Ang Dios nagtabil diha kang Jesus.

William Branham.

Basaha ang tibuok nga asoy sa...
Ang pagbukas sa tabil sa Dios.

Karon, ang akong hilisgutan niining kabuntagon mao ang pagpadayag kon pagbukas sa tabil sa Dios. Ang Dios sa kanunay, sa matag kapanahonan, nagtago sa luyo sa tabil: sa tanang kapanahonan. Apan Siya Dios sa tanang panahon. Nakita ninyo? Apan Siya nagtago sa Iyang Kaugalingon gikan sa kalibutan, ug nagpadayag sa Iyang Kaugalingon ngadto sa Iyang mga pinili, sama sa mga apostoles niadtong adlawa. Karon, kana mao ang Dios namulong sa sulod ni Cristo.

Si Moises usa niana ka higayon nagtinguha nga makita ang Dios, ug ang Dios nagsulti kaniya sa pagtindog sa ibabaw sa bato. Ug sa ibabaw sa bato si Moises mitindog, ug siya nakakita sa Dios nga milabay, ug ang Iyang likod tan-awon sama sa likod sa usa ka tawo. Ang Dios anaa diha sa alimpulos, ug ang Dios, samtang si Moises nagtindog ibabaw sa bato... Ako nagtoo nga kamong tanan nakakita sa hulagway didto sa miaging adlaw; kami mitindog nianang mao ra nga bato. Ug ania dinhi kanang Kahayag, ang Manulonda sa Ginoo anaa didto diin Kini milagapak, nagatindog... Kini anaa sa butanganan sa pahibalo didto karon pag-usab.

Matikdi, si Jehova sa Daan nga Tugon mao ang Jesus sa Bag-ong Tugon. Nakita ninyo? Siya ang mao ra nga Dios, nag-usab lamang sa Iyang dagway.

----
Kung inyong namatikdan dinhi sa Mga Taga-Filipos siya miingon, “Wala maghunahuna niini nga butang pagailogan, apan misagop sa dagway sa tawo...” Karon, ang Griegong pinulongan didto alang nianang dagway, akong gipangita kini sa tibook adlaw kagahapon, naninguha sa paghunahuna kung unsa kini, akong nakaplagan, nga nagagikan niining pulong “en morphe.” Mao kini ang paglitok sa titik e-n m-o-r-p-h-e. akong gipangita sa Griego kung unsa ang “en morphe”... Tingali ako kining malitok nga sayup, apan akong... Ang hinungdan akong gilitok sa titik kini, kung sa dihang ang teyp mapagawas, ang katawhan unya, ang mga eskolar mahibalo unsa ang akong-akong ipasabut mahitungod niini. Siya... Sa dihang ang “en morphe”... Kana nagpasabut nga “Siya nag-usab sa Iyang Kaugalingon.” Siya- Siya mikanaug. Karon ang Griegong pinulongan didto nagpasabut nga “usa ka butang nga dili gayud makita, apan bisan pa niana kini anaa diha, ug unya kini nag-usab, ug ang mata makahimo nga makakita niini.” Nakita ninyo?

----
Ug mao kana ang Dios. Siya nagausab sa Iyang Kaugalingon gikan- gikan sa usa ka Haligi sa Kalayo ngadto sa pagkahimo nga usa ka tawo; unya nagausab sa Iyang Kaugalingon gikan niana balik sa Espiritu pag-usab, aron Siya makahimo sa pagpuyo diha sa tawo: ang Dios naglihok diha sa sulod sa Tawo, diha sa sulod sa Tawo, diha sa sulod sa Tawo. Mao kana Siya. Siya nagausab gikan sa Haligi sa Kalayo, ug unya mianhi, nga mao ang tabil sa kamingawan nga nagtago sa Dios gikan sa Israel. Si Moises nakakita sa porma sa Iyang lawas, apan sa tinuoray Siya nagtago sa tanang panahon sa luyo niining Haligi sa Kalayo, nga mao ang Logos nga migula gikan sa Dios. Karon, atong makaplagan dinhi, karon, sukad sa Pentecostes ang Dios naglihok diha sa tawo, kon naglihok- karon Siya naglihok pinaagi sa tawo. Nakita ninyo? Siya naglihok diha sa usa ka Tawo: si Jesus. Karon, Siya naglihok pinaagi sa usa ka tawo nga Iyang gipili alang niining katuyoan. Ang Dios diha sa dagway sa tawo, Siya nag-usab sa Iyang Kaugalingon gikan sa- sa usa- sa Dios ngadto sa dagway sa tawo.

