Entare y'omu ruganda rwa Yuda.

<< prev

next >>

  Ekigambo ekihuriire.

N'oha oshemereire?


William Branham.

Read the full account in...
Omwanya oguri Ahagati y’Obusingye Mushanju bw’Ekanisa n’Obumanyiso Mushanju.

Okushuuruurirwa 5:2-4,
2 Bwanyima naareeba Maraika w'amaani naagamba n'eiraka rihango, ati; N'oha oshemereire kushuuruura ekitabo, n'okubambuura obumanyiso bwakyo?
3 Kwonka tihaabaho n'omwe omu iguru n'obu haakuba omu nsi n'obu haakuba ahansi-n'obu haakuba ahansi y'ensi, owaabaasa kushuuruura ekyo kitabo, n'obu kwakuba okukireebamu;
4 (Kandi) naarira munonga, ahabw'okutabaho waareebeka ashemereire kushuuruura ekyo kitabo, n'okukireeba(mu).

Hati, “Kandi maraika ow'amaani...” Hati omushororongo gwa 2... ...maraika ow'amaani, naagamba n'eiraka rihango ati: N'oha oshemereire... (oshemereire kukora ki?) N'oha oshemereire kwiha ekyo kitabo,... Hati nitushanga. Ekitabo eki kirahi hati? Kiinwe Mukama waakyo Owaabandize, ahabw'okuba omwana Akakifeerwa, omwana w'okubanza wa Ruhanga, omu ruganda rw'abantu. Kandi ku yaafeereirwe obugabe bwe, kuhurikiza Sitaane, akafeerwa... Akakora ki? Akaikiriza Obwengye bwa Sitaane omu mwanya gw'Ekigambo kya Ruhanga.

-----
Okweta kwa Maraika kukaba kuri okweta kw'Omunyabuzaare Omucunguzi kureebeka. Ruhanga akagira ati, “Nyine ekiragiro; Omunyabuzaare Omucunguzi naabaasa-naabaasa kuba eky'okuza omu mwanya gw'ekindi. Ogwo Munyabuzaare Omucunguzi arahi? N'oha orikubaasa Kukitwara?” Kandi Kikaruga ahari Adamu, kushuumira kimwe kuraba omu ntumwa zoona, na baanabi, kandi n'ebindi byona, kandi tihariho n'omwe owaareebekire. Hati, kandi shi ekyo? “Tihariho n'omwe omu Iguru, tihariho n'omwe omu nsi, tihariho n'omwe orabaireho.” Eliya akaba ayemereire aho. Musa akaba ayemereire aho. Entumwa zoona zikaba zeemereire aho, nari-nari na boona abaabaire bafiire; abashaija abarikwera boona, Yobu, abanyabwengye munonga. Buri omwe akaba ayemereire aho, kandi tihariho n'omwe owaabaire ashemereire nangwa n'okureeba aha Kitabo ekyo, n'obu kwakuba Okukitwara n'okubambuura Obumanyiso. Hati paapa arahi na boona abarikwiziramu? Bishopu waawe arahi? Okuba abashemereire kwaitu kurahi? Turi busha. Ekyo kihikire.

-----
Kwonka, Yohaana “akarira.” Hanu hariho eki ndikuteekateeka ngu kikamuriza. Ahabw'okuba, ku haraabe haabaire hatariho n'omwe owaabaire ashemereire kandi owaabaire naabaasa kushuuruura Ekitabo eki ky'Obucunguzi, ebihangirwe byona bikaba bibuzire. Hanu hariho Ekitabo, hanu hariho ekyapa ky'obwa nyinakyo, kandi Nikiza kuheebwa Omunyabuzaare Omucunguzi oine ebirikubaasiisa. Ekyo n'ekiragiro kya Ruhanga We wenka, kandi Tarikubaasa kushiisha ekiragiro Kye, tarikubaasa kugomera ekiragiro Kye, nimmanyisa. Mwareeba? Ruhanga akeetaagisa Omunyabuzaare Omucunguzi Owaabaire ashemereire, Owaabaire ashemereire kukikora, Owaabaire aine eby'okukikora. Kandi Maraika yaagira ati, “Hati reka Omunyabuzaare Omucunguzi ogwo aije omumaisho.” Kandi Yohaana yaareeba. Kandi yaareeba omu nsi yoona. Akareeba aha nsi y'ensi. Kandi hakaba hatariho n'omwe. Ebihangirwe na buri kimwe kyona bikaba bibuzire. Buzima, Yohaana akarira. Buri kimwe kikaba kibuzire. Okurira kwe tikuramazire bwire kureka edakiika, n'obu kiraabe. Reero aho hakeemereraho omwe aha bakuru, yaagira ati, “Reka kurira, Yohaana.” Oo, mugyenzi! Okurira kwe tikuramazire bwire kureka edakiika. Yohaana akateekateeka ati, “Oo, mugyenzi, Omuntu ogu arahi? Aho heemereireho baanabi; bakazaarwa nk'oku naazairwe. Aho heemereireho abanyabwengye munonga. Aho heemereireho... Oo, tihariho n'omwe hanu?”

