Lesa uyo Wacindama mu Luse.
Lesa amuleta ku Mweo.
William Branham.Belengeni ili buku...
Lesa uyo Wacindama mu Luse.Nomba nga bengi muli imwe balefwaya fye ukulemba Amalembo ayo kapyunga abelenga. Kabili ndefwaya imwe uku, muno bushiku, nga kuti mwacita, ukupilibwila ku Bena Efese. Kabili nalelanda pa Mulungu uwafumako pa Bena Efese, ifyo kutila Ibuku lyakwa Yoshua lyali Abena Efese aba mu Cipingo ca Kale, kabili ifyo lyali Ibuku lyakulubula.
Kabili ukulubula kwaba ifiputulwa fibili ifyapusana: “ukufumamo” no “kwingilamo.” Intanshi, mulingile ukufumamo. Abantu bamo bafwaya ukuleta isonde pamo na bena; lelo mulingile ukufuma mwi sonde, ukwingila muli Kristu. Imwe mulingile ukufuma mukukana cetekela, kukwingila mucitetekelo. Teti kube icintu cimo mu nshila yenu. Ukukwata icitetekelo icine cine, imwe mulingile mucine ukusha ifintu fyonse ifyo fyaba ifyapusana ku Cebo cakwa Lesa, kunuma, kukwingila mucitetekelo.
Kabili lilya lyali li Buku lya Bena Efese ilya Cipingo ca Kale, Yoshua. Uko, Mose aiminineko amalango, tekuti yapusushe nangu umo; lelo kusenamina kuti kwacita, kabili pano Yoshua lishiwi limo line nga Yesu, “Yehoba-kapususha.” Kabili nomba lyena, tulesanga ukutila ifwe twalisa ku Bena Efese bambi, ku Bena Efese bambi nomba. Uko, cilya, mu filonganino fyesu ifya masambililo kabili na fimbipo, kabili ubutantiko bwesu bonse ubwa masambililo nayesa ku ya iko- ya Yordan, lyena tulingile ukukwata a- Abena Efese nakabili. Ifwe tulingile ukukwata ukufuma, uku “ukufumamo” kabili ukuya “ukwingilamo,” ku Kusendwa.Nomba twalabelenga muno bushiku ukufuma mu cipandwa ca 2 ica Bena Efese. Nacilasosa fye cilya pa kutila imwe mwingesa ku-kucifulo, atemwa ukupilibwila ku cipandwa.
1 Na imwe, pa kuba abafwa, mu mampulu na mu membu:
2 Umo mwaendele kale umwabelo bwikashi bwa calo cino, umwabela katekawa bucinda bwa mu lwelele, umupashi ulebomba nomba mu bana ba bucintomfwa:
3 Muli abo na ifwe bonse twaendawikemo kale mu lunkumbwa lwa mibili yesu, abacita amafwayo ya mubili na ya matontonkkanyo; kabili twali ku cifyalilwa abana ba kukalipilwa, ifyo na bambi baba.
4 Lelo Lesa, pa kubo uwacindama muluse, pa mulandu wa kutemwa kwakwe ukwingi uko atutemenwe,
5 Kabili ifwe pa kuba abafwa mu membu, Ena atulengele aba mweo pamo na Wene, atemwa, atulengele aba mweo pamo na Kristu, (ni ku kusenamina mwapusukila;)
[Efese 2:1-5]Ndefwaya ukusenda ukufuma kulya ayanono, atemwa iciputulwa ca vesi, “lelo Lesa,” Lesa Uyo Wacindama Mu Luse.
Ndefwaya imwe mumone pano pali kasesema, umutumwa, ntile, Paulo, uyo-uyo, ifyo ena alumbwile palwa ici, ifyo, “Atulengele aba mweo, pakuba abafwa. Atulengele aba mweo, ifwe pakuba abafwa, abafwa mu membu na mu mampulu; ukwenda umwalola ifintu fya mwi sonde, mu lunkumbwa lwa mubili, abacito amafwayo ya mubili. Nalenga ...” Ni cinshi calengele uku kupilibulwa, mulemona? Kabili ni cinshi icalengele cena, “ukufuma inshita imo ukuba uwafwa,” ukulengwa aba mweo? Ukulenga ukuba no mweo cipilibula “ukuletwa ku mweo.” Kwaliko ukupilibulwa, ukufuma ku mfwa ukwisa mu Mweo. Takwaba cimbi, takwaba icintu cimbi ico cinga citika ku muntu uuli onse, icikalamba nganshi, ngo him ukufuma ku mfwa ukwisa ku Mweo. Umuntu, nga alefwa, ku mubili, kabili kuti aundapwa ku mubili, cilya kuti caba icintu icikalamba, lelo takuli nangu cimo icikalamba nganshi nge fyo ilyo ena aba uwafwa ku mupashi kabili Lesa amuleta ku Mweo.
