Ti Anak ti Serpente.
Ti original nga basol.
William Branham.Basaen ti account iti (PDF Ingles)...
The Serpent Seed.Genesis 3:1-7,
1 Tatta ti serpente a kasikapan nga animal kadagiti inaramid ni Apo Dios iti pagtalonan. Sinaludsod ti serpente iti babai, Agpayso kadi nga imbaga ti Dios a dikay mangan iti bunga ti uray ania a kayo iti minuyongan?
2 Mabalinmi ti mangan iti bunga ti uray ania a kayo iti minuyongan, insungbat ti babai.
3 Ngem saanmi a mabalin a kanen ti bunga ti kayo nga adda iti tengnga. No mangankami kano iti bungana wenno uray sagidenmi la koma, mataykami.
4 Saan a pudno dayta, kinuna ti serpente, Saankayo a matay:
5 Kasta ti sao ti Dios ta ammona a no mangankayo iti bunga ti kayo, maaddaankayto iti pannakaawat. Agbalinkayto a kas iti Dios ket maammoanyonto no ania ti naimbag ken ti dakes.
6 Nakita ti babai a napintas ti kayo ken impapanna a nasayaat a kanen ti bungana. Nagsayaat ket ngatan ti agbalin a masirib! kinunana iti nakemna. Nangpuros iti bunga ti kayo sa nangan. Inikkanna met ti asawana ket nangan ti lalaki.
7 Apaman a nakapanganda, naaddaanda iti pannakaawat ket nabigbigda a lamolamoda. Iti kasta, namagsasaipda kadagiti bulong ti kayo nga igos a pinangabbongda iti bagida.Ammoentayo. Tatta, kastoy ti napasamak. Mamatiak, ken mabalinko nga supportaran babaen ti Biblia, ti serpente isu ti nangaramid. Ti serpente isu ti nagbaetan ti chimpanzee ken ti tao a di mabirukan, ‘gapu, dinggenyo, ammoentayo tatta, ti serpent di nga reptilya. Isuna ti kasikapan kadagiti animal ti pagtalonan. Tatta, napanak nagbasbasa tatta nga aldaw iti nadumaduma a dictionaryo tapno ammoek daytoy sao, no anya ti kayatna a saoen ti “kasikapan” a sao. Kayatna a soen “mapagbalin nga nalaing, mapagbalin nga tuso.” Ket ti kangrunaan nga panakaipatarus iti-iti Hebreo nagapu “m-a-h-a-h, mahah” kayatna a saoen “adda ti usto a panakaammona ti prinsipiyo ti biag.”
Tatta, buyaentayo daytoy iti mabait. Nalaing isuna, tuso. Uray pay no kasta naawagan a serpente. Ngem laglagipentayo, isuna ti adda nga kalaingan. Isuna ket kasla a tao kadagiti amin nag animal ti pagtalonan: kaasidgan a kas ti tao. Isuna ket haan nga reptilya. Ti lunod napagbalin kenkuana a reptliya, isuna ket ti... ti Biblia kunana nga isu ti kasikapan amin. Ken uray idi nailunod di nga naawan amin ti kinapintasna, no kitaenatyo ti colour ti uleg ket napintas. Ket ti kinalaeng ket paraburna, uray pay no nailunod di nga naikkat kenkuana. Ngem lagipentayo, ti Dios kinuna nga dagiti saksakana ket maawan ket magna babaen ti buksitna. Ket awan ti masarakan kenkuana nga tulang a kas ti tao. Dayta ti gapuna ti nagadal ti science ket napukawda. Ngem nakitatayo.
Ti Dios inlemmengna kadagiti mata dagiti mamasirib ken nalalaing ket inkarina nga ipakaammona kadagiti an-annakna ti maudi nga ala-aldaw, intono dagitii an-annakna ket maipakitada. Intono dagitoy an-annak ti Dios nga nagragrag-o kenkuana sakbay nga naparsua ti lubong, intono dagitoy naindaklan nga paaltiing ti pankaexplekar ti Dios ken dadduma pay a banbanag maipaay kadagiti an-annakna. Ammotayo ti kasuratan isursurona dayta. Ket tatta immayen kadatayo.