-----
Kandi Entare egi ey'omu ruganda rwa Yuda ekasingura. Akagira ati, “Reka kurira, Yohaana. Ahakuba Entare y'omu ruganda rwa Yuda, Ekitsitsa kya Daudi, asingwire. Yaaherize kusingura. Yaakikozire. Kihweire, Yohaana.” Hyu! Oo, oo, mugyenzi! Akareeta ekimaramu rangi ekyohereza ekibi kugarukayo omu ngaro ezirofakaire ezi... n'obwengye bwe, obwakisiisire, omuntu. Eego.

Kwonka Yohaana ku yaahindukire kureeba, akareeba Omwana gw'Entaama. Ka n'Entare y'omutaano! Akagira ati, “Entare esingwire.” Mwareeba, omurundi ogundi, nimbaasa kukikoresa ekyo aho, Ruhanga naayeshereka omu bwanguhi. Akagira ati, “Entare ngigyo.” Egyo niyo mugabe w'enyamaishwa. “Entare esingwire.” Ekirikukirirayo kimwe amaani ekirabeireho n'entare. Mbyamire omu mahamba ga Afrika, kandi naahurira e-entwiga nizinwigiira. Kandi-kandi ey'amaani, egyo enjojo ey'amaani, n'omugobora gwayo guri omu mwanya, “Whi, whi, whi.” Kandi kuhurira a-a-abantu b'omu nsi y'eihamba abari nk'enyamaishwa barikwamuza, n'amaraka gaabo agarikukangaranisa. Kandi e-ebijunjuure, okuhitsya... Kandi Billy Paulo naanye tubyami omu mwanya mukye ogukuzire ogushakaire n'obukurura. Kandi kuhurira, omu mwanya ogwiriireyo, entare neetsinda, na buri kimwe kyona omu nsi y'eihamba kihunama. N'ebijunjuure birekyeraho kunwigiira. Omugabe yaagamba. Oo, oo, oo, oo, mugyenzi! Nimbagambira, obwo nibwo ebigombe by'amadiini n'okubangaanisa birikugwa ahansi. Buri kimwe kiceceka Omugabe ku agamba. Kandi Ogu niwe Mugabe, ekyo n'Ekigambo Kye.

-----
Hati akagira ati, “Entare y'omu ruganda rwa Yuda.” Ahabw'enki okuruga omuri Yuda? “Iwe Yuda, omuhi w'ebiragiro tarikyebeembera, rwagati y'amaju, okuhitsya obu Shiilo eriija. Kwonka Aryaruga omuri Yuda.” “Kandi Entare, akabonero k'oruganda rwa Yuda, asingwire. Asingwire.” Kandi ku yaamagamagire kureeba ahu egyo Ntare yaabaire eri, akareeba Omwana gw'Entaama. Eky'okutangaaza, kusherura Entare kandi okareeba Omwana gw'Entaama. Omukuru akamweta Entare. Kwonka Yohaana ku yaareebire, akareeba Omwana gw'Entaama, “Omwana gw'Entaama naashuusha owaitsirwe okuruga aha kuhangwa kw'ensi.” Omwana gw'Entaama owaitsirwe. Kikaba kiri ki? Ogwo Mwana gw'Entaama gukaba guri ki? Gukaba gwijwireho eshagama, guhutaaziibwe. “Omwana gw'Entaama ogwaitsirwe, kwonka gukagaruka gwaba oguhuriire.” Kandi Akaba aijwireho eshagama. Oo, mugyenzi! Nimubaasa muta kureeba Ekyo, bantu 'mwe, haza mukaguma muri abasiisi?

