Ejai Edeke OkanisaKe.

William Branham.

Naka oitabo...
Kanukinyo Bo Ainakinere Emoyo Lokalaunan?

Yokana 14:26,
Konye Ekayuunan nges Emoyo Lokalaunan, loijukuni Papa Kokirorika, kisisianakini ngol yes akiro kere (ngin, AKekiro) kisiituni da kere nukalimokinit yes.

Bian kuare kinera, ibore kerai Ngesi. Inyobo Emoyo Lokalaunan? Kipou kadumutu be erai Ngesi nepetai ngin bore kere, yen abu Edeke kisumunik oni. Uh-huh. Tomake kipou kajenutu ibore ekotokin ekanisa loka Edeke cut obe. Apotu aanyutu ebe erai aipucet, Ekesinapikinan, aibworar, Ailel, ka ainapakin, ka ajarun. Ido kere nuabu Edeke isumunik Ekekanisa, ejaasi toma Omoyo lokalaunan.

-----
Konyet do, akuar nakamoi, kikoto einer ebe: Ngesi erai Kanukon? Ka Epone Bo Ali Idumunia Ijo Nges? Keda Epone Bo Ali Ijenunia Jo Neidumunia Jo Nges? Kosodi konyet, kidau oni ngun, kede Nuiwadikatai, ketacaunete kes keda Nuiwadikatai, ketosomaete Nuiwadikatai kanu iboro kere, konyet do ngul luemoete Emoyo Lokalaunan epote konyet iingaren. Amuno do eong ebe ejaun aisikwarunio, ageun kanen alosit iingaren keda Emoyo Lokalaunan.

-----
Kwana, alosikinet, Kerai bo inyo-kerai bo inyo alosikinet naka Edeke ejukunia Emoyo Lokalaunan? Koany, akoto eong aigirakin kwap kangun, Yokana 14, ageun okokoron 14, asiomar Esuula kere, kanu arucokin. Alosikinet naka Edeke, kidumuni kane, kotoma aijukun Emoyo Lokalaunan, kerai alosikinet adiopet, ebe tetere Edeke Elopet ebuni aidukur toma OkanisaKe ka aiyatakin da aitolot aitemonokinetaKe kotoma Okanisa. Ebe, ajai Edeke toma Kristo, iyatakit aKeitemonokineta kitorite toma Kristo; alomun kotoma Kristo, toma Okanisa, aiyatakin akeswam kitorite toma Okanisa.

Kwana, kijeni oni ibore erai Emoyo Lokalaunan. Kipou ajenutu, bian kuare, erai Ngesi Edeke. Koany, nakiwomooma oni nuka Edeke, Papa, kwape eneritor Yesu kane, PapaKe; Edeke, Okoku, kwape Yesu; Edeke Emoyo Lokalaunan, kwape eipone lokinyaritor Nges lolo, koany, mam kereka erai apolouke ebe ejaasi itunga iuni, koraas Idekesio. Apolouke ebe ejai Edeke ediope kotoma oyapesin iuni.

Kikoto atemar kwanata, ngun kere nukerai Edeke abu kobukok toma Kristo, naarai abu kirikun kere abukokin toma Kristo. “Kerai Kristo aileleba naka Edekeone kakuan.” Ngun kere nuarai Yawe abu kobukok toma Kristo. Kosodi ngun kere nuarai Kristo, abu kobukok toma Okanisa; mere neejai idiopetunganan, konye neejai akuan naka Kristo kere. Nen, nekiriamunor nepepe kotoma aimorikikina, kijaar kapedor. Ngun kere nukerai Edeke, ajaasi toma Kristo; ka ngun kere nukerai Kristo, ejaasi tomakon. “Abu Edeke koraun akuan, kiboikin nepepe kaoni.” Timoteo Losodit 3:16, Arai iwadikai ijo, “Ido komamei abuonokin, epol noi aiyeiyea naka Edekeone: Abu kitodiar kotoma Akuan, kapotu etingitingata nges. Edeke, Yawe, kitodiar akuan, kosodi alosit kotoma akwap, kapotu kawanyutu nges keda akosikonyen.”

Ijeni jo, kosuula ngopengol, loka Yokana 14, kotema Pilip atiar, “Ejakait, kitodikinai Papa, kidauni.”
Kotema Yesu atiar, “ajai lem eong Kayes apak naetia nen kere, Pilip, mam jo da kijeni eong? Yenikaanyunit eong eanyunit Papa. Aso biaibo ibalar ijo ebe kitodikinai Papa?”
Abu Edeke kitodiar kotoma akuan.

