Kibubukis kesi nges nen.

William Branham.

Naka oitabo... Aitoosaet.

Bobo da kwana, lolo, akoto eong asiomun Naiwadikatai adio, apak edit bon, kama ka lokalaunan, Akirot nakalaunan naka Edeke, edumakinio toma Oitabo loka Luka Lokalaunan. Esula lo 23 loka Luka Lokalaunan, kanu apesikin, adumun a-a ageunet naka ngun eong-nuakoto eong alimun, aomisioit nageunet na ibore ngin yen akoto eong ener nuke. Ido ijaasi kwana yesi apukor Luka Lokalaunan, esula lo 23, ido akoto eong asiomun ekokoro ediopet. Ngun bon kes epuda eong kanuka apetetait kana atupuruc na, aidokokin nges kujuke. Kwana kasiomutu oni lo 20... esula lo 23, ekokoro lo 33 loka esula lo 23.

Nakedolioto...aibois, naenyaritai Kalvari, kibubukis kesi nges nen, ka kwi ikeswamak nueroko, ediopet akanike nakoteten ka, ediopet da akanike nakokediany.

Kwana akoto eong alemun akiro aongon kotoma kanen, kotoma asiomunet kangin, kanu apesikin nuakoto eong ener, “kibubukis kesi Nges nen,” akiro aongon. Kosodi kwana akou naka akirotoka enyaritai... Eong-ajai eong aitolomun Aitoosaet mam ejaas ikanisan luka idiinin luka apaaran kana, ka da bobo luipu kotoma kangul lueyaikina bonik, kanu aibubu Yesu Kristo irwan naitetet kotoma apaaran kana. Aiwosa kes! Atupuruc na, enyaritai: Aitoosaet.

Ido akoto eong aitwasam ngin kosubite noinoi bala agola na okooti, ne ajai ngina...Ido da ber, epulupit ka ekanisa erai agola na okooti. Abala Ebaibuli ebe, “Erai eicolong loka atubokinio, ebe-ebe ibusakinit ngin ageun kotogo loka Ejakait.” Ido esubit lo bala e-e eicolong ka-ikatubok, kosodi ikajenak, ka icie da kwangin. Ido lolo, kijaar eong, kwape ajenanika, nges Akirot naka Edeke. Ido aitoosaet kang erai aitepeg ikanisan luka lolo. Kwana mam eong ayangauni ikadiakanaran toma kanu. Ajai bon eong ener nu mama ejai ekanisa. Ido ngin-ebuni araut kotoma-a-ateepun kwana, ido abuni-abuni aitam adaun nu katipet noi kwape apedoria.

Ewosat eong atur na kanuka aibubukinio naiareit naka Yesu Kristo.

Bobo da kwana aswam nu kotoma atur na nakijaria oni, Eong-ajai eong aswam nu, ibusakinit eong aitoduun aitogogonget. Arai ibusakinit eong aitolomun aosan, iburai jo aitoduun aitogogonget naka adiakaret naiswamatai. E-iburai eong aiwosa kes, e-ibusakinit eong aitolomun a-aitogogonget kanu aitogogong ngun, ebe erai ngin, ebe ngun nuabala eong epote aibwo kakonyen nuka Ekatubon lokapolon. Na da, ayaitor eong elopet akakuan kwape epulida lokewosan mama... kotoma aitoosaet kana. Ebe, Akirot naka Edeke, nges erai ajenanika, ewosat eong atur na kanu aibubu.

Ibusakinit eong aitoduun, ido abuni eong aitoduun, ebe ejai omoyo ngopengol otunga lolo ngol loabu koyangau aibubukinio nasodit, ido ejai iswamai ibore ngipengin. E-ibusakinit eong aswam ngun, arai ebuni araut aibubukinio, ebe ebubukisi kesi. Ibusakinit eong aitodikin i-itunga ebe aipup ngipengin kotoma otunga lolo, euta aswam ibore ngipengin, komoyo, yen apotu kesi kiswamata kakuan kapak kangin. Apotu kesi kibubukis, kakuan, Yesu Kristo, Okoku loka Edeke.

Kosodi kwana, lolo, kanuka Akirot kangipekangin, ido kanuka e-Emoyo ngopekangol ka Akirot da ngipengin, a-akoto eong aitodikin ikanisan kanen-kanen kanebwoiata kesi, ebe eutasi kesi aswam ibore ngipengin lolo, ido abala Ebaibuli ebe apote kesi aswam ngun, kasodi aitogogong ebe ngin nges apaaran nakijari oni kotoma. Mam ngun tikepedor kokaru idis luatuboros. Abala eong ebe, ikaru akaisakany luatuboros mam ngun tikepedor aswam, konye lolo erai toma apak. Ido mam ngun tikepedor aswam, acepak, ikaru itomon luatuboros, konye epedorio aswam lolo naarai a-aeka apak. Kijai oni-kijai oni toma apak nakawasia. Ido eyuunit eong, kwape eKebulesit, ebe oni-eapie cut oni atubor kakwap kana, mama ejai Ace.

