecere, e dua na mata tamata cecere, ni sa volekati Koya. Era na tautauvata sara ga kei Koya na yalewa vakawati ka ra na vakataki Koya sara mada ga. Oqo me rawa ni da duavata kei Koya. Era na duabau. Era na ivakaraitaki sara ga ni Vosa ni Kalou bula. Na veimatalotu ena sega ni rawata rawa na ka oqo (o ira na sorenikau cala). Era na bulia na nodra vakabauta kei na nodra vakavuvuli, ka veicurumaki kei na Vosa. Na veiba oqo e kauta mai e dua na veiwaki ni veika.
Na imatai ni luvena tagane (o Atama) sai koya na kawa-Vosa ni Kalou. A soli vua e dua na yalewa me vakasucumi koya tale. Oqori na vuna sa soli kina vua na yalewa sa vakawati, me vakaturi koya tale; me vakatubura e dua tale na luve ni Kalou. Ia a bale. A lutu ena veiwakitaki. A vakavuna me mate o koya.
Na ikarua ni Luvena (Jisu), e dua talega na Vosa ni Kawa ni Kalou a soli vua e dua na yalewa me vakataki Atama. Ia ni bera ni vakamautaki koya, sa lutu talega o koya. O koya, me vakataki wati Atama, a vakatovolei se na vakabauta na Vosa ni Kalou ka bula, se vakatitiqataka na Vosa ka mate. A vakatitiqa. A biuta o koya na Vosa. A mate o koya.
Mai na dua na ilawalawa lailai ni kawa dina ni Vosa, ena vakaraitaki Karisito na Kalou kei na dua na yalewa vakawati lomani. O koya e dua na goneyalewa savasava ni Nona Vosa. O koya e dua na goneyalewa savasava baleta ni sega ni kila e dua na ivakavuvuli se ivakarau ni lotu. Mai vei ira kei ira na lewe ni yalewa vakawati ena vakayacori kina na veika kece a yalataka na Kalou me na vakatakilai vua na goneyalewa savasava.
A yaco mai na vosa ni yalayala vei Meri na goneyalewa savasava. Ia na Vosa ni yalayala o ya o Koya, o Koya, me na vakatakilai mai. A vakatakilai mai kina na Kalou. O koya, vakai koya, a cakacakataka na gauna o ya ka vakayacora na nona vosa ni yalayala ena Goneyalewa savasava. A kauta mai vua na itukutuku e dua na agilosi. Ia na itukutuku ni agilosi sa Vosa ni Kalou. Aisea 9:6. A vakayacora ena gauna o ya na veika kece a volai me baleti Koya baleta ni a ciqoma o koya na Nona Vosa. Era na lomani Koya na leweni goneyalewa savasava, ka na tu vei ira na Nona rawa ka, ni o Koya na uludra, ka sa Nona na kaukauwa kecega. Era na vakararavi tu Vua me vaka na yago vakararavi tu kina uluda.
Raica na kena duavata na Tamana kei na luvena. A sega vakadua ni cakava o Jisu e dua na ka me yacova ni sa vakaraitaka Taumada Vua na Tamada. Joni 5:19. Na duavata oqo sa ikoya ena gauna oqo me rau tiko ena kedrau maliwa na Tagane kei na Yalewa. E vakaraitaka vua na Nona Vosa ni bula. E ciqoma o koya. E sega vakadua ni vakatitiqataka. O koya gona, e sega ni dua na ka ena rawa ni vakamavoataki koya, sega mada ga ni mate. Ia kevaka sa teivaki na sorenikau, ena vakatubura cake tale na wai. Oqo na ka vuni ni ka oqo. Na Vosa e tiko vua na yalewa vakawati (me vaka a tu vei Meri). Sa tu vua na yalewa vakawati na vakasama i Karisito ni kila na ka e vinakata o Koya me cakava ena Vosa. A vakayacora na ivakaro ni Vosa ena Yacana ni sa “kaya vakaoqo na Turaga.” Sa qai vakabulabulataki na Vosa mai vua na Yalotabu ka na yaco. Me vaka na sorenikau e teivaki ka vagunuvi, ena yaco me tatamusuki taucoko, ena kena inaki.
O ira na yalewa vakawati era cakava ga na Nona lewa. E sega ni dua e rawa ni vakavuna me cakava e dua tale na ka. Era sa 'kaya vakaoqo na Turaga' se ra sa tu vakadua. Era kila ni dodonu me Kalou vei ira ena nodra cakava na cakacaka, ka vakayacora na Nona Vosa. A sega ni vakacavara na Nona cakacaka kece ena Nona veiqaravi e vuravura me rawa kina ena gauna oqo ni cakacaka tiko kei na yalewa vakawati.
E kila o koya, ni se bera ni gauna Me cakava kina eso na ka e dodonu me cakava ena gauna oqo. Ia oqo ena vakayacora o Koya mai vua na yalewa vakawati na cakacaka a biuta tu mai o Koya me baleta na gauna oqo.
Ia oqo meda sa vakataki Josua kei Kelepi. Our promised land is coming in sight even as theirs did. Ia oqo o Josua e kena ibalebale na “iVakabula i Jiova”, ka matataka na iliuliu ni ivakataotioti ka na lako mai ki na lotu me vaka ga a lako mai o Paula me vaka na iliuliu taumada. E matataki ira na dau dina vei Josua...
Mai na... Na yabaki ni Lotu Pergamean.
