Ruusi, Omumoabu.

<< prev

next >>

  Ekigambo ekihuriire.

Omunyabuzaare Omucunguzi.


William Branham.

Read the full account in...
Omunyabuzaare Omucunguzi.

Niinyenda kweta omutwe gw'oku kubuurira kukye kw'akasheeshe aka, obwo ndiyo ningwegyesa, ningyezaho kubahitsyaho okwikiriza, kw'obucunguzi, n'eki buri, kandi n'oku waakubutunga. Niinyenda kugweta: Omunyabuzaare Omucunguzi. Hati, okucungura ekintu kyona, “n'okukigarura.” Ekintu ekibaire kibuzire, nk'okuta omu duuka ei bakwatiirizamu emikwato ya looni. Oshuuma ogyenda ogucungura, nigucungurwa n'omuhendo. Reero guba ogwawe burundu, waaheza kugucungura. Kwonka ekiragiro ky'okucungura, omuri Israeli, akaba naateekwa kuba omunyabuzaare omucunguzi, kucungura ebintu nari ekintu ekyabaire kibuzire.

Ebigambo byaitu nibitandikira omu bwire bw'abategyeki ba Israeli, abaabaire bari abaramuzi, bwanyima y'okufa kwa Yoshua. Kandi kutunga ekishushani kirungi munonga ky'eki, shoma eshuura itaano nari mukaaga z'okubanza z'ekitabo kya Samueli ky'Okubanza, reero nooza-nooza kutunga ebigambo byonyini byakyo.

-----
Hati, abantu baingi bareeba Ekitabo eki kya Ruusi, nk'oku bagamba ngu, “N'ebigambo bya rukundo omuri Baiburi.” Baiburi n'ebigambo bya rukundo. Baiburi yoona n'ebigambo bya rukundo. Ti bigambo bya rukundo kwonka, kureka Ni nabi. T'Eri nabi kwonka, kureka nabwo N'ebyabaireho. T'Eri bigambo bya ru-rukundo kwonka, ebyabaireho, nabi, kureka Ni Ruhanga Wenyini. Ahabw'okuba, “Bwa mbere na mbere hakaba hariho Kigambo, Kigambo ogwo akaba atuura na Ruhanga, kandi Kigambo akaba ari Ruhanga.” N'ahabw'ekyo, Ekigambo ni Ruhanga omu nyuguta ezihandiikirwe. Ekyo kishemereire kumara, ow'eishe-emwe. Ruhanga, omu nyuguta ezihandiikirwe. Yehova, ahandiikirwe omu Kitabo. Kandi tikirimu kintu na kimwe ky'ekitebyo ekigunzirwe, kureka byona n'Amazima gonyini. Buri kicweka Kyakyo, kihamizeho amagara gaawe. Kiriho. N'Amazima, kandi Ruhanga naaza kushagika Ekigambo Kye.

Kandi ebigambo ebi bikahandiikwa, n'ebitabo byona ebya ira. Ku baabaire nibatoorana eby'okuta omuri Baiburi, abantu abarikwera, ku baabaire nibagyezaho kubirundaana hamwe omu Ndagaano eya Ira, Ekitabo kya Ruusi eki nikyo kyabaire kimwe omu Bitabo bikuru ebi baikiriize. Ahabw'enki? Ku kiraabe kiri ebigambo bya rukundo kwonka, ahabw'enki abahandiiki n'abanyabwengye aba ira baikiriize Ekitabo eki nk'ekyahandiikisiibwe Omwoyo Orikwera? Ahabw'okuba, Kirimu okushuuruurirwa okusherekirwe. Kandi omuri oku kushuuruurirwa okusherekirwe, nootungamu amakuru gonyini. Nigaija kukwiriza haihi munonga na Ruhanga. Ninshaba, n'amagara gangye goona, akasheeshe aka, ngu Ruhanga akwate buri mutima, agushashanurire kimwe, okuhitsya obu Araayeshuuruure, eki Ari, omuri ebi bigambo; eki Ari ahariiwe; oku oshemereire Kumwakiira. Kandi ku oraaheze kukireeba, kyanguhi munonga, nootangaara oku waakirabire ahaiguru. Kwonka nikibaasa kushuuruuurwa Omwoyo Orikwera wenka.