Dayta ti gapuna no apay nga ti Dios ket impakaammona dagitoy kadatayo. Ti Dios iyegna ti an-annakna tapno maipakitada. Napan isuna iti nangatnagto a panakaammo ti siasinoman a tao, manipud kadagiti naispirituan nga paltiiing ket imbabana kadatayo. Di kadi nga insursurotayo daytoy iti Biblia, “Ti asinnoman nga adda panakaammona. “Haan nga ti inadalna ti seminaryo, no di ket no anya ti maadalna no agparintumeng iti sango ti Dios, ken no anya ti makaay-ayo nga ited ti Dios kenkuana: dagiti an-annak ti Dios ket maipakitada.
Daytoy a serpente, Tatta, anya daytoy nga serpente idi. Itedko ko kadakayo iti panangiladawak kenkuana.
Adda iti... Inrugitayo iti tukak inggana iti dayta, ti polliwog, ken dadduma, ken dadduma; ket immaytayo ngarud ti bakes, iti chimpanzee; ket limmagtotayo manipud chimpanzee inggana dimtengtayo ti tao. Ket naburiburantayo no apay. “ngarud,” science kinunada, urayentayo tatta; paanakentayo ti babai babaen ti bakes ken ti bakes babaen ti babai, ti lalaki a tao pagnayonen babaen ti chimpanzee.” Haan nga agbalin. Paanaken ti nagduduma nga animal: haan nga mabalin. Ti dara dida aglaok. Alaem ti darada, ket agsasabali nga talaga. Adda nagdudumaan dagitoy a dara, ket haanda mabirukan ti animal. Oh, hallelujah. Marikriknak ti kina relihiyosok tatta.Ammoentayo, Apay? Ti Dios inlemmengna kadakuada. Awan ti tulang iti uleg a kas iti tulang ti tao. Inyadayo unay ti Dios tapno haan nga madiskobre dagiti nalalaing nga tattao. Ipakitak kadakayo no nagapuanna dayta nasikap a tao, no ayanna- no ayanna ngarud. Kitantayo? Isuna haan a nagapu ti dayta. Maggapu ti iyuumay babaen ti paltiing. “Sika ti Cristo, Anak... iti rabaw daytoy a bato bangonekto ti Iglesiak, ket ti ruangan ti impyerno ket dinto agballigi kenkuana”: naispirituan nga paltiing.
Kasano nga ammo ni Abel ti agidaton ti karnero maisupadi ken Cain nga nagidaton kadagiti prutas ti talon? Naispirituan nga paltiing kenkuana idi. Dimo maala daytoy ti panagadal ti seminaryo. Dimo maala babaen ti denominasiyons. Maalam laeng magapu sadi langit.Tatta, buyaentayo ti serpente, daytoy serpente isuna idi. Iladawantayo man isuna tatta. Maysa isuna naindaklan dakkel nga animal. Isuna ti nagbaetan ti chimpanzee ken ti tao. Ket ti serpente, ti diablo, Lucifer, ammona nga dayta laeng ti dara a mabalin a mailaok iti dara ti tao. Isuna na laeng ti tao nga mangipatungpal iti... di maipatungpal babaen ti chimpanzee. Ti dara di mailaok. Dina nga maipatungpal babaen ti sabali. Dina nga mausar ti karnero. Di nga mabalin ti kabalyo. Di nga mabalin ti anyaman nga animal. Maipatungpalna laeng babaen ti serpente.
Kitaentayo ngarud tatta no anya ti etsurana: Naindaklan nga dakkel nga animal, prehistoric nga higante. Dayta ti nakasarakanda kadagidiay dadakkel nga tultulang, ket ipakitak daytoy ti Biblia. Tatta, sukimatentayo man. Sige. Daytoy naindaklan nga dakkel a animal, kunaentayo-kunaentayo , sangapolo nga dapan ti katayagna, nagdadakkel ti abagana, kasla isuna a tao met. Ket ti darana, kalpasan a bumaba, maipada ti maysa nga animal iti maysa pay...
Mabalinka nga bumallasiw kadagiti animal. Ngumatngato ti darada, nangato a porma ti biag, nangato a porma, inggana nga ngumato a maipada iti tao. Ngem ti maudi a koneksyon ditoy ket naputed. Manu kadakayo ti makaammo nga ti science ket dida mabirukan ti napukaw a nagselpoan? Amin kayo ket ammoyo dayta. Apay? Daytoy isuna, ti serpente.