Kwana ngin nges nata. Papa kerai Edeke kokujukon, nges kibala oni. Kijai lem oni agear ka Adam. Edeke, Papa, ajai kuju naka Musa ka idwe luka Isirael, kotoma Opir loka Akim. Kosodi, Edeke keda oni, kotoma Kristo; kolosete kaoni, kinerasi kaoni, konyamete kaoni, kojotoete kaoni. Edeke kokuju wok; Edeke kaoni; kwana do Edeke kotoma wok. Nukerai Edeke kere, apotu kopotu toma Kristo; nuarai Kristo kere, apotu kopotu toma Okanisa. Inyobo ngin? Edeke iswamai kotoma kus. Kanenidio kakwap kere nekotokinor Ngesi adolokin ijo, ijai jo ngina, kiswamai kene ijai jo aswam aKekot nakajokan. Epone loibusakinitor oni aimala Edeke kanukangun! Edeke, Emoyo Lokalaunan, kijukunitai kanuka alosikinet naka Edeke aijar kotoma Okanisa Ke, kiswamai kotoma kanginitur, kiswamai kotoma akoteKe naka Edeke.

-----
Kwapekwangin abu Edeke da kiswama, kotup ikekisila elope. Mam Edeke epedori aitup, ainakin ijo ediope kisil atupit ido bobo Nges ece. Etupi iKekisila Elope. Kosodi, Edeke, kanu alakun Ekanisa loabu koolio, akwap naabu koolio, isuban luapotu kooliosi; Edeke loemamei eikor kotoma Omoyo, alakun etunganan loabu koolio, abu Edeke Elopet koraun lokokek wok, Etunganan, okoku lo abu Nges kosubak akoik Mariam. Kosodi aitodiar, arai ajenanut; kokinga naka irutei luko Yerusalem, aponi kodakarai kuju kiding akuj ka akwap, kosodi atwanare, kolaku nginibore kere. Ido kotoma aiwi, abu kitalau Ekanisa loebuni Ngesi Elopet aiboi toma, ido eidicane ka aimor da nepepe kanges, abois ngin na olioria aimor komanikor loka Eden na ejesununor Edeke kwap kangin bong, esawa loekanisa. Ibu jo koany? Kijesunun Edeke kariripet nakapaaran, alomaret naka akolong. Ejai ibore ejai na edolonio akwaar, eomoomoete itunga nuka ekanisa ka nuka Edeke; Ikurisitayon. Ianyuni akolong elomari, komisikini do jo ebe nakon da akolong euta alomar.

Kotoma ariripet naka abong, kebuni aimor kakes. Abu kotwania aimor ngin, naarai mam aronis apedori acamakin Nges aswam ngun. Kosodi kitaraunai Nges akuan iboie kokiding wok, tetere Nges ebonguni bobo neejai etunganan kosodi aijar kotoma otunganan, kanu ainyakakin ejautene loka aimor nepepe kaNges bobo, kainakin da nges akepedor nakeinakit-Edeke. Ngun nges abu kiswama.

Ngin nges apaleikinet naka Emoyo Lokalaunan. Erai Papa, bobo, Edeke Papa iboie kotoma kon, iswamai ainapetaKe, angetakin ainapetait Keng naka alakunio; kiswamai kotomakon, aitaraun jo eswaman nepepe kaNges; ainakin jo aiboisit, ainakin jo atutubet anuka onacekon loebiror, onac keda inac luibiroro, ainakin jo ekEmoyo ka amina aibwapakin luewolioritos, kwa abu Ngesi kiswama komanikor loka Eden. “Adam, Adam aibo ijai jo?” ngun ngesi iswamami Emoyo Lokalaunan neejai etunganan arai aberu. Na etiroria itauon kec koyangaari aibositiKe, ejai do akure ka etengei kanu imoyoi luewolioritos.

Ngin nges ationis keda airiamununeta lolo. Emamei atirorio naka Emoyo naedolit kotoma, alosit anu imoyoi luewoliorito ka luelosete atwakare. Edepari aiswamaun ekiror, arai ekanisa, arai aduketait, arai erionget, aboisit na ainapeta nu aisup imoyon. Erai nukitimokinitos! Ti oni kisalaki toma kangun noi. Abu Edeke kobukokin neejai Kristo. Erai abeit.

-----
Kwana kotoma atur na nakijaria oni, atur na, edeparit Pentekoti. Adau Pentekoti asipokin toma oriongeta, kogeari asabunun iboro luipu luka iriongeta, “irai isio lu ka irai isio ngun.” Erai ngon eipone. Mam ijo ipedori aingarakin. Erai eipone. Isomaete ngun. Eraasi ainapetait, kes aswam ngun. Konye Ekanisa adau aiwotokin iingaren. Adoketait naikiara, naepol agogong. Ainyakakino naka ainakineta.

