Angole ngina akwangan.

William Branham.

Tosiomete alo akirot...
Akipucet ngina Ekingaren.

Tokona, alotoma ekek ngolo a 5, anganar nguna Angakipuceta anu, ka tokona Ekitaabo ngolo ipucitai angakipuceta angakankarei. Ekingaren, ikicamit iwon akisiom Akipucet ngina Ekingaren.
Ataboong ngina abien, abokunia inges iwadio, aponi iwon toriamunai ebe, ngina abunio Yokona kingoliyaria ka toanyunia Ekitaabo eroko eyiai nakan nguna Elope, ka Akuj. Itamunito iyes epite ngolo acakaror-a? kan Adam. Abu Inges kipoto Ekitaabo ngolo ka Akiyiar, anguna aosou angina a Satan, ka abu tocaka nguna sek dadang amaikina inges irumi, tocaka ibore daadang; ka amam erot ece ngolo ka alakunio. Ido, abu Akuj, kiwuak alokikwane angolo etunganan, abu bu kwap ka torau Ekalakunan neni yok, alakun iwon.

Ka tokona ikiriamuni iwon ebe, alorwa angulu apotu tolunyaros, ngiboro lu ngulu erai akimunono emaikina itongakin iwon alotoma ngarwa nguna esidiok. Tokona ikiriamuni iwon ebe, tari dang, alotoma nugu, ngolopite eiraria Yokona alimoret na ngina Ekalakunan angolo elakuni itunganan ebuni ka akiwuakin nguna Keng, amame etunganan ngolo apedori akitiyia ngun; amame ediotunganan alotoma Nakuj, amame ediotunganan anakwap, amame ediotunganan alokwap akwap. Amam tari itunganan etemokino tari niarai aripikin Ekitaabo. Totamak mono kotere ngun. Amam itunganan, alotoma dadang, ngini tari rtemokino akingolikin Ekitaabo. Ka abu Yokona togeu akiyalolong. Ayeni inges ebe, okoe, amame nai abaat ngina alakunio. Arai nginibore dadang ngini ebusokina.

Ka alotoma apaki ngina euruwana ikiriamuni iwon ebe abu akiyalolong keng tojongo, atipei, anerai aponi tolimoroi kan epei Angityang anguluomwon, kori ngikasikou, abu epei angikasikou tema ebe, “Nyiyalolong, Yokona, anerai Engatuny ngolo anateker a Yuda elou.” Inges atemar “epiyo, ka adau akioun.”

Yokona, ibelekin, abu inges kingolik Imesek elomuni kinga. Arai Inges ngolo ebwaliyarito ngaokot ka towan. Arai ngini aritai, tema inges ebe, “Imesek ngini sek aritai.” Ka, anerai, aroko inges ibwaliyarito ngaokot; erai kitub iyong Imesek ka toar inges alopite angolo ayiakar Imesek ngin, aponi totubutuboi inges alomusalaba, ngakwaras losiep, ka ngisimari nakan ka nakejen, ka ngikokwa lotim. Ayiai Inges nadoketait ngina aronon nooi. Ka abu Imesek lo bu kingaren, ka tolot paka jik neni Keng Angolo eboi Alokicolong, ngolo erumit Ekitaabo dadang ngolo Alakunio. Ka abu Imesek tolot ka tolemu Ekitaabo anakan Angolo eboi Alokicolong, ka aponi tolemaria, ka tonga Ngakipuceta ka tonga Ekitaabo.

Ka nai ngina atakanuniata ngun, ikiriamuni iwon ebe emaikina eyiai idiobore ngini apolon ngini kebu totakanu a Nakuj. Kotere, ngikasikou, ka ngikasikou ngulu tomoniarei ka ngiomwon, ka Ngityang, ka ngini dadang a Nakuj, abu togeu acala, “Itemokino!” ka apotu ngimalaikan potu nege, ka tobukokis Anyunnyura ngina angakilipasinei anguna angikakwang. Apotu ngikakwang ngulu eyiakasi kwap namuroet tocalut, “Itemokino Iyong, Okoe Imesek, anerai ikilaku Iyong isua, ka tokona ikitarau Iyong isua ngirwosi ka ngipadera, ka ikiponi isua akipuka akwap.” Okoe, ekang! Ka erai nen, ngina angaria Inges Ekitaabo ngol.