“Imwe inshita imo, mu nshita ya kale, abafwa.” Imwe mwali abafwa. Nangula abengi muno muno bushiku, inshita imo, kuti mwalolekesha kunuma no kwishiba ukutila imwe mwali abafwa. Lelo nomba cinshi ico ta muli abafwa muno bushiku, nge fyo imwe mwali lilya? Imwe mulefwaikwa ukuba ulya musango, pantu imwe mwali umubembu, “lelo Lesa Uyo uwacindama muluse.” Cilya e-cilya e cintu, “Lesa Uyo wali uwacindama.” Fyonse ifi fintu ifyo twali, “lelo Lesa”! Cilya e capele ukupilibulwa palya pene, “Lesa Uyo uwacindama muluse”!
Owe, ndi uwansansa nganshi pali cilya, ukutila Ena pa kuba uwacindama muluse. Nga Ena ali fye uwacindama mu ndalama, nga Ena ali fye uwacindama mu fyakubomfya, ico Ena aba, lelo nomba icintu icikalamba nganshi caba ukuba uwacindama muluse. Owe, ifyo lyaba ishiwi ilikalamba lilya lili, ifyo kutila ifwe limo twali abafwa.Kabili ifwe twalelanda inshita imbi iya bushiku ifyo imbuto ilingile ukufwa. Kabili ifintu fyonse ukushinguluka kalya ka musonga ka bumi tafilingile fye ukufwa, lelo kubola. Nga yena taibolele, yena tekuti ibe no mweo. Kabili ukubola kwaba, “umupwilapo ukufumishiwapo; cena nacipwishiwa.” Kabili mpaka twafika pa cifulo ukutila amano yesu fwebene na matontonkanyo yesu fwebene nayafumapo umupwilapo kabili yabola ukufuma kuli ifwe, lyena akamusonga ka bumi kuti katendeka ukuba no mweo.
Nomba- nomba ifwe limbi, ine limbi kuti nabikamo fye isambilisho ilinono pano, ukutila nshicita... Nga tamulecetekela cena, cili fye bwino. Cilya cili fye bwino. Ndecetekela cena. Ndecetekela ukutila-ukutila umuntu, ilyo ena afyalwa muli ili sonde, ukutila ilyo imwe muli akanya akanono, ukufyalwa mwi sonde, imwe ngatamwalipo pano ukwabula ukwishibila libela kwa kwa Lesa, pantu Ena aba uwakwishibila kabela kabili Ena alishiba ifintu fyonse. Kabili ilyo kalya kanya kafyalwa mwi sonde, kulaba icintu cimo muli kalya kanya. Nga ena akatala ukuba no Umweo, kuliko icintu cimo icinono mulya, muli ulyo mwana lilya, ico ena esako, lilya atemwa pa ntanshi. Ilye mbuto inono ili muli wene. Nomba nga mwabula... Amalembo palwalala yalalanda cilya.
Nomba nga na mukwata Umweo wa Muyayaya muno bushiku, nga natukwata Umweo wa Muyayaya, lyena lyonse twali, pantu kwaba fye umusango umo uwa Mweo wa Muyayaya. Ifwe lyonse efyo twali. Kabili umulandu ifwe twali, pantu ifwe tuli cilundwa cakwa Lesa. Kabili Lesa e cintu fye ceka ico caba ica Muyayaya.
Kabili nga filya Melkisedeke apokelele icekumi ukufuma kuli Abrahamu, kabili capelwe ku mwi shikulu wakwe umukalamba, Lebi, uyo uwali acili mu musana wakwa Abrahamu; alipile icekumi, pantu ali acili mu musana wakwa Abrahamu ilyo akumenye Melkisedeke. Ndefwaya ukulanda pali cilya pa ncende imbi, ulucelo lumo. Nani Uyu Melkisedeke? Nomba moneni cilya. Kulya kunuma, Lesa alishibe uyu mulumendo aleisa. Ena alishibe ifintu fyonse.
Nomba tuli cilundwa cakwa Lesa. Imwe lyonse mwali. Imwe tamuleibukisha cena, pantu imwe mwali fye imibele muli Lesa. Imwe mwali fye mu matontonkanyo Yakwe. Ishina lyenu line, nga lyatalile ukuba pe Buku lya Mweo, lyena lyabikilwe palya ilyo mufula we sonde taulalengwa. Ena alishibe ifyo imwe mwali.
Ndesosa fye ici, te kusankanya isambilisho, lelo ukuilungamuika, pa kutila ifwe twingataluka kuli uyu mwenso no kutinya. Imwe tamwaishiba ifyo mwaba. Imwe tamwakabe, lelo nomba imwe muli bana bakwa Lesa. Mwamona, imwe lyonse mwali abana bakwa Lesa. Mwamona?