Ido itunga luipu Ipentikotin mam iyuunito aitangale naka Edeke, aijaanakin naka imalaikan, ka apedorosio nuka Edeke. Itunga luipu Ipentikotin enyaritos aitapoeta nu awanyunenei eong, “ajokit.” Iriongeta luipu mam ekotosi ajaut keda idiobore yen ikamut Ngun, kotoma Pentikoti. Koany, kiwotoki oni adepar nen. Kwape anyaritotor Methodists Ipentikotin, “luemunara akwes,” kanu ainer angajepa. Kwape anyaritotor Lutherans Methodists, “luemunara akwes,”kanu acelanar. Iwanyu jo? Konye kere eraasi kanu abunore naka Emoyo Lokalaunan, kitoni Akanisa ngin naepol ailelebikino, awanyun ebe elelebun cut, hallelujah, keda apedorosio nuka Edeke Lokapedor nuikiara. Kitoni, nedolio aibosit naitodiarotor asomisio nuesomai Yesu elopet kotoma Okanisa kwana. Iyapia oni, ipapero.

Abwou ber eong ane, kanu edakika, adumun kanukinyo bo ebikakina Edeke Emoyo Lokalaunan toma Okanisa, ainakin ijo aceitupuset tetere ijo imisikini. Kolo kAitutuket Namojong, nee-ikoku... Etunganan adukokini akekuan ere. Abu kodum aketeran, ngin nges ibore yenisodit. Koraun do ngesi etunganan loepol, bala erionget. Ajokuka ngun.

Kotakanuni ibore ice, kobuni aurio toma ore ngol. Ngesi do Emoyo Lokalaunan, koany, kobuni emoyo ece toma, loarai okoku. Okoku ngon, mam ayait kere, karaida araut ekeruman kitoni adolere adoketait na ikar. Ajai do bobo nges aigimorio, nasodit. Eebo. Kosodi konyet kejaatar kesi kekisil lo aitaraunio. Neijaas yes ikejanakinak, “asipokinio nako okoku,” ngesi auta eong einer kwana, koany, dodo nabunio ngesi toma aibosit naitaraunio...

-----
YIyuunit ijo “kitoni.” Kinerakina Emoyo Lokalaunan ka jo, ido kilimo ijo Nges kanejaasi itunga kere. Ejaasi ajokit da keda ibore ngipengin. “Eyuunit eong Nges kwape Okoku loka Edeke.” Ajokin da kwapekwangin. Konye ijai jo alosit neejai Ngesi. Ne, aponi Petero konyaraunere kosodete aitojok, kanuka aiyuun Ejakait Yesu Kristo; kotoma Yokana 17:17, abu Yesu kitalau kesi keda Akirot, naarai erai Akirot Abeit. Kerai da Ngesi Akirot. Yokana losodit ebala, “Kageunet ajai Akirot, ajai Akirot mama ejai Edeke, korai Akirot Edeke. Koraun Akirot akuan, kiboiororoi kamawok.” Arai ngesi Akirot, kosodi aitalaun kes. Abu kotema, “Papa,” kinera nejai Emoyo lokotoma Keng, “etalauni kes keda Akirot,” Ngesi Elope, kotoma aidokokin kes akaniniKe. “Akonikirot nges Abeit.” Abu bon kineru Nges toma ajaut, kotoma akoik nakaberu; oh, nemam epatanar Ngesi ajaut kediopone kere dimarai Akirot naka Edeke na aitodiar Ngesi. “Etalau Eong kes.”

-----
Kwana, “Aswamisio nuesomai Eong.” Ejai Edeke OkanisaKe, ainyikokonit Akeswamisio. Nges abu kijukunia Emoyo Lokalaunan. Kwana, ajeni Ngesi ngun. Ajeni ebe, mam tikiswamaun epone ngon, eciepone ajai Nges aijukun. Abu Papa ijuk Okoku, ibiakini ngun kere nuajaasi neejai Okoku neijai jo. Aswamisio ngupengun nuabu Ngesi iswamate, nges ngupengun aswamisio abu Yesu kiswama, isomai ijo da, Ekanisa. Mam tijo da ikoto aswam aswamisio nuka Edeke? Kotema Yesu, “Arai ikoto jo aswam aswamisio nuka Edeke, kiyuunai.” Eipone bani kiyuuna ijo nges? Mam ijo ipedori kitoni ijo adumun Emoyo Lokalaunan.

