Ayaw Pagsalig Sa Imong Kaugalingong Salabutan.
<< kaniadto
sunod >>
Unsay sayop uban sa Edukasyon?
William Branham.Basaha ang tibuok nga asoy sa...
Ayaw Pagsalig Sa Imong Kaugalingong Salabutan.Mga Panultihon 3:1-6,
Anak ko, ayaw hikalimti ang akong Kasugoan; Apan,pabantayi sa imong kasingkasing ang akong mga sugo: Kay ang kadugayon sa mga adlaw, ug mga tuig sa kinabuhi,Ug pakigdait, sila igadugang kanimo. Ayaw pagpabiyaa kanimo ang kalolot ug kamatuoran: ihigot mo sila sa imong liog: isulat mo sila sa ibabaw sa papan sa imong kasingkasing: Aron ikaw makakaplag sa kalumo ug maayong salabutan. Sa atubangan sa Dios ug tawo. Sumalig ka kang Jehova sa bug-os mong kasingkasing,Ug ayaw pagsalig sa imong kaugalingong salabutan! Sa tanan nimong mga dalan ilha siya, Ug siya magamandu sa imong mga alagianan.Oh, sa akong pagtoo kana maoy labing matahum nga Kasulatan. Karon, mokuha akog usa teksto, nga gikan sa-sa bersiculo 5, "Ayaw Pagsalig Sa imong Kaugalingong Salabutan."
Ug karon, kini maoy u-usa ka talagsaong teksto alang niining adlaw nga atong gipuy-an, tungod kay ang dakung hinungdan karon mao ang pagbutang diha sa edukasyon ug diha sa kaugalingon tang salabutan sa mga butang, sa adlaw sa-sa pagtuon. Apan atong makita dinhi nga kining talagsaong parnahayag, sarna sa ubang mga Kasulatan, kini anaay iyang kaugalingong dapit, ug masaligon ta nga ang Dios motugot kanato sa pagpakakita kung hain ang maong dapit. Niining panahona atong gipatuon ang atong mga kabataan aron makabaton ug salabutan. Ug sa human na sila sa tulonghaan sa grarnatika, atong gipadala sila ngadto sa hataas nga tulonghaan alang sa usa ka labi pang maayong salabutan ug kahibalo. Ug kung makatapus na sila diha, ang ubang mga kabataan bulahan pa gani kay makaadto pa sa coleheyo, ug mopadayon pa sa coleheyo aron paghingpit sa ilang edukasyon ug sa ilang pagpanabot sa kaalam. Unsa bay ilang nakuha... Sa makadaghan aron ta makatrabaho, kinahanglan nga makatapus ka sa taas nga tulonghaan sa salabutan, o kaha usa nga may edukasyon sa coleheyo, kaha sa uban pa.
Ug ngani, gisutlihan ta sa maalarnong si Solomon sa dili pagsalig niini, dili sa atong kaugalingong salabutan; sa dili pagtuon niining mga butanga. Tungod kay mao kini ang nakahibulong kanato nganong miingon siya sa mga butang nga sama niini, tungod kay ang kasagaran sa atong modernong salabutan kasagaran mao ang kaalam sa tawo, nga kasupak sa Pulong sa Dios. Sa akong pagtoo mao kanay hinungdan nga gitambagan ni Solomon ang iyang mga kabataan, dili kay aron mahungog, kondili ang dili pagsalig sa ilang salabutan. Ug nagtoo ako nga usa kini ka maayong panarnbagon karon, kong moingon ta sa atong mga anak ug sa mga anak sa Dios, nga dili daotan ang pagpakaangkon ug edukasyon; walay kasupak niana; apan kung kanang maong edukasyon supak man sa Pulong sa Dios, nan salig sa Pulong ug pasagdi nga mawala ang imong edukasyon (Nakita mo?), tungod sa Pulong. Ug ang edukasyon magpabilin man ug mohatag kanimog usa ka maayong trabaho, tingalig usa ka sukaranan sa mga tawong manggialamon, apan, maayo man kana, kay makatabang man kini kanimo, makatabang kanimo sa salapianon mong kabuhian, makahatag ug usa ka bubintaha nga panginabuhi kanimo.
