Nagsubli dagiti tattao iti pannakakautibo idiay Babilonia ket binangonda manen ti altar ti Dios.

Iti libro ni Esdras makitatayo ti umuna a proklamasion a mangbangon manen iti Templo idiay Jerusalem.

Esdras 1:1-2,
1 Iti umuna a tawen a panagturay ni Ciro nga emperador ti Persia, tinignay ni Yahweh ti ari tapno mangipaulog iti bilin a maibasa iti entero a pagarianna. Naaramid daytoy tapno matungpal ti sao ni Yahweh babaen ken ni profeta Jeremias.
2 “Daytoy ti bilin ni Ciro nga Emperador ti Persia. Ti Apo a Dios ti langit ti nangisaad kaniak nga agturay iti entero a lubong. Imbagana kaniak a mangbangonak iti templo nga agpaay kenkuana idiay Jerusalem iti Juda.

Iti Esdras kapitulo 2 ken 3, nagsubli dagiti tattao iti pannakakautibo idiay Babilonia idiay Jerusalem, ket binangonda manen ti altar ti Dios.

Esdras 3:1-2,
1 Iti maikapito a bulan, nakasublin dagiti Israelita kadagiti siudad ken il-ilida. Kalpasanna, naguummongda amin idiay Jerusalem.
2 Binangonda manen ti altar ti Dios ti Israel tapno adda pagidataganda kadagiti daton a mapuoran, kas mayannurot iti Linteg ni Moises, ti tao ti Dios. Impanguloan ida ni Josue nga anak ni Josadac, ken dagiti papadi agraman ni Zerubbabel nga anak ni Salatiel.

Esdras 3:6,
Manipud iti umuna nga aldaw iti maikapito a bulan, nangrugi dagiti tattao a nagidatag ken ni Yahweh kadagiti daton a mapuoran uray di pay narugian a mabangon manen ti Templo.

Dagiti bumusbusor, a dida awaten ti pannakaibangon manen ti templo, ikagumaanda a lapdan dayta.

Esdras 4:4-7,
4 Gapu iti daytoy, pinadas dagiti umili iti dayta a daga a pasardengen ti pannakabangon ti templo. Inupay ken binutbutengda dagiti Judio.
5 Pinasuksokanda pay dagiti ofisiales ti gobierno ti Persia tapno saan nga ituloy dagiti Israelita ti panggepda. Kasta ti inar-aramidda bayat ti panagturay ni Emperador Ciro agingga iti panagturay ni Emperador Dario.
6 Idi mangrugi ti panagturay ni Emperador Xerxes, nangidatag dagiti kabusor dagiti tattao nga agnaed iti Juda ken Jerusalem kadagiti naisurat a darumda kadakuada.
7 Bayat ti panagturay ni Artaxerxes nga emperador ti Persia, indarum ida da Bislam, Mitredat, Tabeel ken dagiti kakaduada. Nailanad dagiti pammabasolda iti maysa a surat a naiturong iti emperador. Arameo ti naaramat iti surat ket maipatarus iti pagsasao ti Persia no maibasa.

Nagsuratda ken Asuero nga ari ti Persia. (Isu ti asawa ni Reyna Ester).
Inton maawat ti sungbatna, maisardeng ti trabaho a panagbangon.

Esdras 4:24,
Naisardeng idi ti pannakabangon ti Templo ket saan a nasagsagid agingga iti maikadua a tawen a panagturay ni Dario nga emperador ti Persia.

Irugi manen da Zorobabel ken Jesua ti pannakaibangon ti templo.

Esdras 5:2,
Idi mangngeg da Zerubbabel nga anak ni Salatiel ken ni Josue nga anak ni Josadac dagitoy a mensahe, inrugida manen a bangonen ti Templo. Tinulongan dagiti dua a profeta ida.

Saan a kabaelan ti Tatnai ken Setar-boznai a lapdan dagiti Judio.

Esdras 5:5,
Ngem bambantayan ti Dios dagiti papangulo a Judio ket inkeddeng dagiti ofisiales ti Persia a baybay-anda pay la ida agingga a makapagsuratda ken ni Emperador Dario ken maawatda ti sungbatna.

Esdras 5:11-13,
11 Insungbatda nga adipen ida ti Dios ti langit ken daga, ket bangbangonenda manen ti Templo. Maysa kano a mannakabalin nga ari ti Israel ti nangbangon iti daytoy ken nangikabil kadagiti amin nga alikamenna. Adun a tawen ti napalabas manipud pannakaipatakderna.
12 Gapu ta pinagpungtot dagidi kapuonanda ti Dios ti langit, inyawatna ida iti pannakabalin ni Nebucadnesar nga ari ti Babilonia a maysa a Caldeo. Nadadael ti Templo ket naipan dagiti tattao a kas balud idiay Babilonia.
13 Kalpasanna, kunada nga idi umuna a tawen a panagturay ni Ciro nga emperador ti Babilonia, impaulogna ti bilin a mabangon manen ti Templo.