Pantu ilyo Lesa akwete imwe mu matontonkanyo Yakwe pa kutendeka, imwe mulingile ukuba, icilundwa cenu ica imwe, Ubumi bwenu ubuli muli imwe nomba, mwali no kuba na Lesa ilyo takulaba kulya. Cisuma, ilyo Ena, ilyo Ena talati abe icingekatwa pano pe sonde, ilyo takulati kube icintu nangu cimo, lelo Lesa, imwe mwali umo uwa mibele Yakwe. Ena alishibe ifyo ishina lyenu lyali no kuba. Ena alishibe umusango wa mushishi mukakwata. Ena alishibe fyonse palwa imwe. Icintu fye ceka ica citike ni lilya ilyo imwe, pakuba umubembu...Mwebengi imwe kuti mwa-kuti mwakwata isenge pamo na ine pali ili tontonkanyo. Ilyo imwe mwali umulumendo umunono, atemwa umukashana umunono, imwe kuti mwaenda enda kabili kulya kuti kwaba ifintu fimo ifingacita fye, ifyo ifingacusha abana bambi, camoneke kwati kwaliko icintu cimo muli imwe calebilikisha. Kwaliko Lesa ku cifulo cimo, lelo nomba mwali ababembu. Muleibukisha cilya? [Ulukuta lwatila, “Ameni.” - Ka.] Mucine. Nomba cilya cali ni cinshi? Ulya wali umusango unono uwa Bumi muli imwe lilya.
Kabili elyo panuma yakashita, mwalyumfwile Imbila nsuma. Nalimo imwe mwalile ku chalichi, imwe mwasendele ici kabili cilya, kabili mwalile ukufuma ku cilonganino ukuya ku cilonganino. Lelo ubushiku bumo, imwe ukuba icilundwa cakwa Lesa, imwe mwali no kuba icilundwa cakwa ca Cebo. Kabili ilyo mwaumfwile Cebo, mwaliishibe uko mwafumine, mwalishibe ico cali Icine. Imwe mwali lyonse, imbuto yali muli imwe lyonse. Icebo camwene Icebo ico cali muli imwe, cilya cali ilyo mufula we sonde taulalengwa, camwene Icebo kabili mwalishile kuli Cena.
Kwati ilyashi lyandi ilinono ilya kwa kapumpe, ifyo kapumpe umunono atotelwe pe samba lyakwa na nkoko. Kabili akantu akanono kaendele pamo ne nkoko, kena, na nkonko alepala, kabili kena takailwike ukupala kwaiko. Kabili-kabili utukoko utunono, icakulya cabo ico bakwete mu lubansa lwa butala, ena- ena tailwike cilya, ifyo kutila balicitile cilya. Lelo kwaliko icintu cimo muli wene, camoneke icapusana ukufuma kufyo ilye nkoko yali, pa mulandu pa kutendeka kena kali nika kapumpe. Cilya cishinka. Ubushiku bumo nyina aishile alemufwaya, kabili, ilyo ena aumfwile kulyo kubilikisha kwa kwa kapumpe, cena cali icapusana ukufuma kukupala kwa nkoko.
Kabili ulya e musango cabelamo no wacetekela onse uwafyalwa cipya cipya. Imwe kuti mwaumfwa amasambililo yonse aya fya bulesa mulefwaya, kabili na bonse bucaibela ubwapangwa no muntu; lelo ilyo cilye Cebo cabyasha kunse kulya, lyena kuliko icintu cimo ico cikasha, imwe mulesa kuli Cena. “Imwe mwebali limo abafwa mu membu (bulyo bumi) Ena naleta ku mweo.” Kulingile kwaba Umweo kulya ku kuleta ku mweo, intanshi. Lesa, ku kwishibila Kwakwe kabela, alishibe ifintu fyonse. Kabili ifwe twalingilwe kabela ukuba abana baume na bana banakashi bakwa Lesa. “Imwe mwebali limo abafwa mu lubembu na mu mampulu, uko ifwe bonse twali mu nshita shesu, lelo Ena naleta ku mweo.”
Lolekesheni kuli Paulo, ilyo Paulo ali kasambilila wa fya bulesa umukalamba. Lelo ilyo aishile icinso ne cinso na cilya Cebo, Yesu, caliletele ku mweo. Ena aishile ku Mweo bwangu bwangu, pantu ena alisontelwe ukuba cilya. I... Ena ali iciputulwa ca Cebo; kabili ilyo Icebo camwene Icebo, cena cali cifyalilwa cakwe. Konse ukupalapala kwa nkoko, mu nkuta sha orthodox, tabakwete amaka pali wene; ena alimwene Cebo. Cena cali iciputulwa ca wene. Ena ali ni kapumpe. Ena tali ni nkoko; ena ali fye mulubansa lwa butala pamo na bena. Lelo ena ali ni kapumpe, icakwambilapo.