Apan hinumdumi ang usa ka butang, anak ko, nga mamatay ka baya. Bisan pag pita ka edukasyon ang naangkon mo, ug bisan pag pila ka kultura ang natigum mo, sa gihapon moatubang ka ra sa kamatayon, tungod kay nahisulat man kini, nga ang tawo mamatay gayud, ug human niana mao ang paghukom. Ug ang Dios, samtang... Ang kamatayon dili daotan, apan ang paghiadto sa hukmanan maoy daotan nga bahin. Karon, mahimong mamatay ka, "apan human niana mao na ang paghukom." Ug dili sa Dios paninglon kanimo kung pila ka eskuelahan ang imong naadtoan sa dinhi ka pa sa kalibutan, kung pila ka kaalam ang imong natigum, bisan pag nakaangkon ka sa Batselor sa Arti, o bisan kung unsa pang katakus ang imong naangkon, bisan pa kung ministro. Dili kini maoy pangutan-on kanimo. Apan kini maoy pangutan-on kanimo, kung unsay imong gibuhat bahin sa salabutan sa Pulong sa Dios. Diha niana magagikan ang mga gikinahanglan, tungod kay kana... Ang imong edukasyon, maayo man, apan ang Pulong sa Dios Kinabuhi. "Ang Akong Pulong mao ang Kinabuhi," ug ang pagkasayud Niini mao ang Kinabuhi. Ug Siya, Siya miingon, "lha Siya." Siya mao ang Pulong. Makaila ka lang Kaniya pinaagi sa Pulong, tungod kay Siya mao man ang Pulong. Mao ra kanay bugtong paagi nga makaila ka Kaniya, pinaagi sa Iyang Pulong.
Mahimong adunay moari ug moingon, "Kini mao ang Dios," o kaha "Kana mao ang Dios," o "Kini mao ang Dios," o "Husto kini," ug "Kana maoy husto," apan mobalik ta sa Pulong nga mao ang Kamatuoran. Ug ang Pulong sama ra sa-sa Bituon sa Amihanan; kini maoy tinuod nga bituon. Bisan pag hain mopaingon ang kalibutan, kanang Bituon sa Amihanan anaa ra sa kinauyokan sa kalibutan. Ibutang mo ang imong kompas diha sa Bituon sa Amihanan. Anaa kini kanunay sa kinatung-an sa kalibutan. Ang ubang mga bituon nanaglutaw libot duyog sa kalibutan, apan ang Bituon sa Amihanan nagpabilin rang di matarug. Karon, ang kompas mao ang Espiritu Santo, ug (ang) im-imong ugsok mao ang Bituon sa Amihanan, sa maong paagi ang Espiritu Santo kanunay gayud motudlo paingon sa Pulong. Ang Espiritu Santo gayud modala kanimo sa bisag asa kondili sa Pulong sa Dios lamang. Busa unsaon man sa tawo pagdawat ug usa ka kredo, samtang kini kasupak sa Pulong, ug unya moingon sa gihapon nga nakadawat siya sa Espiritu Santo? Ang Espiritu Santo motudlo kanimo sa pagpahilayo gikan niana. Ang Espiritu Santo maoy gikinahanglan aron maoy motudlo kanimo ngadto sa Pulong, tungod kay Siya mao man ang Pulong. Siya mao ang Pulong, ug mahimo lamang Kini... Maingon sasa magneto diha sa kompas nga gibutang paingon sa Amihanang Pol, mao ra kanay bugtong paagi nga madala kini. Ug kung ang Espiritu Santo mao may Mag-uugmad ug Magsusulat, ug ang magpupukaw sa Pulong, nan unsaon man Niini pagtudlo sa tawo ngadto sa bisag asa gawas sa Pulong?
Busa kung ang usa ka tawo moingon nga nakadawat silag Espiritu Santo, ug unya modawat ug butang nga supak sa Pulong, nagpakita lamang kini nga dili tinuod nga Espiritu Santo ang ilang nadawat. Nakita mo? Mahimong usa kini ka espiritu, dili ako makiglalis niana, apan dili ki-kini mao ang Espiritu Santo ni-ni Cristo. Karon, nasayud kamo, sa daghang mga higayon, magdinawatay sila sa espiritu sa usag usa; ug aron maoy motudlo sa usasarna sa usa ka pundok sa kalalaken-an ngadto sa usa ka butang, apan dili ki-ki-kini motudlo ngadto kang Cristo. Apan ang Espiritu Santo kanunay gayud nga motudlo ngadto kang Cristo, ug si Cristo mao ang Pulong. Atong makita kini sa tin-aw diha sa Biblia. o, mao man ako. Mahimong masayup ako, sa-sa akong paghunahuna, apan dili ako motoo nga mao kini; tungod kay kini, "Ayaw pagsalig sa imong kaugalingong salabutan sa mga butang." Kong magsalig ka sa imong kaugalingong salabutan, nan modulong ka gayud pahilayo gikan sa hustong dalan.. Dili mahimong mosalig ka sa salabutan ni bisan kinsa kung bahin na sa Kinabuhi. Aron mo hikaplagan ang Kinabuhi kinahanglan nga mosalig ka sa Pulong. Kay kana mao ang Kinabuhi.