Isuna daytoy naindaklan nga dakkel a animal. Ket ti diablo bimmaba. Tatta, kinuna, “Mabalinak nga mangted ti inspirasyon.” Tatta, no mapankayo kumita ti babai ken ti garaw dagiti babai, lagipenyo a naanointarankayo ti diablo, no di nga isu ti asawayo. Ammoentayo, Tatta, ti diablo bimmaba ket simrek iti serpente, ket nasarakanna ni Eva idiyay garden ti Eden nga lamolamo. Ket kinasauna maipapan ti prutas iti tengnga, ti “tengnga” kayatna a saoen “nagbaetan” ken dadduma pay. Maawatanyo ta addatayo ti naglalaok nga congregasiyon. Ket kinuna, “Tatta, daytoy ket makaay-ayo. Nasayaat iti mata.”
Anya ti inaramidna? Inrugina na nakirelasiyon kenni Eva. Ket nakikadua kenkuana a kas asawa a lalaki. Ket ni Eva nakitana a makaay-ayo, napanna imbaga ken asawana a lalaki; ngem isuna ket nasikuganen ni Satanas babaen ti serpente. Ket inyanakna ti umuna nga anak a ti naganna ket Cain, ti anak ni Satanas. “Tatta,” kunaim, “di umiso dayta” Ngarud, sukimatentayo no di umiso wenno haan, “ket paginnuraenkayto ti anak ti babai ken ti anak ti serpent.” Anya? Ti anak ti serpente. Adda anak ti babai, ken adda anak ti serpente. “ket rumekenna ti ulom, ket sika sugatem ti mukodna.” Ti “Sugat” idiyay kayatna a saoen “tapno maaramid a pagbayad ti basbasoltayo.”
Tatta, dayta ti anak ti serpente. Tatta, ammoentayo, adtoy rimuaren ti dua a tao. Tatta, daytoy serpente, idi nagtakder idyay... Daytoy naindaklan nga dakkel a higante nagtakder. Nagbasol isuna gapu ti panakimalalana ti asawa ni Adan. Ayan ti basol tatta? Anya ti gapuna no apay a dagiti banbanag ket kasta tatta? (Tatta, sigurado maawatanyo no anya ti kayatko a saoen.)
Ket adtoy isuna. Ket idi naaramidna, kinuna ti Dios, inawaganna daida Eva ken Adan. A kinunana, “lamolamoak.” Ket Kinunana, “Siasino ti nangibaga a lamolamoka?” inrugida a kas ti wagas ti suldado, nagpinnasapasada. Kinuna, “ti baba inga intedmo ti nang-aramid. Isuna ti nanggargari kanyak.” Ket kinuna ti babai, “ti serpente inikkannak ti mansanas.” Sige, sika nga mangaskasaba, panunutem kadi nga usto. Kinuna ti babai, “ti serpente nilokonak.” Ammom kadi ti “niloko” ti kayatna a saoen? Kayatna saoen “namantyaan.” Ti diablo di na innekkan ti babai ti literal a mansanas. “Ti serpente ket minantyaannak.” Ket ti lunod immayen.
Kinunana ti Dios, “Gapu ta dimngegka ti serpente sakbay nga ni asawam, nakaalaka ti biag nagapu ditoy lubong; tatta mapaadu ti panagrigrigatmo, ti panagsikogmo ket maigapu ken ni asawam,” ken dadduma pay. “Gapu ta dimngegka ken ni asawam sakbay kanyak- innalaka ti tapok ti kangatoan nga animal - agsublika iti tapok.”