----
Karon, matikdi, karon ingon sa Iyang pag-anhi, kinahanglan moanhi Siya ingon nga Anak sa tawo, tungod kay ang balaang Kasulatan nag-ingon niana nga Siya mao kana, ang Dios magapatindog ug usa ka Profeta ngadto kanila. Busa Siya dili makaanhi nga magtawag sa Iyang kaugalingon nga Anak sa Dios, tungod kay kini dili pa mao kanang hugna. Siya mao ang Anak sa tawo nga nagprofesiya aron pagtuman ug sa pagpadayag ngadto kanila sa tanang mga butang nga nahitabo diha sa tipo kung unsa Siya. Unya siya mianhi dinhi sa yuta ingon nga Anak sa tawo.

----
Ang Dios, diha sa tawo, naghaw-as sa Iyang kaugalingon. Sa Joel 2:28, atong makita nga Siya miingon, “Ug igabubo ko sa kaulahiang mga adlaw ang Akong Espiritu.” Karon, kung inyong namatikdan ang pulong didto, ang Griego nga pulong... Ako mahimong masayup niini, apan ang usa nga akong nakita... Kinahanglan inyong bantayan ang mga pulong.

Ang Eningles usahay duha ang kahulogan. Sama lamang sa pulong, kita moingon, “dios.” Ang Dios nagbuhat sa mga langit ug yuta, Genesis 1. Apan karon, diha sa Biblia Kini nag-ingon, “Sa sinugdan ang Elohim, gitawag kini sa Eningles nga ”dios,“ apan kini sa tinuoray dili si Elohim. Bisan unsang butang mahimong dios ngadto- ang pulong ”dios“; mahimo ninyong himoon nga dios ang debolto; mahimo ninyong himoon nga dios ang piano; mahimo ninyong himoon ang bisan unsang butang nga usa ka dios. Apan kini dili mao diha sa pulong “Elohim”; kini nagkahulogan “Ang bugtong nagalungtad sa kinaugalingon.” Nakita ninyo? Kanang piano dili mahimong naglungtad sa kinaugalingon. Busa ang Pulong “Elohim” nagkahulogan “Siya nga sa kanunay nagalungtad.” “Dios” mahimo nga nagkahulogan nga bisan unsang butang. Nakita ninyo ang kalainan diha sa pulong?

Karon, sa dihang Kini nag-ingon dinhi nga Siya naghaw-as sa Iyang kaugalingon kon gihuwad, karon, kita maghunahuna sama niini, nga Siya “misuka,” ang Eningles nga pulong sa “paghaw-as kon paghuwad gikan Kaniya (Nakita ninyo?), usa ka butang migula gikan Kaniya nga lahi gikan Kaniya.” Apan ang pulong nga “Kenos,” diha sa Griego, wala magkahulogan nga Siya “misuka,” kon ubang- ang Iyang bukton nalagpot, kon ang Iyang mata miadto sa laing tawo.

Mao kana, Siya nag-usab sa Iyang kaugalingon; Siya “nagbubo sa Iyang kaugalingon ngadto,” (Amen!), ngadto sa laing maskara, ngadto sa laing dagway; dili laing persona migula gikan Kaniya nga gitawag Espiritu Santo, apan Kini mao Siya sa Iyang kaugalingon. Nakuha ba ninyo kini? Siya sa Iyang kaugalingon mibubo sa Iyang kaugalingon ngadto sa katawhan: si Cristo diha kaninyo. Pagka matahum gayud, pagkahibulongan nga palandongon, ang Dios mibubo sa Iyang kaugalingon ngadto sa tawhanong nilalang, ngadto sa magtotoo: gibubo. Kini usa ka bahin sa iyang drama sa pagbuhat sa ingon. Ang Dios, ang tibook Kahupnganan, ang tibook pagka-Dios sa pagkalawas anaa diha niining Persona nga si Jesu-Cristo. Siya Dios ug bugtong Dios lamang, dili ikatulo nga persona, kon ikaduha nga persona, kon nahauna nga persona; apan ang Persona, ang Dios nagtabil diha sa tawhanon nga lawas.

1 Timoteo 3:16: “Ug dili malalis nga daku gayud ang tinago sa atong tinoohan; kay ang D-i-o-s, Elohim...” Daku nga letrang D-i-o-s, diha sa Biblia naghisgut kini balik, bisan kinsa, kini naghisgut ngadto diha sa orihinal, Kini miingon, “Elohim. Sa sinugdan si Elohim... (Nakita ninyo?) Ug si Elohim... Ug dili malalis daku gayud ang tinago ni Elohim; kay si Elohim nahimong unod, ug atong nakuptan Siya.” Si Elohim nagtabil diha sa tawhanong unod, ang dakung Jehova nga naglangkub sa tanang kawanangan, panahon, ug bisan asa, nahimong tawo. Atong nakuptan Siya: si Elohim. “Sa sinugdan si Elohim... ug si Elohim nahimong unod, ug mipuyo uban kanato.”