Nasarakan ni Dario ti bilin ni Ciro,

Esdras 6:3-5,
3 “Iti umuna a tawen a panagturay ni Emperador Ciro, imbilinna a mabangon manen ti Templo idiay Jerusalem a kas lugar a pakaidatagan dagiti sagut ken daton a mapuoran. Siam a pulo a kadapan ti kangato ket 90 a kadapan ti kaakaba ti Templo.
4 Iti pannakabangon dagiti bakud, adda maibaet a kayo iti tunggal tallo a katuon a batbato. Aggapunto iti tesoreria ti pagarian ti amin a magasto.
5 Kasta met a dagiti balitok ken pirak nga alikamen nga innala ni Ari Nebucadnesar iti Templo ti Jerusalem nga impanna idiay Babilonia, maisublida iti sigud a lugarda iti Templo ti Jerusalem.”

Mangaramid iti baro a bilin para iti pannakaibangon manen ti Templo.

Esdras 6:7,
Dikay bumibiang iti pannakabangonna. Palubosanyo ti gobernador ti Juda ken dagiti papangulo a Judio a mangbangon manen iti Templo ti Dios iti sigud a nakabangonanna.

Esdras 6:11-12,
11 No adda mangsalungasing iti daytoy a bilin, maikkat ti maysa a pasanggir ti balayna, mapatirad ti murdong ti pasanggir a maiduyok iti bagina. Marakrak ti balayna ket agbalin a gabsuon ti rugit.
12 Sapay koma ta parmeken ti Dios a nangpili iti Jerusalem a lugar a pagdaydayawan dagiti tattao kenkuana ti siasinoman nga ari wenno nasion a mangsalungasing iti daytoy a bilin wenno agpanggep a mangdadael iti Templo. Masapul a matungpal nga awan ti pagkuranganna daytoy impaulogko a bilin. Emperador Dario.”

Sigun iti daytoy a bilin, nalpas ti templo.

Esdras 6:14-15,
14 Napardas ti trabaho dagiti papangulo a Judio iti pannakabangon ti Templo ta pinapigsa ida da profeta Haggeo ken profeta Zacarias. Nalpasda ti Templo kas imbilin ti Dios ti Israel ken kas imbilin dagiti emperador ti Persia-da Ciro, Dario ken Artaxerxes.
15 Nalpasda iti maikatlo nga aldaw ti bulan a maaw-awagan iti Adar, iti maikanem a tawen a panagturay ni Emperador Dario.

Maangay ti piesta ti paskua.

Esdras 6:22,
Pito nga aldaw a rinambakanda a siraragsak ti Fiesta ti Tinapay nga awan Lebadurana. Naragsakda gapu ta tinignay ni Yahweh ti emperador ti Asiria tapno tulonganna ida iti pannakabangon manen ti Templo ti Dios ti Israel.

Komision ni Esdras.

Napan ni Esdras idiay Jerusalem.

Esdras 7:8,
Pimmanawda idiay Babilonia iti umuna nga aldaw ti umuna a bulan, ket kaasi ti Dios, dimtengda idiay Jerusalem iti umuna nga aldaw ti maikalima a bulan.

Komision ni Artaxerxes ken ni Esdras.

Esdras 7:12-13,
12 Naggapu daytoy ken ni Emperador Artaxerxes ket agpaay ken ni Ezra a padi ken masirib iti linteg ti Dios ti langit.
13 Ibilinko a mapalubosan amin nga Israelita iti pagariak, papadi man wenno Levita, a mayat a kumuyog kenka a mapan idiay Jerusalem.

Bendisionan ni Esdras ti Dios gapu iti daytoy a parabur.

Esdras 7:27-28,
27 Kinuna ni Ezra, “Madaydayaw ti Apo a Dios dagiti kapuonantayo! Tinignayna ti ari tapno siaayat a mangdayaw iti Templo ti Apo idiay Jerusalem iti kastoy a wagas.
28 Kaasi ni Apo Dios, nagun-odko ti parabur ti ari, dagiti mammagbaga kenkuana ken dagiti amin a mamaingel nga ofisialesna. Inikkannak ti Apo a Diosko iti kired ti nakem ket adu a papangulo dagiti tribu ti Israel ti naallukoyko a kumuyog kaniak nga agsubli.”

Agkararag ni Esdras iti Dios, buyogen ti panangipudno kadagiti basol.

Esdras 9:5-6,
5 Idi dumtengen ti oras ti panagidaton iti rabii, timmakderak iti ayanko a nagladladingit. Siaaruatak pay laeng iti naray-ab a pagan-anayko. Nagparintumengak ket inkararagko ken ni Yahweh a Diosko:
6 “O Dios, mabainak unay a mangitangad iti rupak kenka. Nangatngaton ngem ti ulomi dagiti agrurutap a basolmi, ket tumuknoda sadi langit.