Kingolikisi iyes, arai Ekitaabo jik ngolo aberakinoi akigir ka ayeun eroko nyepetakina akwap. Ekitaabo Lo, Ebaibul, arai jik ngolo egirio eroko nyepetakina akwap. Ka Kristo, ikwa Imesek, arai Ngolo aponi toarai eroko nyepetakina akwap. Ka ngimembai ngulu Ateran Keng, aponi kiwuakinai ngirworwa kec Lokitabo ngolo ka Akiyiar ngolo a Imesek eroko apetetait ngina akwap. Nai, aponi kipucarai, ka tokona adau akisilereun; ngulu ayiakasi ngirworwa kec dadang nen, nguna dadang, ka nyo ibore ngini ajokan.

Ka Yokona, ngina engolikinia inges ngun, abu tema ebe, “nginibore dadang alotoma Nakuj, nginibore dadang alokwap akwap...” abu nginibore dadang kira inges ebala ebe, “Amen, arereng ka akerer!” ayiakatar inges jik apaki ngina ajokan, ka anguna, “Arakor Imesek ngini etemokino.”

Ka tokona eyiai Imesek ewuei. Tokona, ataboong na, ikwa ngina ikilomaria iwon longaet ngolo a 6th, Irumit Inges Ekitaabo anakan Keng, ka ageu akisilereun Inges.

Ka, okoe, kayiakaunor ayong jik nakolongit na... ka atami ayong ebe erai ngitunga ngulu ekuwam. Kayiakatar ayong adiakaret ngina apolon alotoma ngun, kerai toyiakauna, alotoma ngisai ngikankapei nakolongit na, ngina abunio Ekuwam ngolo Akwangan toma nagule ka eketenik ayong alotoma idiobore ngini ayiai ayong egiri anguna ka alimun.

Ayiai ayong alemunit ngun alotoma nguna ngorok nguna aris iwon kirwori. Amamukar ayong ngadi alotoma Keng. Nyayeni ayong nguna erai Akipucet ngina Angarei, nyerai idiobore ngini emam. Nai ayiakatar ayong ngadi alotoma nguna abu ayong erworite alotoma ngikaru ngulu alalak ngulu alunyarosi, ka aris kegirak ikes kwap. Ka aris ayong kacunak akou ngina akirot na, ameun aneni a Dr. Smith, ngiketatamak ngulu apolok ngulu aris ayong kacunakinia ngun. Ka ikes dadang enupito ngun, nai ayiakatar ayong ngun igiritai kwap. Ka adikino ayong atemari ebe, “Ejok, tokona asiomi ayong Inges aneni awuatait angina.”

Ka anen, alotoma ngisai ngulu eapiyarito ngikankapei naparan, abu Ekuwam ngolo Akwangan bu kwap jik toma nagule, ka abu ibore dadang tongar jik neni kang, ka ayiai Inges nen, kingolikisi, nai... kotere nguna ka Akipucet angina Esiaunan engario. Arai ayong jik ngolo ayeni ngun ikwa ngina awuar anege ataboong na, ebe erai na Akiyookino ngina ka Emut angolo ajokan inges alosi ayong alimun anege. Ayeni ayong ebe ikote nen. Anerai, kerai apukokino ngina epegakina ka Akirot, ido nyerai Apukokino. Ka, iyenete iyes, eyiakasi ngice angiboro ngulu etakanete jik ikwa akiyookino, toraibo mere akiyookino. Ingolikis-a? etakani esibit erai inges, nai nyerai.

Tokona, ikiriamuni iwon, Imesek irumit Ekitaabo, tokona. Ka tokona alotoma ekek ngolo a 6 ikisiomi iwon.

Ka abu ayong engolik ngina angaria Imesek apei angakipucet, ka abu ayong eira, ikwa ngina arakor eruye ngolo agirokinet, ka epei alotoma ngityang nguluomwon ebala, Bua ka kingolik.
Ka abu ayong engolik, ka atoanyuwa angole ngina akwangan; ka inges ngini eboi alokidiama keng ayiakatar akau; ka aponi inakinai inges ebokot: ka abu inges torotok iloununui ka ikotere ilounia.

Tokona, erai ngin Akipucet ngina Ekingaren, ngina elosio iwon akikatakin, kan ajokis ngina ka Akuj, akitetemun Inges ataboong na. ka ngunapei edolito... ka abu ayong atoanyu ebe etunganan, ikatakinit akitetemun Ngun, elosi alotoma neni aronon nooi erai pakiyeni iyong nguna itiyiai iyong. Ingolikis-a? Nai kebunit neni kang kan apukokino, akalimokini ayong iyes ikongina. Ido ani kalemunit ayong alotoma natameta kang, ido akalimokini ayong iyes ngun eroko nyirworo nguna etapito inges. Nai arai ayong jik ngolo ayeni, ikwa ngina awuar anege ataboong na, ebe apote Ngun neni kang ekitetiaka, nakolongit na, aneni angolo Etiron. Nyekerumito ayong ngileec erwori ngiboro ngulu ikote ngulu, ngina edolunio lowae lo ngolo a Ngakigireta. Arai ayong ngolo...