----
Kinsa man kining gamhanan nga Persona nga dili makita? Kinsa man Kini nga nakita ni Abraham sa mga panan-awon? Dayon sa katapusan, bisan Siya nagpadayag sa unod, sa wala moabut ang anak, ang Dios sa Iyang kaugalingon mitungha kang Abraham diha sa dagway sa tawo, sa katapusan sa panahon, nagpadayag. Siya nakakita Kaniya diha sa gamayng Kahayag usa niana ka panahon; siya nakakita Kaniya diha sa mga panan-awon; siya nakadungog sa Iyang tingog, daghang mga pinadayag; apan sa wala pa ang gisaad nga anak, Siya nakakita Kaniya sa dagway sa usa ka tawo, ug nakigsulti Kaniya, ug mipakaon Kaniya ug pagkaon ug mipainom. Nakita ninyo? Matikdi, ang Dios nagtabil diha sa tawhanong unod.

Mao kini ang kabahin sa Iyang pamaagi. Mao kini ang paagi nga Siya magpadayag sa Iyang kaugalingon nganhi kanato, magpadayag sa walay katapusang Pulong, ang Dios, si Jehova nahimong unod. Sama sa San Juan 1, “Sa sinugdan mao na ang Pulong, ug ang Pulong kauban sa Dios, ug ang... Sa sinugdan mao si Elohim, ug si Elohim nahimong Pulong, ug ang Pulong mao si Elohim. Ug ang Pulong nahimong Elohim.” Nakita ninyo? Kini mao ra nga butang, gibutyag lamang.

Sama sa kinaiya (Nakita ninyo?), kini anaa sa Dios. Ang kinaiya mao kanang inyong hunahuna. Ang Dios sa sinugdan, ang Walay Katapusan, Siya dili pa usa ka Dios. Siya mao ang Walay Katapusan. Siya dili pa usa ka Dios; ang Dios mao ang hingtungdan nga pagasimbahon, kon ingon niana. Nakita ninyo? Busa Siya dili pa ingon niana. Siya si Elohim, ang Walay Katapusan. Apan diha Kaniya anaa ang mga hunahuna; buot Niyang mahimong lawasnon. Ug unsa ang Iyang gibuhat? Ug misulti Siya ug usa ka Pulong, ug ang Pulong nahimong lawasnon. Mao kana ang kinatibok-an nga hulagway gikan sa Genesis ngadto sa Pinadayag. Walay bisan unsang sayup. Kini mao si Elohim nagpakalawasnon aron Siya mahikap, mabati. Ug sa milenyum didto adunay Elohim nga molingkod sa trono (Amen. Tinuod kana.) uban sa tanan Niyang mga ginsakopan nga nagalibot Kaniya nga Iyang gipili nang daan sa wala pa matukod ang kalibutan.

----
Matikdi, sa tibook nga mga kapanahonan, ang maong paagi, pinaagi sa Iyang mga profeta Siya nagpadayag sa Iyang kaugalingon. Sila dili eksakto nga mga profeta; sila mga dios. Siya miingon. Kay unsa ang ilang gipamulong mao ang Pulong sa Dios. Sila mao ang mga unod nga ang Dios nagtabil sa sulod. Sila mga dios. Si Jesus miingon, sa Iyang kaugalingon, miingon kung, “Nganong hukman man ninyo Ako sa dihang Ako misulti nga Ako ang Anak sa Dios, ug ang inyong kaugalingon nga balaod nag-ingon kanila nga ang Pulong sa Ginoo miabut kanila gitawag ug mga dios?” Nakita ninyo?

Busa mao kini ang Dios diha sa dagway sa tawo nga gitawag ug profeta. Nakita ninyo? Ug ang Pulong sa Ginoo miabut ngadto niining tawo, busa kini dili ang profeta; ang profeta mao ang tabil, apan ang Pulong mao ang Dios. Ang pulong sa tawo dili molihok sama niana. Nakita ninyo unsay buot nakong ipasabot? Kini dili makalihok nianang paagiha. Apan sa kahimtang kini mao ang Dios. Nakita ninyo, Siya mao ang Pulong sa Dios diha sa dagway sa tawo, nga gitawag “usa ka tawo.” Matikdi, Siya dili gayud mag-usab sa Iyang kinaiya, sa Iyang porma lamang. Mga Taga-Hebreohanon 13:8, nag-ingon Siya mao sa gihapon kagahapon, karon, ug hangtud sa kahangturan. Busa Siya wala mag-usab sa Iyang kinaiya sa dihang Siya mianhi. Siya sa kanunay profeta, hangtud sa tanang kapanahonan, maora nga butang, ang Pulong, ang Pulong, ang Pulong, ang Pulong. Nakita ninyo? Dili Niya mausab ang Iyang kinaiya, apan Iyang giusab ang Iyang kahimtang. Mga Taga-Hebreohanon 13:8, nag-ingon Siya mao sa gihapon kagahapon, karon, ug hangtud sa kahangturan. Siya nag-usab lamang sa Iyang maskara.