Omwana gw'Entaama yaarugayo. Omukuru yaagira ati, “Entare esingwire, Entare y'omu ruganda rwa Yuda.” Kandi Yohaana akahinduka kureeba Entare, kandi haija Omwana gw'Entaama, nigutetema, Eshagama eguriho, ebihuta. Akaba yaasingwire. Okaba noobaasa kumanya ngu Akaba arugire omu rugamba. Akaba Yaitsirwe, kwonka akaba agarukire kuba ohuriire.

Yohaana akaba atakeetegyereize Omwana gw'Entaama ogu enyimaho, nimumanya, hanu. Kikaba kitakagambwahoga. Tihaine ahi Kyabaire kyagambirweho. Yohaana tarakireebire, omu Iguru hoona, nk'oku yaabaire naareeba. Kwonka hanu Gwaija. Mwetegyereze ei Gwarugire. Gukaruga nkahi? Gukaruga aha Kitebe ky'Obukama kya Ishe, ahi Yaabaire ashutami kwiha obu Yaitwa kandi akagaruka akazooka. “Akaimuka kandi yaashutama aha mukono gwa buryo gwa Ruhanga, Atuura obutoosha bwona naabeeshengyerereza.” Amiina. Yaimuka okwo, eriizooba, nk'Omutonganirizi, n'Eshagama Ye, kutonganirira obutamanya bw'abantu. Hati, Ogwo niwe nyegamiire. Akaba na hati akishwekirwe ekimaramu rangi, ekimaramu rangi ky'okusaarira ekibi.

-----
Hati mwetegyereze kurungi. Eki n'ekintu eki mushemereire kutunga. Hati, Atwire naakora omurimo Gwe gw'obutonganirizi, naatonganirira omwikiriza. Okumara emyaka enkumi ibiri Akaba ariyo enyima okwo, Omwana gw'Entaama. Hati Naaruga omu Butahwaho, kutwara ekyapa ky'obwa nyinakyo ky'Ekitabo, n'okubambuura Obumanyiso, n'okushuuruura enaama. Ni ryari? Omu bwire bw'aha muheru. Mwakikyenga? [Abateeraine baagira bati, “Amiina.”-Omur.] Ni kirungi, reero obwo nitwija kugumizamu. Hati, bambuura Obumanyiso kandi obaheereze enaama zoona, ahari maraika owa mushanju, ou Obutumwa bwe buri obw'okushuuruura enaama zoona za Ruhanga. Enaama za Ruhanga ziri omu Bumanyiso obu Mushanju. Mwareeba? Ekyo nikyo Yaagambire hanu. Enaama zoona ziri omu Bumanyiso obu Mushanju.

Kandi Omwana gw'Entaama naarugayo hati, kuruga ahakuba Omuteerani wa Ruhanga n'abantu. Naaba Entare. Kandi ku arikuba Entare, Naatwara Ekitabo ekyo. Obwo n'obugabe Bwe. Ruhanga atwire Agiine, enaama egyo, kwonka hati Omwana gw'Entaama naija. Tihariho n'omwe owaakubaasize kutwara Ekitabo ekyo. Kikiri omu ngaro za Ruhanga. Tihariho paapa, omusaserdooti, ou yaakuba ari weena, tibarikubaasa kukiihamu (ngaaha) Ekitabo ekyo. Obumanyiso Mushanju tibukashuurwirwe. Mwareeba? Kwonka ku, Omuteerani, omurimo Gwe ku gurihwa nk'Omutonganirizi, Naarugayo. Kandi Yohaana... Omukuru akagira ati, “Niwe Entare.” Kandi Naarugayo. Mumureebe. Oo, mugyenzi! Mwareeba?