Apolouke, apak kanuka aitoronikin, kanuka ateker, adaun ngin. Eyuunit eong ebe mam ateker na epedori aitoronikin. Eyuunit eong ebe atubor kokokoro kiding aitim ka atubokinio. Eyuunit eong ebe euta ngesi alosit teete kotoma aipimaet.

“Onac Branham, eringa jo kegeuna emusaago kon, ikwaikini jo ai itogogongi ngun?”
Bon nuta, kirai oni lukigwaunit akiro nuka aronisio kwapekwa nueduporete Edeke emudiari akwap kanukec, kotoma akwap ya eringa akalele kejauna. Kigwaunit oni akiro nuka aronisio kwapekwa nuabu Ngesi komudiaria akwap ko Sodom ka Gomorrah. Kosodi kwana kijaar oni kede aitogogonget ngipengin kere nakomoyo eperi koingaren wok, kere aitogogonget nakomoyo, ejena airiamunit akwap kere, nabu koyangau kwap aitimesia nuka Edeke mama ejaasi aturio ngun. Ebe, da, aigir, abu koyangau atubokinio. Aso arai edaunit atur na aigir aitim yapeya naponi kogiroi kotoma apaarasia kangun, eraun do Edeke lomam edolit arai kejalaki kesi ainacakin komam atubokinio.

Aso, kijeni oni ebe komoyo eutasi kesi aswam ibore ngipengin lolo, naarai ejaasi kesi aswam ngun, kesi da, kanuka alosikinet ngipengin, ido kopone ngopengol lo eswamata kesi kotoma aibubukinio naka Ejakait, kakuan. Ejaasi kesi aswam ngun kanuka alilio, kanuka amudukanut nakomoyo. Ebe, mam kesi ekotosi aanyun. Mam ekotosi apupokin Ngin. Yesu, kotoma alositeKe kane kakwap, abala Ngesi, “Abu Isaia kinerite ejok nukus, 'Ijaasi yesi ka akonye kwabo mam ipedorete aanyun, ido aki kwabo mam ipedorete akiirar.'”

Akirot ngipengin, ngipengin-alosikinet ngipengin ido airwanaanareta ngupengun, eutasi kesi ayangaun aibubukinio naka Kristo itet, irwan naitetet, (kwape kiponia oni adolokin ngun akaulo apak naedit), kanuka alosikineta kwapekwa nukejaatar kesi kapak kangin. Emame ibore epedorete kesi adumun aitepegia Ngin. Eraas kesi lumam ijecekinete ainingor Ngin. Ido ejenete kesi ebe ejai ajenanut nen. Ido ejenete kesi ebe ebala Ebaibuli kwangin. Ido ibore bon yen epedoritos kesi aswam nges ainyanakin Ngin. Erai ngin cuticut. Aso, ido nu kere, akiro kwapekwa.

Aso kwana do, kabwoetait kana, eningorit eong atur na kanuka aibubukinio naka Yesu Kristo; kanuka aibubukin, ido itelekaaritos akiro; kede akanin nukidiinin numam elaete, nukaronok, nukeisinye, ejaas aibubu Ekapolon loka Aijar loakoto aitodiar Elopet mam ejaasi itunga.
Ibala jo, “Etunganan ngopengol?”
“Kageunet ajai Akirot, ido korai Akirot Edeke. Ido koraun Akirot akuan, kosodi aitodiar Alopet.” Abu Akirot kitodiar kotoma akuan, kosodete ngul atubokin akuan ngin ka aiar da ngin, naarai abu Akirot kitodiar. Iburanian 13:8, abala, “Erai Yesu Kristo ngopengol bian, lolo, ido kiton ikar kere.” Erai Akirot ngipengin. Ianyu? Ido, kanuka airwanaanar ngipengin, eutasi kesi atamit aibubukin Akirot.