----
Ang Dios nagpasalipod diha kang Jesus aron sa pagbuhat sa bulohaton sa pagtubos diha sa krus... Ang Dios dili mamatay ingon nga Espiritu; Siya ang Walay Katapusan. Apan kinahanglan magsuot Siya ug maskara ug buhaton ang kabahin sa kamatayon. Siya namatay , apan Siya dili makahimo niini diha sa Iyang pagka-Dios nga kahimtang. Siya kinahanglan magbuhat niini diha sa kahimtang sa Anak. Unya sa dihang Siya mibalik sa Pentecostes, Siya mao ang Anak sa Dios pag-usab. Inyo bang nakita ang buot nako nga ipasabut? Nakuha ninyo ang ideya? Siya mao...

----
Siya nagtabil diha sa usa ka tawo, ingon nga Siya sa kanunay may tabil. Apan Siya tinabilan ngadto kanila; Siya anaa sa Iyang tawhonon nga templo. Ang Dios anaa diha sa tawhonon nga templo. Karon, pag-amping sa tinuod; karon Siya mao sa gihapon kagahapon, karon, ug hangtud sa kahangturan. Nakita ninyo? Ang Dios nagtabil, nagtago sa Iyang kaugalingon gikan sa kalibutan, nagtabil diha sa tawhonong linalang... Nakita ninyo?

Ania ang Dios, kadtong mga Griego nga miingon “Buot kaming makigkita Kaniya,” ug si Jesus miingon, “Ang lugas sa trigo kinahanglan mahulog ug mamatay.” Kinahanglan mamatay kamo sa tanan ninyong mga pangagpas. Kinahanglan nga mahigawas kamo sa inyong kaugalingon nga mga hunahuna. Sama niadtong mga tinunan, sila dili makasaysay mahitungod sa pagkaon sa Iyang lawas ug- ug pag-inom sa Iyang Dugo; apan (Nakita ninyo?) sila nangamatay ngadto niadtong mga butanga. Sila namatay ngadto sa usa ka baruganan; sila namatay ngadto kang Cristo. Bisan unsa ang Iyang ginabuhat, kon unsa ka pilde tan-awon Siya, sila sa gihapon mitoo niini bisan unsaon. Nakita ninyo? Ilang nakita diha nianang Tawo, ang usa ka Tawo nga mikaon, miinom, nangisda, natulog, ug tanang butang pa, natawo dinhi niining kalibutan, ug nakig-uban kanila, nakigsulti kanila, nagsuot ug sapot sama sa uban kanila, apan mao kana ang Dios.

----
Sa Daang Tugon ang Dios natago sa dihang Siya anaa sa Iyang lingkuranan sa kalooy-sa lingkuranan sa kalooy pinaagi sa usa ka tabil. Sa daan Tugon ang Dios anaa sa Iyang templo. Apan ang katawhan mosulod ug mosimba sama niini; apan hinumdomi, dunay usa ka tabil (Amen.) nga nagtago sa Dios. Sila nasayud nga ang Dios anaa didto. Sila dili makakita Kaniya. Kanang Haligi sa Kalayo wala na gayud magpakita pa didto. Inyo bang namatikdan? Walay usa ka higayon diha sa Kasulatan, gikan sa panahon nga ang Haligi sa Kalayo misulod luyo nianang tabil, nga Kini mipakita pagusab hangtud Kini miabut gikan kang Jesu-Cristo. Ang Dios may tabil. Sa dihang mibarug Siya dinhi sa kalibutan, Siya miingon, “Ako gikan sa Dios ug Ako mobalik ngadto sa Dios.” Unya si Pablo (human sa Iyang kamatayon, paglubong, ug pagkabanhaw), sa iyang dalan paingon sa Damascus, didto anaa na usab ang Haligi sa Kalayo. Unsa man kini? Migula gikan sa luyo sa tabil. Himaya sa Dios. Siya gikan sa luyo sa tabil.