Naarugayo kutwara Ekitabo ekyo, hati mwetegyereze, kushuuruura enaama za Ruhanga, ezi abandi baateebereize, omu busingye obu obw'egombe by'amadiini. Mwareeba, reero, maraika owa mushanju. Ku Ekitabo eki, enaama, ni Ekigambo kya Ruhanga, maraika owa mushanju ashemereire kuba ari nabi, Ekigambo kya Ruhanga kumwizira. Tihariho abasaserdooti, baapaapa, nari ekindi kyona, ekirikubaasa Kukitunga; Ekigambo tikiizira nk'abo. Ekigambo kya Ruhanga kiziira nabi wenka, buriijo.

Malaki 4 akaragaanisa atyo. Kandi ku ariija, aryakwata enaama za Ruhanga, ahu ekanisa yaabaire eyejwangire omu bigombe ebi byona by'amadiini, “Kandi agarure busya okwikiriza kw'abaana kugarukye aha kwa baishebo.” Kandi bwanyima ekifubiro ky'ensi kiije, kandi ensi eyokibwe. Kandi abahikiriire baryashohora baribatiirire eiju ry'ababi, omu kutegyeka kwa Kristo kw'Emyaka Rukumi. Nimukyetegyereza hati? [Abateeraine, “Amiina”-Omur.] Ni kirungi.

Abandi bakaba baateebereizeho, omu busingye bw'ebigombe by'amadiini. Kwonka, mwareeba, naateekwa kuba omushaija ogu, maraika owa mushanju owa... Ekitabo ky'Okushuuruurwa 10:-4 ni... Maraika owa mushanju aine enaama za Ruhanga ezimuhairwe, kandi n'amariiriza enaama zoona ezaatsigirweho, kushuuma kuraba omu busingye bw'ebigombe by'amadiini.

Hati nimubaasa kureeba ahabw'enki ntarikuteera ab'eishe-emwe abari omu bigombe by'amadiini. N'enkora y'ekigombe ky'ediini! Tibarikubaasa, omuribo tihariho kyetengo ky'okugyezaho Kukimanya, ahabw'okuba Kikaba kitarikubaasa kushuuruurwa. Ekyo kiri nk'oku Ekigambo kirikugamba. Bakafa kukiikiriza batyo, baikiriza ngu Kikaba kiriho, kandi ahabw'okwikiriza Baakigyenderamu, kwonka hati Kyorekirwe kyahamibwa. Amiina. Oo, mugyenzi, ka n'Ekya-ka n'Ekyahandiikirwe!

-----
Ebiragiro bya Ruhanga nibikyetaagisa. Niwe Okiine. Ebiragiro bya Ruhanga bikeetaagisa Omunyabuzaare Omucunguzi. Kandi Omwana gw'Entaama yaarugayo, Akiine, “Ndi Omunyabuzaare waabo. Ndi Omucunguzi waabo. Hati ni... Naabatonganiriire, kandi hati Naija kwegarurira obugabe (rights) bwabo.” Amiina. Niwe Ogwo wenka. “Naija kwegarurira obugabe bwabo. Omuri ekyo, baine obugabe ahari buri kintu kyona ekyabuzire omu kugwa, kandi Naashashwire omuhendo.” Oo, ow'eishe-emwe! Whew! Ekyo tikirikureeta okushemererwa omuriiwe? [Abateereine baagamba ngu, “Amiina.”-Omur.] “Ti ahabw'emirimo mirungi ei tukozire, kwonka ahabw'embabazi Ze.” Oo, rindaho edakiika! Kandi abo bakuru n'ebindi byona baatandika kunaga ebirunga byabo ahansi, n'ab'ebitiinisa batandika kugwa aha nsi, mwareeba.