Kwana, toma aiwadikaeteka, acilar abongor toma akirot na akoto eong ayangaar. “Nen,” akiro kwa aongon, ketetemutu ber oni, “nen.” “Nen,” ere lokalaunan kakere kotoma akwap, Yerusalem. “Nen,” ere loitelekaarit kakere kakiro nuka ediini kotoma akwap. Nen, apotu “kesi,” itunga luitelekaaritosi kakere kakiro nuka ediini kotoma akwap, kotoma opucit loka ediini, epucit loka Aleleleng. “Nen,” aibois naka ediini naitelekaarit, ere loitelekaarit kakere loka ediini, e-e lokapolon kakere kotoma oriongeta, akou naka ngun kere. Nen, “kesi,” itunga luka ediini kakere kotoma akwap. Ketukokina abunore anatar akwap kere “Kibubukis” kesi, atwanare naesil kakere napedori ajaut, aiar, nakepedorere aaria itunganan; emujalal, apotu kolacasi igoen kamaKe. “Ngesi-abu Ngesi komen ileic ngul.” Kesi... Emusalaba ejaatar ka adapaac erapit Ngol; konye apotu kwi kolacasi igoeneKe kamaKe. Naesil kakere!

“Nen,” ere loepol kakere loka ediini, “kesi,” itunga lukediini noi kakere, “kibubukis,” atwanare naesil kakere, “Ngesi,” Etunganan loketiai kakere.

Arai cani mam ngun ilesikino asitelekaar atur na akiro! “Nen,” erionget lokediini loitelekaarit kakere, ekanisa loepol kakere atukokina kere toma aibois adiopet. “Kesi,” itunga lukediini luitelekaritosi kakere kotoma atekerin kere, itunga lueomitai ebe eraasi ikamaak obe luka Edeke. Apotu kesi kotukokinos kopucit lokalaunan loepol kakere loajaatar kesi, aitalaunio naka e... Aleleng, nayangaunere kesi anyoun obulesene toma ailajaara. Ido “nen” kotoma apak kangin, “kesi” kapak kangin, itunga lukediini kakere, kotoma opucit lokediini kakere, kaibois nakediini kakere, apotu koyangautu mama ejai Ekapolon loka Aijar ibore yenesil kakere yen apedorio aswam, alacar Etunganan igoen ido aikajakin Ngol okitoi. Naarai, “Kikenoi ngol,” abalasi ikisila lu etwasamaete kesi amaia, “kikenoi ngol loikaja kokitoi.”
“Ido aponi Ngol kitaraunai ekenit kanuwok.” Alacar iKegoen, aile Ngol, ido akienar Ngol, Edeke obe loka Akuj; alemar iKegoen kamaKeng, kosodete aibubukin Nges omusalaba. Ngol! “Kibubukis kesi Nges Nen,” kokwap naka aitisilaaret nakapolon naka Iromayon.

Atwanare naka naesil kakere lolo mam tikeraun aduikin. Atwanare naesil kakere mam tikeraun anangario kemotoka kosodi atwanare, akipi ainyam, aicweo kakim. Konye atwanare naesil kakere lolo aitisilaario nakapolon kama kitunga, ne ebe akwap kere aisitelekaar jo akiro kosodete anyara jo lo itelekaaritos akiro. Ido abu akwap kere kidokokis akaninikec Otunganan lo kosodete anyara Ngesi lo itelekaaritos akiro, kwabo komameete Ngesi akiro nuagwaunit. Ido abu Ngesi kotwana kokwap naka lokasurup (mere Ikepapero, mere Ikekisila), konye kokwap naka aibubukinio kama ejai lokasurup. Ekapolon loka Aijar, Etunganan loka etiai kakere loiiritor aijar, arai lobuni aiir aijar, Yesu Kristo. “Ngol,” Etunganan loketiai kakere! Kidaritos ngun kotoma aomisiokus kwana kwape kijaar oni adukun etut ngol airimun lolo.

-----
Kwana akiro ngun aongon, kesi, “Kibubukis kesi Ngesi nen.” Kwana eroko yesi itodiaritosi Ebaibuli, teijo. Erai bon akiro aongon, konye Ebaibuli etukonokini Abeit Keng. Kwana, eong, ibusakinit eong airimirim, aitetemun ngun nuenera eong, konye Ebaibuli mam ibusakinit idiobore. Erai bon Ngesi kere Abeit, aso e-e-e Ebaibuli mam iburai aitetem idiobore. Ngesi-mam iburai Ngesi aitetem ngun, naarai erai Ngesi kere Abeit.

Enu kane akiro aongon nuka erikot Keng loepol loka Abeit. Atami eong aitetemun Ngin. Ido aitam aitetemun Ngin, kocae, tikiswamau atukot naka iitabon. Emame epone edio kanu eong aitetemun akiro ngun aongon. Konye kwana aso oni, kanuka aingarakinio naka Ngol loejaikini Ngin aiwadikao, katamata aitetemun akiro nu aongon, ayangaun kes kopone lo ebe ti kojenutu itunga ngun. Nukijaar oni koingareniwok kwana, kijaar oni kede aibubukinio nasodit eperi koingareniwok; kaibois nakalaunan noi, itunga lukediini noi, atwanare naesil noi, mama ejai Etunganan loketiai noi. Oo, erai namam ecamanara cut kwangin. Ikatuan, oo, ikatuan, erai nukileic!