-----
Hati, ebigambo ebi nibitandika omu muringo ogwo, nk'omukazi murungi, orikukundwa. Eiziina rye akaba naayetwa Naomi. Naomi nirimanyisa “ekirikushemeza.” Omushaija we akaba naayetwa Elimeleki, eririkumanyisa “okuramya.” “Okuramya okurikushemeza” niyo yaabaire eri eka ye. Bakaba baine omutabani orikwetwa Mahalooni, eririkumanyisa “endwara.” N'ondiijo orikwetwa, Kilioni, eryo rikaba nirimanyisa “oburuhe, okuburaaburirwa, enaku.” Egyo niyo yaabaire eri eka. Reero hakateera enjara omu nsi ya Israeli. Kandi enshobe y'okubanza ei Omuyudaaya arakozire, ni, okuruga omuri egyo nsi. Ruhanga akabaha egyo nsi. Abrahamu ku yaahairwe egyo nsi, Ruhanga akamugambira okutaruga omuri egyo nsi. Kandi akakora enshobe obu yaashuuma eifo omuri Gerari, akagira emirabanamu. Omuyudaaya n'ow'okutaruga omuri Palesitaini. Ogwo n'omwanya gwe ogu yaagabiirwe. Kandi bakagubingwamu, baataataanira omu nsi yoona. Mbwenu hati bariyo nibagarukayo omurundi ogundi.

-----
Hati, niinyenda kushushanisa, akasheeshe aka, Naomi, omukazi mukuru, n'ekanisa ya Orthodox, ekanisa y'Ekiyudaaya ya Orthodox. Ruusi, Omumoabu, Omunyamahanga, kuba Ekanisa y'Abakristaayo, Ekanisa Ensya. Niinyenda kumugambaho, omu bicweka bina ebitarikushushana, Ruusi. Mbihandiikire hanu. Ruusi, naacwamu, naasharamu; Ruusi, naaheereza; Ruusi, ahuumwire; Ruusi, naaheebwa ebihembo. Ka tubigarukyemu: Ruusi, naacwamu; Ruusi, ku yaaherize kucwamu, reero Ruusi ariyo naaheereza; reero Ruusi ahuumwire; bwanyima Ruusi naaheebwa ebihembo.

-----
Ruusi, arikucwamu. Hati, Ruusi, naaheereza ahanyima y'okusharamu kwe. Hati yetegyereze akaire kakye. Hati yaaza omu musiri, kuhumba. Hati, nyina akamugambira; ekyo ni, Endagaano eya Ira erikugambira Ensya, noomanya. Nyina akamugambira, yaamugira ati, “Twine omunyabuzaare, kandi eiziina rye ni Boazi. N'omushaija omutungi rugambwa. Kandi n'omunyabuzaare wa haihi. Irooko oze omu musiri gwe. Reero obundi... Otaza omu musiri ogundi; oze omu musiri gwe.” Omwoyo Orikwera ka naatugambira okutateishuka tukahabira nk'omu kitabo ky'e-ekanisa, nka katiikisimu, kureka kuza omu Musiri gwa Ruhanga, Endagaano eya Ira, Baiburi. Otagira oti, “Kare, nituza kugamba eki. Kandi nituza kugamba eki nk'eshaara. Nituza kugira eki.” Gumira kimwe omu Musiri. Gugiiremu kimwe, 'habw'okuba Niwe Munyabuzaare wa haihi.

Ekigambo kya Ruhanga, Endagaano eya Ira, niyo Munyabuzaare wa haihi ow'Ensya. Ekanisa eya Ira niyo nyina w'Ekanisa Ensya, mwareeba, Omukuristaayo, omwikiriza. “Otaza omu gundi musiri. Gumira kimwe omu musiri gwe. Kandi obundi, eizooba rimwe, naabaasa kukugirira embabazi.” Kandi eizooba rimwe, Ruusi ku yaabaire ari okwo omu musiri, ogu mushaija muto omutungi, orikwetwa Boazi, omutegyeki, omushaija omutungi rugambwa, yaija, yaamureeba. Oo, Boazi ku yaareebire Ruusi, yaamukunda. Yaateekateeka ngu n'omukazi murungi munonga. Yaakunda engyesho ze. Oijukye, akagira ati, “Nimmanya, kandi n'abantu nibamanya ku ori omukazi w'omutima.” Ruusi akasharamu, kurungi kandi ahamize. Ku Yaahikireyo, yaatuura amagara gonyini agu yaagizire ngu naija kutuura.