Ayeni ayong ebe iyenete iyes nguna erworo ayong tokona, kingolikisi iyes. Tokona, iyenete iyes, ka nyipedorete iyes alimun nugu... ani kemaikina idiobore eyiai nege eroko nyetakanuna, nyilimunete iyes ngun jik mati eyiai idiobore ngini eyiai nen. Ingolikis-a? Iyiakasi iyes isiomete-a? Iyiakasi iyes ipupete idiobore-a? Ingolikis-a?

Tokona, Ekitaabo ngolo a Ngakipuceta a Ngakankarei eyiai tokona engaritai Imesek. Ikilomari iwon nakibois ngin ataboong na. Akuj, kingarakinai isua. Ikwa ngina angarere Ngakipuceta ka ewolorere, adaun akisilereun Akimunono dadang ngina Ekitaabo. Tokona, kingolikisi iyes, erai Lo Ekitaabo ngolo ipucitai. Tokona, ikinupit iwon ngun, nyikinupit iwon-a? ikinupit iwon ebe erai Ekitaabo ngolo ipucitai. Tokona, mam sek pa ikiyanyunitor iwon nu ekingaren, nai erai Inges. Ipucitai Inges a Ngakipuceta a Ngakankarei. Ikes ngun, alokaku Ekitaabo, erai Ekitaabo ngolo ipucitai a Ngakipuceta a Ngakankarei.

Kerau tolemunai iwon ekabila ekitaabo alo, ikwanikin ka akiwuakin arokoba kilagiau inges, ngarokobai ngakankarei. Nai mere ekabila ekitaabo alo. Erai elou. Ka ngina nyecilar elou, erai inges ngin; ido nai ibore ngini eyiai lolou erai ngini angiarei. Ka anege jik elimorit nguna erai Inges; nai, totamunito, erai Ekitaabo ngolo ipucitai. Ka erai Ekitaabo ngolo akimunono, angina apukokino. Erai apuokino ngina a Yesu Kristo, kingolikisi, Ekitaabo ngolo apukokino adadang. Ka tokona iyenete iyes, ameun aneni aturi, akoko etunganan ka ekatak Alomar toma Ngun. Ikiyiakar iwon dadang.

-----
Ido, ngina alemunia Imesek Ekitaabo ka tonga Akipucet ngina Ekingaren, abu Akuj kirworik Alokicolong Keng angolo Ruba, alimor nguna arai Akipucet ngin, isilereunio. Nai ngina ewuakinia Inges kingaren Yokona, arai alotoma emacar. Ngina engolikinia Yokona Inges, aroko arai akimunono. Kotere nyo? Nyepona tari kisilereunoi anenipei. Nyisilereunio akitodol nguna abu Inges tolimu anege, “ka anasalunet angina apaki.” Nai abu bu alotoma emacar.

Ngina, ngulu arai “Amiat.” Totamunito, acala ngina apolon ngina Agirokinet erai Etoil ngolo ka Akuj. Erai ngun nguna ebala Ebaibul, kingolikisi, “ eruyo ngolo Agirokinet.” Abasi ikes kori erai Agirokinet, nai arai Akuj. Abu Inges tomisiya Ngun, anerai aponi kisilereunoi Ngun neni Keng. Ingolikis-a? arai Inges Agirokinet.

-----
Ka, toanyutu, nyetakani Kristo tari adiokiding, kingolikisi, anen anapaki angina. Nai eyiai Inges edokit angole ngina akwangan. Nai keyiai etunganan lo emiat angole ngina akwangan, erai inges bon eketuputon ngolo a Kristo. Ingolikis-a? Iriamut iyes ngun-a?

Toanyutu, nyeyiakatar ekameton ngolo angole angina akwangan ediokiro. Epedori inges akisitiyia ngimaeta ngiarei kori ngiuni, kingolikisi, nai nyeyiakatar inges ediokiro. Nai eyiakatar Kristo Ekiro! Nyo nai inges? Akirot ka Akuj. Neni erai Inges nen. “Anageun ayiai Akirot, ka arukito Akirot ka Akuj, ka arai Akirot Akuj, erai itungnan.” Ingolikis-a?