Naarai, mam etunganan epedori atemar ebe erai nges Okoku loka Edeke; inera ijo nuabu ecietunganan kolim. “Abala Ebaibuli nges Okoku loka Edeke; eyuut eong Ebaibuli.” Abeit. “Ebala Ebaibuli nges Okoku loka Edeke; Eyuut eong Ebaibuli. Ebala Ecokon nges Okoku loka Edeke; eyuut nuabala Ecokon. Ebala toto nges Okoku loka Edeke; eyuut nuebala toto. Ebala opaperoka nges Okoku loka Edeke; Eyuut nuebala opaperoka.” Konye epone bon loapedoro atemar ebe nges okoku loka Edeke, nges nebunio Emoyo Lokalaunan ainakin ajenanut Nges Elope, ajenuni do eong ebe nges Okoku loka Edeke. “Mam etunganan epedori anyara Yesu 'Kristo,' dimikito keda Emoyo Lokalaunan.”

Huh! Mam ediotunganan keda Emoyo loka Edeke etemari ebe ikenitai Yesu, arai atemar erai ibore lolo do bobo iciebore moi. Einakini do ngin Nges anonoku ka amamus araut loabeit. Mam, ipa. Erai Nges ngopengon bian lolo ka ikaru kere. Ediomoyo loabeit einakini ajenanut kanuangun. Abeit ngin.

-----
Ngin nges apeleikinet naka Emoyo Lokalaunan. Ngun nges ainakinere Emoyo Lokalaunan. Ebuni Emoyo Lokalaunan ainakin yes Apedor. Eja ikokoron ice nee, idarekisi mot. Ebuni Emoyo Lokalaunan ainakin yes Apedor. Ipedori ijo adumun nu; ejai epone lope ajaar eong, lolo. Ainakin yes Apedor, Apedor kotoma ailip!

Owanyu bere ijo itunganan yen kobu ojar aijar najokan, konye duc itelekaanaro. “Oh, mere eong alimok ijo...” Itunganan yen ejok, “Oh, cut, amina eong Ejakait, Onac Branham.” Itelekanaro duc, mam cut edumunete abongokinet naka ailip kec. Ileleb ijo iberu ngin keda Emoyo Lokalaunan adiope pak, aso do idarek nuetakanunete. Nakelosio akonyen nuka Edeke, mam itelekaro. Ebuni katitingu Oicolong loka Edeke, kiyuute. Ejatar keda apedor naarai erai ngesi akoku naka Edeke kotoma aurio. Koyanga itunganan ngin, yen ekuriana noi, kiretanikino aiboisit kere. Kanat, “Kwana kidarek apak naedit.” Ejai ibore yen kobu kijulakin, koany, ejatar Emoyo Lokalaunan. Einakini ijo Apedor.

-----
Ajai eong enera Apedor naka ailip, Apedor naka einer, Apedor naka aijar nakalaunan. Amen. Ngun nges nuebeit Emoyo Lokalaunan aswam. Ice kayesi itunga ilosete, kobalas, “Ebe mam eong apedori ajalakin emasit. Mam eong apedori ajalakin ngun.”
Ebuni Emoyo Lokalaunan aiboi tomakon, ainakin “amamus apedorit” adaun kaneijai ijo. Erai ngin abeit. Ainakin angor apalar aitub ikec itima, ainakin kesi aosikin anapit ipalei ludidik ka lueridakina. Mam aiyiianar. Ainakin kes ainyekin ailebilebanut. Oh, Eebo, ngun nges ejaar Ngesi, aitaraun ijo aijar nakalaunan. Etupi aicorakineta nuka Obaibuli ngin pak kere.
kobala aberu, “Emwana noi; ejai eong ainap lu. Awosik eong itima apoloor einakini eong akou airieb.”
Emamei ayuanar kane ejai Emoyo Lokalaunan. Ejai Ngesi kanu aswam epone ngon. Etupi Ngesi Akirot kodoco. Ngun nges ebeit Emoyo Lokalaunan aswam. Ainakin ijo aimwangar akou ane ejaasi angor nuenapito erono, ka aitwoboun eimiel ka imeeban da luekanisa. Ngun nges ebeit nges aswam.

Naka oitabo...
Kanukinyo Bo Ainakinere Emoyo Lokalaunan?

Koboŋok Yesu ebe, “Arai kamina ituŋanan, erici da akakirot, eminuni Papaka, sio da kiponi mamakeŋ kitarauni ŋes ekosire.

Ŋin yenimam kamina eoŋ, mam erici akakiro; akirot da naiirarete mam erai nakaŋ dimarai naka Papa lokejukuni.

Yokana 14:23-24