Karon, Siya didto sa luyo sa unsa? Panit nga tabil (Nakita ninyo?), panit sa mananap, luyo sa tabil. Ug sa diha nga ang tabil nagisi sa adlaw sa paglansang sa krus, ang tabil nga diin Siya giputos nagisi sa adlaw sa paglansang sa krus, ang tibook lingkuranan sa kalooy nakita na. Karon, ang Judio dili makasabut giunsa nianang Dios nga malooy sa usa ka makasasala, mahugaw nga katawhan nga sama kanato. Apan sila dili makakita niining Usa Kinsa mihatag ug kalooy, tungod kay Siya natago. Siya anaa sa luyo sa lingkuranan sa kalooy sa sulod, uban sa mga panit sa mananap nga gibitay, nagsalipod Kaniya.

Kaniadto, kung- kung siya... Kaniadto, kung bisan kinsang tawo mosulod sa luyo nianang tabil, kini mamatay sa hinanali. Amen. Oh, kita makakuha ug usa ka pagtulonan dinhi karong taudtaud (Nakita ninyo?), kung kamo- kung kamo makahimo sa pagdawat Niini. Sa pagsulod sa luyo sa mga panit, bisan ang usa sa sa mga anak sa sacerdote nagsulay sa pagbuhat niini usa niana ka higayon ug namatay. Ayaw pagsulod sa luyo nianang tabil. Ang tawo nga misulod sa luyo... Ngano? Wala pay katubsanan diha niana. Kini palaabuton; kini usa pa lamang ka paabuton; ug bisan unsang butang nga paabuton dili mao ang tinuod nga butang pa (Nakita ninyo?), paabuton pa lamang. Kini mao ang katubsanan. Ang sala gitabunan lang, wala gikalimtan- gikuha, diay, wala gikuha. Ang “Pagkuha” mao ang “gibulagan ug gisalikway.” Ug busa ang dugo sa karnero ug mga kanding dili makahimo niana, busa si Jehova natago sa luyo sa usa ka tabil. Karon, likod sa luyo niining tabil diin Siya natago, sa pagsulod ngadto niana, ang tawo mamatay nga malukapa sa pagsulay sa pagsulod ngadto niini.

Apan sukad sa Pentecostes, sukad sa paglansang sa krus, sa diha kanang tabil nagisi gikan sa itaas paingon sa ubos, alang nianang kaliwatan... Si Jesus mao kanang Dios, nga may tabil. Ug sa dihang Siya namatay sa Kalbaryo, ang Dios nagpadala ug kalayo ug kilat ug naggisi nianang tabil gikan sa itaas paingon sa ubos, nga ang kinatibok-an sa lingkuranan sa kalooy nakita sa dayag. Apan hilabihan ang ilang pagkabuta aron makakita niini. Ingon sa gisulti ni Moises dinhi, si Pablo miingon, sa pagbasa kang Moises, “Sa dihang magabasa kang Moises, kanang tabil anaa pa gihapon sa ilang kasingkasing.” Oh, igsoong lalake, igsoong babaye, mao kana ang gibuhat sa mga Judio sa dihang ang tabil nagisi ug nagpakita sa Dios diha sa dayag, apan dili sila makakita Niini.

----
Ang walay tabil nga Dios, gipakita sa dayag, makita unta nila Siya nga mibarug didto. Bisan niana Siya yano ra kaayo; Siya usa ka ordinaryo nga Tawo. Sila dili makakita Niini. Nakita ninyo, didto mibarug ang usa ka Tawo. “Ah,” sila miingon, “kining tawhana, unsa nga tunghaan Siya gikan?” Apan hinumdomi, sa dihang kanang bangkaw miigo sa Iyang lawas, kanang Espiritu mibiya Kaniya, ang mga bato sa halaran sa templo nangabungkag, ug ang kilat mihapak sa templo ug migisi sa tabil. Unsa man kini? Didto ang ilang Dios nagbitay didto sa Kalbaryo, ug sila buta kaayo aron makakita niini. Nagdala Kaniya diha sa dayag nga talan-awon, ug sa gihapon sila dili makakita Niini. Sila gibutaan. Ang Dios, nagtabil diha sa usa ka tawhonong nilalang.

Basaha ang tibuok nga asoy sa...
Ang pagbukas sa tabil sa Dios.

Ug dili malalis nga daku gayud ang tinago sa atong tinoohan: Ang Dios nadayag diha sa lawas, nahimatud-an nga matarung diha sa Espiritu, nakita sa mga manolunda, giwali sa taliwala sa kanasuran, gitoohan dinhi sa kalibutan, gibayaw ngadto sa himaya.

1 Timoteo 3:16