Ahandi, ebiro ebi, nibagira bati, “Nitumanya ngu ori Omukristaayo. Nitumanya ngu ori omushaija wa Ruhanga, 'habw'okuba tihariho muntu weena orikubaasa kukora eby'amahano ebi kureka Ruhanga yaaguma nawe.” Okwo nikwo Nikodemu yaagambiire Yesu, ati, “Rabi, nitumanya ku ori omwegyesa owaarugire ahari Ruhanga. Tihariho muntu orikubaasa kukora ebintu ebi orikukora kureka Ruhanga yaaguma nawe.” Kunu, yaabaire Amureeba ashutami aho kandi amanya ebiteekateeko byonyini by'omu mitima yaabo. Omukazi akakora aha kijwaro Kye. Yaahinduka, yaagira ati, “N'oha owankoraho?” Boona bakakyehakana. Yaabuzya amaisho omu bateeraine yaagira ati, “Iwe, orwaire ekyejwiso aho, okwikiriza kwawe nikwo kwakukiza.” Yaagira ati, “Tihariho muntu orikubaasa kukora ebyo kureka Ruhanga yaaguma nawe. Nitumanya ngu Okaruga ahari Ruhanga. Titurikubaasa Kukwakiira, ahabw'okuba nibaza kutubinga omu kanisa.” Mwareeba? Ogwo muzaabibu ogubyairwemu, Ow'eishe-emwe West, nk'oku tubaire nitugamba ekiro ekihweire, nibakubinga. “Kwonka, omunda omu mitima yaitu, nitumanya ngu okaruga aha Muzaabibu ogwabandize.” Kristo niwe Muzaabibu; itwe turi amataagi. “Nitumanya, ahabw'okuba nitureeba Amagara ago gonyini agari omuri Ruhanga, gari Omuriiwe.” Ekyo nikyo Boazi yaareebire omuri Ruusi, okwo kusharamu okuhikiire kimwe, ogwo mukazi w'omutima ayemereire aho. Kandi Boazi yaamukunda.

Hati, niinyenda ngu oyetegyereze. Naomi, ekanisa eya ira, yaatandika kushoboororera Ruusi ebiragiro byona ebikwatsire aha diini ye, nk'oku Endagaano eya Ira eri ekicuucu ky'Ensya. Niinyenda ngu mwetegyereze ebigambo ebi hanu. Hati, niinyenda kworeka ebicuucu. Endagaano eya Ira neeshoboorora Ensya, ku Oraagishome, ahakuba N'ekicuucu ky'Ensya. Hati, ku naakuba ninza aha kisiika kiri, ntakeereebaga, haza nkareeba ekicuucu kyangye, nkaamanya, nkaayetegyereza oku naakubaasa kuba ninshusha. Ku oraabe otarikumanya (iwe) eki Endagaano Ensya eri, shoma eya Ira reero nooza kureeba ekicuucu kyayo. Waareeba? Reero Endagaano Ensya ku erikutaahamu, noogira oti, “Ahabw'enki, buzima, nikyo Eki.” Ekitabo ky'Abaheburaayo, kugaruka enyima, Paulo naakishoboorora.

Hati, yetegyereze kurungi hati. Ruusi ku yaagambire, nari... Naomi akagambira Ruusi, yaagira ati, “Hati, n'omunyabuzaare waitu. Kandi ku araakugirire embabazi, nooza kutunga obuhuumure.” Oo, mugyenzi! “Ku oraagirirwe embabazi, nooza kutunga obuhuumure.” Boazi akaba naashushanisa Kristo, Omushaija omutungi rugambwa, omuhunguzi w'ebintu byona, Mukama w'eigyesha. Oo, mugyenzi! Oku, Boazi ku yaizire aho naavuga, omuri ekyo kigaari, naaranzya oku n'oku omu misiri, amaisho ge gaareeba Ruusi! Akaba ari mukama waagwo. Akaba ari mukama w'eigyesha. Kandi Ruusi akagirirwa embabazi omu maisho ge. Ekyo nikyo ekanisa erikukora, ebiro ebi. Mukama w'eigyesha yaaba naahingura, Tarikuranzya ebyombeko bihango, eminaara mihango, zaakwaya ezitendekirwe kurungi. Naasherura buri muntu okwe, abashaija n'abakazi abeehaireyo kandi abashaziremu kukurata Kristo, abeeyerize Kumuheereza. “Ai Ruhanga, Ninkiikiriza, buri Kigambo Kyawe. Ekigambo Kyawe ku kiraagambe ekintu kyona, Ninguma Nakyo kyarimwe. Ekyo n'Ekigambo Kyawe. Ninkiikiriza, buri Kigambo.” Ekyo nikyo Arikusherura; Mukama w'eigyesha. Ekyo nikyo Arikwenda kuha, Omwoyo Orikwera, ahari abo abaine enjara n'eiriho. “Baine omugisha abagira enjara n'eiriho, ahabw'okuba abo baryahaaga.” Naagyezaho kusherura egyo Kanisa, ebiro ebi.