“Ket sika serpente gapu ti inaramidmo, maawan ti saksakam; babaen ti buksitmo magnaka inggana a malpas ti biagmo. Ket maidadanes kanto, ket ti tapok isu ti taraonmo.” Dita ka ngarud. Isu dayta ti napukaw a di mapagselpo.Tatta, immayen ni Cain. Buyaentayo ti kababalenna. Immay ni Cain, Siasino isuna? Isuna ti nalaing nga agnegosyo. Agtatrabaho ti taltalon: nasirib, kalaingan, relihyoso, napeklan a relihyoso. Kitantayo ti kababalinna tatta. Ikkannak pay mabiit a sumagmamano nga minoto. Rimuar ngarud isuna. Ammona a tao laeng. Kayatna a mapan ti iglesia. Nagpatakder ngarud ti iglesiana, nagaramid ti sacripisyona, inyegna ti idatonna -nagpatakder ti pagidatonanna, inkabilna dagiti sabsabong, inkabilna dagit dagiti prutas a naggapu ti talonna, indatonna ti Dios, ket kinunana, “dagitoy Apo. Ammok nga nangankami kadagit mansanas. Dayta ti gapuna no apay.” (dadduma parehas ti klase ti panakaammoda. Makitatayo ti nagapuanna.) Inyegna dagiti prutas manipud ti taltalon, inkabilna ti pagidatonan, kinuna, “daytoy ti maaramid tapno mangpakawan ti basol.” Kuna ti Dios, “haan nga mansanas.” No di ket babaen ti naispiruan nga paltiing ni Abel ammona nga ti dara. Isunga inyegna ti karnero, nginurungorna ti tengngedna, ket natay; ket kinuna ti Dios, “Dayta ti umiso. Dayta ti naaramid. Gapu ti dara.” (Ammoyo no anya ti dara a kunkunaek.) Sige. Naaramid maigapu ti dara. Tatta, buyaen.
Ket idi ni Cain nakitana ni holly-roller a kabsatna a naawat iti sango ti Dios, ket adu a pagilasinan ken adu a datdatlag ti mapaspasamak idyay, nagimon isuna. Kinuna, “Ipasardengtayo daytoy nga banag tatta met laeng.” Kitaenyo dagiti kakabsatna. Kitaenyo dagiti an-annakna itatta.”Tatta, nalalaingak nga adayo ngem isuna.” Ket nakaunget ngarud isuna. Nagappuanna kadi ti naunget? Kunaem kadi nga ti unget? Pinatayna ni kabsatna. Mamapatay isuna. Maawaganyo kadi ti Dios a mamapatay?
Ket ni Adan anak ti Dios. Ti Biblia ibagbagana nga ni Adan ket anak ti Dios, ti puro nga anak idi un-unana. Ni Adan ket anak ti Dios, ket ti imon ket apal ken dadduma pay ket di naggapu ti puro a burayok. Nagapu iti sabali a lugar. Ket nagapu babaen ken Satanas, mamapatay isuna manipud pay idi. Ti Biblia kinuna idi daytoy: managulbod ken mamapatay isuna idi pagrugyanan. Isuna dayta. Ket pinatayna ti kabsatna. Ket iparparangna ti panakatay ni Cristo. Manipud iti dayta, ‘syempre, Naiyanak ni Seth a nangsukat ken Abel: panakatay, panakaetanem, ken panagungar ni Cristo.
Ket buyaentayo, immayen dagiti higante. Ket ni Cain napan sadyay lugar ti Nod. No ti amana ket naindaklan nga dakkel a higante, anya ngata met ti kadakkel ni Cain? Ti amana. Ket napan ti lugar ti Nod ket innalana ti maysa a babai kadagit kakabsatna. Dayta laeng ti wagas, awan ti sabali nga pagtaudan ti babai, babaen laeng ken Eva. Kinunada nga adda 70 a lalaki ken babai pay nga an-annakda. No awan dagiti babai... Ti Biblia di na inayon dagiti babai idi naiyanakda, dagiti laeng lalaki. Ket idi... No awanen ti babai malaksid ken Eva, idi natayen ti tattao di koma nagtultuloy nga immado. Adda ngarud met ti an-anakda a babai. Ti laeng mabalen nga asawaenna ket ti kabsatna a babai.
Napan sadyay lugar ti Nod ket innalana ti asawana; ket idi inasawa sadyay , isu daytoy ti nakasarakanda kadagiti naindaklan nga dadakkel a higante, nga isuda ti natnag nga an-annak a lallaki ti Dios a nagapu babaen ti amada, ti diablo babaen ken Cain. Dayta ti napukaw a di mapagselpo.Basaen ti account iti...
The Serpent Seed. (PDF Ingles)