Amamukar ekameton ngol ekiro, nai enyaritai Kristo ebe “Akirot ngina ka Akuj.” Erai ngun nguna erai Inges. Enyaritai Inges ngun. Tokona eyiakatar Inges Ekiro ngolo emame itunganan eyeni; nai enyaritai Inges ebe, “Akirot ngina ka Akuj.”

Nyenyaritai etunganan lo ediokiro, kingolikisi, nai edokit inges angole ngina akwangan. Amamukatar ekameton ngicipita kotere akau keng. Iyanyunito iyes-a? Ayiakatar inges akau, nai emam nguna alimunitoi kotere ayiakatar keng ngicipita, nai emaikina inges erai ekaliokonu. Kire. Acepaki eyiakatar inges agirokinet, ka tomam akimiliaunet. Nai iriamuni iyong ebe, ayiakatar Kristo agirokinet ka akimiliaunet dang, anerai anakituk keng tolomu Atum ngina akwaka ngiwatin dadang, ngina abunio Inges tomunyaria ngibukui. Nyinyasuni etunganan lo idiobore, kingolikisi, nai eyiai inges ebolia ewae ngolo ekanyesoswai. Elosi inges kingaren, emiat angole ngina akwangan, elosi kinga akiloununia.

Eyiakatar Kristo Atum ngina akwanan, ka, toanyutu, elomunit anakituk Keng. Akirot ngina Eyiari, erai ngin Akirot ka Akuj isilerekinitoi neni angiketiyiak Keng. Ikwa ngina alimokititor Inges Musa, “Tolot, towua anen, ka kirum ebala ngol aloyaye; tonyara ngicuc,” ka apotu ngicuc toyiakaun nen. Kire. Nguna dadang abu inges tolimu, abu Inges kitiyia ikes; ka apotu kitiyiakinos, Akirot Keng ngina Eyiari. Akuj ka Akirot Keng erai Itunganan nginipei ngin. Erai Akuj Akirot.

Ngai nai ekameton ngolo imunono ngolo aturi ekanisa alo? Ngai inges? Atotamakisi iwon anguna keng. Ngai ekameton ngolo imunono lo ngolo abu togeu alotoma aturi ekanisa angolo esiaunan ka tomete jik paka nasalunet?

Abu Akipucet ngina a Ngarei dang bu ka tolot jik paka nasalunet. Abu Akipucet ngina Ngauni dang bu ka tolot jik paka nasalunet. Ngina a Ngomwon, Ngakan, Ngakankapei, ka ngina a Ngakankarei, ikes dadang, apotu toyiakaun nege nasalunet. Ka anapaki angina asalunet, Ngikitaboi lu ngulu ayiakasi isilereununuyo ngapakio dadang, kapei ka akimunono na dadang alotoma kec, engario. Ido nai tolomu akimunono dadang, akingolikin neni kikote ikes. Nai, jik, apotu ikes togeut anaturi ekanisa angolo ekingaren, anerai ekanisa, abu ekanisa ngolo ekingaren kidiau Emut ikona Na.

“Abu angole ngina akwangan tolot kinga.” Ingolikis-a? Ngai nai inges? Erai inges ngolo eumokina anapedor keng angina iloununuya. Erai inges etunganan ngolo apolon anapedor keng angina iloununua. Icamito iyes ayong atolimok iyes ngolo erai inges-a? erai inges eketepegan ngolo a Kristo. Jik neni erai inges. Tokona, anerai, kingolikisi iyes, ani kerai eketepegan ngolo a Kristo; abu Yesu tema ebe, “Eraunete ngulu arei ngul ngulu eapikina nooi paka ngina emodikinia Inges ngulu Seuna (Ateran) erai kepedor.” Eketepegan ngolo a Kristo, erai ekuwam ngolo eketepegan a Kristo.

Tosiomete alo akirot... Akipucet ngina Ekingaren.

Abu ayoŋ eŋolik ekitaabo anakan a ŋina aloteten a ŋolo eboi alokicoloŋ; egiritae ekitaabo ŋol ŋiwaetin daadaŋ ka epucitae a ŋakipuceta a ŋakanikaarei.

Abu nabo eŋolik emalaika ŋolo agogoŋon ŋolo eserae a etoil a ŋolo apolon ebala, “Ŋae emaikina tolema ŋakipuceta toŋaa ekitaabo?”

Nai amam anakuj kori anakwap ka anakwap a ŋikatwak ŋini amaikina aŋaar ekitaabo ŋol tosyom.

Abu ayoŋ egwor nooi, anerae amam ituŋanan ŋini amaikina aŋaar ekitaabo ŋol tosyom.

Apukokino 5:1-4