Hati, bwanyima, Ruusi akashabwa kukora ekintu ekyabaire nikishwaza, kwonka akaikiriza ahabw'okuba akaba yaacwiremu. Ka n'ekirikushushanisa omwikiriza! Ka n'ekirikushushanisa ekihikiire kimwe! Naomi, ekanisa eya ira, akagira ati, “Shuuma, ekiro eki. N'obunaku bw'eigyesha rya sayiri.” Oo, ka n'ekiteekateeko kirungi eki twakubaasa kugumaho aho honyini! Naomi na Ruusi bakaija omu bwire bw'eigyesha rya sayiri. Obwire bw'eigyesha rya sayiri bukaba buri obwire bw'omugaati, obwire obu omugaati musya gwabaire nigugaburwa. Kandi Ekanisa, omu biro ebi eby'aha muheru, ahanyima y'egi myaka enkumi ibiri y'enyegyesa z'ekikaafiiri n'ebindi, etaahiremu omu bwire bw'eigyesha rya sayiri, n'Amagara masya, Omugaati musya, obwoki oburikuruga omu Iguru. (Russell, kyo gamba aha mugaati ogwine ekikoko ky'obwoki!) Nigwo Ogu, Omugaati ogurikuruga omu Iguru. “Niinye Mugaati gw'Amagara. Baashwenkuriimwe bakarya emaanu, kandi baafa. Kwonka Niinye Mugaati gw'Amagara ogurikuruga ahari Ruhanga, omu Iguru. Omuntu ku arya Omugaati ogu tarifa ebiro byona.” Kandi Ekanisa omuri ebi biro by'aha mperu hanu, ereetsirwemu, hati hati, omu bwire bw'eigyesha rya sayiri.

Ruusi, Omunyamahanga, owaabingirwe, akahunga, yaareetwamu, kugira ngu ayakiirwe nk'Omugore. Kristo akataahamu, omu bwire bw'eigyesha rya sayiri. Akagira ati, “Hati jwara ekijwaro kyawe.” (Atari, “Ojuure ekijwaro kyawe.”) Ka kihindukire ebiro ebi! “Jwara ekijwaro kyawe, ku oraaze kumubugana. Naaza kuheheeza sayiri, ekiro eki. Gyenda ojware ekijwaro kyawe. Oyeshubikye, oze kumubugana.” Ebiro ebi, nibenda kwejweka busha. Jwara. “Shuuma eifo, ahabw'okuba naaheheeza sayiri. Reero oyetegyereze ahu yaabyama.” Okakikora? Ahari Gologosa. Emyaka mingi ehweire, nkeetegyereza omu mutima gwangye ahu Yaateire amagara Ge, kugira ngu Abaase Kuunyakiira. Oyetegyereze ahu yaabyama. Oreebe ahu Yaabyamire. Ekyo nikyo buri mwikiriza ashemereire kukora. Yetegyereze eki Yaakukoreire. Obutumwa bwa Sande ehweire, aha Kutaayaayira Gologosa, yetegyereze eki Yaakukoreire.

Akagira ati, “Yetegyereze ahu yaabyama. Reero ku araaze kubyama, kuhuumuraho, ogyende obyame aha bigyere bye.” Atari aha mutwe gwe; aha bigyere bye, toshemereire. “Kandi okwate egyo burangiti” [Ow'eisheemwe Branham yaateerateera Baiburi ye kashatu -Omur.] “ei araabe ayeshwekire, ogikurure ogyeshwekye.” Oo, nimukireeba? [Abateeraine baagira bati, “Amiina.”] Oo, mugyenzi! Nimmanya ngu nimubaasa kuteekateeka ngu ndi orikurengyesereza. Kwonka ekyo nikimbonerera munonga, ogwo Mwoyo wa Ruhanga. Yetegyereze ahu Yaabyamire ahari Gologosa; ahu Yaabyamire omu kituuro; omuri Gesesemaani. Hetegyereze, reero ogyende nookuruza oze aha bigyere Bye. Obyame aho kandi ofe, weena. Oku... [Omwanya oguriho busha aha rutambi rw'amaraka.] Nikyo ekyo. Yeshwekye, weena, n'ekijwaro Kye. Akagira ati, “Ekyo kijwaro,” nikwo yaakyetsire. Reero Ruusi yaagira ati, “Ebi waagamba byona, naaza kubikora.” Oo, ka n'okucwamu okuhikiire kimwe buzima aha mwikiriza! “Eki Baiburi eraagambe, ekyo ninza kukikora. Yaagira eti, 'Mweteise mubatizibwe, omu Iziina rya Yesu Kristo,' ninza kukikora. Ku Eraagire eti, 'Mugyende omu nsi zoona mubuurire Engiri,' ninza kukikora. Ku eraagambe, kyona eki Eraagambe, 'Yesu Kristo tahinduka, oku abaire ari nyomwabazyo nikwo ariguma ebiro byona.' Eki Erangambire kukora, ninza kukikora.” Mwareeba, Ekanisa erikuragiirwa Ekigambo. Akabyama.