Nakita ta kini gikan sa sinugdan. Sa tin-aw gipahibalo kini kanato sukad pa sinugdan, nga gihatagan sa Dios sa Iyang Pulong ang Iyang unang pamilya dinhi sa kalibutan aron mabuhi kini. Sa Iyang Pulong lamang, sila mabuhi. Karon, dili mao kanang pagkaon sa pagkaon ug uban pa. Kondili sa Iyang Pulong mabuhi sila sa dayon. Ug samtang ilang tumanon kanang Pulonga, mabuhi sila sa dayon. Apan sa dihang gibalhin ang unang gamayng bahin sa maong Pulong, nabugto ang tibuok kadena, ug ang tawhonong kabuhatan nahulog ngadto sa kamatayon. Nakita mo? Ug karon atong himatikdan si Eva, kinsa sa walay duhaduha usa ka utokan nga tawo; ang matarung nga gikuha gikan kang Adan, nga maomao ang anak sa Dios... Ug si Eva, nianang maong pagkabutang diin wala gayuy sala, walay dapit sa pagpakasala, sa walay duhaduha nagbaton gayud sa kaisipan kung unsa ang Dios. Tungod kay sa matag hapon, siya ug ang iyang bana molakaw man diha sa kabugnaw diha sa tanaman sa kahaponon, ug makigsulti nawong ug nawong uban sa Dios. U-usa ka butang nga dili makatarunganon sa usa ka tawo kinsa nakiglakaw nawong ug nawong kauban sa Dios sa matag adlaw, ug unya modangup sa pangatarungan sa mga butang nga maoy hinungdan sa iyang pagpahilayo gikan sa Pulong sa Dios.
Sa nagbaton pa ta kanila. Sa madali makiglalis sila sa Pulong sa Dios, tapos sa pagpahimutang diha sa Presencia sa Dios. Sa nakita nga ang Pulong sa Dios giwali, ang Pulong sa Dios nga gipadayag, ang mga palahubog ug mga makasasala nanagpanuol sa altar ug nangakabig ug nangabag-ong binuhat diha kang Cristo, mga katawhan nga daot ug kadungganan gihimong mga babaye ug mga lalak; ug unya ang pagtalikud nianang bulahang butang nga miagak kanila niining Kinabuhia, ug unya mobaliktok subay ngadto sa pipila ka matang sa kredo aron mahimong labi pang dungganon o-o aron mahisakop nianang ilang gitawag nga labing maayong matang sa katawhan. Aha, mahisakop ka sa labing maayong matang kay sa anaa diha: mga anak sa Dios nga lalake ug babaye. Tan-awa, labi pang moangay ako nianang mga katawhan kay sa pagpakig-uban sa tanang mga hari ug mga halangdon, ug sa uban. Ihatag kanako kanang mapaubsanong panon sa katawhan, kong dili sila makaila sa ilang too gikan sa wala. Basta lamang kay makaila sila sa Dios, ug nahigugma Kaniya ug mialagad Kaniya, kay mao kana ang mga bahindianon sa langit alang kanako. Oo, sir.
Karon, atong makita nga si Eva dali rang nadani ni Satanas gikan sa Pulong sa Dios, ug misalig siya sa iyang kaugalingong salabutan, tungod kay dihay usa ka butang nga gitugyan ni Satanas ngadto kaniya nga wala sa iyang tinuod nga pagpanabot sa Dios. Hinonoa dihay iyang gibatonan nga gisulti kaniya sa kaaway, nga si Satanas, ug mipatoo siya niini. Karon, atong nakita ang linugdangan niini. Kini maoy naghatud sa tibuok kabuhatan ngadto sa kamatayon, tungod kay ang unang inahan dinhi sa kalibutan misalig man sa iyang kaugalingong salabutan, nga supak sa Pulong sa Dios, ug miangin sa tibuok tawhonong kabuhatan ngadto sa kamatayon. Karon, motoo ba kamo niana? Mao kana ang Pulong. Nan, ang babaye mao kanunay ang... Ang iglesia diha sa Biblia gihulagway ngadto sa babaye. Ug ang iglesia karon modawat na sa nagkalainlaing mga kalagdaan o mga kredo, ug miangin sa tibuok congregasyon sa pagkahimulag gikan sa Dios. Kanang mga katawhan kinsa misagop nianang mga butanga nga ilis sa Pulong sa Dios nahisama ra kang Eva. Ug gibalikbalik kini pagbuhat sa makadaghan, hangtud nga kining tibuok kaliwatan naangin sa pagpahilayo gikan sa Pulong sa Dios.