Imwe kuti mwalanda ku bantu inshita imo mu misebo, ukulanda kuli bena palwa kwa Shikulu, bali no kumiseka fye mu cinso cenu. Cisuma, ifwe tulingile ukucicita cena, ifyo fine. Lelo umfweni, “Takwaba umuntu uwingesa kuli Ine kano Tata amukula intanshi.” Lesa alingile ukukwata ukukula. Kulingile kwaba Umweo. “Kabili bonse abo Ena Ampela, bakesa kuli Ine.”
Ena apangile nshila kuli abo abalefwaya ukulubulwa. Ena apangile nshila kuli abo abalefwaya ukundapwa. Kabili lyena pantu ukutila Ena acitile ici, cilalenga Wene ukuba uwacindama muluse, nge fyo Ena aba lyonse uwacindama muluse. Cilingile ukuba, nga imwe mwakana Ici, takuli nangu cimo icashalako kano Bupingushi, pantu ulubembu lulingile ukupingulwa.Farao, ilyo aile muli-muli bemba, nga kapashanya, ukumona ukutila ena kuti ayamo nge fyo Mose acitile. Mose ne fita fyakwe, kabili Farao ne fita fyakwe, bonse nga balyonaike muli bemba, efyo camoneke. Lelo Lesa, uwacindama muluse, apangile nshila ya kupusukilamo ku bana ba ci Hebere, (cinshi?) pantu bena balekonka mu mulongo wa mulimo, bena balekonka mu Cebo.
Nomba ulya e musango fye weka uwa wakukwatilamo uluse, caba ukukonka ifipope ifyo Lesa apela ifwe ukukonkamo. Ulya e musango fye weka Ena engalangisha uluse, ni lilya ilyo ifwe twakonka ifyo Ena asosele ukucita.
Ngo kulanshanya ukunono te kale sana, na kapyunga uyo wasosele ukutila nalesambilisha Isambilisho lya butumwa muli buno bushiku. Ndecetekela nalandile pali cena inshita ya bushiku atemwa shibili ishapitapo, atemwa inshita imo, palwa ifyo asosele, “Iwe uleesha ukubikamo, muli ino nshita, Isambilisho lya butumwa.” Atile, “Inshita ya butumwa yalipwa, pamo na batumwa.”
Kabili Nalimwipwishe, “Cisuma, bushe walicetekela Icebo?”
Atile, “Ee.”
Natile, “Ukusokolola 22:18 itila, ukuti, 'Uyo onse ukafumyako Icebo cimo ukufuma kuli Ici, atemwa ukulundako icebo cimo kuli Cena,' te fyebo fye fibili; Icebo cimo, ukufumyako Icebo cimo.”
Atile, “Nalicetekela cilya.”
Natile, “Lyena kuti nakweba apo inkulo ya butumwa yapelwe, Amapalo ya Batumwa yapelwe ku Lukuta; nomba unjebe apo Lesa afumishe ukufuma mu Lukuta, ne Cebo. Iwe tekuti ucicite; cena tacilimo mulya.” Natile, “Nomba ibukisha, ukutila Petro, pa Bushiku bwa Pentecosti, ena ali u-uwaishibishe inshita ya butumwa. Kabili ena alibebele bonse uku, 'Lapila, no kubatishiwa mwi Shina lyakwa Yesu Kristu ku kulekelelwa kwa membu, kabili mukapokelela icabupe Mupashi wa Mushilo. Pantu ubulayo buli kuli imwe, na ku bana benu, na kuli bonse abakutali, na bonse abo Shikulu Lesa wesu aketa.'”Nomba nga mulefwaya ukumfwila ukupalapala kwa nkoko imo iya cilonganino, no kwikala kunuma kulya mu fintu fya mwi sonde, lyena cilelangisha ukutila kuliko icintu cimo icalubana. Pantu, Cilya e Cebo. “Uyo onse ukacita, kuti aisa.” Kabili nga na mukwata ubufwayo, imwe mulingile ukwisa. Lelo nga tamukwete ubufwayo, lyena muli mu mibele ya bulanda. Lelo nga na mukwata ubufwayo ubuleisa, iseni mukonke ubutantiko bwakwa Lesa! Kabili Ena tatala ukufilwa ukufikilisha ifyo Ena alaile. Ine inshita imo nali umwaice, kabili nomba ninkula, nshatala monapo Wene ukufilwa mu Cebo Cakwe. Pantu, Ena kuti acita icintu icili conse kano kufilwa. Ena tekuti afilwe. Lesa tekuti. Cena tacingacitwa kuli Lesa ukufilwa, no kuba Lesa.
Belengeni ili buku...
Lesa uyo Wacindama mu Luse.