-----
Koany, “kesi,” ikamaak, ikiliok lukemootosi aisumunet ngin, ikiliok lukemootos ngin, kotoma okaru ka aturio, ido komamei ibore eswamaete kilema ainyikokinit kotoma oseminario kangol. Konye kepotu ngul ketiakata Akirot kotupitosi aisisianakin nakoseminario, ido kepotu kesi kodiakata Abeit alopet naka Ngin. “Kesi,” isasedotin, aijaanakin naka apaaran kangin! “Kanen,” ko headquarters kec, “kesi,” aijaanakin naka apaaran kangin, autasi aiar Edeke obe, Imerekek obe. Ediopet ngopengol lo alimoritosi kereka kesi ebe ajaasi aima, autasi kesi aiar.

Ido, lolo, ewosat eong atukot na naka ikejaanakinak lu edakanakinitai; kotoma aiyuuneta kec ka idiinin da, ejaasi kesi aibubukin, otunga, Edeke ngopengol obe lo ebalasi kesi ebe eminasi ido ijaanakinete. Ewosat eong ikejaanakinak lu, kOkiror loka Ejakait Yesu, kanuka aisisianakin kec, na ebala ebe “apaarasia nuka aswamisio nukapedor atuboros,” ido ebe “aibatisao kakipi kOkiror loka Yesu Kristo erai namam ilesikino ido mam edolit.” Kanuka adio kere kotoma akiro kanu, nu elocokisi kesi aiyuuneta toma aiboisikec, ewosat eong kesi, kwape luegwaunito akiro, ido ejaasi Aokot nuka Yesu Kristo akaninikec, kanu kesi aibubu irwan nakitetet Ejakait Yesu, irwan nakiareit. Eutasi kesi aibubukin Kristo, otunga, alemar kamakec ibore yen kebeit kesi ti ainakin ngul. Kwabo apotu kesi kilocokisi ibore ice aiboisit Keng; aiyuunet naka ekanisa, kanuka ajenaara.

-----
Ido etoroni eong ekodet ngopengol lolo, ido ewosat eong kesi, kwape luegwaunito akiro kakonyen nuka Edeke, kanuka Akirot naka Edeke, ebe eutasi kesi aswam ibore ngipengin. Iwosatai atur na. Kiitunitosi Iburanian 13:8, “Erai ngesi ngopengol bian, ka lolo, ido kiton ikar kere.”
Kikwaikinete kesi ai itoosaete Ngesi? Naarai ebe mam aiyuuneta kec acamunitosi Ngesi, konye cut kotoma otauon kec ajenete kesi. Mam kereka Nikodemu, kosula lo 3 loka Yokana Lokalaunan, abu kolimorite ngin ejok? “Rabi, isio, Iparisayon,” ikalimonokinak, ikesisianakinak, “kijeni isio ebe irai Jo ekesisianakinan loijukunit Edeke, naarai emamei etunganan loepedori aswam iboro luiswamai Jo dimikito arai ejai Edeke ka nges.” Ianyutu? Apotu kitejenaasi ngin kotunga kanejai ediopet kotungakec lukejenaara, ido abutar... naarai kanuka aiyuunetakec apotu kibubukis Kristo.

Ido lolo emamei ikasioman yenimam epedorit aisiom Aswamisio 2:38 kopone kwape lo apedoritor eong aisiom Ngin, ka nece Keng kere, cut kwape apedoritor eong aisiom Ngin. Konye kanuka aiyuuneta kec, ido kanuka atikin kec nuka idiinin nuenapito kesi kagola kec, imacarin luka etiang luelosioto kesi airimoritor kwape akaadin nuka eidicane; ka ayangaarit da iboro ngul, ibubuete kesi mamakec Yesu Kristo irwan nakitetet, ido ibubuete Ngol kakonyen nuka itunga, ido kojaasi einyanakinete Edeke elopet cut loabu kisumun aswam Nu, eyangaunitos amudiario mama ejai ateker.

Naka oitabo... Aitoosaet.

Nakedolioto aibois naenyaritai Abelekek naka Akou, kibubukis ŋes nen, ka kwi ikeswamak nueroko, ediopet akanike nakoteten, ka ediopet da akanike nakokediany.

Luka 23:33