Hati, mwijukye, ekyo kikaba kiri ekihemu ahari egyo faakazi nto kubyama aha rubaju rw'omushaija ogu, aha bigyere bye. Ekihemu, aha bantu b'ensi. Oo, nimubaasa kukyemera? [Abateeraine baagira bati, “Amiina.” -Omur.] Nkiki hanu. Mureebe. Mureebe. Nikyo eki. Ekanisa, omukazi muto, omushaija muto, abakuru nari abato, nibashabwa kwetaanisa n'ensi, kandi baije omu kicweka, omu Bukama bw'Omwoyo Orikwera, ekyo n'ekihemu aha nsi. Omu mitima yaabo nibamanya eki kyona kirikumanyisa. Kwonka, aha nsi, nibahinduka abarikurengyesereza. Nibahinduka abarikwera abeekuringa ahansi nari ekintu ekiri nk'ekyo, eiziina eririkushwaza. Kwonka Ekanisa neeshabwa kukikora. Oyeteekateekire kwetegyereza ogwo mwanya, kandi okagubyamamu? [“Amiina.”] Ab'ensi ka bakwete ekintu kyona eki barikwenda.

Tukaba tweshongora, ekyeshongoro ekya ira.

Ntandikire kugyenda na Yesu wenka, (mwareeba),
Ngire omushego gw'eibaare, nka Yakobo;
Kandi ninza kutoora omu muhanda ogw'aba Mukama abakye abarikugaywa;
Ntandikire na Yesu. Ndiyo ninsingura.

-----
Yetegyereze omwanya ogu Yaabyamiremu, naiwe obe nigwo waabyamamu Nawe. Oyeteekateekire kuza Gologosa, akasheeshe aka, nk'oku naagambire Sande ehweire? Waayetegyereize ogwo mwanya omu magara gaawe? Waahikire omuri ogwo mwanya ogu Yesu yaabambirwemu?

Read the full account in...
Omunyabuzaare Omucunguzi.


Melekizedeki Ogu N’oha?

English Newsletter Site.

Ekitabo
ky'Okushuuruurwa.

Rushozi Sinai. Meriba.
- Archaeology.

Okutwarwa.

Engiri ya Yesu Kristo.
Kristo akafa
ahabw'ebibi byaitu.

Mweteise,
mwena mubatizibwe...

 

Kicu.

Nyomyo y'omuriro.

Ekyo kiro ahari
Gologosa.

Ekigambo ekihuriire.

 

Bwire bw'emperu.
Obushwere n’Okushenda.
Kibanja kya Edeni.
Bikaba bitari
bijuma bya apo.

Obwaruhanga obwa
Yesu Kristo.

Acts of the Prophet.

(English)

Archaeology.
Sodoma na Gomora.

Obumanyiso Mushanju.

Emibonano ya
Babulooni.

Akamanyiso.

Runyakitara Obutumwa.

  Baiburi neegira ngu...

Raara aha eki kiro; omu kasheeshe ku araikirize kukukorera ebi omunyabuzaare akora, ni kirungi; abikore; kwonka ku araayangye kubikukorera, nindahira MUKAMA otahwaho, niinyija kukukorera ebi omucunguzi w'obuzaare bwa haihi ashemereire kukora; mbwenu byama busheeshe.

Ruusi 3:13


Click on an image to download PDFs or fullsize picture.


Acts of the Prophet

(PDF English)

Obushwere N’Okushenda.

(PDF)

Ebyafaayo
By’Amagara Gangye.
(PDF)

Oku Maraika Yaizire Ahariinye,...
(PDF)


Message Hub...Choose your Language and download Free Messages from Brother Branham