Ug sa dihang gihimong dayag ang Pulong, sa gibutyag ang Pulong, dili sila modawat Niini, tungod kay sila dili man mobuhat niini, tungod kay nagsalig man sila sa ilang kaugalingong salabutan. "Kining simbahan nga gitukod dinhi. Usa kini ka matahum nga dapit. Usa kini ka dakung kapunongan. Nahisakop kini sa usa ka dakung katilingban sa mga katawhan. Nganong wala man ta mahisakop niana? Misalig ako niini." Ayaw pagsalig sa inyong kaugalingong salabutan, kondili salig sa Pulong sa Ginoo. Karon, sa katapusan misangko gayud kini sa kamatayon sa tanang mga linalang, sumala sa akong giingon, nga sama ra kini karon, ngadto sa daghang mga katawhan kinsa nagsalig sa ilang kaugalingong salabutan, sa ilang mga kalagdaan ug mga kredo, ug uban pa, nga nanag-angkon, nga "Ang Pulong sa Dios dili tanan tinuod, nga ang uban Niini dinihogan ug ang uban dili." Unsaon mo man pagtoo sa Biblia, kong ang uban Niini linamdagan ug ang uban niini dili? Kong ang usa-kong ang usa ka pulong sayup, nan ang kinatibuk-ang butang mahimong sayup. Kinahanglan nga husto gayud ang tanan, husto kaayo.
Ug ang uban pa niining gitawag nga binalit-ad nga pagpanudlo sa mga tulonghaan sa Biblia sa kaalam sa tawo, gipangdugang, ug unya manahiusa sila ug magbutang ug usa ka hunta sa mga katawhan, ug moingon, "Karon, paminaw, kong bahin sa mga adlaw sa mga milagro, kini alang iamang sa mga apostoles." Ug daghang mga kalalaken-an gimbut-an sa obispo o sa kadagkuan, ang atua didto ug moingon, "Hinuon, kong uyonan ko siya, siguro gayud ipahihina ako sunod sa iyang katungdanan." Tan-awa, ug unya magsalig ka na sa imong kaugalingong salabutan, inay nga mobarug unta sa inyong duha ka tiil alang sa Pulong sa Dios. Mao kanay nagdala niining mga butanga.
Sa milabayng panahon, dihay tawo... Samtang nakiglantugi ako bahin sa bulohisan. Ug giingnan nila ako, nga nagaingon, "Aha, ang imong mga piniyalan dili lain kondili mga pahoy, maoy akong pagtoo." Gitubag ko, nga "Kong anaa man akoy piniyalan diha sa hunta, nga nagbaton ug lahi nga panghunahuna, ug dili makabarug, ug (dili ko tagdon bisan kung kinsay nagsulti niini) magpahayag sa iyang kaugalingong panglantaw bahin niini, nan palagpoton ko siya gikan sa hunta." Oo, sir. Bisan pa kung kini kasupak sa akong pagtoo, gusto ko nga iyang ipahayag kung unsay iyang gihunahuna nga maayo. Mao kanay akong tuyo nga gibutang ko siya diha, nakita mo ba kung unsay iyang gisulti bahin niini. Apan nagbaton ta niana.
Himatikdi, nga si Jesus nag-ingon diha sa San Juan 10, "Ang Akong camero nakaila sa Akong Tingog. Ang Akong Tingog gikapamatud-an na kanila nga maoy tinuod. Giparnatud-an na Kini nga kana maoy Akong Tingog." Karon, ug karon, himatikdi, kay wala sila itugyan sa pagsunod sa laing tingog. Dili gayud. "Ang Akong camero nakaila sa Akong Tingog, ug sa langyaw sila dili mosunod." Sa laing pagkasulti, dili sila makasabot sa usa ka tiyolohikanhong tingog nga nanudlo supak sa Pulong. Ang camero dili makasabot niana maingon sa agila, sa miaging gab ii, nga makasabot sa kakak sa himungaan. Dili gayud sila makasabot niini, tungod kay agila man siya. Ug sama ra niana ang usa ka tinuod nga natawo pag-usab nga anak sa Dios, mao ray ilang hisabtan ang mga butang nga iya sa Dios. Karon, mahimong may moingon, "Nan, karon paminaw, kini maoy mahimo mong buhaton, nagtoo ko. Kini, tungod kay nagtoo ko nga dili niining paagiha. Nagtoo ako nga ang mga adlaw sa mga milagro nangagi na. Dili ako motoo nga kana usa ka Langitnong kaayohan. Dili ako motoo niini." Karon, ang usa ka tinuod nga natawo pag-usab nga Cristohanon, dili kana mopabilin sa iyang mga dalunggan; tungod kay dili gayud siya makasabot niini. Ug unsaon man sa usa ka tawo nga nagtoo sa Dios, ug makabasa sa Biblia ng makakita nga Siya mao sa gihapon kagahapon, karon, ug hangtud sa kahangturan, ang pagdawat nianang mga butanga, dili ako makasabot niini.
Busa dili gayud sila magsalig sa ilang kaugalingong salabutan.
Basaha ang tibuok nga asoy sa...
Ayaw Pagsalig Sa Imong Kaugalingong Salabutan.
Kaminyoon ug