Tihariho n'omwe, tihariho n'omwe owaabaire naabaasa kukikora. Kandi Naagyendera kimwe eruguru aha mukono gwa buryo gwa Ruhanga, kandi yaiha ekyo Kitabo omu mukono Gwe, Kandi yaayegarurira obugabe Bwe. “Mbafeereire. Ndi Omunyabuzaare Omucunguzi waabo. Niinye. Niinye Omuteerani. Eshagama Yangye ekasheesheka. Naabaire Omuntu. Kandi Nkakora eki kugira ngu ngarure egyo Kanisa, egyo ei Naareebire etakabaireho omusingye gw'ensi gutakabaireho. Nkigyendereire. Nkakigamba, nti Kiryabaho. Kandi tihariho n'omwe owaabaire naabaasa Kukiihamu, kwonka Nkashuumayo naakikora, Nyowe nyenka. Niinye Omunyabuzaare waabo. Nkaba omunyabuzaare.” Kandi Yaatwara Ekitabo. Amiina! Oo, N'oha ontegyereize Okwo omwabazyo gw'eriizooba? N'oha Ogwo, kanisa 'mwe, otegyereize Okwo? Ni ki ekindi ekikaabaire kikutegyereize Okwo? Ogwo Munyabuzaare Omucunguzi! Oo, mugyenzi! Ka n'ebigambo ebirikukirayo oburungi, nari ekikorwa!

Hati Aine ekyapa ky'obwa nyinakyo ky'Obucunguzi. Akiine omu mukono Gwe. Okweshengyerereza kuhweire hati. Akiine omu mukono Gwe. Mwijukye, Kituura kiri omu mukono gwa Ruhanga, obutwire bwona, kwonka hati kiri omu mukono gw'Omwana gw'Entaama. Hati mureebe. Ekyapa ky'obwa nyinakyo ky'obucunguzi, ky'ebihangirwe byona, kiri omu mukono Gwe. Kandi Aizire kukyegarurira, nakyo, ahaw'oruganda rw'abantu. Kutari kukyegarurira ahabwa Baamaraika. Kukyegarurira ahabw'oruganda rw'abantu, eki Kyaheereirwe, kubakora batabani na bahara ba Ruhanga omurundi ogundi; kubagarura omu kibanja kya Edeni, buri kintu kyona eki baafeereirwe; ebihangirwe byona, emiti, enyamaishwa, n'ebindi. Oo, mugyenzi! Ekyo tikirikutuma waayehuriramu kurungi?

Read the full account in...
Omwanya oguri Ahagati y’Obusingye Mushanju bw’Ekanisa n’Obumanyiso Mushanju.


Melekizedeki Ogu N’oha?

English Newsletter Site.

Ekitabo
ky'Okushuuruurwa.

Rushozi Sinai. Meriba.
- Archaeology.

Okutwarwa.

Engiri ya Yesu Kristo.
Kristo akafa
ahabw'ebibi byaitu.

Mweteise,
mwena mubatizibwe...

 

Kicu.

Nyomyo y'omuriro.

Ekyo kiro ahari
Gologosa.

Ekigambo ekihuriire.

 

Bwire bw'emperu.
Obushwere n’Okushenda.
Kibanja kya Edeni.
Bikaba bitari
bijuma bya apo.

Obwaruhanga obwa
Yesu Kristo.

Acts of the Prophet.

(English)

Archaeology.
Sodoma na Gomora.

Obumanyiso Mushanju.

Emibonano ya
Babulooni.

Akamanyiso.

Runyakitara Obutumwa.

  Baiburi neegira ngu...

Maraika ogwo, ou naareebire ayemereire aha nyanja n'aha nsi, yaimutsya ahaiguru omukono gwe gwa buryo,

yaarahira Ogwo obaho ebiro byona, owaahangire eiguru n'ensi n'enyanja n'ebirimu byona, ku hataribaho kutuuraho bundi;

kwonka omu biro ebi maraika owa mushanju ariteereramu enzamba ye, enaama ya Ruhanga eryahikiirizibwa, nk'ebigambo ebirungi oku biri ebi yaagambiire abaheereza be baanabi.

Okushuuruurirwa 10:5-7


Ekitabo eki
eky'Obumanyiso
Mushanju
nikishuuruurwa omu
bwire bw'Ebirikuhinda
Mushanju
by'Okushuuruurwa 10.


Click on an image to download PDFs or fullsize picture.


Acts of the Prophet

(PDF English)

Chapter 14
- Sabino Canyon

(PDF English)
Where sword appeared.

Ebyafaayo By’Amagara Gangye.
(PDF)

Oku Maraika Yaizire Ahariinye, Kandi N’okuragiira Kwe.
(PDF)


Message Hub...Choose your Language and download Free Messages from Brother Branham